خيالك الواسع (مكتمله)

بارت٤٠

انتظر التعليقات والتوقعات ♥️🌝

صحت وشافت نفسها بحضن ابوها بعدت عنه بشويش بدون مايحس طلعت من غرفته لغرفتها بس بطريقها شافت طارق جالس قربت منه
ريم مشت بشويش ::طارق
طارق فز بخوف وطاح الجوال لما شافها ريم اخذ نفس: ريم
ريم انحرجت انها خوفته : اسفه
طارق : لاتتاسفين تعالي
ريم جلست بجنبه : صباح الخير
طارق باس راسها : صباحي انتي
ريم : مانمت؟!
طارق : الا شوي وصحيت مافيني نوم نايم بالطياره
سمعو صوت باب الغرفه بس مايدرون من اللي صحى نزل بشورته وفنيله ومعاه جوالين ولاب
سامي ببتسامه: صباح الخيير
ريم وطارق : صباح النور
سامي قرب منهم وباس كل واحد بخده : شمصحيكم
ريم : توني صحيت انا
طارق : اسوي الاوراق
سامي لما جلس: صدق ريم وين نمتي امس ؟!
ريم : عند ابوي
طارق تكتف : وانا متى يجي دوري
ريم ضحكت : ليه السالفه ادوار
طارق ابتسم : لا نمزح معاك
ريم : يلا بروح ابد وانتو  !
طارق : بكمل الاوراق
سامي : بضبط العرض لابوي
حمد نزل لهم : صباح الخير
الكل : صباح النور
حمد ناظر الساعه : ماصحى رعد شوي ويجي وقت دوامكم
ريم بتفكير : مابغى اداوم
سامي رفع راسه لها : لا روحي بدلي وداومي بنجلس هنا اسبوع احنا
ريم بفرح : صددق
طارق : ايي
ريم : تمام
حمد لطارق : طارق روح شوف رعد اذا صحى او لا
طارق وقف وراح لغرفه رعد دخل وكانت الغرفه مرتبه ورعد مو موجود سمع الحمام وراه التفت وابتسم : صباح الخير
رعد كان لابس المنشفه على خصره ابتسم لما شاف طارق  : صباح النور
طارق : كيف نومك
رعد : انا الحمدلله انتو اللي كيف نومكم
طارق جلس على السرير : اووه عسسل
رعد : الحمدلله
طارق : يلا بنجهز الفطور لاتتاخر يقول حمد
تحت عند سامي وحمد طلع فهد من غرفته
فهد : صباح الخير
ردو عليه : صباح النور
فهد بستغراب تلفت ماشافهم : راحو ؟
حمد كان يرتب الطاوله : لا لسه
نزلت ريم لابسه فستان نيلي ولابسه كعب على شكل بوت ابيض وشعرهامفكوك وبيدها ربطه باست ابوها : اخبار الحلو
فهد قرص خدينها : بخير وانتي ياقلب الحلو
ريم ببتسامه : بخير
فهد : اذا هو بخير انا بخير
فاجئهم صوت طارق : يبببه
فهد ناظر الدرج بستغراب : شفيك
طارق : قلت لبدر وراشد يجون
فهد : وسلمان ؟! وينه
طارق : مدري والله
ريم لما سمعت انهم بيجون بدا قلبها يدق والتفتت لحمد اللي كان يناظرها
جلسو حول الطاوله ياكلون ونزل رعد سلم عليهم وجلس معهم كان لابس بنطلون جنز ومعاه بلوزه بيضاء رسميه وجكيت بعد ماخلصو اثنينهم بسرعه
ريم  ابتسمت وبتردد: رعد
رعد وقف وراح من وراها ومسك شعرها يعدله لها
فهد ابتسم : اووه عندنا كوفير هنا
بهاللحظه اندق الجرس
طارق بصوت عالي : الباب مفتوح
دخل بدر وراشد
بدر بتثاوب : قونايدن
طارق ضحك عليه : مانمت صح ؟!
