الفصل الثالث و الثلاثون
- ها عملتى ايه يا سما ؟
سالتها هدى و هى تجلس امامها
- أبداً ولا حاجه قالتها سما فى احباط
- يعنى ايه متكلمتيش الدكتور ادهم و قولتيله طيب ليه مَش احنا اتفقنا
- اتصلت حضرتك بالتليفون وسمعت كلامك ردت عليا الهانم مراته و قالتلى انه مشغول و هيكلمنى اول ما يفضى
- ازاى يعنى طيب اتصلىً بيه ثانى
- حاولت بس التليفون اغلب الوقت مقفول
- و هاتعملى ايه ؟
- ولا حاجه يا هدى يعنى عايزانى اعمل ايه اذا كنت كلمته و هو حتى مَش مهتم يرد عليا دا غير انه مَش بيتصل او يسال اصلا على ولادهً و علطول مشغول انا مَش هاحرج نفسى ثانى يا هدى كفايه كده بقى كل واحد عنده كرامه بصى انا هاتصرف على اد ما ربنا يقدرنى و خلاص و هو حر مع اولاده
- ايوه بس يا سما لترد هى بعصبيه و غضب
هدى من فضلك كفايه انا مَش حابه انى اتكلم فى الموضوع ده ثانى ثم تلين لهجتها و هى تقول
بس ممكن نتكلم فى موضوع ثانى اهم
- زى ايه مَش فاهمه
- انا هاقولك شوفى يا ستى ....
- ها يا لارا ماما فاقت ولا لِسَّه سالها مازن بلهفه بينما تابع حمزه الحديث باهتمام
- لِسَّه بس هى بتتقلب على السرير وواضح انها هاتفوق قريب ان شاء الله بس الحمد لل. تنفسها بقى احسن كثير و لونها اتحسن
احنا كنّا فين
- طيب سبتيها ليه مكنتى تقعدى معاها عشان نعرف اول ما تفوق
انا قلت اطلب اكل عشان نأكلها اول ما تصحى الدكتور قال ان التغذيه مهمه جدا ليرن جرس الباب فيعقد كل منهم حاجبيه و يسال حمزه
يا ترى مين؟ ليفتح و يجد رجل يحمل مجموعه اكياس
اتفضل
أيه ده ؟
الاكل اللى حضراتكم طلبتوه
ايوه بس احنا مطلبناش حاجه قالها مازن فى دهشه
الدكتوره اتصلت و عملت أوردر بالحاجات دى و طلبت اننا نوصلها على العنوان ده لينظر له للحظه ثم يسأله
- طيب شكرًا الحساب كام من فضلك ؟
ليمد هو يده بالأكياس و هو يقول
- لا يا فندم الحساب مدفوع و البقشيش كمان عن اذنك
مين يا مازن ؟
دى ماما سما عمرها ما بتنسى حاجه تخصنا ابدا ربنا ما يحرمنا منها
لتفتح هى الاكياس و هى تبتسم و تقول
الله اكل حلو اوى و فيه شوربه كمان انا هاروح اشوف ماما كده يمكن تقدر تاكل حاجه و الاكل سخن
استنى احنا جايين معاكى ....
