خيالك الواسع (مكتمله)

بارت ٤٤

الصباح صحت وماكانت حاطه ميك اب اكتفت بكريم على وجهها كان التعب ماخذ من حيلها اكثر  نزلت وشافتهم  جالسين ابتسمت لهم
ريم : يلا نروح
حمد : تعالي اكلي اول
ريم هزت راسها بالنفي : لا شبعانه
حمد بجديه : مافي طلعه من دون اكل تعالي
ريم جلست بجنبه بستسلام وبدت تاكل كم شي شربت كوب الحليب وراحت للجامعه على طول ماخذت كوفي كان كل تفكيرها بكيف صار ابوها انتبهت لجوالها
راشد : كيفك اليوم ؟!
ريم : بخير الحمدلله وانت
راشد : انا بخير اذا انتي بخير اكلتي
ريم : اي اكلت والحين بالطريق للجامعه
راشد : ريم لاتخافين اكيد عمي بيقوم بالسلامه ويرجع زي اول واحسن
ريم : يارب
راشد: متى تخلصين دوامك ؟! تبين اجي بالاستراحه
ريم بتفكير : لا يمكن ما اطلع
راشد : اللي يناسبك
ريم : برد لك خبر قبل الاستراحه اذا بطلع او لا تمام
راشد: تمام بنتظرك
وصلو للجامعه ونزلو بدو محاضراتهم هدوء ريم ورعد كل شوي يشوفها يخاف يصير لها شي لما جات محاضرته جلست بالنص وكانت رابطه شعرها فرس دخل وبدا المحاضره وكل تركيزه عليها استغرب هدوءها ومكانها الغير معتاد بالنسبه له لما انتهت المحاضره
ريتشارد : ريم اتمنى ان توافيني بوقت الاستراحه بمكتبي
ريم هزت راسها وطلعت زاد استغراب وتاكدت شكوكه ان فيه شي صاير معها لانها بالعاده تسال اذا فيه شي صاير او لا بعد ماطلعت انتبهت لرعد واقف من بعيد مبتسم بادلته الابتسامه
ريم : عسى خير ؟!
رعد : اكيد خير ابوك صحى والحمدلله احسن الحين
ريم بلهفه : صدق تكفى رعد خلنا نروح له
رعد : لا هو يقول لاتجي لما تخلص دوام تجيبونها
ريم باحباط : اهم شي صحى وهو بخير هذا يكفيني
رعد مسح على شعرها : اي بخير تطمني
مشت معاه وقبل وقت الاستراحه ارسلت لراشد : تعال للمقهى تعرف مكانه صح ؟!
راشد : اي اعرف
بهالوقت
رعد: بروح اجيب لي كتاب من المكتبه بتنتظرين هنا ؟!
ريم هزت راسها بالنفي : لا بروح للدكتور لانه طلب مني اجيه
رعد بستغراب :ريتشارد ؟!
ريم : اي
رعد: ماقال لك ايش يبغى منك !!
ريم : لا ماقال
رعد : تمام مارح اتاخر بجيك هناك
راحت وبطريقها سمعت تنبيه لوصول رساله ظنت انها من راشد فتحتها
اتركي الشخص اللي يدعي انه ابوك وتعالي عندي باسرع وقت
ريم ردت : من انت ؟!
الجد : انا جدك ابو امك
ريم بدت ترجف بخوف ماردت عليه
ريتشارد كان وراها وانتبه لتعابير وجهها مسك يدها وارتجفت بخوف بعدت عنه وصدمت بالجدار اللي وراها
ريتشارد عقد حواجبه : ماذا جرى لك ؟!
ريم شحب وجهها وتنهدت بخوف : اهذا انت يامعلم انا اعتذر لك عن تصرفي
ريتشارد مسك يدها وخذاها لمكتبه : اانتي بخير ؟! اليوم لم يعجبني حالك
ريم ابتسمت بتكلف : نعم لاتقلق مجرد ارهاق ووالدي مرض بالامس ولكنه بخير الان
ريتشارد : هل هنالك شي اخر فخوفك لايبدو عليه ان هذا هو السبب
ريم : نعم هذا فقط ماحصل
نروح منهم بعيد للمستشفى
الدكتور : لديك ابنه رائعه
فهد : نعم شكرا لك يادكتور فقد اتعبناك معنا
الدكتور : لاتقلق لم يحدث شي وهذا هو واجبي
بالممر
سامي : اي لما كان ابوي بفرنسا
طارق بضحكه : مرره كان وجهه احمر وانت كنت ماتفارقه دقيقه من الخوف
سامي تنهد براحه : طارق تتوقع ريم بترتاح بحياتنا هذي
طارق بتفكير : كيف يعني
سامي : يعني السفر الدايم بسبب الشغل وتعب ابوي بكل تغير جو
طارق : لاتخاف لو انها ماكانت مرتاحه تركتنا من البدايه صح ولا غلط كلامي
سامي : لا صح بس احس انها متغيره هالايام مدري ليه صاير معها شي او لا
طارق : تتوقع سالفه راشد ؟
سامي : لا لا مو سالفه راشد فيه شي غير سالفه راشد
طارق بدا يخاف من كلام سامي : تتوقع اهل امي
سامي التفت له بتعابير جامده ماكان يتوقع هالرد ابد ولا فكر فيه: لا لا ماتوقع هالشي ليش بيجونها من بعد هالمده
طارق هز كتفه بعدم اهتمام :تعرف من بعد سنوات فرقو بين امي وابوي والحين ماتبيهم يفرقون بين البنت والابو
سامي : بس لو كان كلامك صح ليه ماخذونا
طارق : هم مايبون عيال من ابوي او بنات من ابوي
سامي بجديه  : طيب ريم اختنا من ام وابو
طارق بشرح : شوف الحين امي مو تطلقت من ابوي وهي ماتدري ان عندنا اخت ببطنها او كانت تدري بس ماقالت لابوي
سامي : صح
طارق : طيب يعني انه هم يتوقعون انها بنت زوج امي اللي تزوجته من بعد ابوي وان لهم حق في البنت اكثر من الابو
سامي : صادق والله طيب وش نسوي او كيف نعرف
طارق وقف : شوف لانتسرع بالاحداث يمكن فيها شي ثاني غير اللي ببالنا
سامي : اي صادق يلا نروح لابوي
انتهى وقت الدوام ولما جاو يطلعون مشى رعد قدامها وهي كانت سرحانه
رعد بتنبيه : ريم ؟!
