خيالك الواسع (مكتمله)

بارت ٤٣

بعد ماسكر من حمد ريم التفتت له بخوف
ريم : رعد له ساعه وللحين ماخفت الحراره
رعد وقف وبسرعه فتح الباب وتوجه لبيت مشعل ظل يدق الباب ويدق لما فتح راشد كان نايم وفز لما سمع صوت الباب بهالقوه
فتح الباب وتفاجئ مو وجود رعد : شفيك رعد ؟!
رعد بدا يتنفس : راشد تعال معي بسرعه بناخذ فهد للمستشفى وجيب معك سيارتك بسرعه
راشد كان لابس شورت وفنيله خفيفه ركض للمفتاح وراح مع رعد اول مادخل انتبه لريم اللي جالسه تحرك ابوها بخوف
ريم : يبه تكفى لاتتركني يبه تكفى من بيبقى بجنبي من اللي رح اناديه ابوي من بعدك لما حصلتك من بعد السنين هذي كلها يصير فيك كذا
رعد راح لها ومسكها : ريم لازم تكونين قويه علشان ابوك الحين بنروح للمستشفى وان شاء الله مارح يصير الا كل خير
ريم هزت راسها بالايجاب سنده راشد وراح رعد بجنبه ركبوه وركبت ريم معاه راشد يسوق ورعد بجنبه
اكتفو بالصمت لما وصلو للمستشفى ودخلوه للغرفه بعد الانتظار طلع الدكتور
الدكتور : هل انتم عائلته
ريم : نعم انا ابنته
الدكتور التفت لريم اللي كانت بجنبه عيونها مليانه دموع وانفها احمر : حسنا يا ابنتي ليس هنالك مايدعو للقلق فقط هو بعض الارهاق وبرد لقد وضعنا له المغذي واعطيناه مهدى لكي يستريح سوف يستيقظ غدا
ريم ابتسمت براحه : شكرا لك يادكتور
الدكتور ابتسم بحنيه : لاداعي سوف اتي الصباح لاطمئن عليه
جلست على الكرسي اما رعد راح بعيد عنها شوي واتصل عليه
حمد : هاه شصار معكم
رعد : اخذناه المستشفى بتقول للعيال ولا لا ؟
حمد التفت عليهم وشافهم مندمجين بالسوالف ماحب يخوفهم : لا شوي لما نرجع بجيبهم بس ارسل لي اللوكيشن
رعد : تمام انا برجع للبيت اجيب جاكيت لريم ولراشد طلعته من البيت بدون ماياخذ شي يدفيه وريم المثل
حمد : تمام اجل بحاول مانتاخر
رعد : يلا
سكر من حمد وارسل له اللوكيشن حق المستشفى
رعد تقدم منهم : ريم نروح البيت
ريم رفعت راسها وكانت هاديه : لا مارح ارجع بجلس عند ابوي
رعد بستسلام ناظر راشد ومشى شوي بعيد عنها راشد وقف ولحق رعد
رعد : اجلس معها بروح اجيب جكايتات وشي دافي لها ولك
راشد التفت لها : انا بروح وانت ظل عندها
رعد ناظره فتره وابتسم : لا انت اللي خلك واتمنى تكون معها لاتروح وتتركها لحالها
راشد : طيب
راح رعد تاركها وراه
ريم رفعت راسها : وين راح رعد ؟!
راشد : بيروح يجيب جكيت من البيت
جلس بجنبها وظلو فتره ساكتين قطع هالصمت
ريم : شكرا
راشد بستغراب : على ؟!