انتى بتقولى ايه يا سما نطقتها هدى فى دهشه واستنكار
انا مَش مصدقه انك قعدتى معاه و سمعتى منه الكلام ده كله لا و بتتكلمى معايا فى الموضوع ده كمان
طيب و دى فيها ايه يا هدى ؟
- لا فيها كثير
- طيب افهمً
- انا يا سما اتجوز بعد المرحوم عصام وًكمان لِسَّه معدتش عليه حاجه و اجيب زوج ام لاولادى
- اولا دا أب مَش زوج ام ثانيا طيب و ليه لا حازم انسان كويس و محترم و ظروفه مناسبه و بيحب ولادك و هاتعيشى معاه سعيده و بعدين غير ده كله بيحبك و انتىًمش هاتعيشى عمرك اللى جاى ده كله كده يا هدى
- بيحبنى ازاى يا سما هو احنا نعرف بعض من امتى
- مَش مهم الزمن المهم طريقه كلامه عنك نظره عنيه و بعدين هو كمان ثم تصمت لتسالها ببعض الاهتمام
- ايه هو قالك انه بيحبنى لتبتسم و هى تجيب
- طيب ما انتى بتسالى اه و حابه انك تعرفى يعنى مهتمه
- عادى يعنى مجرد سؤال و بعدين طبيعى انى اسال او يكون عندى فضول اى حد فى مكانى كان هيسال و يهتم
- عموما ايوه هو فعلا عنده مشاعر من ناحيتك المهم انتى
- انا ايه يا سما انا ارمله و ام و عندىًًلاد عايزه اربيهم و انتى عارفه لولا هما انا كنت هاموت بعد عصام الله يرحمه
- و دا يعنى معناه انك مَش انسانه
- لا بس الحب و المشاعر مَش من حقى
- مين قال بالعكس الحب هيسعد حياتك و يخليكى تعيشى و بعدين اولادك محتاجين أب يا هدى صدقينى
- طيب ما انتى زيى يا سما و حالك من حالى مفكرش فيكى انتى ليه لا و كمان وسطك بينا و خصوصا انكم كُنتُم يعنى ثم صمتت و قد ادركت انها بذلك تجرح صديقتها دون سبب لتبتسم الاخرى فى رقه و قد ادركت مخاوفها
- تقصدى اننا كنّا مرتبطين ببعض قبل كده و ان انا كمان عندى ولاد وظروفىً مناسبه لظروف حازم برضه و كمان كان بينا ارتباط رسمى فى يوم من الايام مَش كده لم تجبها و انًما نظرت لها بتردد لتبتسم و هى تقول لها
- بصى يا هدى حازم انسان ذكى و جد و عملى كمان و من الصعب انه يبوح بمشاعره بسهوله و كونه اختارنى انا عشان أتدخل اقدر اقولك انه كان قاصد. ه و ان الموضوع كان مَش بالصدفه
- يعنى ايه مَش فاهمه
-!يعنى هو عارف لا متاكد انى انا اكيد حكيت ليكى عن العلاقه اللى كانت تربطنا ببعض قبل كده او ان انتى عندك خلفيه عن الموضوع قبل كده و طبعا لانه مهتم هايفهم إحساسك و مشاعرك و عشان كدهً حب انه يثبت لكى و بأسلوب عملى اننا مَش اكثر من اخوات و أصدقاء دلوقتى و ان مفيش فى حياته غيرك انتى يا دودو لتشعر بالخجل و يتلون وجهها و هى تطرق الى الارض بابتسامه و قد شعرت بالراحه من من حديثها هذا
- ها يا دودو نقول مبروك لترفع راسها و قد عاودها عنادها
- برضه يا سما انا لتقاطعها
هدى انتى عارفه انا بحبك اد ايه و عمرى ما هاحاول انى افرض حاجه عليكى و لا أجبرك بس انا بقولك فكرىً ادى قلبكً و نفسك فرصه افرحى و خلى ولادك كمان يفرحوا و يعيشوا انتى تستحقى ده و اكثر و انتى صبر كثير ووالله حازم انسان طيب و يستاهل يعنى ان شاء الله هيكون نعم الزوج و نعم الأب ها قولتى ايه ؟
- ايوه بس
- خلاص بقى يا دودو اقول مبروك و اكلم حازم ييجى يشرب معايا فنجان قهوه بصفتى والد العروسه
لتضحك الاخرى فى مرح و هى تنظر لها
دا انتى أب طيب و زى القمر و الله حازم ده محظوظ لتضحك الاخرى و هى تجيبها
- لا بعد الكلمتين دول و الضحكه الحلوه دى احنا ان شاء الله هانشرب شربات مَش قهوه
- و بعدين معاكى يا سما الله نطقتها هدى فى عتاب
- ربنا يتمم لك علىًهير يا حبيبتى ....
