Slide

Chapter 8: Image

UMUPO SI BREE sa hinandang seat para sa kanya sa studio na iyon. Inimbita siya sa pang-hapong showbiz talk show na iyon para na rin mai-promote niya ang pelikulang The Rightful One. May pag-aalangan sa kanyang ngiti. Hindi pa siya naige-guest kasi ng solo para sa isang interview, at mas lalong hindi pa niya nararanasang maimbitahan sa mismong show ng sikat na host na si Frenchie Toraya na French Talk. Nagbeso-beso sila ng may katabaang host. Kahit na ganoon pa ang size ni Frenchie Toraya, hindi maikakaila ni Bree na maganda ito. Hindi lang basta mahal ng camera ang features nito, dahil kahit sa personal, maganda at makinis ang babae. May katarayan nga lang ang pagkakatikwas ng mga kilay nito at pagiging tsinita.

Nasa background nila ang choreographed na palakpakan ng audience. Naroon din ang presensya ng naka-attend na mga miyembro ng kanyang fans club na Bree-lliance, kung saan Bree-lliant o Bree-lliants ang tawag sa member. Sila rin ang dahilan kaya hindi nagkadaupang palad si Bree at Frenchie sa backstage o dressing room. Kasama niya kasi si Manager Ken na nag-encourage sa kanya na puntahan niya ang mga fans para makapag-take ng pictures at kamustahan na rin.

Habang nakangiti ngayon kay Frenchie, pakiramdam ni Bree ay nanginginig sa pagkamanhid ang panga at mga labi niya kakangiti. She secretly scolded herself.

Kapag ginagamit mo 'yang panga at labi mo kay Virgo, wala kang reklamo, pagkatapos ay nakaramdam siya ng pagkairita na naman dahil sa pambibitin ng lalaki sa kanya.

Hindi nakakatuwa. Hindi.

Bree broke away from her cheek to cheek with Frenchie. Frenchie smiled at her sweetly, lifting her softly blushing cheeks. Halos magmistulang diyosa ito sa isang Renaissance painting dahil sa loose curls na istilo ng brown nitong buhok.

"Oh, my God, Bree, you are really gorgeous! You'll definitely make this afternoon sizzle, right, Bree-lliants?"

Lumikha iyon ng sigawan, tilian at pag-cheer mula sa kinauupuan ng kanyang mga fans. Pumalakpak lang ang iba roon na ordinaryong audience lamang.

"That's so nice of you," ngiti lang niya kay Frenchie.

Medyo kinakabahan siya dahil hindi pa siya kinukutuban kung pine-peke lang ba siya ng babae o hindi. Iyon ang unang-una niyang inoobserbahan sa bawat taong nakakakilala. If they were just being fake nice or genuine.

Takot na kasi siyang umasa at maniwala na mabuti ang tingin ng isang tao sa kanya. Ayaw niyang mangyari na naman iyon. Kahit na paulit-ulit na siyang naloko noon, naniniwala pa rin si Bree na magiging successful din siya sa pag-iwas sa ganoong klase ng mga tao.

They would not hurt her feelings again. Not again. What Miss Jill did to her recently won't happen ever again.

She would not let anyone do that to her again.

"Take a seat," anito.

Kaya ngayon, heto at nakaupo na siya at nasa kalagitnaan ng interview. Hindi niya nagawang itago ang gulat nang matapos ang batian ay tinanong agad siya ni Frenchie kung kamusta ang naging career journey niya.

Frenchie enumerated some of the movies where she starred as extras or had supporting roles. For some reason, it made her feel really humbled.

Napayuko siya saglit. "It had been a really long journey, Frenchie," sagot niya rito. "Can you see? I'm already in my thirties, at ngayon lang ako nabigyan ng ganito kalaking break."

Mapang-unawang tumango-tango ito. "Honestly, you're right. Simula nung mapanood kita sa Milagro, I am already wondering kung paanong hindi ka nabigyan ng big break after that. Like Divinagracia."

She felt a pang in her chest. Ibang aktres ang orihinal na gumanap sa papel na Divinagracia ngunit ang imahe na ni Krista ang awtomatikong nakaukit sa kanyang isip kapag nababanggit iyon.