خيالك الواسع (مكتمله)

بارت ٧

سامح : يا انسه تبغين شي ؟!
ريم رفعت راسها وابتسمت : لا شكرا
سامح جميله : العفو عادي اسالك اذا مايضايقك !
ريم : اسال
سامح : ماتقربين للرئيس صح ؟!
ريم  وانا ميين علشان اكون من اهله : لا
سامح ابتسم : لاتخافين الرئيس طيب القلب ومو عصبي الا اذا شاف اللي يضايقه
ريم : عارفه
سامح : تمام انا بستئذن الحين اذا بغيتي شي بس ناديني
ريم : تمام
راشد اللي كان باجتماع مغلق مع رئيس طارق رئيس في شركه منافسه له
طارق : راشد شوف انا مو جاي اضغطك او اسبب لك مشاكل بس فيك تساعدنا او تنحاز مننا
راشد تنهد : استاذ طارق انت وجودك وخوفك على عيني وراسي بس الحمدلله امور الشركه عندي ماشيه وكويسه ومافيها شي يضايقني
طارق وهو يوقف طالع:راشد اتمنى انك تعرف خطوره هالشي
قاطع اجتماعهم صوت الباب راشد التفت كان بيتكلم بس سكت لما شاف انه بدر اخوه
بدر : السلام عليكم
طارق وراشد : وعليكم السلام
بدر ببتسامه واثقه : استاذ طارق تفضل اجلس
طارق بستغراب : فيه شي استاذ بدر ؟!
بدر : تفضل انا عارف ليه جاي وجايب معاي عرض اتوقع ١٠٠٪؜ انه رح ينال اعجابك
طارق باعجاب ببدر: بصراحه دايم تفاجئني
بدر : استاذي انا متعلم منك اساليب الحرفيه واخوي يكفي الضغط عليه من جهات ثانيه قلت اهتم بالجهات اللي اكون قريب منها
راشد : انا استئذن اجل اتركك مع بدر
طارق ابتسم بايجاب لراشد
اول ماخلص سند نفسه على الباب غمض عيونه بتعب من الاشياء اللي ممكن تتراكم عليه بس تذكر ريم ابتسم يحسها من دخلت لحياته شي مميز يستاهل يكافح علشانه
توجه لمكتبه وفتح الباب
ريم رفعت راسها وابتسمت : هلا
راشد بستغراب : ماكلتي ؟!
ريم : لا انتظرك تجي نفطر سوا
راشد ابتسم وجاء بجنبها بداء يتكلم معها وقرص خدينها : طيب يلا ناكل وثاني مره لاتنتظريني اكلي لما اجي
ريم احمرت مستحيه ضحك على شكلها بعد ما افطرو جلس يكمل اوراقه بعد ماتركها جالسه بعد دقايق
سامح فتح الباب :طال عمرك استاذ طارق يبغاك برا
راشد مسح يده لانه كان ياكل حلى : جاي وراك
بدر دخل وهو يضحك : طارق مارح تتغير ابد
طارق ببتسامه : الاصيل مايتغير
بدر مد يده : يلا اتركك مع راشد
راشد اللي كان واقف وبجنبه ريم جالسه متفاجئ من دخولهم
راشد : هلا طارق
طارق ببتسامه تجذب : تقصد استاذ طارق
راشد ابتسم بتكلف : امرني
طارق : توصلنا لحل بيقول لك بدر اكيد بس حبيت اقول لك شغله قبل ما اروح ان الارباح رح نتقاسمها بالنص
ريم كانت تناظر بطارق وماشالت عينها من عليه مصدومه طارق وجه نظره لها اول ما شافه راشد وقف قدامها بحيث ريم تشوف ظهر راشد وطارق يشوف راشد بعد
طارق ببتسامه : ماالومك
بدر سمع حوارهم وعرف ان اخوه بيسوي شي اذا ماتدخل : اقول طارق تعال ابيك بشي
طارق للحين نظراته متوجهه لعيون راشد وراشد بالمثل طلع بصمت هو وبدر
بدر بعتب : ليش تسوي كذا تعرف راشد مايحب احد يتكلم على شخص يخصه
طارق بتفكير : ومن تكون هذي البنت
بدر : بنت اخته
طارق بصدمه : اخته ؟!
بدر : اي تو قبل يومين نعرف
طارق : تمام انا بستئذن الحين
بدر : تمامم لنا لقى بس خارج الشركه
اما عند راشد جلس بجنبها : اسف
ريم بستغراب : اسف على ؟!
راشد : على اللي صار
ريم كانت تبي تمسك وجهه وتكلمه بس تراجعت : لاتتاسف ماسويت شي وماصار شي لاتشيل ببالك
راشد تنهد : تمام
ريم : تبي نرجع ؟!
راشد : وين
ريم : للبيت لان شكلك تعبان
راشد : لا مايحتاج عندي اجتماع بعد ساعتين
ريم :عادي تنادي سامح
راشد استغرب : شفيه ؟!
ريم سكتت ماحب يسالها كثير : دق الجرس
سامح : امر طال عمرك
راشد التفتت لريم
ريم مشت بتجاهه وقالت له بصوت واطي اللي تبيه راشد مستغرب بعد ماخلصت
راشد : وش تقولين ؟!
