خيالك الواسع (مكتمله)

بارت ٣٠

حمد استغرب سوالها : ليه ؟!
ريم بتفكير : انا كلمت ابوي بموضوع سفري
حمد زادت حيرته : كيف اي سفر ؟!
راشد عقد حواجبه وبدت دقات قلبه تزيد : سفر !! وش صاير ووين بتروح
ريم تنهدت وبعدها ابتسمت : خلاص لاتهتم بعدين بكلمك بهالموضوع خلنا ننبسط الحين
حمد رفع راسه لقدام لانه كان يناظرها انتبه لمجموعه شباب جايين كانت تمشي على يمينه مسكها وحطها على يساره
ريم رفعت راسها له : شفيه ؟!
حمد : لا بس كانو يبون يمرون
طارق ركض شوي ووصل عند ريم : ريم وين ابوي !!
ريم : موجود بس انه بالسينما
سامي لبدر : وش الخطه للاجازه ؟!
بدر بتفكير : والله للحين مافكرنا بشي بس شكلها للبحرين * وجه كلامه لراشد * راشد نروح البحرين بالاجازه؟!
راشد هز كتفه : عادي نروح ليه لا
ريم لما سمعت صوت راشد التتفت عليه ضلت فتره ماتحركت عينها من عليه
سامي انتبه لجواله يدق
سامي : هلا يبه
فهد : سامي افتح الواتس مرسل لك فيه ملعومات الافلام اختارو بسرعه بما اننا موجودين عنده
سامي : تمام يبه
نروح عند فهد ورعد اول ماراحو منهم
فهد : رعد عندك مانع بالسفر ؟!
رعد استغرب : ايش نوع السفر
فهد : ريم رح تكمل دراستها وتروح مع سامي ومافكرت باحد مناسب الا انت يكون معاها
رعد بستغراب : انا متاكد ؟!
فهد : اي متاكد على العموم في شي ماتعرفه ريم طلبت مني اني اقدم اوراقها واوراقك تكملون دراسه سوا
رعد بصدمه: لا لا يافهد
فهد حاسب الكاشير على التذاكر والتفت على رعد : ايش اللي لا
رعد : لاتدخلني
فهد : بالنسبه للفلوس اذا كنت متضايق فا هذا جزء من راتبك ترا يعني مو من عندي
رعد سكتت
فهد : بتركك تفكر براحتك متى ماقررت تعال وقول لي قرارك
اما الباقي دخلو للسينما بعدها انتبهت لابوها ورعد واقفين ومعاهم التذاكر ريم اسرعت بخطواتها
فهد حط يده على خدها : وش صار ؟!
ريم مسكت يده : ولاشي رحت ودخلتهم
فهد : ليش مسككم؟!
سامي هز كتفه : يقول شباب مايدخلون
حمد انتبه لشكل رعد و توجه له : وش صار ؟!
رعد كان سرحان 
حمد نغزه انتبه له رعد
رعد : ايش ؟!
حمد : لا انت مو هنا ابد قول لي وش صاير
رعد : بعدين بعدين
فهد طلع التذاكر ووزعها كان فيه فلم اكشن وفلم كوميدي اكشن وفلم قصه واقعيه حب
فلم الاكشن دخله طارق وبدر وفهد
فلم كوميدي اكشن دخله راشد وسامي وحمد
فلم القصه الواقعيه دخلوها رعد وريم لانها كانت تذكرتين وهم اختاروها بالقرعه
كل شخص دخل للفلم بدايه الاعلان
ريم ارتبكت تبغى دوره المياه ورعد كان جالس بعيد شوي عنها وطول الوقت انظارها له وكانت بجنبها بنت
البنت التفتت لها : اللي بجنب زوجك اخوي تبغين اقول له يبدلك بالمكان
ريم ارتبكت زوجي ؟! : لا لا بس ممكن تنتبهين لمكاني
البنت ابتسمت : اي عادي
ريم وقفت وتوجهة بتروح لدوره المياه اول ماطلعت التفتت يمين يسار ماتعرف هالمكان انتبهت للي واقف بالممر تعرف شكله قربت منه
ريم باحراج: راشد
راشد التفت وابتسم : ريم
ريم : اخبارك
راشد : بخير وانتي كيفك
ريم : الحمدلله مبسوطه
راشد : الحمدلله انا كذا ارتحت
