خيالك الواسع (مكتمله)

بارت ٩

بدر وصل للمزرعه وقف سيارته لما شاف سيارة راشد موجوده
دخل للمزرعه وانتبه لفؤاد اللي جالس يناظر الغرفه المسكره والمعزوله
بدر لما قرب منه فؤاد رفع راسه
بدر : موجود داخلها صح ؟!
فؤاد : طال عمرك اهو من زمان ماجاء لهالغرفه وش اللي حاصل
بدر تنهد : اللي حاصل سوء فهم وبس كيف نطلعه الحين
فؤاد : اهو لما جاء كان معصب مره وقال لي لو جاء بدر قول له لايتعب نفسه ويرجع
بدر بصدمه :هو قال لك كذا
فؤاد : اي
بدر ابتسم : طيب طيب ياراشد انا بخليك ترجع باسرع وقت بعد
فؤاد : تامر بشي طال عمرك ؟!
بدر : لا مشكور فؤاد
فؤاد : العفو
راح فؤاد تارك بدر وراه اللي طلع للبيت وعارف ان اخوه مارح يطلع الا بعد ايام دخل للبيت
رعد كان قباله طالع : وينه ؟!
بدر : بيجي لاتحاتي بس خله يهدا
رعد: روح شوفها مدري وش صار لها
بدر : تمام لاتحاتي انت وين بتروح ؟!
رعد : اي لازم اروح عندي كم شغله اخلصها
بدر : تمام لان ببالي شي ابقوله لك بس مو الحين لمن تفضى تعال ابيك
رعد بستغراب : طيب
بدر راح فوق وانتبه لها نايمه قرب من عندها عيونها حمرا ومنتفخه
بدر بنفسه * جمالها مو طبيعي وبشرتها غريبه عن طبيعه جونا الواضح اني بنبسط هاليومين كثيير *
غطاها وطلع
تفاجئ باللي واقف قدام باب الغرفه تنهد ومسك يده متوجه لغرفته
راشد بضيق : نامت ؟!
بدر التفت عليه وبشر : اسمع انت من اليوم ورايح مارح تقرب منها شبر واحد فاهم
راشد منصدم من ردت فعل اخوه وماقدر يرد
بدر بعصبيه وشر زايد : البنت جايتك ماندري عن اهلها شي لو تعرف اهلها رجعت لهم تتوقع بتجلس هنا وتتحمل شكوكك وافتراضاتك البايخه ؟!
جلس على الكرسي بدر من النوع اللي اذا عصب ينهار راشد كان خايف على اخوه مرره : بدر هدي طيب
بدر كمل : اسمع اتهاماتك وتحملتها من اليوم ورايح اشوفك مقرب منها باخذها واتركها عند شخص ممكن يقدرها اكثر منك وبعدين تعال انت سالتها وش صاير بينهم ؟! ولا اتهمتهم على طول
راشد ماعلق يدري ان كل الكلام اللي يقوله اخوه صح بس شافهم وش بيقول اكثر : بدر انا اسف ورح ابتعد عنها بس المهم ماتفقد اعصابك
طلع لغرفته تارك بدر بالغرفه ابتسم وضحك على الخفيف : ماتوقعت بهالسهوله تستسلم ياراشد لا وجاء من المزرعه انت ماعمرك سويتها تجلس بالايام هناك شصار اليوم ابتسم بنصر
راشد راح لغرفته فتح الدش ووقف تحته يفكر
ليه ماتكلمت او رديت عليه ليه وافقت الحين لازم اثبت كلامي وابقى على كلمه وحده تنهد وقفل الدش طلع لبس له شورت وتيشيرت رمى نفسه بالسرير بقرار انه بينام بس مشى الوقت وطلع الصبح للحين مانام لبس للدوام واتصل بالطباخ
راشد : جهز الفطور
الطباخ : حاضر
نزل للدور اللي تحت انتبه لبدر ومعاه شخص برا استغرب قرب منهم
راشد بصدمه : صالح ؟!
