Slide

Chapter 59: Free Virgo

BAGO LUMABAS NG SILID, nakita ni Virgo sa eyehole ng pinto na nakasilip doon ang isa sa kanyang mga PSG— ang mismong lalaki na inutusan niyang bumili ng pampatagal na mga tableta. Iritado niyang binuksan ang pinto, nag-iisip kung paano malulusutan ang kahaharaping gulo. Tiyak niya na magre-report din ang lalaki kay Jordan.

Natatakot siya sa kung ano ang maaaring gawin ng pinsan kay Bree kapag nabalitaan ito. Nagagalit na rin siya kahit wala pa itong ginagawa sa babae.

This should be the best time to talk to Bree. After sex, she was absolutely feeling tired and had no choice but to listen to him. Hindi tulad kanina na away ang hanap nito. He had been keeping an eye on her for years at hindi nakaligtas sa kaalaman niya ang mga gulo at away na pinapasukan ng dalaga. Alam niya na gagawa at gagawa ito ng paraan para kontrahin siya tulad ng ginagawa nito kay Krista. Kaya nga nagtagal ng taon ang away ng dalawa, hindi ba? Dahil alam ni Virgo na kapag sa tingin ni Bree ay wala itong ginagawang masama, she would not let her enemy convince her otherwise— nor let them talk too.

Yet, although he could keep the door locked, walk back to Bree and explain, he chose not to. Sa oras na malaman ni Bree ang sitwasyon niya, lalong hindi lalayo ang dalaga. Lalo lang ito makikisali sa gulo, at iyon ang ayaw niyang mangyari.

He just wanted her far from him... and safe.

And let him handle this by himself.

Pagbukas niya ng pinto, hindi na naapuhap pa ni Virgo ang sasabihin.

Lumagpas sa lalaki ang tingin niya at nasilayan ang dahan-dahang paglapit ni Marco mula sa likuran nito. Bihis na ang lalaki ng itim nitong pantalon at polo.

"Presidente," bati naman sa kanya ng PSG, "paanong nandito kayo sa kwarto ni Boss—"

The man let out a grunt before he dropped after Marco's strong blow at the side of his head.

Tumalim ang mga mata niya rito, naging alerto ang nakakuyom na mga kamao.

"Ano ang ginawa mo sa kanya?" anas ni Virgo rito.

Puno na ng kaseryosohan ang mukha nito. Iba'ng iba doon sa lalaking masigla kung makabati at gusto ng selfie.

"Baka may makakita sa atin dito, Presidente," mababa nitong sagot. "Ang mabuti pa, sa loob ng silid ko natin ito pag-usapan."

Lumipat ang mga mata niya sa nakabulagta nang gwardiya.

Pinanood ni Virgo ang pagbuhat ni Marco sa lalaki at dinala iyon sa silid nito na katapat lang ng suite nila Jordan. Hindi na siya nagtaka nang makita sa carpeted na sahig niyon na nakadapa rin si Greg. No wonder no one was left there to guard him.

"Ako nga pala si Marco Meneses," harap sa kanya ng binata nang maibaba ang PSG na buhat sa tabi ni Greg sa sahig. "Isa sa mga tauhan ng Buenos Mafios."

Nagbalik kay Virgo ang lahat, lalo na ang tila pagpapasaring ng binata noong nag-selfie sila na taga-Good Hands Security Agency ito.

"Tulad ng hinabilin mo sa Big Boss, nung i-hire ako ng Manager ni Miss Bree, heto at sinimulan ko na ang pagsunod sa mga instruksyon."

"Kung ganoon, bakit dinala mo siya rito?" he hissed. "Nilalapit mo sa peligro si Bree!"

"Mainam na rin na makita mong umuusad na ang mga plano, Presidente. Ang bawat tawag kasi namin, dumadaan pa kay Jordan. Mukhang kahit cellphone mo, hindi mo maitago sa kanya. Kaya hinayaan ko siyang pumunta rito, para na rin makalapit ako sa iyo."

"I am not going to lie, they planned this very well," kalma na niya. "I can't believe I am being a hostage here. Thank you for taking this risk just to inform me. Pero sa susunod, huwag na huwag mo na ulit gagamitin si Bree at ilalagay ang kaligtasan niya sa malaking risk!"