سكتت فتره
راشد بستغراب : كنتي تبغين شي ؟!
ريم باحراج : لا خلاص
كانت بترجع وقفها صوته
راشد : ريم انتظري
ريم التفتت : ايش ؟!
راشد : تعالي معاي
ريم بستغراب : وين ؟!
راشد : دوره المياه
ريم صار وجهها احمر هو انتبه انه قال لها تعالي معي دوره المياه استوعب وبعدها ضحك وضحكت معه اللي يمرون بيروحون للصالات انتبهو لهم وهم يضحكون
راشد : اقصد تعالي بوصلك لدوره المياه للنساء
ريم مسحت دموعها : تمام
راحو وكانت بتدخل التفتت له : راشد عادي تنتظرني
راشد ابتسم هز راسه بالايجاب
ريم قلبها يدق بجنون دخلت وهي تضحك غسلت وجهها ودخلت دوره المياه طلعت عدلت شيلتها
بعد ماخلصت انتبهت لجوالها يدق
ريم رفعته رقم استغربت : الو
رعد : هلا ريم وينك ؟!
انتبه لها راشد جايه بتجاهه وتكلم
ريم : هلا رعد جايه الحين كنت بدوره المياه
رعد تنهد بقوه : تمام لاتتاخرين تبين اجيك !!
ريم التفتت لراشد وابتسمت : لا مايحتاج هذاني جايه وبدخل
رعد : تمام
رجع رعد لمكانه
وصلها لباب الصاله حقتها
ريم التفتت عليه : شكرا راشد
راشد : العفو
دخلت للصاله وانتبهت لرعد جالس بجنب مكانها ابتسمت ورجعت محلها
ريم حطت يدها على يده وبهمس : اسفه
رعد ما ابدى ردت فعل اكتفى بابتسامه
كملو فلمهم بعد ماخلصو طلعو كلهم ريم انتبهت لابوها وبدر وطارق
فهد بضحكه: شفتو كيف الفلم بطل
بدر باحراج : والله ياعم سامحني بالبدايه قلت ان الذوق ماش بس لما استمر تحمست معه وحبيته
جاء من وراهم سامي وحمد وراشد
راشد حرك شعره: والله حتى انا
سامي التفت لهم وضحك على ردت الفعل
حمد بهمس لرعد : كيف الفلم
رعد التفت له : حلو وانت
طارق قرب من ريم بهدوء وغمض عيونها هي خافت
ريم بخوف : يبه
طارق بعد يدينه بسرعه ورفع راسه لابوها اللي التفت عليه على طول : اسف يبه
ريم مسكت يده : كذا تسوي اجل ؟!
طارق قرب منها وهمس باذنها بدر استغرب والباقي مو اقل منه
ريم : يبه بروح مع طارق لمحل ابيه
فهد عقد حواجبه : متاكده ؟!
ريم : اي متاكده
بدر بهمس لطارق : شعندك؟!
طارق غمز له : تعال معنا وتعرف
بدر ناظر سامي وراشد اللي كانو واقفين سوا وشهق : ليكون؟!
طارق ابتسم : لا عاد مو لها الدرجه
سامي التفت لابوه ورعد وحمد : يبه خذوها معكم
ريم نفخت خدينها : ترا مو لعبه
فهد مسك يدها وراح منهم طارق عطى بدر وسامي نظره : راشد تعال نروح
راشد ناظره فتره : وين نروح ؟! شوي ونطلع للملاهي مايصلح نفترق
سامي ابتسم ان راشد فكر صح : يلا صدق
بدر بهمس لطارق : اجل كنت تبي تكشخ فيها بالمجمع عيب هذي اختك الوحيده تسوي كذا
طارق : لا كنت ابي اخذها للمحل اللي رحنا له كلنا ذيك المره وخذنا منه حلويات
بدر التفت لسامي : اسف . فهمناك غلط
طارق طلع لسانه: متعود
بعد ماخلصو فهد اتصل عليهم وتوجهو للنيفر لاند
دخلو وبعد لعب ريم نزلت من اللعبه كان معها سامي وبدر وراشد وحمد . رعد فضل انه يجلس مع فهد وطارق مايحب قطار الموت وكانت زحمه اللي بيدخلون اكثر  حست بدوخه اكثر من انها كانت باللعبه بعدت عن الزحمه متناسيه اللي كانو معها وانها ممكن تضيع