بدر : تعرف مكان جديد يبي للواحد يتاقلم
راشد انتبه لرعد اللي جالس يسوي شعر ريم وانصدم حس بالضيقه داخله ليه ؟! اهدى ياراشد رعد مايحبها وهو بالنسبه لها اخ
ريم بعد ماخلص شعرها التفتت له : شكرا
لما وقفت طاحت عينها بعين راشد شالت كتبها برتباك ومشت عند ابوها : تبغى شي يبه
فهد: انتبهي لنفسك
ريم : ابشر وانتو انتبهو لنفسكم
فهد لحمد : حمد انت اللي بتوصلهم !!
حمد : اي
فهد بنفي  : جيب معاك بالطريق حلى
حمد : ابشر
لما جاء يطلع  تكلم بعمد : احد بيروح معي يسليني
الكل نفى
حمد : راشد قوم معي
راشد اللي كان سرحان : ها
حمد ضحك : قوم معي
راشد وقف : اي يلا جاي
ركبو السياره حمد وراشد وريم ورعد وكان الصمت سيد الموقف ريم كان قلبها ينبض وتحاول ما تناظر راشد ابد
وراشد بالمثل وصل عند الكوفي راشد استغرب
حمد :راشد روح مع ريم تاخذ قهوتها
راشد لف له بصدمه: انا؟!
حمد ابتسم: شفيك اليوم فاهي اي انت يلا ماقدر انزل واترك السياره ورعد يحل الواجب اللي عنده
راشد نزل وسكر الباب
ريم ضحكت : حمد حركاتك مكشوفه
حمد ابتسم : ياليت علشان يحس شوي
ريم نزلت وراحت من عنده ودخلو سوا
راشد : اخبارك
ريم ابتسمت : بخير وانت كيفك
راشد : انا بخير اذا انتي بخير
ريم : انا بخير
لما قربو من الكاشير التفت عليهم
جون : اوه اهلن بك مجددا
ريم بستغراب : هل تعمل هنا؟!
جون ابتسم : نعم المكان لنا ولكن اظن ان عمي لم يخبرك
ريم بتفكير : حقا لم يخبرني ولكن هل لي بطلب صغير منك
جون استغرب : تفضلي
ريم : لاتخبره انني علمت ان المكان لكم
جون فهم عليها : حسنا الطلب المعتاد
ريم كلمته والتفتت لراشد: نعم . تذكر لما قلت لك عن المعلم اللي بالجامعه
راشد : اي قلتي لي
ريم : هذا ولداخوه امس كانو موجودين لما كنت هنا بوقت الاستراحه
راشد ماعنده اي شي تجاه جون علشان كذا ما اهتم له : ايي تذكرته
ريم ابتسمت : ايش تحب تطلب قهوه
راشد بادلها الابتسامه: مثلك
نروح منهم بالسياره
رعد ببتسامه: مو هين طلعت
حمد ضحك : ايي كيف بس ؟!