ريم : هلا اسفه سرحت شوي
حمد اللي كان واقف وشايف الموقف : يلا تعالو بنروح لفهد
ريم ابتسمت له وركبو بالطريق كان رعد وحمد يتكلمون بكلام عام عن الوظايف والمواقف
ريم : يبه شخبارك
فهد مسكك يدها : انا بخير ياقلب ابوك وانتي ليه وجهك كذا شاحب واصفر
ريم: يمكن من نومه امس مانمت عدل
فهد : انا مو قلت لك تنتبهين لصحتك اكثر من اهتمامك لي
ريم ابتسمت له : بهتم فيك وفيكم كلكم واهتم بنفسي لاتخاف
فهد : يابعد الدنيا انتي والله كيف يومك اليوم
ريم : بخير الحمدلله حلو درست وجيتك على طول
حمد : كيف صرت
فهد : بخير وانت شخباركم !!
حمد : بخير
رعد : الحمدلله
دخل طارق : يبه جاوك ضيوف
ريم عدلت جلستها وجلست بالكرسي اللي بجنب ابوها
دخلو مشعل وسلمان وبدر وراشد
بدر وراشد : ماعليك شر ياعم
فهد ابتسم : الشر مايجيكم
مشعل : الحمدلله على سلامتك
فهد : الله يسلمك
سلمان بمزح: فهد شصاير فيك توك امس معي نختار العرايس
فهد بضحكه : هذاني بخير لاتخاف نشوفهم وقت ثاني
ريم ابتسمت عليهم ووقفت بنسحاب التفتت وراها انتبهت لهم ابتسمت : وين بتروحون ؟!
حمد لعب بشعره : كنت بشرب مويه
رعد : اي وانا كنت بشوف وين بيروح وبروح معه
ريم ضحكت على شكلهم وارتباكهم : نرجع البيت ؟!
رعد التفت لحمد ببتسامه : طيب بس بعطي فهد والعيال خبر
حمد : احنا ننتظرك بالسياره اجل
ريم بتدارك: دقيقه مارح نروح الحين
حمد ورعد استغربو : ليه
ريم ابتسمت :فيه شي نسيت اقوله لسامي
سامي بهاللحظه طلع والتفتتو عليه تفاجئ وضحك : شفيكم تناظروني كذا
ريم ابتسمت  : لاننا كنا نتكلم عنك من شوي
سامي : عسى في الخير
ريم بهدوء : عادي اكلمك شوي
سامي : اي يلا
حمد مسك رعد : وين رايح
رعد التفت له : شفيك بنروح معهم
حمد : مالك داعي اجلس معي هنا
ريم : سامي بسالك سوال طرى على بالي اليوم
سامي حس بالم بقلبه من كلامها: شفيك !!
ريم : امم وين اهل امي ؟! يعني هم مايسالون عنك انت وطارق
سامي انصدم من كلامها : ليه تسالين
ريم : مدري اليوم جاء ببالي سوال لو دورو علي وش بيصير
سامي مسك وجه ريم : ريم قولي الصدق فيه شي صاير مخبيته علينا
ريم : لا لا لاتخاف مافي شي
سامي بجديه: اكيدد ؟!
ريم : اي اكيد
سامي : طيب يلا ارجعي ارتاحي انتي ولاتفكرين في شي
ريم: طيب
مشت من جنبه لهم وهم استغربو يعني ماقالت لهم شي وكانت سرحانه
سامي قرب منهم: خليكم معها لاتتركونها حتى بوقت النوم
حمد : صاير شي صح!
سامي: اهل امي
رعد مو فاهم بس سكت لانه بيعرف من حمد
حمد : خلاص اعتمد علينا
راحو وسامي كان واقف يناظرهم لما اختفو دخل للغرفه وابتسم قرب من طارق
سامي : تعال برا ابيك
فهد بستفسار : سامي وين اختك !!
سامي : راحت مع حمد ورعد البيت
فهد : اي زين وين بترحون انتو ؟!
سامي : لا دقايق ونرجع
طلعو
طارق: شصاير
سامي : ريم
طارق بقلق:صاير شي ؟!
سامي : تسال عن اهل امي واذا جاو يسالون عنها