خيالك الواسع (مكتمله)

بارت ١٧

راحت لغرفة طارق حلو الاثاث فيها مرتبه فتحت الدولاب وخذت الغطاء طلعت وسكرت الباب مشت بالممر بين الغرف وصلت لغرفه المكتب فتحتها بشويش قربت منه بهدوء كان نايم اول مره تشوفه نايم بهالشكل الهادي والمسالم غطته قفلت الانوار وتركته ينام طلعت لغرفتها خذت الكتب اللي تخص الامتحانات الجايه ونزلت للحديقه بدت تذكار تفاجئت من صوت الحارس : يا انسه الاستاذ راشد يسال عليك
ريم وقفت : خله يجي هنا وارسل لي قهوه وسط
الحارس : حاضر
اختفى الحارس وطلع راشد وراه متقدم ناحيتها مع الدبدوب بكشخته المعتاده
ريم ببتسامه : اهلين
راشد : هلابك اجل وين الباقي
ريم :اجلس واحكي لك
راشد جلس : قولي
ريم : اخبارك طيب
راشد ابتسم : الحين صرت بخير
ريم : دووم
راشد : تدومين شفيك ؟! احس مو على بعضك
ريم رفعت راسها وجات عينها بعينه وكانت مليانه دموع : راشد سامي
سكتت فتره . كان فيه شخص بحياتي يعني لي كل شي اسمه فهد وكان دايم مع امي وامي تركتني اتعايش معه واتعود عليه وكنت انتظر زيارته كل شهر لدرجه الليله اللي قبل وقت زيارته ما انامها
راشد مسك يدها : كملي
ريم كملت ببحه واضحه بصوتها ودموعها تنزل : راشد اليوم عرفت ان فهد هو نفسه سامي ليش ماقال لي من البدايه ليش يتركني اعيش هالمواقف
راشد قاطعها : لاتصيحين
ريم مسحت دموعها والتفتت لدبوب : كل الحقيقه بهذا الدب
راشد : بتفتحينه ؟!
ريم هزت بالايجاب وقف ووقفت معه بستغراب
راشد : انا مو لازم اكون هنا بدون مايدرون فا علشان كذا رح اروح واتصلي علي بس تعرفين وش فيه تمام * مسك يدها * بس صدقيني سامي ماسوا اللي سواه الا علشان يحافظ عليك ويهتم فيك
ريم ابتسمت : تمام
راشد ودعها وراح اما ريم راحت لغرفته ومعاها سكين اللي عطاها راشد فتحت الدب وتناثرت الاوراق منه انصدمت ان كل هذا بالدب حقها
بدت توزعها الاوراق سوا والصور سوا كانت صور سامي وطارق سوا لما كانو صغار لعمر ال٥ سنوات لسامي ابتسمت وهي تشوف صورهم وصور امها معهم وابوها شافت صور لها من كانت صغيره لفتت نظرها لصوره كانت هي وسامي فيها اكيد امها اللي صورتهم ابتسمت وشافت الكلام اللي وراء * اليوم جمعت سامي . ريم * بدت عيونها تمتلي دموع ماتدري وش تسوي او وش تقول شافت رساله باسم طارق واسم فهد واسم سامي واسمها بس اللي لها كانت رسالتين استغربت وغير الرسايل اوراق ولادتها وكل الاوراق اللي تخصها وناقصتها بعدتها شافت صوره لامها ابتسمت التفتت للطاوله كان فيه ايطارات للصور فاضيه حطت الصور اللي تخصها فيها
وفتحت رسالتها اللي باسمها
من فاتن
ريم اكيد انتي حاليا عرفتي كل الحقيقه وصرتي عند ابوك فهد ماكنت اتمنى اني اخبي عليك كل هالفتره بس لازم احميك من ابوك اللي رباك لانه كان دايم يشك فيني لان اهلي طلقوني بالغصب من فهد وتزوجت ابوك  كنت زوجه محافظه على بيتها وتحب زوجه بس دايم كان يقابل هالشي بالضرب والهواش وكنت دايم احاول قد ما اقدر ابعدك عن كل اللي صاير بس ماقدرت اتمنى تسامحيني لاني ماكنت الام اللي تتمنين * ريم وهي تقرا كانت تبكي  وعاضه شفايفها تخفي الشهقات الخفيفه * اذا وصلتي للرساله اكيد انا ماعادت بحياتك انا كنت فتره طويله مريضه رح اروح للبوك واقول له عنك واتمنى تتقبلينهم وتهتمين بابوك واخوانك
احبك فاتن
ريم انهارت تبكي من الرساله كان يمشي بالممر رايح لغرفته بس سمع صوت بكى خفيفه بدا يتتبع الصوت ودق الباب ماردت فتحه وشافها ماسكه الورقه وتبكي
طارق بخوف : ريم ريم شفيك وش صاير
ريم ماردت عليه ضمها له يحاول يهديها
طارق بصوت هادي : ريم بسك قطعتي قلبي
ريم تمسكت بثوبه بقوه : طارق امي ليه تموت كيف اعيش بدونها انا انا السبب في اللي صار لها انا السبب في كل اللي صار
طارق بستسلام سامي ماحد يعرف لها الا سامي : ريم تكفين بس تلومين نفسك
