سويت مثل ماطلبتو كل يوم بارت 😔💔 بس اتمنى التفاعل يصير على قد التعب اللي اسويه واشوف كومنتات كثير منكم
وصلو للبيت وتجمعو بالحديقه
ريم : اقدر الحين احكي لكم عن قصتي
بدت تحكي والكل منتبه لها مو مصدقين بعض المواقف ينصدمون وبعض المواقف يحسون بالحزن عليها
راشد بعدم استيعاب : يعني انتي تكونين بنت فهد ال **
ريم هزت راسها بالايجاب
بدر بصدمه مو اقل من اخوه : اخت طارق ؟! يعني
ريم ورعد ناظرو بعض وضحكو من ردت فعلهم
ريم: اي صح
بدر رجع نفسه بالكرسي : اووووه صدع راسي
ريم مسكت يدينها ببعض
رعد بصوت واثق وهادي : وناويه تروحين تعيشين عندهم ؟!
ريم رفعت راسها اما راشد التفت عليه وبدر هذا اللي ماكانو متوقعين ابد يجي يومه بسرعه
ريم : للحين انا قلت لعمي * سكتت فتره * لابوي اني بكلمكم وهو بيكلم اخواني
بدر بتذكر : صححححح سامي بيرجع اليوم
ريم : ليه مو هنا اهو ؟؟
بدر : لا يدرس برا بس انه يجي كل شهر عنده شغل حتى اهله مايعرفون عنه
ريم بستغراب وتذكر : سامي ؟! وكل شهر يجي
بدر : اي دقيقه بشوف اذا له صور معنا او لا
بدا يدور بجواله : ماعندي للاسف يلا تشوفينه بكرا او بعده
ريم تذكرت امها وناظرت يدها اللي مشبكتها ببعض : بروح غرفتي
رعد وقف يشوفها لما دخلت الفيلا رجع لراشد وبدر جلس عندهم
راشد كان مركز نظره بالهوا ومو مستوعب الكلام للحين : يعني بتروح ؟!
رعد مسك يده: راشد البنت فقدت امها وانت شفتها وكان الوضع عادي صح ؟!
راشد وبدر بنفس الوقت : طيب ؟!
رعد تنهد : بفهمكم البنت حاليا بصدمه ومو مستوعبه الكلام ونهايه هالصدمه بتكون مو بصالحها لانها بتنهار فا اذا طولت بالكتم والصدمه اللي هي فيها حاليا بتعاني
بدر بتركيز : طيب يعني وش نسوي
رعد : للاسف مافي الا شي واحد نفقدر نسويه
راشد : قول وش نقدر نسوي
رعد : شوفو انا بحاول اليوم اتكلم معها اذا مافاد رح اطلب منك ياراشد انك تستفزها بالكلام لدرجه تنفجر
راشد : تنفجر ؟!
بدر يفهمه : يعني يقصد بدر انها تطلع اللي بقلبها
رعد : بالضبط
راشد : تمام وانا موافق
ريم بعد ماراحت غرفتها بدت تتبسم ماتدري ليه تحس بصراع داخلها رمت نفسها بالسرير ودخلت بنوم عميق بس هالنوم كله كوابيس
ببيت فهد الساعه ٩ بعد وصول سامي
كان بغرفته سمع صوت الباب : ادخل
طارق فتح الباب : عندددي لك خبر قنبله
سامي عدل التيشيرت : اخلص لاني بروح مشوار ضروري
طارق : اووف منك لازم كل ماجيت تروح هالمشوار لو انها زوجتك ماسويت كذا
سامي التفت عليه بنظره حاده
طارق بخوف : خلاص خلاص بقول ابوي يبينا بموضوع مهم
سامي : اللي هو ؟!
طارق : طلع المشكله
سامي مشى من جنبه : خلاص حتى انا بطلع اذا رجع نتكلم
طارق : طيب لاتطول
سامي لوح له : اوك اوك
ببيت راشد
رعد : ريم ريم
ريم كانت توها صاحيه : هلا
رعد : ممكن ادخل
ريم : ادخل
رعد دخل وشافها ترتب الكتب : وش تسوين ؟!
ريم : توني صاحيه وقلت اذاكر شوي
رعد : اها طيب ممكن اتكلم معك شوي
ريم التفتت له : اذا على اللي صار اليوم لاتخاف متعوده على هالاشياء تصير
رعد ماكمل كلامه وطلع
توجه لغرفه راشد
راشد : ادخل
رعد دخل وجلس بجنبهم : مافي امل
راشد : والحل
رعد : نتركها يمكن تتحسن اذا ماتحسنت رح نضطر نسوي اللي قلت لكم
بدر : اتمنى تتحسن لان هالحل مستحيل يكون بصالحنا
مر الوقت وصارت الساعه ٢ الفجر دخل للبيت مزاجه معفوس
طارق : اخيرا شرفت ابوي يبينا بالمكتب
سامي عطاه نظره وتوجه للمكتب
طارق رفع كتفه : انا مدري ليه هالنظرات من اليوم تقول ذابح له احد من اهله
دخل المكتب وراء اخوه
فهد : حاليا انا ابغى اقول لكم عن حكايه واتمنى تتقبلونها واذا ماتقبلتوها مايهمني لان هالشي رح يصير غصب عليكم
سامي : شفيك يبه خوفتنا
طارق : والموضوع يخص البنت اللي اليوم صح ؟!