صالح التفت لراشد وابتسم له : هلا والله
راشد سلم عليه : شعندك
بدر : انا كنت ابيه
تركهم ودخل صالح استغرب تصرف بدر
راشد ابتسم بتعب : لاتحاتي قول لي وش صاير بدر فيه شي
صالح ناظر فوق ورجع نظره لراشد : لا بس ريم مرتفعه حرارتها واتصل علي بدر اللليل
راشد تنهد صالح ملاحظ انو راشد فيه شي كمل كلامه : وانت شفيك كذا احكي لي
راشد ناظر الساعه : تعال يمدي قبل الدوام
جلسو بالحديقه وقال راشد لصالح موقفه
صالح بستنكار : راشد انت تسوي كذا ؟!
راشد نزل راسه : لاتزيد علي جالس افكر كيف اصالح اخوي بدر واصالحها ورعد
صالح : ترا كلام بدر كان صدق انت تسرعت وماتكلمت معها علشان توضح لك
راشد: عارف بس كنت معصب ماكان بيدي شي
صالح : على العموم انا بروح الحين واشوفك الليله تمام
راشد : تمام
طلع صالح وراشد دخل للبيت حصل الفطور موجود لشخصين بس
جاء بدر من وراه وجلس بمكانه
راشد قرب منه : بدر
بدر رفع راسه : همم
راشد : انا اسف ماكان قصدي اسوي اللي سويته امس
بدر : جاي للشخص للغلط تعتذر منه
راشد : بدر انت سامحني واوعدك اصالحهم
بدر مسك وجه اخوه : راشد انا مو متضايق منك بس ابيك تتحمل خطاك انك تجرح انسان يعتبرك الحمايه والسند الوحيد له مو سهل
راشد نزل راسه بياس : عارف هالشي
بدر : ادري انك عارف لانك جربته بس انت تخطيته لانك قوي كيف ببنت ماتدري وش قصتها وانت عارف انو النساء حساسات لاي شي
راشد : اوعدك اصحح خطائي
بدر : اتمنى يلا كمل فطورك خلنا نطلع للدوام
راشد ماتكلم بس ملامح وجهه تكلمت رد بدر : اتصلت برعد يجي عندها لما نرجع لان عندنا اجتماع مهم
راشد : تمام
بدر كان بيمشي مسكه راشد من يده وبنكسار : بدر عادي اروح لها ؟!
بدر تنهد : انهي الاجتماع واطلع
راشد ابتسم وراح وراء بدر بس صدم ببدر لما وقف فجاءه : بس يويلك اسمع انك سويت شي جديد
راشد  بتسرع : لا اوعدك مارح اسوي شي
بدر : تمام
دخلو للاجتماع وانتهى طلع راشد على طول للبيت
رعد كان بالحديقه برا جالس يقراء كتاب انتبه لدخول راشد بس ماتكلم حب انه ينسحب وقفه صوت راشد
راشد : رعد انتظر
رعد التفت : هلا ؟!
راشد قرب منه بضيق وخجل من نفسه : اسف رعد ماكان قصد
رعد ماخلاه يكمل كلامه : ادري مو بقصدك لاتحاتي راشد ماصار شي
راشد : كيفها الحين ؟!
رعد : الحمدلله احسن بس الحراره تنزل وترتفع
راشد : تمام بروح اشوفها
رعد : اجل انا بستئذن الحين
راشد بستغراب : وين ؟!
رعد : عندي كم شغله وسامح يبغاني اقابله اليوم
راشد ضرب راسه : اووه سامح نسيت اقول له اني بطلع
رعد : بتصل عليه انا لاتحاتي
راشد : شكرا
راح يركض لغرفتها اما رعد اخذ جواله وهو متوجه للسياره رن رنه رنتين
سامح : الو هلا رعد
رعد : سامح خلصت ؟!
سامح : لا راشد مدري وين اختفى
رعد : راشد طلع وقال لي ابلغك
سامح بتعب : ياربي هذا كل مره بيسوي هالحركه
رعد : لاتلومه عنده شي مهم بالبيت يهتم فيه
سامح ما اهتم : طيب وينك انت نتقابل بالمطعم المعتاد ؟!
رعد : اي تمام بتوجه له
سامح : يلا اجل نلتقي هناك