ريم انتبهت للظرف اللي باسمها الثاني استغربت وبعدت بشويش عن طارق استغرب هدوئها المفاجئ وابتعادها عنه خذت الظرف وفتحته
من فاتن الى ريم
ريم اكيد انتي عرفتي عن سامي وعرفتي حقيقته ابغاك تقرين هالرساله عدل
جاني سامي بيوم من الايام وتكلم معي وقلت له اني امه وانكم اولادي واولاد فهد كنتي باول متوسط وعرفتك عليه على انه فهد علشان ابوك يعرف اسماء عيالي اذا عرف انه اخوك رح يسوي مشكله اكيد ورح يمنعني اشوفك اول ماكنت حامل فيك هددني انه اذا رجعت اشوف عيالي رح يمنعني اشوفك سامي ماله ذنب اعرف انك الحين ماتتكلمين معه بس هو اكثر شخص فاهمك وحاس فيك اتمنى اذا انتي ماتكلمينه الحين ماتتركينه متضايق وتصالحينه باسرع وقت وطارق لازم يعرف السالفه اللي صارت بينك وبين سامي من تعرفتو لليوم هذا اللي بتقرين فيه الرساله لما عرف سامي طلبت منه يجي بالايام اللي مايكون ابوك موجود فيها وعنده شغل خارج القريه بعد ماصار سامي بالجامعه انتقل برا وصار كل شهر يجي نفس الوقت وماعمره تخلف عن اليوم اللي رح يقضي فيه اليوم معنا انا كنت اقول لك انه ملاكك الحارس ورح يضل ملاكك الحارس احبك
احبك يا اميرتي
ريم مسحت دموعها ومدت الرساله لطارق اللي مستغرب منها : ايش هذي
ريم : رساله من امي تبغاك تقراها
طارق قراء الرساله مايدري ليه يحس باحساس غريب بالحنيه مع الشوق ريم سندت راسها على صدره : طارق
طارق ابتسم : ياعيونه انتي
ريم ابتسمت مع انه خدينها و انفها صارو حمر من البكي : ماتدري متى يجي سامي ؟!
طارق بتفكير : لا سامي كان دايم اذا جاء من السفر يقضي الوقت معاكم فا ماكنت اشوفه اما اليوم مدري وين راح
ريم حست بالضيق من تصرفها معاه : ليتني سمعت له
طارق مسح على شعرها : لاتخافين بيجي بعد شوي وتتصالحين معه
ريم ابتسمت : اتمنى
طارق بستيعاب : اووه نسيت
ريم استغربت : شفيك ؟!
طارق : سامي مارح يجي عنده اجتماع مهم الصبح وساكن بفندق اللي بجنب موقع الاجتماع
ريم بانت بملامحها الاحباط طارق بتدارك للوضع : بس عندي خطه
ريم بحماس : ايوه
طارق : خل ننزل نتعشاء وبقول لابوي
ريم : تمام
ريم طلعت مع طارق من غرفتها : طارق بمكتب ابوي رعد نايم صحه خل ياكل
طارق عقد حواجبه : رعد ؟! شيسوي
ريم : مدري كان مع ابوي يعدلون المكتب
طارق : تمام اجل روحي صحي ابوي
ريم : تمام
توجهة لغرفه ابوها دقت الباب سمعت صوت الاوراق تترتب دقت الباب : يبه يلا العشاء
فهد رفع راسه وبان التعب بوجهه : يلا جاي وراك
ريم بصدمه : يبه ليه وجهك كذا ليش تتعب نفسك ؟!
فهد ابتسم بطمئنينه : لاتخافين مافي شي يستاهل تحاتين علشانه شوي تعب بس
ريم سندته : لايبه مايصلح تسوي بنفسك كذا
فهد : ابشري ابوي انتي
ريم بدت تمشي بتجاه غرفه الطعام وهي ماسكه يده
نروح لطارق توجه لغرفه المكتب قتحه بشويش شاف رعد نايم بسلام قرب من عنده وبشويش هزه
طارق : رعد رعد رعد قوم
رعد على طول فتح عيونه بتعب وقفلهم بقوه لانه حس بصداع رهيب جلس وفتح عيونه
طارق يحاول يستوعب حركات رعد اللي يسويها : فيك صداع ؟!
رعد رفع راسه : اي مو طبيعي
طارق : دقيقه بس
فتح ثلاجه صغيره كانت بالمكتب طلع حبوب وعطاه اياه بعد ماخف الصداع
طارق : يلا قوم نتعشاء
رعد : لا بس
طارق قاطعه : ولابس ولاشي قوم بسرعه الوالد وريم ينتظرونا
رعد قام معه وجلسو ال ٤على طاوله الطعام
فهد : طارق ابغاك تخلص لي معاملات مهمه لاني تعبت وبنام يمديك ولا ؟!
طارق التفت لريم وبياس : اي يبه ماعليك
ريم ابتسمت : عادي وقت ثاني
فهد التفت لهم : شفيكم ؟!
طارق : بصراحه يبه كنت بودي ريم عند سامي تبي تتكلم معه
فهد التفت لرعد : عادي عندك
رعد : انا جاهز باي وقت قلت لك
فهد رفع راسه لطارق : صح ماقلت لك رعد المسؤول عن حمايتها من اليوم ورايح واذا كانت تبي مكان واحنا مو موجودين حولها تروح معه

☹️💔لاتنسون التعليقاااات