خيالك الواسع (مكتمله)

بارت ١٩

ببيت فهد تحديدا بالمكتب
فهد يده على خده ويراقب حركات رعد بعد ماخلص
رعد اخذ المنديل ومسح فمه : شكرا
فهد انتبه له واستوعب : عوافي * اشر على المغسله * شوف المغسله هناك اذا تبيها *
رعد وقف وفتح باب الحمام الخاص بالمكتب غسل يده وطلع يجلس مع فهد
فهد وعينه ماراحت من رعد : رعد
رعد : هلا ياعم
فهد بصرامه : فهد تكفي ماله داعي الرسميات
رعد ابتسم بخفيف  : ابشر
فهد : انت عندك وظيفه ؟!
رعد ابستغراب وماكان يتوقع ابد هالسوال : لا
فهد ابتسم كانه ناوي على شي : حللو من اليوم عندك وظيفتين
رعد عدل جلسته : ياع * سكت وتذكر كلام فهد * يافهد مالي بالوظايف يكفي اني اهتم بريم
فهد وقف وتوجه لرعد لانه كان جالس بالمكتب : لا مو وظيفه خارجيه رح تساعدني هنا بالمكتب
رعد رفع راسه : كيف للحين مو فاهم الوظيفه
فهد : يعني اذا ريم كانت بالبيت ومارح تطلع او تسوي شي رح اوكللك تساعدني هنا بالمكتب منه ترتيب اوراق ومنه اتسلى معك
رعد وقف : وانا موافق
فهد مد يده وتصافح مع رعد
رعد : انا بستئذن الحين
فهد : انتبه لنفسك
رعد طلع من المكتب وصادف طارق جالس بالصاله
نرجع لقبل شوي عند طارق
اخذ الصينينه وتوجه لغرفه اخته دق الباب
سامي :ادخل
طارق فتح الباب : اكل البرنسس جاء
كانو جالسين على السرير والاوراق والصور قدامهم
ريم ابتسمت : تعال جيت بوقتك
طارق بستغراب : متاكده انه انا اللي جيت بوقتي ؟!
ريم نفخت خدينها بلوم : اي انت
طارق قرب ونزل الصينينه ومشى لعندها ضغط خدينها : خلاص لاتزعلين
ريم جمعت الصور والرساله وبعدت له علشان يجلس رفع راسه لسامي وهز راسه بالايجاب جلسو وبدو يتكلمون عن الرسايل والكلام اللي فيها وصورهم وهم صغار بعد مرور ساعه
طارق بتعب : يلا انا بروح وانتو نامو ورانا بكرا شغل
ريم : تمامم
طلع من غرفته للصاله وشغل التلفزيون وبهاللحظه طلع رعد
طارق نزل راسه لوراء : اووه رعد تعال نتابع فلم سوا
رعد : لا بروح تاخرت
طارق بعدم اهتمام : تمام انت الخسران اصلا
طلع رعد لسيارته وجلس فيها *معلومه عن رعد ممكن ينام باي مكان بحسب ظروف عمله*
بغرفه ريم وقف سامي بجنب السرير : يلا بخليك الحين ترتاحين والصباح بصحيك
ريم هزت راسها بتعب وغطت بنوم طلع من غرفتها لغرفته ودخل بالنوم مر الوقت صارت الساعه ١ ونص فهد رتب اوراقه وقرر يطلع شوي يشم هوا ويدخنطلع ولع سيجارته انتبه لسياره رعد واقفه وواضح فيها احد نايم استغرب وقف ونفث الدخان بدا يمشي بتجاه وقف بجنب النافذه ودقها بخفيف رعدد اللي ماكان نايم بس يحاول ينام تفاجئ من دقه النافذه وجلس
رعد فتح النافذه وشعره تبعثروبستغراب  : فهد
فهد ابتسم : كنت متوقع احد ثاني
رعد انحرج : لا بس استغربت وجودك هالوقت هنا
فهد سند نفسه على النافذه : انا اللي مستغرب وجودك هنا ليه مارحت لبيتك ترتاح ؟!
رعد : اي ماحبيت اروح يمكن يصير شي وما اكون وجود بالوقت المناسب
فهد وقف : خلاص اجل ادخل
رعد بدا يتلفت : ادخل وين ؟!
فهد : داخل للبيت وين تدخل بعد
رعد : اي لا لا مكاني مناسبني
فهد بحزم : قوم ادخل ولا بجلس معك هنا
رعد بستسلام : بس انت مانمت من الصبح انا نايم
فهد : ماعليه تعال وبنام بس اتطمن انك داخل
رعد : امري لله
نزل وقفل السياره وراه 
فهد نفث الدخان اللي بفمه : تدخن ؟!
