خيالك الواسع (مكتمله)

بارت ٤

جلسو على الطاوله ساكتين قطع الصمت
بدر يوجه كلامه ل راشد : متى رح تداوم ؟!
راشد : بكرا ان شاء الله لازم اوقع لي على اوراق
بدر كمل اكل : اها طيب
راشد : وانت وش ناوي تسوي ؟!
بدر التفت على ريم اللي ماكلت وبس تلعب بصحنها : شكلي بهتم فيها
ريم ماكانت معهم ابد
راشد : اي والله كنت احاتي وين رح تبقى اذا داومت
بدر بستغراب : طيب تجلس بالبيت عادي
راشد : صح بس مدري بعد
بدر : اقول راشد كان اهتمامك زايد ولا اتخيل
راشد : لا زايد ولا شي بس اعتبرتها مسووليتي من اليوم ورايح
ريم وقفت وصحنها كان مليان ماكلت الا شوي : شبعت
راشد ناظر صحنها: ماكليتي ؟!
ريم ابتسمت : اكلت وشبعت بعد
راشد : تمام تحتاجين شي ثاني
ريم : لا شكرا
سكتو وتركوها تروح لغرفتها
بدر : راشد والله كاسره خاطري مع اني ما اعرفها ولا ادري ليه مخليها عندك
راشد :شبعت وبالنسبه لها بقول لها بنطلع العصر وانت اذا تبي تجي حياك
بدر بستغراب : وين بتروحون ؟!
راشد : مدري نشوف وقتها واذا وافقت
بدر ابتسم : خلاص تمام عطني خبر بروح اريح الحين
راشد : تمام
بدر راح لغرفته اللي كانت بجنب غرفه راشد وراشد راح لغرفتها دق الباب
ريم اللي كانت واقفه ولابسه الشال من البرد : ادخل
راشد فتح الباب ووقف عنده : اسف ازعجتك بس كنت بسالك عادي نطلع اليوم ؟!
ريم استغربت : نطلع وين ؟!
راشد: مدري نغير جو
ريم : متى
راشد : العصر قبل المغرب بشوي
ريم : تمام
راشد : تمام اجل تجهزي بوقتها
ريم ابتسمت له اما هو طلع ونزل للحديقه جلس بالجلسه وطلع تلفونه
راشد : هلا والله سامح شخبارك
سامح : بخير طال عمرك
راشد : سامح ابيك تجهز لي كل الاشياء اللي تحتاج توقيع وترتب مواعيدي بكرا تمام
سامح : طال عمرك متى حاب تبتديها ومتى حاب تنتهي
راشد : مدري بس رتبها انت كالعاده بداوم من الصباح
سامح : خلاص تم طال عمرك
راشد ابتسم : مشكور سامح
سامح : شدعوه طال عمرك ماسويت شي
سكر منه واتصل على صالح دق مره مرتين لما تقفل الخط اكيد بيكون نايم
سمع خطوات وراه التفت
راشد بستغراب : فيك شي محتاجه شي ؟!
ريم قربت منه : عادي اتكلم معك
راشد اشر على الكرسي اللي بجنبه : اي اجلسي
ريم جلست بجنبه وبتردد :  بكرا متى دوامك
راشد  ما استغرب سوالها : الصباح
ريم بصوت يرجف : ومتى ينتهي 
راشد : مدري يمكن ٥ او ٣ العصر فيه شي ؟
ريم سكتت فتره قاطع صمتها: ريم في خاطرك شي قولي
ريم رفعت راسها وجت عينها بعينه : عادي اروح معك !!
راشد فتح فمه من الصدمه وماعرف وش يرد
ريم : اذا تسمح يعني مابغى اجلس بروحي هنا
راشد : بس بدر هنا
ريم : مابغى اجلس الا اذا انت موجود
راشد تنهد عرف انها خايفه من بدر : شوفي بدر مثلي بالضبط فيك تعدينه اخوك الكبير
ريم ناظرته بصدمه : اخوك الكبير هو ؟!