ريم : على انك بجنبنا
راشد ابتسم : قلت لك انا من اول مره وعدت نفسي ما اتركك ابد حتى لو قلبك اختار غيري
ريم استغربت اخر كلامه بس ابتسمت له وبعد فتره حست بعيونها تغفى : راشد فيه قهوه قريبه
راشد بتفكير : اتوقع بجنب المستشفى
ريم : عادي تجيب قهوه لنا
راشد : مارح اتركك تعالي معي
ريم وقفت ومد يده لها تستند عليه مسكت يده ومشو سوا لركن القهوه اللي بالمستشفى اما بالبيت
دخل رعد واخذ الجاكيتات وبهاللحظه انفتح الباب
سامي بضحك : مرره انبسطنا
طارق ببتسامه: ايي من زمان عن هالطلعات
حمد ماكان معهم استغرب رعد
سامي بستغراب : رعد ؟! شفيك
رعد : وين حمد
سامي : ورانا بس بيسكر السياره
دخل حمد بهاللحظه
طارق التفت لهم : شفيكم ؟! صاير شي
رعد بتردد : بقول بس ترا الامور بخير الحين
سامي بخوف : ابوي وريم فيهم شي
رعد رفع راسه لحمد : ابوك بالمستشفى ارتفعت حرارته واضطرينا ناخذه للمستشفى
سامي للتفت لحمد : حمد تعال نروح بسرعه
طارق : وين ريم ؟! لاتقول بروحها بالمستشفى
رعد : تعالو واحكي لكم بالطريق
ريم بعد ماخذو القهوه ورجعو للكراسي بالممر سندت راسها على كتف راشد
ريم بخوف ورجفه : راشد تتوقع ابوي يصير فيه شي
راشد بتفاجئ : لا ان شاء الله بيصحى مثل اول واحسن
سامي انتبه لها : ريم
ريم اول ماسمعت صوت سامي قامت وراحت له ضمها بقوه : ريم بس اهدي خلاص احنا جينا
ريم تمسكت بجكيت سامي وبشهقات خفيفه : ماقدرت اقول لكم هو اللي طلب مني ماقول شي واني اظل عنده لو صار شي مدري وش كنت بسوي بدون رعد
طارق لراشد : مشكور ياراشد تعبانك معنا والله
راشد ابتسم : لاتعب ولاشي واجبي
ريم بعد مابعدت من سامي مسكت يد طارق : ليش جيتو كان استرحتو شوي
طارق مسك وجهها وبحنيه: مانقدر نترك الثقيل لك واحنا لنا الخفيف ارجعي ونامي الحين ياا وراك دوام
ريم هزت راسها بالنفي ؛ مارح اداوم رح ابقى مع ابوي لما يكون بخير
سامي بصرامه : ريم انتي لازم تداومين علشان اذا صحى ابوي مايلوم نفسه انه السبب بانك ماداومتي
ريم كانت بتتكلم بس نظرات رعد وحمد لها خلتها تستسلم : طيب بروح بس اذا صار شي اتصلو علي
سامي : من عيوني
طارق بملامحه الحاده والجديه : حمد رعد انتبهو لها هي بامانتكم
ماردو عليه واكتفو انهم يناظرون راشد
راشد وقف : يلا انا استئذن الحين
سامي : خلهم يوصلونك معهم
راشد ابتسم : تمام وطمنا على عمي
ريم مشت قدامهم وهي للحين مو مطاوعها قلبها تتحرك من هالمكان قبل تتطمن على ابوها بس راحت معهم للبيت
سامي جلس على الكرسي بثقل : مثل كل سفر لازم يصير فيه كذا
طارق : مايتاقلم بسرعه مع الجو واليوم الصباح كان باين من عيونه بس انه يكابر ومايتكلم
سامي ابتسم لطارق : صار عندنا اخت ياطارق
طارق بادله الابتسامه: للحين مو مستوعب انه اختنا من كان يتوقع بيوم تطلع لنا اخت من العدم
سامي : صادق
طارق نفخ خدينه : بس انت اخر من يقول زي كذا
سامي بتفاجئ : لييه ؟!
طارق: بس من متى تعرفها من زمان مو تو
سامي : بس من وعينا على الدنيا واحنا مانعرف ان عندنا اخت ولا انا غلطان
طارق بتفكير : الا صادق خلاص اسف
مشى من قدامهم واول ماشافهم رجع
الدكتور : اين الفتاه التي كانت هنا قبل قليل ؟!
سامي وطارق وقفو : نحن اخوتها هل هنالك شي
الدكتور : اريد منكم توقيع اوراق دخول والدكم وصرف العلاج له
سامي اخذ الاوراق ووقعها واخذ وصفه العلاج : شكرا لك هل هنالك شي لانعلمه
الدكتور : لا اعتقد ذالك فوالدكم بصحه جيده ولكني اتوقع انه تغير الجو لقد كان ببلد معتدل الجو فيها ولهاذا لم يعتد على البروده
طارق : انت على حق يادكتور فلم تكن هذه اول مره
الدكتور : حسنا انتبهو لصحتكم وايضاًالفتاه اختكم اليس كذالك
سامي وطارق ناظرو بعض بستغراب :نعم
الدكتور كتب بورقه علاجات : اتمنى ان تاكل هذه الفيتامينات فبشرتها لم تعد كالسابق
سامي استغرب : دكتور هل رايت اختي من قبل ؟!
الدكتور ابتسم : نعم لقد رايتها منذ اتت الى اليوم اننا اسكن قريبا من منزلكم وقد رايتها العديد من المرات ولهذا اخبركم بهذا الكلام
طارق : حسنا شكرا لك
تركهم ومشى منهم اما عند ريم كانت بغرفتها وماجاها نوم كنت تفكر كثير بابوها وايش رح يصير سمعت صوت الباب
ريم : ادخل
حمد دخل وترك الباب مفتوح شوي : عادي اجلس
ريم كانت جالسه على السرير اشرت لجنبها : اي عادي
جلس بجنبها : ماقدرتي تنامين
ريم ببتسامه: العاده اذا كنت افكر وتعبانه امي تلعب بشعري علشان انام
حمد اشر لمخدتها : طيب حطي راسك
بدا يلعب بشعرها لما نامت بعدها طفى الانوار وراح لغرفه رعد شافه نايم والجوال بيده غطاه وطلع