خيالك الواسع (مكتمله)

بارت ٢٣

وصلو لهم
بدر باعجاب : اوووه ياراشد وش صار علشان جالسين سوا
راشد بنظره حقد : وش عليك انت ؟!
طارق اشر بالكراسي اللي بجنبه : تعالو اجلسو
سامي : شسويتو ؟!
راشد هز كتفه : ولا حاجه شوفة عينك جالسين
طارق بستغراب : سامي ريم وين ؟!
سامي : مع حمد
طارق بتفهم : ايه احسن لها يجلس معها
سامي التفت لطارق : شتقصد
بدر ضحك عليهم : يقصد طارق ان ريم تتعود على حمد بما ان ابوك اخذ رعد
سامي بتفكير : اي صددق
راشد بتضييع للسالفه : شالجدول ؟!
طارق بتقليد لكلام راشد : شوفه عينك جالسين
بدر وسامي ضحكو كثير
بدر يمسح دموعه : توكم حلوين
طارق وقف : وعلشانا حلوين بنروح للبوليفارد
راشد بصدمه : البوليفارد ؟! ليه
طارق : مدري هنا طفش مافي شي
راشد : اقول اجلس
بدر : اجلس ياطارق
سامي : اقول بدر صدق انت قلت ان بعدين بتقول شي اذا وصلنا العيال
بدر بتذكر : اوووه صح
طارق وراشد : ووش
بدر : عبود يقول فاضين اليوم نسهر ؟!
طارق : انا فاضي
سامي : وانا بعد
راشد : وانا مافي شي عندنا اليوم
سامي بتفكير : طيب شرايكم نسهر عندنا بالبيت
بدر : خلاص تم عندك الليل اجل
راشد وقف بحماس : اجل قومو نشتري اشياء للسهره يبي لها
بدر : اييي يلا
سامي ضحك ومشى بجنب طارق وبهمس : اسمع
طارق بستغراب : ايش ؟!
سامي : اتصل بحمد شوفهم ماودي اتصل واحسسها اني اضايقها وازعجها
طارق زاد استغرابه : يوه شفيك
سامي بهداوه : طيب اتصل وريحني
اما بالنسبه لحمد وريم
ريم بحماس : اوفف اول مره ادخل فلم احس متحمسه وخايفه
حمد ضحك عليها : رح تنبسطين
اشترو الفشار والمشروب وظلو ينتظرون باقي ١٠ دقايق على دخولهم وكان مليان زحمه حمد انتبه لجواله انه يدق انتبه انه طارق
حمد بهمس باذن ريم من الازعاج : برد على مكالمه وارجع
ريم كانت خايفه وللحين متوتره ان سامي راح وهي ظلت بس حمد تحس معه بالامان بعد : تمام
طارق : حمد وش هالازعاج
حمد : بندخل فلم وجالسين ننتظر الوقت
طارق : وين ريم
حمد : ريم تركتها داخل برجع لها بس علشاني ماسمعت صوتك اضطريت اطلع
طارق حس بخوف : تمام بس اذا رجعت لها اتصل علي رنه
حمد : تمام

