Unicode
ပစ္စည်းတွေနေရာချ လိုအပ်တဲ့ပစ္စည်းတွေ ၀ယ်ဖြည့်နှင့် ညနေစောင်းသွားသည်။နောက်၂ရက်လောက်နေရင် ကျောင်းက စတက်ရတော့မည်။တိုက်ခန်းလည်း အဆင်ပြေသွားပြီမို့ ကျောင်းကို လမ်းလျောက်သွားရုံနှင့်ရောက်နိုင်သည်။
အဆင်မပြေတာက အခန်းကိစ္စ ...
တိုက်ခန်းတွင် အိပ်ခန်းတစ်ခန်းသာပါသည်။ထို့ကြောင့် ၂ထပ်ကုတင်ဖြင့် ၂ယောက်သား ၂ပါးသွားရတော့သည်။စာကြည့်ခုံ ၂လုံးကို ဘေးချင်းကပ်ထားလိုက်ပြီး ဘီဒိုတစ်လုံးကို ၂ယောက်မျှသုံးကြသည်။အ၀တ်အစား သိပ်များများစားစားလည်း မရှိတာမို့ ပြဿနာတော့မရှိ။
ဥာဏ် ယူလာတဲ့ ဂစ်တာလေးကို အခန်းထောင့်မှာ ထောင်ထားလိုက်သည်။မီးဖိုခန်းဘက်သွားကာ ပန်းကန်တွေနေရာချပြီးသွားတော့ အားလုံးအဆင်ပြေသွားပြီဖြစ်သည်။မိဘတွေက နေ့လည်လောက်ထဲက ပြန်သွားကြတာ ဖြစ်ပြီး အိမ်အသစ်ထဲ သူတို့၂ယောက်သာ.....
ဥာဏ် ရေချိုးဖို့ ပြင်လိုက်ပြီး ရတုကို ကြည့်တော့ သူ့နေရာဖြစ်သော ကုတင်အပေါ်ထပ်မှာ အိပ်နေလေပြီ။မောင်မင်းကြီးသား ပင်ပန်းသွားတယ်ထင်တယ်။ပါးစပ်လေးတောင် ဟလို့....
"ဟေ့ကောင် ထ။တော်ကြာ ညအိပ်မရဘဲနေမယ်"
"ဟမ် အင်း"ဟုဆိုကာ ငေါင်းစင်းစင်းနဲ့ အိပ်ယာပေါ်မှာ ထိုင်နေသည်။
"ဆင်းလာခဲ့လေ။ရေချိုးဖို့ ပြင်ထား ငါချိုးပြီးရင် မင်းချိုး"
"တူတူချိုးလို့မရဘူးလား"
"what the hell ရတု အိပ်ချင်မူးတူးနဲ့ မရစ်နဲ့"
"ငါက ဒီတိုင်း မေးကြည့်တာပါကွာ"
"အေး ငါချိုးလိုက်ဦးမယ်"
အခန်းထဲက ထွက်သွားတဲ့ ပိန်ပိန်သေးသေးကောင်ကို ကြည့်ပြီး ရတု ပြုံးမိသည်။ဒီကောင်ရှက်တတ်တာဘဲလား....
အကျီ င်္ချွတ်ပြီး ဒိုက်ထိုးနေတုန်း မျက်လုံးက ဘာရယ်မဟုတ် အခန်းထောင့်က ဂစ်တာကို အကြည့်ရောက်သွားသည်။ဒီကောင့်ကို သီချင်းဆိုပြခိုင်းရမယ်။တွေးနေတုန်းရှိသေး ရေချိုးလို့ပြီးသွားတဲ့ ဥာဏ်က အကျီ င်္ထုတ်ကာ ၀တ်နေလေပြီ။