خذت جوالها بخوف وقلق ماعندها ارقام الا رقم شخص واحد تذكرت ان رعد متصل عليها اتصلت عليه مايرد بدت تخاف فتحت جوالها حصلت رقم راشد اتصلت وهي تدعي انه يرد عند العيال اول ماطلعو جلسو يتلفتون يدورونها
سامي : يمكن راحت لابوي
حمد عقد حواجبه وبتفكير : سامي اتصل عليه تاكد
بدر يتلفت يدورها ماحصلها راشد راح منهم بيدورها انتبه لجواله ريم
راشد بصوت طويل بسبب الازعاج اللي حوله : الو
ريم بدت الدموع تتجمع بعيونها اول مره بحياتها تضيع عن اهلها : راشد انتو وين ؟!
راشد انتبه لصوتها : ريم اهدي واخذي نفس وقولي لي انتي واقفه وين حاليا بجيك
وصفت له ريم المكان راح بتجاهه بس اتصل على بدر يقول لهم انه حصلها وانهم مايتحركون من مكانهم الا لمن يرجعون
وصل للمكان وانتبه لها قرب منها وبصوت خفيف علشان مايخوفها : ريم
ريم اول مارفعت راسها وانتبهت له لا ارادي راحت له وضمته كانت يدينها ترجف وهي متمسكه فيه راشد مسك كتفها وبعدها مسح دموعها : بس خلاص انا هنا الحين
بعدت عنه وناظرته فتره
راشد : يلا نروح
مشى قدامها وهي مشت وراه وقف وصدمت فيه لانها كانت سرحانه
راشد مد لها يده : امسكيني علشان ماتضيعين
ريم مسكته ومشو سوا لما وصلو قريب عند سامي ترك يدها
سامي بخوف مسك خدينها : صار لك شي ؟!
ريم ابتسمت مسح دموعها وابتسم لها بالمقابل: لا ماصار لي شي
سامي التفتت لراشد وبمتنان : مشكور ياراشد
راشد : ماله داعي الشكر
بدر : اجل يلا نروح
حمد قرب من سامي : سامي اتركها معاي الحين
سامي التفت لحمد: وين بتروح انت ؟!
ريم انتبهت لجوالها يدق رقم : الو
رعد يحاول يسمع من الازعاج اللي حوله : رييم
ريم ماسمعت عدل سكرت بوجهه وارسلت له رساله : كنت ابغى اعرف وينكم ومن الازعاج ماقدر اسمع

رعد : تمام عطيني حمد
ريم مدت الجوال لحمد
سامي مسكهاعلى جنب : وش عرف راشد بمكانك !!
ريم ناظرته بعدم فهم : شافني واخذني لكم فيه شي؟!
سامي حك راسه انا وش قاعد اقول : اي اسف لا مافي
حمد ببرود وهدوئه المعتاد : سامي الوالد يبغى ريم بروح انا وياها له تقدرون تتصرفون؟!
طارق جاء لهم وبحماس : اييي نقدر نتصرف
قرب من ريم وبهمس: مدري كيف تتحملين جوهم
ريم التفتت له بستغراب وضحكت : ليه لها الدرجه مو عاجبك
طارق طلع لسانه: يطفششون
ريم مسكت يد حمد : يلا !!
راشد عض شفايفه كان يحترق من داخل من تصرفاتها
حمد : سامي

اعتذر على التاخر وعارفه البارت قصير بس اتمنى يعجبكم بس حاليا انا في فتره امتحانات هالاسبوع كامل ضغط وحاولت قد ما اقدر اني اكتب هالجزء ♥️  استمتعو