خيالك الواسع (مكتمله)

بارت ١٥

راشد ضحك وبشر : ياويلك لو ادري مسوي فيها شي
طارق عطاه نظره : زوجتك ؟! اختك ؟! امك .. خلاص مالك شغل خلني اتحمل الحين انا متوتر
بدر سمع الكلام والتفت لراشد كانت ملامحه بارده
بدر : راشد لاتفكر كثير
راشد التفت عليه : عادي لاتحاتي
بدر : تمام
اما عند ريم طلعت مع طارق
طارق فتح لها الباب
ريم : ماله داعي تفتحه بفتحه انا
طارق حس انه تفشل : طيب على الاقل عديها هالمره
ريم ضحكت : تمام اسفه
طارق : عاد ابوي طاير فيك
ريم بداخلها شعور خوف ماتدري وش او ايش سببه : طارق
طارق بحب : ياعيون طارق
ريم استحت : تسلم عيونك بسالك عن اخوي سامي ؟! ليه تقولون انه صعب التعامل
طارق بداخله سامي ماقال لها للحين اجل بصفته مين يقابلها دايم !! : هاه لا ان شاء الله بيتقبلك
ريم : ان شاء الله
وصلو للبيت ونزلت وقفت بجنب السياره طلعت الخادمه
الخادمه : اهلن انستي تفضلي السيد بنتظاركم
ريم هزت راسها : شكرا لك
طارق : اكيد ابوي ينتظرنا
ريم التفتت له : اي هي تقول انو ينتظرنا داخل
طارق : تمام يلا ندخل
ريم كانت بتدخل بس وقفت من صوت طارق
طارق : دقيققه دقيقهه برجلك اليمين علشان تنورين البيت
ريم بضحكه : تمام
دخلت برجلها اليمين : خلاص اشش
طارق : طيب
دخلو للصاله وكان ابوها موجود وقف وتوجه لها فاتح يدينه : ياهلاا والله ببنتي تو مانور البيت
ريم باحراج : بنورك يبه
فهد ضمها وبادلته الضمه : الله يخليك لنا
فهد باس راسها : ويخليكم لي
ريم تتلفت بتوترت ماتدري ليه خايفه من مواجهة سامي
فهد مسك وجهها : بسسسك سامي طلع عنده كم شغله ضروريه ولاتخافين انا لما قلت له ماعارض ولا قال شي
ريم ابتسمت : اسفه يبه بس مدري ليه متوتره
فهد مسك يدها وجلسها بجنبه : تعالي يبه اجلسي بجنبي
طارق متكتف : اي اي نسينا نسينا
فهد عطاه نظره : ولد احترم نفسك
طارق بتعب : يبه يعني هذا واهي توها جايه خذتك مننا ؟!
فهد بتهديد : طارق
ريم ضحكت عليهم
طارق بحماس : اي كذا اضحكي ماستاهل سامي كل هالتوتر
نروح بعيد عنهم بمكتب راشد خلص الاوراق اللي قدامه
بدر دق الباب
راشد : ادخل
بدر دخل وجلس : بيجينا ضيف بعد شوي اتمنى تستعد
راشد رفع راسه عن الاوراق : منهو الضيف
بدر وقف ورفع كتوفه : سبراييز
راشد بتحذير : بدر تدري ما اطيق هالحركات
بدر التفت له : اي ادري بس مجبور
راشد : طيب وين بيجي ؟!
بدر : بيجي هنا بمكتبك
راشد عرف انه شخص قريب منهم ولا مايقول له بدر كذا بعد دقايق دخل
راشد تفاجئ من اللي قدامه ماكان بباله ابد : هلا والله سامي
سامي : هلابك
سلم على بدر وعلى راشد وجلس
راشد : وش تشرب ؟!
سامي : قهوه ساده
راشد : تمام دقايق وتكون هنا * التفت لبدر * وانت* ؟!
بدر : عصير برتقال
سامي ضحك بخفيف : للحين تحبه
بدر عطاه نظره : وانت وش عليك ؟!
سامي : ابد ماعلي منك
بدر : اي زين
سكتو فتره دقايق وشهق بدر
بدر : صح صح صح وش صارر امس تراللحين افكر بالموضوع ومانسيته
سامي ضحك : وانت شتبي باللي صار امس
بدر : لا لا لازم تقول لي الحقيقه
سامي : بقول لك الاختصار المهم انك تفهم السالفه
بدر : تمام راضي
راشد كان يسمعهم بهتمام
سامي : انا كنت اعرف ان عندي اخت بس ماقلت لابوي وكنت ازورها دايم على اني اسمي فهد وامس اختفت من المكان اللي تعودت ازورها فيه وقال لي ابوي الحكايه
بدر قاطعه بصدمه : يعني اهي ماتدري انك يعني فهد وسامي نفس الشخص ؟!
سامي بجديه : لا
بدر حط يده على فمه : سامي مو من جدك ؟!
سامي ماعطى بدر اهتمام : ليه وش فيه ؟!
بدر : ابد سلامتك مافي شي واليوم ماقابلتها الصباح ؟!
سامي : لا برجع البيت الحين واشوفها بس قلت امركم واسلم واوضح سوا الفهم اللي صار امس واذا قلت لها الحقيقه بقول لكم السالفه بالتفصيل