رعد : بالحالات الحرجه
فهد ضحك : الله يعين لو اننا على كذا كان للحين بعز شبابنا
رعد : للحين توك صغير
فهد بدت نبرته تضعف : لا وين صغ
رعد كان متوقع هالشي فهد طاح ومسكه رعد دخله داخل البيت طارق صحى يستوعب اللي حوله وشاف رعد شايل فهد
طارق بصدمه : ابوي
رعد  وبهمس : اشش نايم
طارق بدا يناظر بغباء : نايم ؟!
رعد ابتسم : وين غرفته ؟!
طارق وقف ومشى قدام رعد وفتح باب الغرفه حط فهد بالسرير وغطاه وطلع
طارق : شصار
رعد : من الصباح يشتغل اكيد بيجيه ارهاق
طارق بتفكير : لا لا مو من الصباح من قبل امس
رعد وسع عيونه بصدمه : تمزح صح ؟!
طارق : لا والله هو كذا
رعد : تمام روح انت نام
طارق بتثاوب : تمام تصبح على خير
رعد : وانت من اهل الخير
توجه لفراشه اما رعد طلع وجلس بسيارته
باليوم الثاني صحى سامي بنشاط توجه لغرفه طارق
طارق ضحك  : صحيت صحيت
سامي فتح الباب : صباح الخير ياحلو
طارق : صباح النور
سامي قرب منه : هاه نمت عدل
طارق : اي * سكت فتره * صح ماقلت لك
سامي كان طالع التفت له : وش
طارق : امس ابوي اغمي عليه من التعب
سامي : اما ووين حصلته
طارق يسكر ازرار ثوبه : لا ماحصلته بس كان يتكلم مع رعد وطاح عليه جابه امس هنا
سامي بستغراب : ووينه الحين ؟!
طارق : بغرفته اكيد
سامي : تمام بروح اشوفه علشان بروح بدري ارتب للاجتماع
غرفه فهد كانت تحت وغرفه المكتب والمطبخ والصاله ودرج للقبو  وصل لغرفته دق الباب مافي رد استغرب بس سمع صوت جاي من جهه المكتب مشى بتجاهه ودق الباب
فهد كان يرتب اوراق الاجتماع اللي اليوم عنده : ادخل
سامي : يبه مارح تفطر ؟!
فهد بتركيز بالاوراق وكانه تذكر شي : الا جاي وراكم بس ولا اقول خلاص روح بسويه انا
سامي استغرب بس مشى بتجاه الباب طالع
سامي بتفاجئ: ريم متى صحيتي ؟!
ريم ابتسمت : صباح الخير طيب
سامي بنحراج : صباح النور
ريم ناظرت وراه : وصباح الخير لك
طارق يعدل شعره : صباح النور ياحلوه
فهد طلع من المكتب متوجه لبرا
طارق بسريع : يبه
فهد اشر له بانه بيجي طلع برا وشاف رعد بالسياره نايم
قرب من السياره ودق النافذه رعد مارد دقها اقوى شوي قام رعد من النوم نزل النافذه
رعد بصوت ثقيل بسبب النوم : هلا فهد
فهد بزعل مصطنع: يعني سويتها ؟!
رعد بستغراب : وش سويت
فهد : ليش مانمت داخل ؟!
رعد ابتسم وحرك شعره : اي لاكنت
فهد قاطعه : انزل الفطور جاهز دوره المياه اول ماتدخل على يسارك
رعد فتح الباب : تمام
دخل فهد بكبريائه وثقته : ريم
ريم التفتت لابوها : هلا
فهد فتح الكرسي بيجلس : ضيفي صحن معنا
ريم اومئت بالايجاب
افطرو وانتهو
فهد بتفكير : ريم رح تطلعين اليوم ؟!
ريم بتثاوب : ماتوقع رح انام اليوم
فهد التفت لرعد : اجل اليوم بتكون معي بالدوام
طارق وسامي التفتتو لبعض
فهد مشى بتجاه المكتب : سامي طارق تعالو ابيكم
رعد كان واقف وخاف من ردت فعلهم لان ابوهم ناداه بالاسم ويبغاه يكون معه من اليوم ورايح
دخلو للمكتب
فهد بهدوئه المعتاد وجديه : ياعيال انا وظفت رعد
سامي التفت لطارق : اي ندري يبه
فهد رفع راسه : لا انا صدق وظفته وظيفتين
طارق : مافهمنا ؟!
فهد : يعني رعد رح يكون معي بصفته مساعد ورح يكون المسؤول عن ريم بوقت واحد
طارق بتفهم : اها طيب اوك عادي
سامي بتفكير : جدد هذي مافكرنا فيها يبه انت ماسك الفرع الرئيسي لازم معاك مساعد بس هل انت متاكد من قدرة رعد ؟!
فهد : متاكد مثل ما اشوفك قدامي هنا
سامي وقف ومد يده لابوه : بتوفيقق يبه
فهد ابتسم عياله كبرو وبدو يتفهمونه
طارق ببتسامه : اجل بروح ابارك لرعد
طلع من المكتب قبل يتكلم فهد
فهد هز راسه بياس : مارح يعقل
سامي ضحك : لا ما اتوقع ابد