ريم ابتسمت : لاتخاف ما اقول شي
راشد جلس بتعب من داوم ماجلس بين معاملات وترتيب رفع راسه ببتسامه
ريم بستنكار : راشد انت مانمت ؟!
راشد : الا الا نمت
ريم ماصدقته : طيب ارتاح شوي على الاقل
بعد ثواني دخل سامح ومعاه لحاف ومخده : تفضلي
ريم : شكرا
حطت الاشياء على الكنب وناظرها راشد باستسلام لانه جد تعبان ويبغى ينام
بعد دقايق سمعت صوت تنفسه المنتظم ابتسمت على شكله
اندق الباب ودخل انصدم من المنظر بس بنفس الوقت ابتسم
ريم اشرت له : اشش
بدر اشر لها  تجيه وقفت وراحت عنده
طلعو برا المكتب : تعالي معي نروح المكتب
ريم التفتت لراشد كمل كلامه : لاتخافين بقول لسامح اذا صحى يعطينا خبر
ريم هزت راسها بالايجاب
بالمكتب
بدر : غريبه مو عوايده ينام
ريم : امم بصراحه هو كان يكابر بس عرفت انه كان سهران وقلت لسامح يجيب له اللحاف والمخده
بدر ابتسم : اها بس هو قايل بينام غريبه
ريم ماردت على كلامه
بدر : طيب وش رايك عندي فكره
ريم بستغراب : ايش ؟!
بدر : شوفي ابيك تسوين لنا الغدا شرايك
ريم ابتسمت : تمام
بدر : خلاص دقيقه بس
اخذ جواله : الو رعد
رعد بصوته الثقيل : هلا بدر
بدر : رعد اسمع  ريم بترجع للبيت شوف مر البقاله اذا هي تحتاج شي تمام ؟!
رعد : ان شاء الله
بدر ابتسم لها : خلاص رعد بياخذك
ريم تذكرت راشد : بس
بدر : عندي انا بتصرف بس روحي انتي ولاتحاتين
ريم هزت راسها بالايجاب ووقفت انفتح الباب كان رعد وقف وانتظر تطلع
بدر : رعد بامانتك
رعد : ان شاء الله
ركبو السياره كان الصمت سيد الموقف
رعد : تحتاجين شي ؟!
ريم ابتسمت : ياليت نمر سوبر ماركت لان يمكن احصل اللي ابغاه
رعد : تمام
بدا يمشي بهدوء ويتلفت يمين ويسار لما انتبه لها بعد مسافه من الطريق
ريم وقفت بجنب السياره رعد ناظرها بستغراب تنهد : شفيها للحين هنا ؟!فتح النافذه :شفيك ؟!
ريم مره مستحيه : اول مره اروح سوبر ماركت عادي تنزل معي
رعد ابتسم وقفل السياره ونزل بدو يدورون وهي تختار اللي تبغاه وتحطه بالعربيه
رعد لما خلصو ووقفو قدام الحساب : ماخذتي كثير ؟!
ريم بدت تفكر وتناظر الاغراض من بيدفعها ذول ؟!
رعد ابتسم : لاتخافين حسابها على بطاقه راشد
ريم رفعت راسها : انا لازم اتوظف
رعد استغرب من ردت فعلها : طيب وين تبين تتوظفين وش الشهاده اللي عندك
ريم بتفكير : ثانوي
رعد : طيب ليه ماتدرسين جامعه مو احسن ؟!
ريم بحزن : كيف ادخل وابوي مو عندي واوراق راحت مع اللي راح من بيتنا
رعد مارد عليها اكتفى بانه يدفع الحساب ويروحون للبيت اول ماوصلو راحت للمطبخ انتبهت للطباخ والتفتت للباب شافت رعد واقف
ريم بستغراب : تعال طيب ساعدني
رعد اشر على نفسه : انا ؟!
ريم ضحكت : اي انت
قرب منها رعد ماحب يقول شي ويسبب بينه وبين راشد شي
ريم وهي تقطع : رعد اذا خايف اقول لراشد عنك لاتخاف ترا مو ببالي والله
رعد ناظرها بصدمه : كيف عرفتي ؟!
ريم ابتسمت :  حسيت
رعد : ماعليك وش اساعدك فيه
بدو يسوون الغدا اما بالمكت بعد مرور ساعتين صحى
راشد عدل نفسه وانتبه لاخوه اللي جالس مقابله ونايم هو الثاني
ابتسم بس تذكر شي وبدا يدور عليه : وينها راحت
وقف وراح لسامح
سامح : طال عمرك
راشد : ريم وين ياسامح ؟!
سامح : طال عمرك جاء رعد واخذها بامر من بدر
تنهد راشد براحه : طيب والاجتماع
سامح : طال عمرك اتصل علينا وكيل الشركه واعتذر عن ظرف طارى صاير لهم فا مارح يكون فيه اجتماع
راشد ابتسم : طيب تقدر تتفضل سامح
راح سامح اما راشد توجه للمكتب واتصل على رعد
رعد اول ماسمع جواله راح وخذاه : هلا
راشد : اخباركم ؟!
رعد : تمام متى تجون انتو ؟!
راشد شاف الساعه : شوي ونجيكم
رعد : تمامم