مضت عده ايام لم تاتى بجديد على ابطالنا حتى كان ذات يومً
- صباح الخير يا ماما
- مازن صباح الخير يا حبيبى
- ها ازيك النهارده
- انا الحمد لله بقيت احسن كثير احنا كنّا فين تعرف يا مازن عدىًعليا وقت كنت فاكره انه خلاص انتهيت و ان مَش هايعدى اليوم عليا بس الحمد لله كفايه اهتمامكم و حبكم ليا ثم تدمع عيناها فى حزن
- انا مكنتش عارفه و لا حاسه انتوا بتحبونى اد ايه الا الوقت و لا كنت مقدره النعمه اللى ربِنَا أدها ليا سامحنى يا ابنى سامحونى كلكم عشان خاطرى
- انا سامحتك من زمان يا ماما كلنا سامحناكى و بنحبك احنا مهما كان حته منك بس
لتنظر له فى دهشه
- بس ايه ؟
- بس يا ماما زى ما احنا بنحبك و سامحنا فى حقنا اللىًكانً فيه انسانه ثانيه احنا بنحبها اتظلمت معانا و احنا كنّا سبب فى ظلمها ده و دفعت الثمن من عمرها و حياتها و مع ذلك قلبها الكبير لما لجانا ليها خلاها ماتترددش لحظه و ساعدتنا هى الوحيده اللى مدت لنا ايديها و فتحت لنا قلبها و بيتها و لحد دلوقت بتضحى و تساعد من غير ما تنتظر منا اى مقابل
لتنظر له فى حزن و مراره و تسالهً و كانها تجيب على نفسها
- سما مَش كده ؟
- ايوه يا ماما انتى عارفه أتعمل و بيتعمل فيها ايه وا نا و اخواتى عارفين و بصراحه ضميرنا مَش مرتاح لكل اللى حصل و بيحصل و كنّا هانحكى لها الحقيقه كلها و نخليها هى تقرر هاتعمل ايه وًخصوصا اننا كنّا عارفين و قاعدين فى بيتها ده بس انتى تعبتى فجاه و احتجتى اهتمام و علاج و كالعاده ملقناش حد يساعدنا غيرها و عشان كده سكتنا
- تقصد ايه يا مازن مَش فاهمه
- انتى عارفه انتى كُنتُى تعبانه ازاى و العلاج مكلف جدا و رصيدك فى البنك ثم صمت بإحراج لتسأله فى صدمه
يعنى سماً هى اللى ساعدتنىً و صرفت كمان على علاجى ثم ابتسمت فى مراره و هى تحدث نفسها
ياه يا سما لِسَّه بتثبتى ليا انا اد ايه ثم تعض على شفتيها بقهر وان انتى احسن منى و انى واحده... ثم نظرت الى ابنها ثم اكملت و كانها ترثى نفسها
انتى من دون كل الناس اللى تعمل كده و كأن ربنا بيثبت ليا هو اد ايه منتقم و عادل بس لا يا سما انا لازم ارد ليكى حاجه من اللىً عملتيها و اثبت لكى وًلنفسى ان الدنيا لِسَّه فيها خير و ان ممكن الانسان احيانا يفوق و يتوب ثم تنظر الى ابنها
ماز ن
- ايوه يا ماما
- انا عايزاك تكلم ابوك دلوقت و تطلب منه انه ييجى النهارده لا دلوقت حالاً انا لازم اتكلم معاه وضرورى
- ايوه يا ماما بس
