خيالك الواسع (مكتمله)

بارت٣٥

عارفه تاخرت عليكم بالبارت بس صار لي مشكله مع البرنامج والحمدلله تعدلت 😭♥️ اترككم مع البارت صح رح يرجع نظام التنزيل ل يوم اي يوم لا رح يكون يوم لروايه ويوم الثاني لروايه اول اهتماماتي
...............
اول ماجلس هو ورعد دق الجوال وشبكه بالاب توب
رعد جلس بجنب حمد
فهد ابتسم : اخباركم
حمد : بخير الحمدلله
رعد : بخير وانتو
فهد : احنا بخير كيفكم استقريتو خلاص ؟!
حمد : اي استقرينا ورتبنا امورنا واليوم داومو
رعد ضحك التفت له بستغراب وفهد نفس الشي استغرب رعد اشر بيده
رعد : اسف بس كانه ابو لنا واهتمامه
ضحك فهد : علشان كذا خليته يروح معاكم
حمد عطاهم نظره : شقصدكم ؟!
جاء سامي من وراء ابوه : اهلييين
حمد ورعد : ياهلا
طارق بصرخه: ريييم
فهد سكر اذنه بنزعاج والتفت له بنظرات تهديد
حمد : نايمه لما رجعنا على طول نامت
سامي : رعد كيف اول يوم دوام
رعد : كويس بس صارت لنا مواقف شوي محرجه
فهد عقد حواجبه : شفيه وش صاير
رعد حكى له اللي صار
سامي بضحكه: وطول هالوقت تظنون انه طالب اكيد بيبين بشكله
رعد : لانك ماشفت اشكالهم فيه كبار وصغار
طارق : المهم انكم درستو والباقي لاحقين عليه
فهد : الحين ريحو وبعدين بنسولف ونكلمكم اذا صحت
بهاللحظه دخل بدر للصاله
بدر لطارق : وينك انت
طارق اشر له : تعال سلم على رعد وحمد
قرب بدر وسلم عليهم
بدر : كيف الغربه ؟!
حمد التفت لرعد اللي قام من جنبه يجيب جواله : تونا ماخذنا يوم علشان تقول كذا
بدر : ايي ادري بس حتى ولو اعجبكم الجو والوضع
رعد جاء وجلس : بيوم تعالو كلكم عندنا
بدر لطارق : صادق ترا فكره حلوه
فهد : وانا جدار عندكم تتكلمون ولا كانه احد موجود ؟!
سامي : محشوم يبه
فهد : يلا اتركو العيال يرتاحون وانت ياحمد اول ماتصحى طمني
سامي : ابشر
طارق طلع مع بدر
طارق يلعب برجله على الارض : تصدق مع اني ماعشت مع ريم كثير الا اني افقددها
بدر بحنيه : الاخوان كذا والدم كذا حتى لو مابينكم شي لو كل واحد ببلد تشتاقون لبعض
طارق : نفسك وراشد
بدر : صح بس بنفس الوقت لا
طارق : بعد وفاة امك وابوك  ربيت راشد وكبرته وتركت كل المسوؤليات عليك وهو توه يدخل لها العالم كيف ماتقول لا وبعدها لما حصلت وقت لنفسك سافرت شهرين ورجعت وهذاك عندي حاليا
بدر : اييه
طارق : الا صدق وينه راشد ؟!
بدر : بالبيت نايم
طارق بشك : اقول بدر ماودكم تتزوجون
بدر عطاه نظره وضحك: اول تزوج انت بعدين تكلم بغيرك
طارق : يووه لا انا ابي اشوف عيالكم بعدين افكر
دق جوال بدر
بدر : هلا اي انا بدر امرني هاااااا وش تقول انت تمام وينك انت بجيك
طارق خاف من ردت فعله : شفيك ؟!
بدر : عمي جاء
طارق استغرب : اي عم ؟!
بدر : عمي سلمان
طارق : يووه سلمان وينننه ذا له ٦ سنين مختفي
بدر : اي كان عايش برا وللحين عايش برا شوف الحين وش اللي جايبه
طارق : اروح معك ؟!
بدر ربت على كتفه : لا مايحتاج بتصل عليك الليل تمام
طارق : تمام بنتظر اتصالك وانتبه لنفسك
بدر اشر له وركب سيارته
نروح منهم عند اللي برا
رعد طلع مكرونه وفطاير : حمد
حمد كان على الاب : هاا
رعد : شسوي اكل مكرونه ولا فطاير
حمد بتفكير : والله جوعان انا يكون افضل لو مكرونه
رعد : تمام روح شوف ريم طيب
حمد تنهد وسكر الاب وراح لها فوق دق الباب
ريم : ادخل
حمد فتح الباب وشافها جالسه والكتب حوللينها والاب قدامها : من متى صاحيه
ريم : من شوي وقلت اكمل واجباتي
حمد : قومي طيب تحت كملي
ريم : لا بجلس هنا فيكم شي ؟!
