Poem For You

(44) Kamatayan

Title: Kamatayan
✍@atingbitterkyut
Dedicated to: Mae Garcia Monteflco

Lahat tayo hahantong sa dulo
Kung saan walang ikaw at ako
Walang halaga ang pagiging tayo
Walang makakasama kundi sarili mo

Ang dulo na kinakatakutan ko
Ang dulo na kinaiinisan ko
Ang dulo na iniiyakan ko
Ang kamatayan na iniiwasan mo

Ano nga bang nakakatakot dito
Mas nakakatakot pang mabuhay sa mundo
Sari-saring problemang kakaharapin mo
At mga 'di inaasahang pangyayari na mararanasan mo

Natatakot lang naman tayo sa ideyang hindi mo nagawa ang nais mo
Hindi mo nasuklian ang pagmamahal ng taong nasa paligid mo
Lalo na 'yong makalimutan na nila na minsan nabuhay ka at naging tao
Nakakatakot lang na mamatay mag-isa at ililibing ka sa lupa na tinatapakan mo

Kaya habang nabubuhay ka pa, gawin mo ang gusto mo
Kung ano nagpapasaya sayo, sundin mo ang nasa puso mo
Hanggat wala kang tinatapakang tao, ipagpatuloy mo
Dahil ang buhay 'di mo alam kung kailan kukunin sa 'yo