خيالك الواسع (مكتمله)

بارت ١١

راشد : بروح اكلمها
تفاجئو بصوت الباب يندق
ريم : ممكن ادخل ؟!
راشد : ادخلي
ريم دخلت : ممكن اكلمكم بموضوع
راشد التفت لبدر اللي بدا يالتفت على رعد وعلى راشد
ابتسمت على تصرفهم
راشد : اي تعالي
ريم : لا بكلمكم برا
نزلت وهم وراها بس بدر توجه للمطبخ طلب منهم يسوون لهم شي دافي لان الجو بارد
ريم ماسكه يدينها ببعض ومتوتره : امم بصراحه ماعرف كيف ابدا بس ابغى اقول لكم قصتي
راشد : قولي بس قبل ماتقولين ابغى اوضح لك عن شغله كانت لي اخت اسمها ميار ماتت بسبب اشخاص من برا كانو يبون يضغطون على ابوي فيها بس انها راحت ضحيه علشان الشركه
ريم حست بانها شخص سيئ : اسفه
راشد ابتسم : ولايهمك كملي
ريم ماتدري ليه ترددت  وغيرت الموضوع : كنت بقول لك عن موضوع دراستي
راشد /  اس انا عرفت عنها علشان كذا ابغاك تكملين ونفس الحال رعد بيكون المرافق لك ورح يكون جدولك ووقت خروجك يناسب وقت خروجنا
ريم : تمام
راشد دق جواله  ناظر بدر : طارق
ريم ارتبكت ولاحظو ارتباكها بدر بتضييع للموضوع
بدر :  قوم رد عليه
راشد وقف ولحقه بدر
رعد باطمئنان عليها : فيك شي ؟!
ريم : لا مافي شي
بعد ما انتهت المكالمه راشد التفت لبدر : اتصل على صالح ابغاه بموضوع ضروري
بدر بستفسار : شتبي فيه وش كان يبي منك طارق
راشد : سو اللي قلت لك عليه
بدر بعدم فهم : طيب
دق على صالح
صالح : هلا
بدر :  راشد يبيك ضروري
صالح : اما انا سافرت شهر بمهمه عسكريه
بدر : اتصل عليه تصرف
صالح : طيب يلا سلام
سكر منه واتصل على راشد الللي توجه لغرفه المكتب دق التلفون وحطه سبيكر
راشد : هلا
صالح : يقولون تبيني
راشد : اي
صالح : انا سافرت لمده شهر
راشد بصدمه : متىى توك اليوم معي
صالح : اي جات مهمه عسكريه ولازم اروح
راشد تنهد وجلس بالكرسي بياس
صالح بستفسار : ليه شفيك ؟!
راشد : ابيك بشي ضروري
صالح : قول طيب
راشد : انت مو طبيب وبعد طبيب نفسي ؟!
صالح : الا
راشد : اي كنت ابغاك تشوف ريم
صالح بستدراك : يعني تبيني اكون الطبيب النفسي لريم صح ؟!
راشد : اي صح
صالح : طيب عندك رعد
راشد بستفهام : شدخل رعد
صالح استند على الكرسي وفتح الاب : رعد عنده شهاده بالطب النفسي وقبل لايتعرف علينا كان عنده عياده
راشد :امااا عاد تو ادري عنه
صالح ضحك : هذا اللي انت شاطر فيه المهم تامرني بشي لازم اسكر
راشد : لا الحين بما انك حليت ازمتي بس اسمع
صالح : وش ؟!
راشد : انتبه لنفسك وطمني عليك كل فتره
صالح : ابشر يلا انتبه لك انت بعد وانتبه للي عندك
راشد : تمام
دخل بدر بهاللحظه : ممكن تفهمني شصاير ؟!
راشد : تعال اجلس وبحكي لك على كل شي
بعد مرور ساعه
بدر بملل : وبعدين منت ناوي تتكلم
راشد سكر اللي قدامه كله : الحين اقدر اتكلم
بدر : قول اخلص
راشد : انا اتصلت بصالح لاني ابغاه يكون الطبيب النفسي لها بدون ماتحس
بدر عقد حواجبه : مافهمت ؟!
راشد : بدر البنت من جات هنا ماتكلمت وماحبيت اسئلها ومن شوي اكبر دليل كانت تبي تتكلم بس ماتكلمت خايفه فيه شي يمنعها
بدر سند نفسه على الكرسي : طيب مو احسن انك تواجهها ؟!
راشد بستفهام : كيف اواجهها ؟!