حمد تقدم لها : لا مافي شي بس علشان رعد بيسوي عشاء
ريم سكرت الاب ونزلت من السرير كان عليهاروب وتحته بجامه شورت استوعبت لبساها وانحرجت غطت نفسها بالحاف   : اوووه جوعانه عاد
حمد ضحك عليها : بدلي وانزلي
ريم  حمرت خدينها : تمام
لبست برمودا مع البجامه اللي عليها ونزلت رعد كان بالمطبخ يقطع الخضره وحمد يرتب المكان
ريم : اساعدك
رعد ابتسم : تعالي يلا
ريم بدت تقطع معه ولما انتهو ينتظرون يستوي
حمد : ريم تعالي ابغاك
ريم استغربت وراحت له
حمد فتح الكام : فهد
فهد : هلا حمد شفيك
ريم جلست بجنب حمد : يببه
فهد بشوق : رريم اخبارك يابوي
ريم : انا بخير يبه وانت اخبارك واخبار طارق وسامي وكيف يومكم ودوامكم
فهد ضحك: بشوييش كلنا بخير مانسال الا عليكم
ريم : احنا بخير يبه لاتحاتي
فهد : الحمدلله كيف الدوام حلو ؟!
ريم : اي الحمدلله حللو مره
فهد : طيب حللو
رعد بصوت عالي : يلا تعالو اكلو
فهد : يلا بخليكم الحين واروح اكمل شغلي
ريم : يبه
فهد : عيون ابوك
ريم ببتسامه: لاتتعب نفسك بالشغل
فهد : ابشري شي ثاني ؟!
ريم : سلامتك سلم على اخواني
فهد : من عيوني
بعد ماخلصو اكل راحت ريم غرفتها وجابت جوالها وجكيت طلعت بالشرفه وجلست شعرها منثور على ظهرها وعلى جوانب الكرسي خدينها وخشمها احمر  فتحت محادثته متردده ترسل له او لا بعدها قررت ترسل له
ريم : كيف يومك
بعد دقايق طلع حمد لها : ريم بتجلسين هنا؟!
ريم هزت راسها
رعد جاء من وراء حمد ومعاه كوبين شاي دافي عطاها كوب ومعاه كوب واشر لحمد انه رح يضل عندها
ريم ابتسمت : كيفك ارتحت ولا ؟!
رعد هز راسه بالنفي
ريم : ليه ماريحت
رعد : حمد صاحي وماقدرت انام واتركه
بعد فتره صمت
ريم : رعد بيوم حبيت ؟!
رعد استغرب السوال بس ابتسم  : انا اي قد حبيت
ريم : صدق من حبيت
رعد : بنت جارنا
ريم بحماس : طيب
رعد : كنت احبها بس خلاص الحين تزوجت وعايشه مع اولادها
ريم بضيقه: اووه ماصارحتها طيب
رعد: لو صارحتها كان ماشفتيها متزوجه حاليا
ريم : اييه صح
حطت راسها على صدره وضلو ساكتين لما هز جوال رعد فتحه وقراء الرساله بصمت
ريم : رعد
رعد : همم
ريم : لو حبيت بيوم عادي اجي اقول لك
رعد اخذ نفس : انا موجود علشانك ولو اني ماصادفتك حياتي ماتعني شي
ريم وقفت بعصبيه خفيفه وبجديه : ليه ماتعني شي اكيد فيه اشخاص يحبونك ويهتمون لامرك
رعد وقف ولعب بشعرها : مثلكم
ريم انحرجت : تعال ندخل ؟!
رعد : يلا
هز جوالها برساله
راشد : انا بخير ويومي كويس تو صحيت من النوم
ريم ابتسمت : بخير حلو يومي
راشد تردد يرسل ولا لا : كيف جامعتك اليوم بديتي صح
ريم : اي حلوه حسيت اني رح انبسط فيها وارتاح
راشد : كويس تمام انا بروح الحين اشوف بدر وبرجع بعدين ارسل لك
ريم : تمام
رعد توجه لحمد : حمد
حمد رفع راسه له كان جالس يتابع التلفزيون ومتسند : همم
رعد بتعابير جديه : عرفت ؟!
حمد : اي قال لي سامي تو
رعد : تتوقع فيه شي راجع له
حمد : بيقول لنا بدر بعدين
ريم بستفسار : وش صاير
رعد ابتسم : ولاشي لاتحاتين
حمد اشر لجنبه : تعالي هنا رعد روح جيب لنا شبسات ومشروب بنختار فلم على ماتجي
رعد : تمام
راح للمطبخ وطلع الشبسات رتبها واختارو فلم
عند راشد ببيتهم صحى من النوم وبعد ما ارسل لريم تروش ونزل حصل بدر جالسه بصمت والتلفزيون طافي وسرحان
راشد جلس بجنبه : شفيك بدر ؟!
بدر فز لما انتبه لراشد : هاه شفيك ؟!
راشد استغرب من زمان ماشاف الحاله هذي في اخوه : شفيك بدر ؟!
بدر تنهد : سلمان رجع
راشد انصدم : متى ؟!
بدر : تو رجع اليوم وجلس بغرفته راح ينام من شوي
راشد : شفيه راجع ؟!
بدر هز كتوفه بعدم فهم : مدري والله ماتكلم
راشد : الله يستر