Unicode
"siteထဲသွားတော့မလား ဆရာ"
"သွားမှာ ကိုအောင်ကြီး ကားပြင်ထားတော့။ကျွန်တော်ဒီမှာ လုပ်စရာလေးကျန်နေသေးလို့..ခဏနေ ဆင်းလာခဲ့မယ်"
"ဟုတ်ကဲ့"
အခန်းထဲကနေ ကိုအောင်ကြီးထွက်သွားတာနဲ့ ရတုလည်း ရုံးချုပ်ကို အစီရင်ခံဖို့ စာဆက်ရိုက်နေလိုက်သည်။အောင်ကြီးဆိုတာက အရင်architectရဲ့အတွင်းရေးမှုး။အခု ရတု ပြောင်းလာပြီဆိုတော့ ရတုရဲ့ အတွင်းရေးမှုး ဖြစ်လာသည်။
siteထဲကိုက တစ်နေ့တစ်ခါ သွားစစ်ဖြစ်အောင် သွားစစ်ရသည်။သွားမစစ်လို့မဖြစ် အလုပ်သမားတွေထဲမှာ ခိုချင်တဲ့သူတွေရှိနေတော့။
ရောက်တာ ၂လနီးပါး ရှိနေပြီဆိုပေမဲ့ နေရတာ အဆင်သိပ်မပြေသေး။နေဖို့ တိုက်ခန်းအဆင်သင့်ရှသော်လည်း အစားအသောက်ကျတော့ ကိုယ့်ဘာသာ တစ်ယောက်ထဲ ဘာမှလဲ ကောင်းကောင်းမချက်တတ်။marketသွားဖို့ အချိန်က မရှိ။ဒါပေမဲ့ တော်သေးသည်။ကိုအောင်ကြီးရဲ့အမျိုးသမီးက တာ၀န်ယူပေးထားပေလို့။
စရောက်ရောက်ချင်းတုန်းက နေ့နဲ့ညလွဲတဲ့ကိစ္စကို တော်တော်ကျင့်ယူလိုက်ရသေးသည်။အခုတော့ နည်းနည်းအဆင်ပြေနေပါပြီ....အလုပ်တွေ များနေတာကလွဲရင်။
"ကဲ ပြီးပြီ"
၀တ်ထားတဲ့ ရှပ်အဖြူကို သေသပ်အောင် ပြင်လိုက်ပြီး ယူစရာရှိတာ ယူကာ အောက်ကို ဆင်းလာခဲ့လိုက်သည်။
ရတုတို့companyက ၃ထပ်အဆောက်အဦးဖြစ်သည်။မြေအောက်ကားပါကင်၊ပထမထပ်မှာ ၀န်ထမ်းတွေအလုပ်လုပ်ရပြီး ဒုတိယထပ်မှာတော့ Main architect ရတုနဲ့ အတွင်းDecoration Designer ကိုရဲထူး တို့ရဲ့ ရုံးခန်းနဲ့ meeting roomရှိသည်။အပေါ်ဆုံးထပ်ကိုတော့ ရတု တစ်ယောက်သာတက်ခွင့်ရှိပြီး ရတုရဲ့အခန်းရှိသည်။
"ဆရာ နေ့လည်စာသွားစားတော့မလို့လား"
"နေ့လည်စာစားချိန်တောင်ရောက်ပြီလား...ကျွန်တော်က အခုမှ siteထဲသွားကြည့်မလို့"
"အသေးတို့ နေ့လည်စာသွားစားမလို့ ဆရာလိုက်ခဲ့ပါလား"
"ရတယ် ရတယ် ကျွန်တော် siteထဲ အရင်သွားလိုက်ဦးမယ်။Have a great time"
