اسكريبتات انتٍ لي وحدي

"ليس من السهل أن تجد بطل روايتك .. واقع ! "

طبعا بما اني مبنزلش روايات حاليا ولا حاجه فقولت اجرب رزقي ف الاسكريبتات بقي وربنا يستر😂🤦🏻 المعاد مش محدد الصراحه

رركضت اليه وهي تصرخ :

—معااااذ معااااااذ

استقبلها بحاجبين معقودين وهو يقول :

—مالك ياختي اتكهربتي

—انا وقعت ف حاله حب هييييح

قالتها بهيام دقق بها باستغراب ثم امسكها من ملابسها كالحرامي وهو يهتف :

—ومين اللي انشك ف نظره ده يا عنيا

ابعدت يده عنها وهي تزفر :

— انا مقولتش انه بيحبني بقولك انا اللي بحبه .. ده بطل روايه جديده بقرأها مع انها اول حلقه بس البطل خطف قلبي خطف كده يا ميزو

_طب ما ياختي اعتبريني بطل روايه وحبيني

قالها بمرح وتحدثت هي :

—بعيدا عن انك جاري وزي اخويا بطل الروايه ده مميز يابني هقولك عضلات اي وحلاوة اي ولبسه الجينز والتيشرت ولا القميص اللي بيبين عضلاته يوووه وكله ده مش فيك يا ميزو .. انت لابس بنطلون من ايام جدي ومفيش عضلات هي اللي فيها حاجه عدله تفاحه ادم دي غير كده بح معرفش اللي هتتجوزك هيكون نظرها فين!!

نظر اليها مطولا ثم تقدم للأمام بدون ان يتحدث احست هي انها قد تسرعت ف الحديث ولكن قبل ان تتحدث وجدته قد دلف الي شقته تقدمت من الباب واخذت تدق عليه بهدوء الي ان فتح الباب وظهر هو من خلفه نظرت اليه بدموع،:

—ميزو انا اسفه متزعلش مني مكنش قصدي متزعلش

نظر اليها ووجد الدموع علي وجهها ابتسم ابتسامه هادئه ثم تقدم منها واخذها بخارج البيت ثم اخرج منديل من جيبه واعطاه اليها واخذت تمسح دموعها بطفوله جعلت ابتسامته تتسع .. تحدثت بخفوت :

— مش زعلان مني

حرك رأسه نافيا وهو يردف :

—اكيد مش هزعل منك يا لين ما انا متعود علي كلامك الدبش ده .. اقعدي يا قدري الاسود وكلميني عن فارس احلامك

—مش كنت بتزهق من السيره دي

قالتها باستغراب ولكنه تحدث بمرح :

—ولحد الان يا حبيبتي بس انتي كده كده هتحكي فاحكي وخلصيني لاني عايز انام

—تصدق انك رخم

قالتها بحنق حرك رأسه مؤيدا :

—عارف ارغي بقي

ارجعت رأسها ع حائط السلم الذي تجلس عليه واخذت تتحدث :

— عايزاه يكون شبه ابطال الروايات كده عضلات بقي وميضرش لو ف تفاحه ادم زي اللي عندك بيقولوا بتدي جاذبيه ولما يجي يتقدملي كدهون يكون لابس كده قميص ابيض باين عضلاته كده وبنطلون جينز وماسك ف ايه بوكيه ورد وبيقولي تتجوزيني انا ممكن ساعتها اجري معاه ع المأذون مش محتاجه كلام