خيالك الواسع (مكتمله)

بارت ٦

راشد : سامح صح نسيت اقول لك بكرا ابغى تنتبه لشخص بوقت الاجتماع حقي
سامح : ابشر بس مين هالشخص من داخل او من خارج الشركه
راشد ابتسم : لا من خارج
سامح : ابشر تامرني بشي ثاني
راشد : سلامتك
سامح وقف : اجل انا استئذن الحين
راشد وقف معه لما شافه يختفي دخل للبيت وصعد لغرفته بس قبل سمع صوت تتبع الصوت لغرفتها : ليه يبه ليه تتركني انا وش ذنبي ترميني بليت الناس وصرت حمل عليهم وكل هذا علشان غلط انا ماكنت السبب فيه
بوسط افكارها تذكرت الدبدوب اللي حصلته بوسط الركام التفتت ماحصلته بدت تدوره بكل مكان راشد بعد من الباب بتجاه غرفته طلعت وانتبهت لراشد اللي كان يمثل انه رايح لغرفته
ريم بتوتر : راشد
راشد التفت عليها : هلا
ريم كانت تتكلم ووجهها احمر من البكى : دبدوبي شفته ؟! كان معي لما كنت بالمزرعه ماتركته بمكان ثاني انت جبته معك ؟
راشد مستغرب اهتمامها فيه : لا ماجبته دقيقه
طلع جواله واتصل على فواد
فواد : الو
راشد : هلا فواد ابسالك
فواد : ياهلا طالع عمرك امر
راشد : فواد عندك الدب اللي كان مع البنت اليوم
فواد التفت : اي موجود
راشد اشر لها بمعنى انه عنده : خلاص مشكور بجي اخذه انا
سكر بدون مايعطي اي فرصه لفواد يساله عن متى بيجي ياخذه
راشد : بكرا نروح ناخذه
ريم بترجي : راشد تكفى ابغى اجيبه اليوم تكفى
راشد يناظر الساعه : بس الوقت تاخر
ريم قربت منه ومسكت يدينه : راشد تكفى تكفى هذا اخر ذكرى لي من امي
راشد ماعرف وش يقول لها : طيب البسي وبنتظرك بالسياره تحت
ريم ابتسمت بشكر ومسحت دموعها دخلت للغرفه خذت لها عبايه على السريع وراحت للسياره
راشد : حطي الحزام
ربطت الحزام وانطلق بسيارته الرياضيه للمزرعه بعد نص ساعه وصل
فواد كان شايل الدبدوب مده له
راشد : مشكور فواد تقدر تروح ترتاح
اخذو الدبدوب ورجعو للبيت ريم اول مادخل راشد مسكت طرف ثوبه التفت عليها
ريم : شكرا راشد
راشد ابتسم : عفوا يا اميرتي يلا روحي ارتاحي لان بكرا بنصحى بدري
ريم : ان شاء الله
نامو بوعد اليوم الثاني يروحون سوا
صحت الصبح قررت تسوي فطور لهم بما انهم بيطلعون بدر صحى من النوم لابس شورت وفنيله علاق سمع الصوت استغرب الخدم مو بالعاده هالوقت صاحين توجه للمطبخ فتح الباب شافها تسوي الفطور ابتسم
بدر : صباح الخير
ريم التفتت اول ماشافته شهقت ولفت عنه : لييه مو لابس زي الناس
بدر ضحك عليها : اسف كنت بطلع ادخن ماتوقعت احد قايم
ريم فتحت عيونها بنظره حزن : تدخن !
بدر ابتسم يبي يطمنها : اي ماعليك وش تسوين انتي ؟!
ريم : اسوي الفطور جد ليه ماتروح معنا لدوام راشد
بدر : بروح للشركه اكمل الاوراق اللي سافرت علشانها
ريم : تمام اجل بترك لك فطورك بصندوقك اذا جيت تطلع لاتنساه
قاطعهم صوت الطباخ داخل وبصدمه
الطباخ : انستي لماذا انتي هنا دعي كل شيئ من يدك سوف نعد الافطار
ريم ابتسمت : خلصت
الطباخ تنهد ومارد
بدر بضحكه : سمير ولايهمك تعود على الحركه اللي بتصير بمطبخك
ريم مو فاهمه شيئ وتناظرهم
بدر : سمير مايحب احد يخرب منطقته
سمير بحرج : بس يا طويل العمر هي ماتركته مثل ماتتركونه
بدر بصدمه : يعني هي احسن مننا ؟!