رعد : عجبتني صراحه بس يارب يحس
رعد : عندي خططه
حمد فز بخوف : طيب بشويش لاتصارخ
رعد ضحك: طيب خلني اقول لك قبل يجون بالبريك تعال انت وراشد وبنتركهم ونروح انا وانت على اساس عندنا شغل شرايك
حمد باعجاب : فكره بس افترض انو سامي او طارق او فهد قرر يجي معي وش بتسوي
رعد : انت قلتها افترض يعني للحين ماصار شي علشان كذا اسكت ونشوف وقتها تمام
بعد ماخذو الطلب
راشد : تحبين هالمكان صح
ريم بتفكير : اي فيك تقول انه هادي ومافيه كثير ناس
راشد وهو يناظرها سكت فتره وبعدها نطق : جميله
ريم احمرت خدينها : من
راشد ابتسم : انتي
ريم ماعرفت شترد وعرف انه احرجها فا سكت وركبو
لما وصلو للجامعه نزلو اثنينهم
بالبيت
فهد لبدر : وين سلمان
بدر : طلع بدري بس مدري لوين
سامي كان يراسل مشعل
مشعل : اليوم الغدا عندي ترا ومارح اقبل اي اعتراض
سامي بصوت عالي لان ابوه بعيد عنه  : يبه
فهد وقف وراح له : نعم
سامي : يبه مشعل يقول غداكم عندي
فهد بتفكير : قول له بنشوف ان شاء الله
سامي : يبه يقول النقاش منتهي
طارق : يوووه عاد طبخ مشعل حياه ثانيه

قبل وقت الاستراحه
حمد : راشد يلا
سامي بشك : شعندك انت راشد وراشد كل شوي ماخذه
حمد ابتسم : نبي نغير له جو معنا
طارق كان ياكل حلى : اقول حمد ماودك تاخذوني
حمد عطاه نظره: لا بنروح نقضي مشوار مهم
فهد ضحك عليه : اقول حمد خذوه حرام
طارق والملعقه بفمه: لا يبه لخه مابي اروح معهم من زينهم عاد
فهد بجديه: حمد اذا وصلت قول لرعد يتصل علي ابيه بشي ضروري
حمد هز راسه بالايجاب
اول ماركبو السياره : معليش ترا بناخذك ونخليك انت وريم بالكوفي وقت الاستراحه لما تخلص ونجي ناخذكم
راشد بستغراب : ليه شصاير
حمد ابتسم : عندنا شغل ومايصلح نتركها بروحها
راشد بتفهم : اها تمام
اول ماوصلو
ريم كان شعرها مفتوح الربطه طاحت من شعرها والهوا يطيره
ريم بتافف : اووف رعد ثاني مره قول لي اخذ معي ربطه احتياط
رعد ضحك : طيب عطيني الربطه اللي برقبتك
اخذ الربطه ورفع شعرها لها وربطه
تكلم من وراهم : لقد اخبرتكم ان علاقتكم ببعض جميله
رعد فز بخوف وطاح شعر ريم ثاني مره
ريم بحلطمه : معلميي
ريتشارد ضحك : اعذروني لاني افزعتكم
رعد حياه: لا عليك معلم وايضا نحن لم ننتبه لوجودك
ريتشارد لريم : هل الان وقت الاستراحه؟!
ريم هزت راسها بالايجاب : نعم لماذا هل هنالك شي تريده
ريتشارد : لا فقط كنت اتسال انا سوف اذهب الان اعذروني
ريم ابتسمت له ولفت على رعد : هالمره اربطه عدل
سمعو جوالها
ريم الفتت وضحكو : لا مو ناوي يمر اليوم . هلا حمد
حمد : ناوين تتغزلون لوقت طويل
ريم التفتت تدوره : رعد تشوفه
رعد ابتسم واخذ الجوال منها : زيد النار اكثر
حمد ضحك: يافاهمني
رعد : ماله داعي كلامك وراشد معك
حمد انصدم : كيف شفتني ؟!
رعد فتح باب السياره لريم وتكلم بالجوال  : لاتستهين بحارس الشخصي برتبه ملازم اول
حمد باحراج : اووه اسفيين
سكر الخط وعطاها الجوال
حمد بجديه : رعد فهد يقول لك اتصل عليه ضروري
رعد طلع جواله واتصل على فهد : هلا فهد
فهد : اسمع رعد بعد الدوام شناوي تسوي
رعد بدون تفكير : ماعندي شي ليه
فهد : احنا معزومين عند مشعل وريم اتوقع مارح تروح فا يناسبك تجلس ؟!
رعد : بدون ماتسال انا بكل مكان معها
ريم التفتت له ورجعت نظرها للطريق اما رعد انهى المكالمه لما وصلو الكوفي نزلو وخذت كتبها واقلامها نزل رعد مشى لراشد : هي بامانتك لما نجي تمامم؟!
ريم بستغراب : وين ؟!
رعد : بنروح نكمل شي انا وحمد وراشد بيضل معك
ريم : تمام
قرب رعد منها وهمس باذنها : بامكانك الحين تعرفين مشاعره تجاهك