- ايه مَش هايقبل انه يكلمنى او يقابلنى احتمال برضه بعد كل اللى حصل قلى هو عرف حاجه من اللى حصلت يعنى هو يعرف انى تعبانه انتوا قلتوا له
لا يا ماما بصراحه خفنا من شيرى هانم لتكدبنا و تقول اننا احنا و سما بنتامر عليها و مكنش عندنا اى دليل و كمان مكناش عايزين نفتح الموضوع القديم مكناش عارفين رد فعل بابا او سما هيكون ايه لو عرفوا بصراحه سما كانت اكثر واحده هتتجرح لتنظر له فى حزن و تقول
تعرف يا مازن لو انا هايدى بتاعه زمان كان ممكن انى اخطط انها تعرف و استمتع انى اشوفها بتتالم انا كنت انسانه ثانيه و الشر كان عامينى عنكم و عن كل اللى حواليا لينظر اليها فى حرج و يكمل
بصراحه احنا ضميرنا كان بيعذبنا اننا خبينا على سما كل اللى حصل و سمعناه بس مقدرناش نقولها ان امنا ثم صمت لكن لما جينا هنا اتفقنا اننا مَش هانقدر نخبى عليها اكثر من كده بس حصل اللى حصل و انتى تعبتى و كلنا خفنا نتكلم
خلاص يا حبيبى انا فاهمه و مقدره و عارفه انا كنت ازاى و عرضتكم معايا لإيه بس اوعدك ان كل ده هايتغير و النهارده
- صحيح يا ماما سالها بفرحه
- ايوه يا مازن انا لاز م اعمل حاجه قبل ما اقابل وجه كريم انا حاسه ان اخرتى قربت و خايفه و مَش عارفه هاقول لربنا ايه
-بعد الشر عنك متقوليش كده عشان خاطرى احنا محتاجينك معانا و جنبنا يا ماما لتبتسم له
- خلاص يا حبيبى انا اسفه المهم انا كويسه دلوقت اطمن و طمن اخواتك
- طيب استريحى و متتعبيش نفسك و احنا هنكون هنا معاكى و جنبك و اذا كان على سما احنا هنكلمها و نقنعها تيجى و تسمعك و هى قلبها طيب و...
ظل انا واثقه من ده لكن لا انا لازم اقابل ادهم الاول و أكلمه مازن ارجوك اتصل بيه و قله ييجى ضرورى قبل ما يفوت الاوان
- انا مَش فاهم حاجه يا ماما انتى ليه مصممه تقابليه هًًو بعدين الموضوع مَش مستعجل
لترد فى مراره
- انت مَش فاهم حاجه يا مازن انا لا ز م اتحرك و اعمل حاجه قبل ما ناس ملهاش ذنب تتأذى بسببى و بسبب جشعى و طمعى انا و شيرى
- تقصدى ايه يا ماما انا مَش فاهم
- مازن عشان خاطرى انا كلم ابوك و خليه ييجى و انت و هو هاتفهموا كل حاجه بس يا رب ما اكون اتاخرت
- حاضر يا ماما ليرفع الهاتف و يتصل بيه
- ها رد عليك ؟ ليهز راْسه نافياً
- التليفون مقفول و محوله للبريد الصوتى
- خليك وراه يا مازن لحددما يرد و خليه ييجى اعمل معروف
- طيب يا ماما حاضر ليخرج من الغرفه وهو يستشعر قلق من مجهول لا يعرفه ....بينما تتنهد هى فى الم و خوف و تقول
- جيب العواقب سليمه يا رب مَش عشانى انا عشانهم هما....
