خيالك الواسع (مكتمله)

بارت ٣٣

معليش على تاخير البارت بس كنت تعبانه كم يوم واليوم نزلته ♥️ واتمنى مثل ماعودتوني تفاعلكم ماينزل
................
اول ماوصلت الطياره
رعد بدا يحركها : ريم ريم
ريم بنعاس : همم
رعد : ريم اصحي وصلنا
ريم صحت من النوم بس للحين فيها الصداع نزلو كلهم وطلعو انتبهو للوحه اللي مكتوب عليها اسم رعد عرفو ان هذا مشعل
ريم بصدمه وهمس لحمد: هذا سعودي متاكد !!
حمد ضحك عليها : اي بس من عاشر قوم اصبح منهم
ريم : مو غريب شكله بس بعد غريب
قربو من عنده
مشعل مد يده لرعد ولحمد وابتسم لريم : كيف كانت رحلتكم
ريم ببتسامه: حللوه مره
مشعل : يلا نروح اجل واضح تعبتو من السفر
ريم تنهدت : من جدد
راحو مع مشعل للبيت اللي اشتراه سامي لها اول نرجع للسعوديه سامي كان جالس مع مع ابوه وطارق
سامي انتبه لجواله وابتسم : يبه وصلو الحمدلله
فهد باطمئنان وراحه : الحمدلله وكيفهم الحين
سامي : مشعل يقول انهم بالطريق للبيت
طارق : تتوقع طلع لهم ارقام
سامي : ارقام لا لسه ماقال لي انه طلع لهم بس يطلع برسل ارقامهم لكم
فهد وقف وربت على كتف سامي : طمنتني ياولدي
طارق : بس يبه انا عندي سوال
فهد بستغراب : اسال
طارق : يبه ليه وافقت انهم يروحون بدون سامي
فهد بتفكير : مدري ليه وافقت بس بما ان الدراسه بدت مابغاها تتاخر عن شي وسامي لاحق روح لها على ماتتعود وتتاقلم
طارق بتفهم : اها فهمت الحين
بالسياره كانو واصلين للبيت
ريم كانت ترجف من البرد : البيت دافي ؟!
مشعل التفت لها وانتبه لشفايفها الزرقاء وخدينها الورديه متجمده من البرد كانت درجه الحراره عندهم ٢ : اي دافي
فتح الباب ودخلو ريم انبسطت البيت حلو ومرتب بشكل مو طبيعي كانه لعبه
رعد كان معه شنطتها : ريم
ريم التفتت له : شفيك ؟!
رعد التفت لمشعل : وين الغرف
مشعل مشى معاهم يعرفهم عن البيت وعن الغرف كانت غرفتها بعيده شوي عن غرفهم
مشعل : اذا احتجتو حاجه انا بالبيت اللي بجنبكم ورقمي عندكم *مد ٣ شرايح لرعد * هذي الشرايح كلها ارقام جديده لكم ال٣ السياره رح تكون عندكم العصر
رعد بمتنان : مشكور تعبناك معانا
مشعل : لاتعب ولا حاجه واجبي يلا انا استئذن
بعد ماطلع مشعل رعد التفت لحمد وعطاه الشرايح وعطاه الجوال حمد اكثر خبره من رعد بالسوالف هذي
نرجع منهم للسعوديه
طارق: اي وصلو اتصل علينا مشعل
راشد اللي كان يصب القهوه * ناقصين يجي شخص جديد * تنهد وهو يحط القهوه
طارق : اوه صح رعد يبي رقمك ياراشد
راشد التفت : عطه طيب
طارق ابتسم : تمام
بدر باقتراح : اتصل عليه يمكنه صاحي
طارق : فكره والله تمام بتصل
اتصل عليه
رعد كان صاحي يجهز اشياء الدراسه لانهم بكرا بيبدون انتبه لجواله
رعد : هلا والله
طارق بفرح : رعوورد
رعد بضيق : مع السلامه
طارق : لا لا تعال اسف
رعد : شفيك !!
طارق: بسولف معك فاضي
رعد : تعرف الساعه عندنا كم
طارق ضحك : اعرف الساعه ٣
رعد : مدامك تعرف ليه
طارق قاطعه : اخباركم واخبار ريم
رعد : تمام
دخلت ريم عليه ومعاها كوب قهوه التفت عليها : كلنا بخير تبي تكلمها
طارق بستغراب : ليه هي صاحيه
راشد انتبه انها صاحيه وابتسم
رعد : اي صاحيه هذاهي بتكلمك
ريم : طارق
طارق بحماس : رييين اخبارك ياروحي
ريم : بخير وانت كيف ابوي وسامي
طارق : كلنا بخير
ريم : هم عندك خلني اكلمهم
طارق : لا انا عند بدر
ريم انحرجت : تمام
بدر : كيفك ريم
ريم ابتسمت : بخير وانت وكيف راشد
راشد : انا بخير
بدر :بخير كيف الجو هناك تاقلمتي ولا لسه
ريم : الحمدلله مبسوطه
رعد : يلا بسكر ننام ساعه قبل الدوام
طارق : تمام رعد يويلك يصير شي بريم
رعد : لاتخاف بعيوني
طارق : ايوه كذا اتطمن يلا تصبحون على خير