خيالك الواسع (مكتمله)

بارت ٢٠

فهد : رعد شوف المكتب اللي بجنبي جهزته لك
رعد ناظر المكتب : مايحتاج هالمكتب يافهد
فهد : رعد انت حاليا نفس سامي وطارق فا ما ابغى معارضه
رعد : ابشر
جلس رعد بالمكت وكان داخل مكتب فهد يعني مكتب كبير وواسع وفيه مكتبين واحد له وواحد لرعد
دخل سامي بكل كبرياء وثقه : يبه انا بروح الاجتماع الحين اذا طلبو اتفق معاهم بالتصدير اوافق ؟؟
فهد يقلب بالاوراق : لا اخذ منهم اتفاق بالتصدير والتوريد
سامي : ابشر
طلع من المكتب اما رعد شاف الملفات اللي على مكتب فهد وقف وتوجه له اخذها وبداء يشتغل فيها فهد حب شغل رعد لانه مايزعجه بالاسئله وعارف وش يبغى فهد بالضبط
طارق دخل بتعب : يبه خلصت اول اجتماع هذي اوراقه
فهد اخذ الاوراق وحطها على المكتب : ايجابي ولا سلبي
طارق : سلبي بس اوعدك اني بحاول بالاجتماع الثاني اجيب نتائج ايجابيه
فهد : تمام
بعد مده دخل سامي وسلم الاوراق لابوه : ايجابي
فهد : تمام يلا كملو شغلكم
عند ربيم بالبيت دق جوالها وهي ماكانت حول الجوال استغرب وين بتكون يمكن نايمه
بدر دخل لمكتبه : راشد شرايك نتغدا برا ؟!
راشد : تمام الساعه ٢ المطعم المعتاد
بدر : تمام يلا انا بروح الحين
راشد بستغراب : وين بتروح ؟!
بدر : مافي شغل بروح البيت اريح شوي
راشد : تمام
بدر طلع من عنده وسمع جواله
راشد : اهلين
ريم : هلابك
راشد : اخبارك ريم
ريم : بخير وانت
راشد : بخير الحمدلله
ريم : دوم كيف الشغل معاكم
راشد : والله ماشي مافي شي حاليا انتي كيفك وينك فيه
ريم : بالبيت جالسه ابوي واخواني ورعد بالدوام
راشد : اي قال لي رعد انو ابوك وظفه معه
ريم : عقبال ما اتخرج واصير معاهم
راشد : ان شاء الله وش حابه تصيرين قطاع التسويق ولا ال
ريم ماخلته يكمل كلامه : لسه مافي بالي شي
راشد : ااوك يلا ما اشغلك كنت بتطمن عليك
ريم ابتسمت : تمام كيف بدر
راشد : بخير تو رجع للبيت بيريح ونطلع نتغدا ٢
ريم : حللو
راشد : انتي احلى
ريم انحرجت وماردت عليه
راشد بتدارك للوضع : تمام بروح الحين اشوف الشغل
ريم : تمام
سكر منها وابتسم
دخل عليه بالمكتب
سامح : راشد مافي شغل الحين شرايك نسولف
راشد عقد حواجبه : وانت يبي لك اذن علشان تسولف انت تسولف في اي وقت تعال
سامح جلس : السالفه بخصوص صالح
راشد زاد استغرابه : شفيه
سامح بتفكير : صالح يحب بنت ويبغاني اخطبها
راشد بفرح : طيب وش المشكله بهذا الشي
سامح رفع راسه : مشكله ومشكله كبيره بعد
راشد بستغراب : سامح مو فاهم شي تراني
سامح : لان البنت نفسها بنت واحد من اشد منافسينك
راشد تحولت ملامحه للجديه : طيب وايش فيها
سامح رفع راسه وعلامات الدهشه عليه : كيف وش فيها اقول لك من اشد منافسينك
راشد بهدوء : يا سامح فيه فرق بين الشغل وبين الحياه الخاصه صح من اشد منافسيني بس حتى ولول ليه اوقف حياه صالح على مصالحي وانا ممكن اتزوج البنت اللي احبها ومهتم فيها
سامح برتياح : الله يطمنك خفت انك تزعل منه او شي
راشد حط يده على يد سامح: سامح حياتك الخاصه انت حر فيها انا مالي الحق اتحكم فيها حتى لو بدر فضل يتزوج احد منافسيني مارح اعارضه لانه حياته الخاص الشغل بعيد عن هذا كله وممكن ينتهي ايش ذنب حياتك بشغلي
ابتسم سامح برتياح
نروح بمكتب فهد
فهد بستغراب يشوف المتصل : هلا حمد
حمد : طال عمرك بنتك تبغى تطلع ضروري
فهد بستغراب : عطها التليفون
ريم : هلا يبه
فهد: هلابك ياروحي شفيك ؟؟
ريم باحراج : يبه ابي اطلع ضروري ابي اشتري لي اغراض
فهد ابتسم وتنهد بنفس الوقت : طيب عطيني حمد واخذي رقمي من عنده احفظيه بجوالك
ريم : ان شاء الله
عطت حمد الجوال
حمد : هلا طال عمرك
فهد : حمد هي بامانتك ماوصيك عليها
حمد : ابشر
فهد : البطاقه معاك صح ؟!