- انت الدكتو ادهم
رفع رأيه اليهم فى دهشه و هو ينظر الى مجموعه الرجال التى اقتحمت مكتبه بالمستشفى فجاه تتبعهم السكرتيرهً و هى تحاول ان تمنعهم و تعتذر
- انا اسفه يا فندم بس هىا دخلوا فجاه وانا مقدرتش ليقاطعها الرجل برسميه
- اتفضل معانا و من غير شوشره
- انتوا مين اصلا و ازاى دخلتوا كده و من غير ميعاد و اتفضل معاكم على فين؟
- حضرتك مطلوب القبض عليك شهقت السكرتيرهً فى خوف بينما نظر هو اليهم فى صدمه
- انا حضرتك اكيد غلطان مَش ممكن مَش معقول طيب ليه ؟
- انا مَش مسموح ليا انى اجاوب حضرتكً ممكن تتفضل معايا دلوقت بهدوء و هتعرف كل حاجه فى النيابه
- نيابه طيب ليه ؟
- دكتور لو سمحت
- طيب ممكن حضرتك تتفضل و انا اخرج وراك دى مستشفى محترم و
ليشير الظابط الى المرافقين ان يسبقوه ثم يقول
- اتفضل
لينظر ادهم الى السكرتير ه و يسألها
- هو الاستاذ ....المحامى فى المكتب
- مَش عارفه يا فندم بس هاسأل
- طيب كلميه و قولى له على اللى حصل و انه يحصلنى على النيابه ضرورى هو اكيد فيه غلط بس
ليخرج معهم ويشير الضابط الى السياره التى تنتظر
- هو مَش ممكن نروح بعربيتى حضرتك انا دكتور محترم و مَش هاهرب يعنى و بعدين اكيد الموضوع ليقاطعه الضابط
- انا اسف يا دكتور بس دى تعليمات و كفايه انى قدرت الظروف محطتش الكلبش فى أيد حضرتك لينظر له فى صدمه و بجيب
- هى حصلت طيب اتفضل ليركب فى الخلف مع مجموعه من الرجال و هو يسال نفسه فى صدمه و حيره عما يحدث سؤال لم يجد له اجابه .....
- الحقينا يا دكتوره
- انت فيه ايه اتكلم
- مصيبه و حطت علىً دماغنا كلنا لتجيبه فى عصبيه
- بقولك ايه انا مَش ناقصاك اتكلم علطول
- احنا اكتشفنا و كل حاجه ضاعت
- ازاى مَش فاهمه حصل ايه ؟
- حظنا ان الشركه إياها بعتت مع الشحنه كونتينر فيه مجموعه مستلزمات طبيه مستعمله زى العاده اصل كان فيه تعاقد مع مجموعه من المستشفيات الحكوميه لتوريد و تركيب فلاتر غسيل كلوى و انابيب و حاجات كده و للاسف ربنا وعدنا بدكتور عنده ضمير و مصحصح اكثر من اللازم شك فى الموضوع و التصاريح و الموافقات رغم ان كل حاجه كانت مضبوطه وتمام بس يا سبحان الله و لما عرف مكنش قدامنا غير اننا نواجهه و نتفق معاه هو عمل نفسه معانا و سجل موضوع الرشوه صوت و صوره لتسأله فى غضب وخوف
- و انت كنت معاهم و بتكلمنى فى التليفون عادى كده يا حيوان
- الله طيب و ليه الغلط ده هو ده جزاتى انى لما حصل اللى حصل قلت اتصل بيكى و أحذرك عموما انا اللى غلطان و بعدين انا مكنتش معاهم اصلا و لا اتفقت معاهم على حاجه سبحان الله حاجه كده قالت ليا انى ابعد وقتها لتسأله فى ارتياح
- يعنى محدش يعرف انك ليقاطعها
- لا يا دكتوره بس مَش ده المهم المهم ان اللجنه اللى فحصت ووافقت على المستلزمات كانت نفس لجنه الأجهزه
- يا نهار اسود نطقتها هى فى صدمه و عصبيه