حمد : تمام
طارق سكر منه وهو متوتر ماعنده رقمها التفت لسامي : سامي ريم معها رقمك ؟!
سامي كيف فاتني هالشي : لا ليه صار شي ؟!
طارق : يارب مايكون فيه شي
حمد رجع للمكان اللي ترك فيه ريم تنهد برتياح لنا شافها واتصل رنه على طارق
سامي : ها شصار ؟!
طارق : معاه هي الحين
راشد : نفترق ولا نظل سوا ؟!
سامي : لا عادي خلونا سوا احسن
مر الوقت سريع عليهم
فهد : اوف تعبت
رعد : سلامتك المهم انك خلصت
فهد ببتسامه : صاددق
طلع جواله يشوف الاشعارات انتبه لسامي متصل عليه مرتين وطارق ٣ وحمد ٥
اتصل بسامي
فهد : هلا سامي
سامي : هلابك يبه خلصتو او طلعتو ؟!
فهد : تونا خلصنا وينكم انتو ؟؟
سامي بتردد : يبه طلعنا راجعين للبيت بما انك مارديت علينا
فهد : ووين ريم !؟
سامي : مع حمد
فهد : تمام
سامي بسرعه قبل لايقفل ابوه : يبه
فهد بستغراب : هلا
سامي : يبه العيال بيسهرون عندنا اليوم
فهد ابتسم : ابرك الساعات ومنه رعد يسهر معكم تعبته معاي بالشغل
رعد : لاتعب ولاحاجه
فهد : يلا ياولدي سكر
سكر منه واتصل على حمد
حمد اللي كان جالس بالفلم وجواله يهز استئذن من ريم وطلع
حمد : هلا ياطويل العمر
فهد : حمد وينكم
حمد : بالسينما
فهد : مطولين ؟!
حمد : شوي شكله يبي له ثلث الى ربع ساعه
فهد : خلاص ريم بامانتك ترا انا ورعد بنرجع وسامي وطارق رجعو للبيت
حمد : ابشر
رجع عندها وانتهى الفلم بطريق الرجعه ريم كل تفكيرها انو سامي بدا يبتعد عنها صارت المواقف ولما سكنت عنده صارت ابعد عنه من انها معه تنهدت بضيق التفت لها حمد وكمل الطريق مشغل اغاني هاديه

وصلو للبيت فهد كان بنتظارهم : ياهلا
ريم دخلت ببتسامه : هلابك يبه
فهد يناظر الساعه : تاخرتو
ريم قربت من فهد وباست خده : اسفين بس الطريق كان زحمه
فهد ابتسم : يلا ابوي انتي روحي بدلي وريحي
ريم : وين اخواني ؟!
فهد بتفكير / اتوقع يتجهزون بيسهرون اليوم مع اخوياهم
ريم حاولت تبتسم : طيب يلا بروح انا الحين
راحت منهم لغرفتها بس بطريقها شافت سامي
ريم ببتسامه : سامي
سامي كان يرتب ثوبه : هلا ريم متى وصلتي
ريم : تو
سامي حرك شعرها : بروح الحين مشغول اشوفك وقت ثاني
ريم نظراتها تلاحقه وكل شوي تحس نفسها اضعف من قبل برا بالحديقه كان حمد جالس قرب منه رعد
رعد : حمد وش جالس يصير ؟!
حمد وقف : هلا رعد العيال
رعد قاطعه بجديه : ما اقصد العيال اقصد اللي صاير بين ريم وبين سامي
حمد معقوله استوعب : رعد عادي اسالك شلون عرفت ان بينهم شي
رعد جلس ومسك يد حمد يجلس : ملاحظه من كنا بالمول بدر قال لي انكم كنتو سوا وافترقتو
حمد : اي صدق
رعد بتفكير : والموقف اللي الحين ؟!
حمد بستغراب : اي موقف
رعد تنهد : اي من شوي كانت تبي تتكلم معه وتجاهلها مستعجل ينزل
حمد التفت لرعد : شوف العيال اليوم بيجتمعون فا لاتتكلم معه اجلها شوي
رعد : طيب باجلها وبشوف وش يصير بروح اشوفها انا الحين
حمد : تمام واذا نحجز لها ولابوها بمطعم شرايك ؟!
رعد ابتسم للفكره : فكره والله بس لازم استئذنه يمكن مايبي او ماله مزاج
حمد : خلاص اساله ورد لي خبر انا اعرف مطعم يحبونه هم وفخم
رعد : اجل تم ثواني وراجع لك
بدا يركض لداخل الفيلا وصدم باللي طالع من الباب
طارق بالم : اووه انتبه
رعد باحراج : اسف
طارق  ابتسم : عادي بس شفيك مستعجل ؟!
رعد بتذكر : اي صح