Unicode
Australiaနိုင်ငံ melbourneမြို့ ၂၀၁၁ခုနှစ်
"ဥာဏ် မင်းဘာmajorယူမှာလဲ"
"Business လေကွာ။ဟေ့ကောင် ငါ့အိပ်ယာပေါ် တက်ထိုင်နေပြန်ပြီ။ဆင်းစမ်း"
မိမိအိပ်ယာပေါ် အခန့်သားတက်ထိုင်နေတဲ့ ရတုကို စာကြည့်ခုံပေါ်တွင် တင်ထားတဲ့စာအုပ်များထဲမှတစ်အုပ်နဲ့ လှမ်းပေါက်ကာ ဥာဏ် အော်ပြောမိသည်။ဘယ်လိုပင်အော်အော် သကောင့်သားက ထိုင်မြဲထိုင်ဆဲပင်။
"မင်းကလည်း ငါလာတိုင်းလည်း ထိုင်တာဘဲကို မင်းက မပျင်းမရိ ဒီစကားကြီးဘဲ အော်နေတာမမောဘူးလား"
"ငါမှမကြိုက်တာကွ မင်းကညစ်ပတ်ပေမဲ့ ငါက အသန့်ကြိုက်တယ်ကွ"
"သိပါတယ်ကွာ။ဒါနဲ့ မင်းတကယ် Business ယူမှာလား"
"အေးလေ။ဘာဖြစ်လို့လဲ"
"ငါနဲ့မတူတော့ဘူးလေ"
"မင်းက ဘာယူမှာမို့လို့လဲ"
"architecture"
"အေးပေါ့ မင်းက ပုံဆွဲရတာကြိုက်တဲ့ကောင်ဘဲ ကိုက်ပါတယ် မင်းနဲ့"
စာအုပ်တစ်အုပ်ကိုသာ စိတ်ဝင်တစားဖတ်ပြီး သူ့ကိုအရေးမလုပ်တဲ့ ဥာဏ်ကို ရတု နည်းနည်းစိတ်တိုလာသည်။
"တော်ပြီ ငါပြန်ပြီ"
ထိုမျှသာပြောပြီး သူ့အခန်းထဲက ထွက်သွားသော ရတုကို ကြည့်ပြီး ဥာဏ်ခေါင်းလေး အသာခါရင်း...
"စိတ်ဆိုးသွားပြန်ပြီ ဒီကောင်"
°_°_°_°_°_°_°_°_°_°_°_°_°_°
ဥာဏ်တို့မိသားစုက ဥာဏ်အလယ်တန်းပြီးထဲက australiaကို ပြောင်းလာတာဖြစ်သည်။ရတုတို့နဲ့က အိမ်ချင်းကပ်ရပ်နေတာဖြစ်ပြီး နိုင်ငံရပ်ခြားမှာ ကိုယ့်မြန်မာအချင်းချင်း အနီးကပ်ရှိနေရတာမို့ အတော်လေး ရင်းနှီးကြသည်။ရတုတို့မိသားစုက ရတုအသက်၁၀နှစ်ထဲက ဒီမှာ အခြေချနေနေကြတာဖြစ်သည်။
အထက်တန်းတူတူတက်ပြီး အတော်လေးလည်း ရင်းနှီးကြတဲ့ ကျွန်တော်တို့၂ယောက်က အကျင့်စရိုက်ချင်းတော့ တော်တော်ကွာသည်။ရတုဆိုတဲ့ နာမည်က အိမ်မှာသာခေါ်ဖြစ်တာ ကျောင်းမှာဆို သူကJacksonဆိုတဲ့ နာမည်နဲ့ လူချောတစ်ယောက်အဖြစ် လူသိများကြသည်။