- ايوه يا دكتوره و طبعا بعد ما راجعوا كل التفاصيل لان الشحنه واحده شكلوا لجنه ثانيه من وزاره الصحه لفحص الأجهزه و عرفوا كل حاجه و المصيبه ان الأجهزه دى المفروض انها تتكهن لانها احتمال تكون ملوثه بفيروس الكبد و الأيدز طبعا الدنيا كلها مقلوبه و اعتقد انهم بلغوا دلوقت النيابه لم تجبه للحظه
- ايه يا دكتوره انتى لِسَّه معايا
- ايوه بس كنت بافكر
- فى ايه ؟
- فى التطورات الجديده اللى حصلت
- طيب و هانعمل ايه ؟
- ولا حاجه ....أدهشه إجابتها الهادئه الواقفه
- ازاى يعنى مَش فاهم بقولك. زمان اللجنه بلغت النيابه و لتقاطعه فى صوت هادىء
-فى مين ؟
- يعنى ايه ؟
- خليك معايا هو مين المسئول عن الأجهزه دى مين اللى فحص و مضى على الاوراق و اتفق مع الشركه و كان عارف كل البلاوى دى بس فضل المكسب السريع و الحرام ليفهم مقصدها و يكمل
تقصدى لتضحك فى جذل و تجيب
طبعا اقصد انسان جشع و معندوش ضمير حرام انى اقول عنه انسان اصلاً انا اتصدمت فيه زىًما الناس كلها هاتتصدم كنت فاكره انى اتجوزت دكتور و انسان بس يا خساره
- ايوه بس ده جوزك و بعدين تفتكرى انه هايسكت و مَش هايقول الحقيقه
- طيب ما يقول و احنا مالنا احنا نعرف الموضوع ده منين لا شفنا و لا مضينا على ور قه احنا ناس إشراف ملهمش ذنب
- طيب و الدكتور ؟
- يستلقى هو وعده بقى اللى بيشيل قربه مخرومه بيستحمل عموما انا خلاص زهقت منه و من أرفه و كن ناويه انى اسيبه بس شوف بقى ربنا يلا اهى جت على اهون سبب
- طيب و انا ؟
- انت تختفى خالص و ماتظهرش خالص لحد ما التحقيقات تنتهى و كمان اكيد هيكون فى تحقيق فى النقابه يعنى من الأفضل انك تسافر لفترهً كده لانك همزه الوصل الوحيده و ممكن يدوروا عليك
- ايوه بس
- اسمع اللى بقولك عليه و عموما كله بثمنه عدى عليا بعد شويه فى .... عشان تاخد حقك بس زى ما قلت لك تاخد الفلوس و تغور فى داهيه مشوفتش وشك ثانى أبدا والا
- خلاص يا دكتوره اللى تشوفيه طالما هاتقبضينى انا تحت امرك
طيب يلا انا مستنياك ثم تغلق الخط و هى تفكر و تحدث نفسها و تنظر الى صوره له امامها و هى تبتسم
- تصدق انت صعبت عليا يا دكتور ادهم بس برضه انت اللى عملت فى نفسك كده يلا حظك و نصيبك انا كان عندى امل نعمل صفقه كمان او اثنين بس يلا الحمد لله على كده عموما انا كنت زهقت منك و من ولادك و منها هى كمان و..... ثم عقدت حاجبيها و هى تبتسم فى تفكير
- هى و الله فكره لترفع سماعه الهاتف و تتصل برقم
- ايوه محطه ... انا عندى معلومات مهمه عن صفقه للمتاجرة بارواح الشعب بطلها دكتور مشهور بيتآجر فى ارواح مرضاه و دكتوره و كاتبه معروفه بتدعى المبادىء و المثل العليا وًهى شريكه فى اكبر عمليه متاجره بارواح الشعب و صحته تعرف حضرتك مستشفى .... الجديده اللى بيعلنوا عنها و اللى هى تمتلك اكثر من نصفها الموضوع و ما فيه ان ..... لتغلق الخط بعد فتره و هى تضحك بشراسه و حقد و تقول
- اما نشوف يا دكتوره انتى ولا شيرى ور ينى بقى هاتخرجى منً الحكايه دى كلها ازاى و حتى اذا خرجتى منها بعدها مَش هاتخرجى سليمه ابدا انتى انتهيتى يا سما و انا هأفضل هنا لحد ما اشوف و اسمع نهايه الحكايه .....