وقف ووقفو معه سلمو وطلع
راشد بضيق وبهمس : بزر
بدر التفت عليه : وش ؟!
راشد رجع لمكتبه وبدا يقلب بالاوراق بدر حط يده على يد راشد: مهما صار تضل اختهم مانقدر نقول شي
راشد وقف بعصبيه : عرفنا انها اختهم بس وش هالحركات حتى البزر مايفكر يسويها
بدر شاف انفعال اخوه وسكت يدري لو تكلم بيزيد الطين بله جلس وهو ساكت
راشد رجع جلس على المكتب : بدر انا اسف بس اليوم بروح اتطمن عليها واذا شفتها مو مستقره ومبسوطه باخذها وارجعها عندي
بدر وقف وضرب الطاوله بقوه : انت مو راضي تفهم اختتتهم هذي اختهم واهي اساسا عند ابوها انت بصفتك تكون مين علشان تاخذها وتكون مسوول عنها بصفتك مين تقرر عنها
راشد سكت ونزل راسه يناظر الاوراق اللي بالطاوله وقف وبدا يمشي بطيئ
بدر طلع وراه وسكر الباب بقوه
راشد التفت لبدر : بتمشى مارح اسوي شي
رعد كان واقف برا وسمع كلامهم
بدر التفت له : روح شوفه ليسوي بنفسه شي بس
رعد : طيب
راح رعد وراه وانتبه له واقف يدخن سحب الدخان منه : ترا مو حل
راشد تنهد ونزل بالارض بنهيار : رعد تكفى قول لي وش اسوي ما ابي اخسرها
رعد مسك ياقة الثوب ووقفه بقوه : انت ماخسرتها انت تبي تخسرها وهذا واضح من تصرفاتك قلنا لك انا وبدر لاتتصرف بتهور على الاقل هالفتره بس ماتسمع
راشد بعد يدين رعد وكان بيتكلم تفاجئ من اللي بدا يتقدم لهم
فهد بثقل وثقه : اخباركم ياعيال
رعد : بخير
راشد : بخير وانت ياعم
فهد : بخير كنت جاي علشان معاملات الشركه
راشد التفت لرعد : تفضل حياك بالكتب
فهد دخل وراه للمكتب  بدو يعدلون المعاملات ومر الوقت ثقيل على الكل العصر ريم نزلت من الدرج متوجهه للصاله
طارق كان كاشخ : رييم تطلعين معي ؟!
ريم بستغراب : وين ؟!
طارق بترجي : تكفيين اطلعي معي ابي اكشخ فيك قدام اصحابي
ريم ضحكت : تكشخ ليه ؟! مايدرون اني اختك
طارق : لااا ماحد يعرف وعلشان كذا بتنجح خطتي
ريم بتفكير : بستئذن من ابوي
مشت متوجهه لغرفه ابوها واستوعبت التفت على طارق : سامي للحين ماجاء ؟!
طارق : الا جاء بغرفته بقول له ينزل وانتي كلمي ابوي
ريم : تمام
تقدمت من عند غرفه ابوها دقت الباب : يبه
فهد : ادخلي
ريم فتحت الباب ودخلت وقف وباسها براسها جلست معه
فهد : شفيك ؟!
ريم : طارق يبي اطلع معه وجيت استئذن منك
فهد : اي عادي بس انتبهو لبعض
ريم : ابشر
فهد : ريم قابلتي سامي
ريم متوتره خلقه من هاللقاء بس اخفت توترها : لا بشوفه الحين
فهد : تمام
ريم كانت بتطلع : يبه
فهد رفع راسه من الاوراق اللي قدامه : عيونه
ريم ابتسمت : احبك
طلعت وسكرت الباب اما فهد التفت لجواله يدق
فهد بستغراب : الو ؟!
رعد : هلا ياعم
فهد : من معي
رعد : انا اسف ماعرفتك بنفسي انا الشخص اللي كان مع راشد اليوم
فهد : اي عرفتك ياهلا امرني ؟!
رعد : اقدر اشوفك الحين اذا يناسبك
فهد بتفكير هي بتطلع بعد شوي : تمام بنتظرك بعد نص ساعه
رعد : تمام
سكر منه
اما عند ريم
طارق : اطلعي بالحديقه بيجيك بعد شوي يتروش
ريم : تمام
طلعت بالحديقه وبعد ثواني
سامي : ريم ؟!
ريم وقفت وبصدمه : فهد شتسوي هنا يمكن يجي واحد من اخواني يشوفك
سامي ببتسامه دافيه : تخافين علي
ريم انحرجت : اي انت اللي بقاء لي من ذكريات امي
سامي : طيب تعالي نجلس
ريم بتوتر : لا قوم بعد شوي اخوي بيجي
سامي : لاتخافين مارح يصير شي لاني من اصحاب البيت
ريم بعدم فهم : كيف ؟!
سامي سكت فتره ريم استغربت سكوته بعدها حطت يدها على فمها بصدمه
سامي مسك يدها : اي ياريم فهد هو نفسه سامي
ريم بدت تبعد عنه وببتسامه باهته : لا لا اكيد تمزح معي صح لا فهد غير سامي ماقد شفته

لاتنسون الكومنتات 👏🏻😌