فهد : اي
حكى لهم القصه كامله
سامي بتسرع وفرح : يعني هي بخير ؟
فهد استغرب ردت الفعل : شفيك تعرفها ؟!
سامي سكت وهو مبتسم
فهد بشك : سامي قول لي الحقيقه انت كنت تعرف هالشي ؟!
سامي :يبه صديقي اخته كانت تدرس معها وعرفت اسمها وكانت تتكلم لصديقي وهو اللي قال لي
فهد بصدمه : طيب كمل
سامي : انا استغربت قلت كيف نفس اسمي وانا ما اعرفها وما اهتميت بس لما قال لي ان اسم امها فاتن بعد سوالها قررت اروح اكلم امها وصدق بالموت قدرت احدد موعد مع امها طبعا بعد خروج زوجها وعرفت انها امي وان ريم اختي وصرت ازورهم كل شهر
طارق بتفكير : يعني اللي طلعت علشانها الساعه ٩ كانت هي بتروح تشوفها بالقريه اللي هي فيها ؟!
سامي التفت على اخوه : اي وانصدمت ان القريه اللي كانو ساكنين فيها ماعاد لها اثر
فهد بتاثر اخيرا حصل بنته بس بنفس الوقت خسر زوجته اللي يحبها او طليقته : اي انا بعد لما شفتها امس انصدمت تشبه امها كثير
طارق : وكل هذذذذا يصير وانا ما ادري ؟!
سامي ابتسم : اي للاسف نايم بالعسل انت
طارق طلع لسانه
فهد بحزم : احترم نفسك ياولد
سامي بستفسار : يبه هي وينها الحين ؟!
فهد : ببيت صديق طارق بدر
سامي : طيب بروح لها تسمح لي ؟!
فهد بصدمه : ياولد يمكن نايمين
سامي وقف واخذ مفتاح سيارته : لا يبه بدر ماينام هالوقت
فهد ضحك: طيب انتبه لنفسك
طارق : خذني معك طيب
سامي : لا ببالي شي بسويه انت خلك هنا
طارق : طيب يابو المصايب
سامي : بايي ادعو لي
سامي طلع وركب سيارته اتصل على بدر
بدر : هلا سامي الحمدلله على السلامه
سامي : الله يسلمك خل ادخل بالموضوع على طول
بدر بضحكه : عادي اصلا كنت متوقع
سامي : عادي اطلب منك طلب
بدر : اطلب عيوني لك
سامي : تسلم عيونك انا جاي بالطريق حاول تخليها تطلع بالحديقه وياليت يكون مكان صاد شوي ببالي شي بسويه
بدر مستغرب : كيف يعني مافهمت هذا اول لقى بينكم وتبي تسوي كذا ؟!
سامي : بدر تكفى لاتعارض واسمعني
بدر : بسويه بس بشرط لازم افهم كل شي يصير
سامي : ابشر ماطلبت شي بس استعجل صرت قريب من بيتكم
بدر : طيب طيب
سكر من سامي راح لغرفتها ودق الباب
بدر : عادي ادخل
ريم : ادخل
بدر ببتسامه : اخبار الحلوه
ريم بادلته ابتسامه : بخير وانت
بدر : بخير بسالك
ريم : وش ؟!
بدر : انتي تذاكرين صح ؟
ريم : اي
بدر : قلت لهم يجهزون لك الطاوله الخارجيه الجو حلو احلى من الغرفه
ريم بمتنان : اي كنت بطلع بس خفت ماتسمحون لي
بدر : لا لا يلا انزلي
ريم : تمام
بدر راح لغرفه راشد ودخل مستعجل
راشد فز : وجع ماتعرف تدق الباب
بدر بهمس : اششش في شي بيصير واتمنى ماتقاطعه ولا كف
راشد بستغراب : وش بيصير !!
بدر : اشش اسكت وتعال
راحو للشرفه وانتبهو لها تطلع وتجلس بالكراسي
بدر سمع جواله : هلا
سامي : ادخل ؟!
بدر : اي اي ادخل
سامي : تمام مشكووور
سكر منه
راشد اللي مو فاهم شي : ممكن تفهمني الحين وش صاير ومن جاي لنا !!
بدر : بتعرف الحين
راشد انتبه للظل اللي صار يتقدم منها
اما ريم كانت مندمجه بالاوراق اللي قدامها ومانتبهت الا لصوت الخطوات التفتت بصدمه وفرح : فهد
سامي تقدم منها وضمها : ياروح فهد اخبارك
ريم بخوف بعدت عنه : كيف جيت ووش تسوي هنا اخاف يشوفونك ويسوون فيك شي
سامي رجع ضمها قد ايش اشتقت لك والحمدلله اخيرا بتصيرين قريبه مني وبنفس البيت ومارح احاتيك من بعيد : لاتخافين اتوقع حاليا مشغولين
بعد عنها ريم متمسكه بقميصه : فهد صارت اشياء كثيره وابي احكيها لك
رعد كان مستند على الجدار ويسمع الحوار ولما وصلت لها النقطه قرر ينسحب
راشد والفضول ذبحه : مو هذا سامي ليه تقول له فهد ؟
أنت تقرأ
خيالك الواسع (مكتمله)
Roman d'amourماعندي تصور لروايتي بس رح تكون باللهجه السعوديه واتمنى تعجبكم