راشد ابتسم : اي اخوي الكبير
ريم : ظنيت انكم تؤام
راشد ضحك : لا لا دايم يقولون لنا كذا بس مو توام احنا
ريم : اسفه
راشد : ريم ممكن ماتتاسفين كل شوي الا اذا فيه داعي للاسف
ريم هزت راسها بالايجاب
راشد : يلا قومي ارتاحي بنطلع بعدين يبي لك طاقه
ريم ابتسمت وقامت لغرفتها رمت نفسها بسرير تفكر بالجاي ووش رح يصير اما راشد ابتسم على تفكيرها
بدر اللي كان يستمع من البدايه : خايفه مني او تعلقت فيك
راشد لف له : لا ما اتوقع بس علشان توها جايه
بدر حط يده على كتف راشد :لاتكابر
راشد ضرب يد اخوه : بدر بتبداء ؟!
بدر هز كتفه : اسف اسف خلاص لاتعصب
جلس بجنب راشد وحط راسه بحضنه : العب بشعري مشتاق لحركتك ذي
راشد تنهد وبدا يلعب بشعر اخوه لما نام ابتسم وطلع الجوال يشوف الاجتماعات والجدول اللي نظمه له سامح وفكر بما انها رح تكون معه لازم يدبر لها حارس شخصي مر الوقت سريع صارت الساعه ٥
راشد يحرك شعر بدر : بدر بدر قوم
بدر بتململ : همم راشد شوي
راشد : قوم بدر يلا علشان نطلع
بدر رفع راسه من راشد : قوم خلني اكمل نوم
راشد ضحك وباصرار : مارح اقوم قوم انت يلا بلا عناد
بدر جلس : هاه جلست اعجبك
راشد : مرره عجبني
بدر ابتسم :طيب قوم يلا مزعجني ساعه واخر شي جالس
راشد : علشان اشوف ريم اذا صحت او لا
بدر : اوووه نسيتها تصدق قوم قوم شوفها
راشد وقف وبدا يمشي : بروح اصلا بدون ماتقول
بدر وقف متوجه لغرفته قاطعه البواب : طال عمرك
بدر التفت له : هلا
البواب : طال عمرك وصل شخص يقول ان السيد راشد طالبه
بدر بستغراب : خله يدخل
توجه راشد للبيت ودخل ينتظرالشخص يدخل اللي كان راشد ينتظره
بدر : تفضل اجلس راشد بيجي الحين
جلس بالصاله وبدر للحين مستغرب من هذا اول مره يشوفه بس هو غاب على اخوه فتره طويله اكيد فيه شي
نروح لراشد طلع لغرفتها بعد ماكان مع بدر قرب من الباب ودقه
ريم : ادخل
راشد فتح الباب كانت الانوار طافيه : صح النوم
ريم ناظرت الارض وماتكلمت
راشد : تمام البسي بنطلع الحين
ريم رفعت راسها وبانت ملامحها على نور الشمس كانت تبكي راشد انصدم وبقلق : فيك شي صار لك شي
ريم مسحت دموعها : لا لا مافي شي بس كابوس
راشد تنهد : طيب بننتظرك تحت
ريم هزت راسها بالايجاب اما هوو راح لغرفته طلع له ثوب وشماغ تروش وطلع يلبس لف المنشفه على خصره دخل للغرفه
التفت راشد : بدر كم مره قايل لك دق الباب قبل تدخل ؟!
بدر: راشد اسمع فيه واحد جالس تحت ينتظرك
راشد : تمام بنز له
سكت وجلس يناظر اخوه التفت راشد : فيه شي ؟!
بدر : ماتقول لي منهو طيب
راشد تنهد : بتعرف بس خلني ابدل واجيك
اخذ الثياب اللي معلقها ودخل غرفه التبديل بدل وطلع لبدر اللي كان جالس ينتظر اخوه
راشد : هذا حارس شخصي لريم
بدر بستغراب : لريم ليه ؟!