بدر : يعني تسالها
راشد : بدر انا خايف
بدر قرب من اخوه ومسك يده : راشد لاتخاف لو تبي تحافظ عليها لاتخاف
راشد رفع راسه واخذ نفس : تمام بس قبل بسوي اللي ببالي
بدر ضحك : عنيددد
سمعو الباب يندق
راشد بثقته المعتاده : ادخل
رعد فتح الباب ودخل
راشد : جيت بوقت ابي منك خدمه زياده
رعد جلس : قول
راشد : عرفت ان معاك شهاده طب نفسي
رعد حس برجفه : شفيها ؟! وكيف عرفت عنها
راشد وبدر استغربو رده فعله
رعد : اسف ماحسبت بنفسي بس هالشهاده انا ناسيها من زمان من توفى ابوي
راشد وقف وسند نفسه على الطاوله : الحين ابغاك تنسى مخاوفك وتتشجع
رعد : طيب قول
راشد : ابيك تكون طبيب نفسي لها
رعد : وايش رح تستفيد
راشد بدا يمشي بالمكتب : هي فيها شي قصتها فيها شي مو مكتمله مدري ليه او كيف بس الموضوع فيه شي
رعد : طيب ببدا من الحين اجل
راشد : اعتمد عليك
رعد : تمام
وقف رعد وطلع
بدر : بنطلع اليوم ؟!
راشد شاف الساعه : الساعه ٩ وين تبي تروح ؟!
بدر : مدري اي مكان ولا بطلع بروحي
راشد كان بيرد بس سمع صوت الباب : ادخل
ريم فتحت الباب بشويش : ازعجتكم ؟!
راشد : لا تعالي
ريم : لا بس كنت ابسال بنطلع مكان
بدر نقز يضحك : اييوه هذا الناس
ريم استغربت ردت فعله وراشد ضحك عليهم : طيب بنطلع روحي تجهزي
ريم سكرت الباب وراحت غرفتها لبست العبايه حطت روج خفيف ومسكرا شفافه ولفت الحجاب بحيث تكون الغره طالعه شوي خلصت ونزلت
بدر صفر : اووه لازم نسحب على راشد ونروح انا وانتي بصراحه
ريم ابتسمت ولما جات تنزل تعثرت بالعبايه  مسكها راشد بسرعه
ريم : شكرا
راشد : يلا نروح بس اليوم بنروح بسياره وحده
الكل توجه معه
طلعو لمجمع بس ماكان مسكر كان عباره عن كوفيهات ومحلات مطاعم ومكان للسينما وبالنص نافوره والجو كان حلو
ريم بنبهار : واووو
بدر : مبسوطه ؟!
ريم بفرح بدت تتجمع الدموع بعيونها  : مرره
راشد ابتسم التفت يشوف المكان ومشى معاهم كان يتطمن ان الحرس موجودين بس بدون مايلفتون الانتباه
بدر مسك ريم : تعالي شوفي الالعاب اللي هناك خلينا نلعب
راشد ورعد كانو واقفين رعد كان لابس بلوزه بيضاء وفوقه جكيت اسود وبنطلون اسود وكان شعره مرتب بطريقه العصريه راشد لابس ثوب بدون شماغ
رعد بهمس : راشد لاتسوي اي حركه
راشد استغرب : ليه ؟!
رعد : فيه واحد جاي لنا
راشد بدا يتلفت وانتبه له تغيرت ملامحه للغضب : شجابه هذا هنا ؟!
رعد : من هذا ؟!
راشد : طارق
رعد حس بصدمه بس ماوضح : خلنا نروح عندهم
بس كان الوقت متاخر شوي لان طارق وصل لهم
طارق : اهليين راشد
راشد : هلابك اخبارك
طارق : بخير
راشد اشر على رعد : رعد
طارق مد يده وسلم على رعد : وين بدر ما اشوفه
راشد : مع اخت رعد هناك
اشر للمكان
طارق : اي لان الوالد يبيه بشغله ولما شفتك قلت اكيد انه معك
راشد مارد والتفت بتجاههم راحو
راشد بهمس لرعد : خذها وروحو غيرو المكان
رعد : تمام
وصلو لهم طارق بنفسه * هذي نفس اللي امس شفتها بالمكتب *
طارق : بددر
بدر بستغراب : هلاا طارق
طارق : شفت راشد قلت اكيد انك موجود
بدر التفت يدورها ماحصلها وماحصل رعد عرف انه اخذها : اي اكيد اجل يقدر يطلع بدوني
نروح عند ريم ورعد
ريم ماسكه يدينها ببعض ومتوتره وبصوت فيه رجفه : هذا نفسه اللي بالمكتب ؟!
