Poem For You

(30) Paasa O Pag-Asa

Title: Paasa o Pag-asa
✍@atingbitterkyut
Dedicated to: Rosyl Jhoy Lorenzo

Pa(g)-asa ba?
Pa(g)-asa ba maituturing ang mga pinapakita mo
Hindi sinasadya na nahuhulog unti-unti ang puso ko
Na sa t'wing nar'yan ka parang nayayanig ang aking mundo
Kakaiba nga talaga kapag sadyang tinamaan ka, nakakatuliro

Pa(g)-asa nga ba?
Palagi kang nasa tabi kahit 'di naman kailangan
Mahirap pigilin ang nararamdaman, ako'y nahihirapan
Bakit ka ba kasi gan'yan? Ano nga ba ang nararamdaman?
Ka-ibigan o isang kaibigan, pakilinaw ako'y naguguluhan

Pa(g)-asa ba talaga?
Malabong usapan, magulong ugnayan
Nais kong maintindihan sapagkat ma'y nararamdaman
Patulong naman-sabihin mo naman para maintindihan
Gusto kong malaman-kabolahan o kabuluhan

Paasa o pag-asa, alin ba talaga?
Mauuwi ba sa tayo?-ikaw at ako ba
Ako ba'y lalayo na-mahal kita o mahal mo'y iba
Mga tanong na naghihintay ng sagot mula sa 'yo
Sagot na maaring ikatuwa o ikangawa ko mismo

Bakit may umaasa-nagbibigay pag-asa
'Di magkaintindihan kung ano, bakit o para saan ba talaga
Hanggang maari linawin ang nadarama
Mahirap kasi na masaktan at magpakatanga