راشد : لانها من اليوم ورايح بتصير معي اوبدوني وانت تعرف وش صار لك قبل السفر ولا ابيه ينعاد فيها
بدر تذكر الحادثه اللي صارت له قبل سفره
* واحد من اعداء راشد ارسل شخص يصدم بدر ودخل للمستشفى لمده شهرين بسبب الكسور والجروح *
بدر : اي معك حق بس اول مره اشوف هالشخص منهو ؟!
راشد ابتسم : تعال اعرفك عليه
بدر : يلا
نزلو للصاله دخل راشد
راشد ببتسامه واسعه : ياهلا والله
رعد : هلابك طال عمرك
راشد بعتب : كذا يالقاطع لو ما اتصلت عليك ماكان جيت
رعد ببتسامه : وانت لو ماتبي شي ماطلبتني
راشد : تعجبني اذا صارت ثقتك كذا اي ابي منك خدمه
رعد : امر تدري اني مدين لك بحياتي
راشد : ابيك تحمي شخص
رعد بتصحيح : قصدك حارس شخصي ؟!
راشد : بالضبط
رعد : تمام ومين هو الشخص
بدر اللي كان واقف لما التفت عليه رعد : لا لا مو انا انا ما احتاج حمايه
راشد : الحين تجي
بهاللحظه دخلت ريم لابسه عبايه مطرزه ولافه الحجاب بحيث مقدمه شعرها طالعه  كان شكلها حلو
راشد التفت لرعد اللي بنفس الوقت التفت على راشد : من حقك تحط حارس شخصي
راشد ضحك اما ريم اللي استحت من اللي موجود حاولت ترجع بس قطع على صوت
راشد : وقفي ريم تعالي بعرفك على شخص
ريم التفتت له وقربت منه وبصوت يرجف :هلا
راشد : ريم هذا رعد رح يكون مرافقك والحارس الشخصي لك
ريم فتحت عيونها بصدمه : انا ؟! ليه
راشد : بعدين اقول لك ليه بس مو وقته اتمنى تتفهمين هالشي لانه سوا رضيتي او لا رح يكون مثل ظلك
ريم التفتت لرعد فتره تناظره وماعلقت اكتفت بانها تناظر راشد بنظره فهمها وهز راسه بالايجاب
طلعو رعد مع ريم وراشد مع بد لكل واحد سيارته
رعد فتح لها الباب اللي وراء وقفت تناظره فتره
بدر بهمس لراشد من بعيد : شوف شوف مايترك حركاته
راشد : مو هو الحارس حقها لاتتدخل
بدر هز كتفه : طيب طيب ماقلنا شي
ريم ماركبت وفتحت الباب اللي قدام وركبت فيه بدون صوت
بدر باعجاب : والله خطيره هالبنت ياراشد
راشد : وبعدين تعال اخلص اركب
بدر : زين زين
ركبو بالسياره وطلعو بالبدايه سياره راشد والثانيه سياره رعد اللي ابتسم من الحركه وركب هو بعد ريم بدت تناظر برا وماتكلمت معه ابد جاه اتصال انتبه للجوال وسكره
بعد دقايق جاه اتصال
رعد : هلا طال عمرك
راشد : ناوي اصدمك
رعد ضحك : شفيك ؟!
راشد : اصفط خذ ذا الثور وعطني اياها
رعد : بضاعه ؟!
راشد سكت وبعدها انفجر ضحك : وقف وقف مالي مزاج لك
رعد ضحك عليه : طيب يلا
انبتهت انه بدا يطلع من الخط تمسكت بالباب بقوه واعصابها انشدت
بعد ثواني انتبه لها : لاتخافين راشد قال لي اوقف
ريم تنهدت براحه ابتسم عليها وقف