رعد مسك يدها يبي يخفف التوتر : اي
ريم ابتسمت وتمسكت بيده بقوه بس وقفهم صوته
الرجال : فاتن
ريم التفتت لرعد بستغراب
الرجال بياس : اسف يابنتي انتي تشبهين زوجتي
ريم ابتسمت بحنيه نفس اسم امي : وينها عنك !!
الرجال بحزن : توفت
ريم تحاول تخفف عنه : اسفه ماكنت اقصد
الرجال : لا لاتهتمين انا اللي اعتذر بس فيك ملامح كثيره منها
رعد : نستئذن احنا ياعم
طارق : يبه شتسوي ؟!
الرجال : طارق وين اختفيت
راشد شاف رعد وريم واقفين معه بدا يغلي اكيد يربطهم شي بس وشهو مايعرف
الرجال : معليش ماعرفتكم بنفسي انا فهد
ريم اللي كانت مصدومه لا لا مستحيل هو مستحيل بدت تضغط على يد رعد رعد : استئذن منكم اختي لازم تاخذ علاجها
مسكها وراح بها للسياره راشد وبدر استئذنو انهم جايين بسياره وحده مشت لما وصلت للمواقف اغمي عليها
رعد شالها واخذ سياره تكسي قبل يجون راشد وبدر
راشد يدورهم : وينهم ؟!
بدر : مدري دقيقه
اتصل على رعد
رعد : رجعنا بتكسي تعالو انتو ورانا ولاتقول شي لراشد لانه اغمي عليها
بدر : طيب جايين
راشد : شفيه ؟!
بدر : يقول رجعو بتكسي تعال للسياره
رجعو للبيت حصلو رعد جالس بالصاله
رعد اول مادخلو وقف
راشد بنفعال : وش هالحركه ؟!
رعد مارد
بدر يحاول يهديه : راشد اهداء ماله داعي الانفعال
راشد بنفعال زايد : اول شي احصلها منك ولا من طارق ولا منها انا لازم اعرف شالسالفه الحين
رعد وقف بوجهه : مارح تروح لها
راشد انصدم من حركه رعد مسكه من جكيته : بتبعد ولا ؟!
رعد : سو اللي تبغى مارح ابعد ومارح اخليك تاذيها يكفي اللي فيها
راشد انعمت عيونه من العصبيه وبدا يضرب رعد بوحشيه بدر يحاول يفكهم ماقدر لما راشد بدا يستوعب ويرجع لعقله بعد بسرعه عن رعد
راشد بنفعال : رعد رعد انت بخير ؟!
رعد كان فمه مليان دم وكتفه يالمه وجهه مليان كدمات وقف توجه للحمام غسل الدم وراح للمطبخ اخذ له ثلج
مرت الليله هاديه كان جالس عند باب غرفتها ولما طلع الصبح توجه للمطبخ يبدل كيس الثلج انتبه لها عند الباب
حط الثلج بوجهه وابتسم : لاتخافين مارح يسوي لك شي
ريم عيونها مليانه دموع : بس
رعد قرب منها وضمها : لاتخافين واذا ماتبين تقولين شي لاتقولين
ريم تمسكت فيها بقووه ودموعها تنزل : رعد انا ماكنت ابغى شي من هذا يصير
رعد : لاتخافين مارح يصير شي اكثر
ريم بعدت عنه ومسكت يده توجهة للجلسه اللي راشد وبدر فيها بدر كان يحاول يفهم راشد يهدا ويتحكم بنفسه
ريم بتردد مسك يدها رعد بقوه يعني انا معاك لاتخافين
ريم : بدر ابغى اطلب منك طلب
بدر وقف : ايش
ريم : ابغى اروح لبيت فهد
بدر بستغراب : من فهد !!
ريم : فهد ابو طارق
بدر ماعلق واكتفى بانه يطلع جواله : الو هلا طارق
طارق : هلابك شالطاري جاي ببالك ؟!
بدر ضحك : لا بس بغيت اسال فاضين حاليا
طارق : اي ليه ؟!
بدر : ابغى الوالد بشغله ضروريه
طارق بداء يتوتر : وش فيه عسى ماشر ؟!
بدر : ماشر بس هو فاضي بتفهم بعدين
طارق : دقيقه
نزل الجوال وراح لغرفه المكتب دق الباب
فهد : ادخل
طارق : يبه فاضي ؟!
فهد بستغراب : ليه
طارق : بدر يبي يجي يبيك بسالفه ضروريه
فهد : اي خله يجي
طارق : تمام
راح واخذ جواله : يقول حياك
بدر : تمام
بدر بعد ماسكر : تمام نقدر نروح الحين