سمير بتصحيح : لا لا ماكنت اقصد
بدر ضحك : امزح معك اكيد شوف الترتيب فرق عني انا وراشد
دق التلفون اللي متصل بالمطبخ
سمير : هلا طال عمرك
راشد : سمير قهوتي المعتاده ولريم عصير
سمير : تامر طال عمرك
سمعو تسكيرت التلفون
بدر التفت عليها :عندي لك خطططه خطيره
ريم التفتت مو فاهمه شي
بعد ساعه
راشد نزل وهو يعدل الغتره والكبك انتبه لكوبين قهوه استغرب سمع صوت احد نازل من الدرج
بدر : اسمع ريم مارح تروح نايمه تقول مارح تروح معك بروح معك انا
راشد بستغراب : مو بتروح الشركه
بدر : بمر معك على الدوام وبعدها بروح
راشد كان مستعجل ومافيه يفكر باللي صاير : تمام
بدر ابتسم ولحق اخوه ركب السياره راشد بستغراب
راشد : شعندك مع هالابتسامات
بدر : فرحان صاحي الصباح فرحان
راشد : اها طيب
بعد زحام الصباح وصلو للشركه اللي كانت باسم ابوهم
سامح فتح باب المكتب ودخل راشد : صباح الخير طال عمرك
راشد : صباح النور سامح
سامح مد الورق : تفضل طال عمرك هذا جدول الاعمال
راشد : مشكور سامح تقدر تتفضل
سامح لما جاء يقفل الباب وقفه صوت راشد
راشد : سامح
سامح : هلا
راشد : بدر عندك
سامح ابتسم : ولايهمك
سكر الباب وترك راشد غارق بالاوراق وترتيب
الساعه ٩ سامح اللي كان واقف مع بدر
بدر ابتسم ابتسامه عريضه سامح التفت للمكان اللي التفت له بدر ويبتسم عليه
سامح بتحذير : بدر بلاش حركاتك
بدر ماعطاه وجه سامح تنهد وراح بتجاه مكتب راشد دق الباب
راشد : تفضل
سامح بتوتر : طال عمرك اعتذر على الازعاج بس فيه وحده دخلت للشركه ومعاها شخص كان يجي هنا في فترات ولما شافها الاستاذ بدر توجه لها
راشد بستغراب : اول مره تجي ؟!
سامح : اي اول مره اشوفها
راشد يناظر اللي قدامه : تمام قول لها تتفضل بمكتبي
سامح : تامر طال عمرك
سامح طلع متوجه لهم : اعتذر عن المقاطعه بس فيك تتفضلين معي لمكتب المدير
التفتت لبدر وهز راسه بالايجاب : تفضلي رح اعرفك على مدير الشركه الاستاذ راشد
دخلو المكتب راشد وقف : تف * ماكمل كلامه وانتبه للي وراها * رعد ؟!
رعد : الامانه وصلت بنتظر برا انا
راشد بصدمه التفت لها : رييم ؟!
سامح للي مو فاهم شي بدر اللي كان يضحك وانسحب
ريم حمرت خدينها : اي انا
راشد توجه لها : تعالي اجلسي
جلسو مقابل بعض
ريم بحرج : اسفه جيت وفاجئتك
راشد : انتي تنورين * سكت فتره * اكيد خطط بدر
ريم ضحكت : اي والله
راشد كان بيناديه
ريم : طلع طلع قال لي رح يطلع بس اكون عندك
راشد ابتسم : تمام وش تشربين
ريم تناظر المكتب الوسيع : ولاشي لما يجي وقت الفطور
راشد ابتسم : خلاص تمام اللي ودك
ريم : روح كمل شغلك لاتخاف بجلس بهدوء
راشد : تمام
قام من جنبها ورجع لمكتبه يشوف الاوراق والتقديمات والصادر والوارد وكل شوي يرفع عينه يشوفها نفس ما اهي جالسه ضغط الزر اللي بمكتبه
انفتح الباب ودخلت وحده ريم رفعت راسها
ساره : طال عمرك ؟!
راشد بستغراب : وين سامح ؟!
ساره : معليش طال عمرك سامح راح يجهز غرفه الاجتماعات
راشد : خلاص ساره مشكوره بس اذا جاء سامح قولي
ماكمل كلامه الا بسامح جاي : هلا طال عمرك
راشد : سامحح تعال ابغاك ساره تقدرين تتفضلين
سامح : امر
راشد: سامح جيب ٢ عصير واتمنى ما احد يدخل المكتب غيرك اليوم
سامح : ابشر
طلع سامح وسكر الباب
راشد اللي بدا يرتب الاوراق اللي على مكتبه : اسف انشغلت عنك
ريم ببتسامه : لا عادي بالعكس انا اللي ازعجتك بجيتي هنا
راشد وقف وتوجه لها : ريم احكي لي قصتك
ريم تغيرت ملامحها من ابتسامه لبرود وصدمه راشد انتبه لملامحها شفيها ؟! ليكون قلت شي يضايقها
جلس بجنبها : خلاص انسى انا رح انتظرك تتكلمين من نفسك ومارح اضغط عليك
ريم التفتت عليه بملامح باهته وذابله : راشد لو قلت لك الحقيقه رح تتركني ؟!
راشد انصدم من سوالها : لا مستحيل اتركك انا قلت لك بيتك الثاني صار بيتي
ريم ابتسمت بالم : طيب عادي بعدين اقول لك
راشد ابتسم لها باطمائنان : اي عادي
سامح دق الباب اول مادخل : طال عمرك السيد طارق برا طلبت منه ينتظر بغرفه الاجتماعات
راشد التفت لها : بروح اشوفه انتي افطري بس اخلص بجي افطر
ريم هزت راسها بالايجاب
سامح طلع مع راشد : سامح ابغاك تضل عند الباب واذا احتاجت شي سوه لها على طول طيب ؟!
سامح : ابشر