حمد : اي معاي
فهد : خلاص هي بمسؤوليتك
سكر منه
رعد عقد حواجبه : بتطلع ؟!
فهد غمض عيونه بتعب : اي تقول تحتاج اشياء ضروريه
رعد وقف : اروح لها ؟!
فهد رفع راسه : لا مايحتاج خلك معي هنا
رعد : تمام
كملو شغل بعد مرور الوقت ريم لبست وطلعت مع حمد
حمد : وين تبغين ؟!
ريم بتفكير : ابغى مول يكون حلو وفيه اشياء مناسبه
حمد :الرياض بارك قريب من هنا تحبين نروح له ؟!
ريم : تمام
كانت الساعه ١٢
وقف السياره ونزلو
كانت تمشي وانتبهت لريم ابتسمت : اووه هذي ثاني مره
طلعت جوالها وصورت ريم : قلت لك رح تكون لي يعني رح تكون لي
ارسلت له الصوره
راشد كان بالمكتب ومافي شغل عنده جاته رساله على الواتس برقم غريب فتحها شافها ريم ومعها شخص ويضحكون سوا استغرب من هذا بدت الافكار تروح وتجي المرافق حقها رعد اجل هذا من ؟!
ارسل : وين هذا ؟! ومين انت ؟!
ساره ابتسمت : الرياض بارك مين انا ؟! مايخصك بس حبيت اقول لك زوجتك المصونه وينها فيه
راشد يفكر : انا ماقلت زوجتي حق احد الا لهذيك البنت
تنهد واخذ مفاتيحه واغراضه واتصل على بدر
بدر كان يلبس : توني بتصل عليك شرايك نروح الرياض بارك منه نتغدا ونتسوق ونشوف سينما
راشد ابتسم جات من الله : خلاص تمام نتقابل هناك ولا اجي واخذك ؟!
بدر : لا تعال خذني
توجه راشد لبدر ياخذه اما ريم بدت تدخل المحلات وتشتري اللي تحتاجه حمد : انستي
ريم نفخت خدينها : مو انت بعد ياحمد
حمد ابتسم : واجبنا
ريم بتهديد : يكفي ريم
حمد : تمام اللي تبغين ياريم صارت الساعه ١ ونص تبغين تاكلين شي ؟!
ريم بتفكير : متى يخلص ابوي دوامه ؟!
حمد : تقريبا ٢
ريم طلعت جوالها : هات جوالك
بهاللحظه كانو وراها وانتبه لها تاخذ جوال حمد بدا يغلي من داخل رجعت الجوال وابتسمت مشت معه وجلسو بكوفي
ريم اتصلت بابوها : هلا يبه
فهد : هلابك ياعيونه انتي
ريم : يبه خلصت ؟؟
فهد يناظر الشغل : اي تقريبا امريني
ريم ابتسمت بحياء : مايامر عليك عدو نتغدا برا ؟! عادي
فهد يناظر الساعه : انتي ماتغديتي
ريم : لا قلت اشوف اذا تجون عندي نتغدا
فهد التفت لرعد اللي خلص شغله وعياله خلصو اجتماعات من ١٢  تمام وينك انتي ؟!
ريم : بالرياض بارك
فهد : خلاص ياعيوني احنا قريبين اصلا ربع ساعه ونكون عندك
ريم : انتظركم
بدر بصدمه : ريم
ريم ابتسمت ووقفت : ياهلا
بدر : اخبارك واخبار الوالد واخوانك
ريم : كلنا بخير الحمدلله
بدر التفت على حمد : هلا كيفك
حمد : بخير
راشد : اخبارك ريم
ريم : بخير وانت
راشد : بخير
ريم : اجلسو معنا شوي ويجون ابوي واخواني
راشد بنظرات تحرق حمد وحمد ملاحظ ابتسم له
دق جوالها
ريم : هلا يبه اي فوق الدور الثاني
فهد : تمام جايينك