خيالك الواسع (مكتمله)

بارت ١٨

دق جوال طارق وطارق كان الاكل بفمه وقف : دقيقه يبه
راح بعيد عنهم شوي
طارق : هلا
سامي بصوت مبحوح وواضح فيه الضيقه : اخباركم ؟! طارق
طارق استغرب صوت اخوه : بخير الحمدلله وينك انت ؟! بالفندق
سامي بتردد : لا
طارق بصدمه فتح فمه : لاااااتقولها
سامي بضيق : طارق انتبه لها انا عارف انها مو طايقه تشوفني خير شر
طارق : متى طيارتك؟!
سامي : بعد ٣ ساعات
طارق توجه لطاوله الاكل واشر لها تلبس بسرعه : طيب قلت لابوي ؟!
فهد رفع راسه بستغراب طارق اشر له شوي وافهمك ريم راحت تركض تلبس رعد مو فاهم شي
سامي : لا ماقلت له بقول له اذا وصلت اكيد الحين جالسين تاكلون لاتقول لهم شي
طارق : طيارتنا ولا طياره عامه ؟!
سامي جلس بالطاوله اللي بالمطار : لا طياره عامه
طارق  : تمام انتبه لنفسك
سكر من سامي وجلس بنهيار على الكرسي : يبه سامي بيسافر
فهد شرق وبدا يكح رعد وقف واخذ كوب ماي وعطاه شربه وبصدمه
فهد: كيف يروح ومتى قال لك انه بيروح ؟!
طارق : يبه ريم لازم توصل للمطار قبل ال ٣ ساعات
فهد التفت لرعد : تقدر
رعد : اقدر وقبل بعد لاتخاف
فهد ببتسامه مكسوره : مشكور يارعد
رعد مسك يد فهد : لاتشكرني ياعم ماسويت شي
ريم نزلت
فهد بحزم : ريم مارح اسامحك اذا رجعتي بدونه
ريم مافهمت بس خافت من كلام ابوها : ابشر يبه
رعد راح يشغل السياره طارق دق النافذه ومد له المفتاح : خذ الفراري اسرع لك
رعد كان بيتكلم قاطعه فهد : رعد لاتعارض الموقف مايسمح تناقش
رعد : ابشر
فهد : الوجهه رح تكون سان فرانسيسكو
ركبو
رعد بحزم وجديه : اربطي الحزام وانتبهي لاني رح اسرع
ريم بخوف: رعد وش صاير ؟!
رعد : مافي شي ان شاء الله لاتفكرين
ريم تنهدت : اتمنى
رعد بدا يسرع بتجاه المطار
اما بالبيت
طارق : يبه ليه يسوي كذا ؟!
فهد بتفكير : مايبي يجلس ويشوفها تتالم بسببه وتتذكر امها
طارق بنفعال : بس حتى ولو يبه يقول لها على الاقل
فهد رفع راسه لطارق اللي واقف طارق انحرج
طارق : اسف يبه ماكان قصدي انفعل عليك
فهد : لاتهتم ان شاء الله تلحق عليه
مرت ساعتين ونص وصلو
ريم بستغراب : رعد شنسوي هنا ؟!
رعد : سامي هنا
ريم بصدمه حطت يدها على فمها : سامي هنا ؟! شلون
رعد بتسرع : مو وقت الاسئله امشي نروح نشوفه بسرعه
ريم نزلت وعدلت شيلتها راحت مع رعد يركضون المطار كبير شافو الرحله اللي متوجه لسان فرانسيسكو
سامي كان يوقع اوراقه رعد التفت لها : شوفيه هناك روحي له
ريم رفعت راسها له وعيونها مليانه دموع هزت راسها
رعد انسحب بشويش وهي راحت تمشي بتجاهه لما شافته خلص الاوراق وبيدخل لممر الطياره راحت تركض كان المسافه بينهم بعيده شوي
ريم بصوت عالي : ساميييي  ساميييي سامييي
من الركض تعثرت سامي التفت يشوف من يناديه ماشاف احد ريم بدو الناس يتجمعون عليها لانها طاحت وبدت تبكي وهي جالسه
ريم ببكى تمسح دموعها وصوت مو مفهوم : سامييي
سامي بصدمه : ريم ؟!
ريم رفعت راسها : سامي لاتسافر تكفى
سامي نزل لمستواها وساعدها توقف  التفت للناس بدو يتفرقون مسكها حاولت تمشي بس رجلها التوت توجه له رعد سامي رمى كل شي معه وشالها رعد ابتسم لها وشال اغراض سامي وراح وراهم
سامي بنظره كلها اعتذار وضيق :ريم
ريم حطت يدها على فمه : انا كنت غبيه لما ماسمعت لك
سامي باس يدها وبعدتها بسرعه منحرجه وتحركت سامي مسكها بقوه
سامي بلوم : انتبهي لاتطيحين
ريم حاوطته بيدينها : اسفه
سامي التفت لرعد : اسف رعد مانتبهت ولاسالتك وش جابك ؟!
ريم بهمس باذنه : رعد بيكون مرافقي الجديد والحارس حقي
سامي بتفهم : ايي
رعد ابتسم : السياره من هنا
مشى قدامهم وشافو تجمع لاطفال عند السياره
ريم بصدمه : شيسوون ؟!
سامي ضحك والتفت لهم رعد : يهتمو بالسيارات اللي كذا مو كل الناس عندهم هالانواع
ريم توها تنتبه للسياره : ليه احنا جينا بهذي اصلا ؟!
رعد التفت : مو من جددك فقدتي الذاكره من هالطيحه بس
ريم سكرت وجهها : لاتذكرني بس ماكنت منتبهه لما ركبنا اي سياره
سامي ابتسم : اكيد هذا طارق
ريم رفعت راسها : شعرفك ؟!
سامي : لان طارق صاحب هالسياره ومستحيل يعطيها احد حتى لو ابوي نزلها بشويش وقفت بس للحين تالمها رجلها ساعدها تركب
ريم وراء وسامي قدام رعد يسوق
سامي تنهد ورجع راسه لوراء  * اتمنى اني ما اخيب ظنك يمه *
بعد ٣ ساعات وصلو لبيتهم
طارق كان جالس عند الباب واول مالمحهم : يبببه وصلو
فهد اللي كان جالس بالحديقه وقدامه الاوراق عليه نظارته وعيونه حمرا وتحتها سواد : زين جايك
ترك الاوراق وتوجه لهم طارق اول مانزل سامي ونزلت ريم وهو ماسكها راح يركض بتجاه سامي ضربه طاح سامي وهو مصدوم من الحركه فهد وريم ورعد منصدمين طارق جلس فوق سامي
طارق بغيض : شوف اني اسكت لك هالمره انساهاااا تحلم ااسكت لك بعد اللي سويته
فهد بصرامه : طاررق قوم من اخوك
طارق التفت ببتسامه : يبه شوف خذ ريم ورعد ودخلهم وروحو رتاحو عندي حساب مع سامي لازم نخلصه
ماكمل كلامه من ضربه سامي له وقفو اثنينهم مقابل بعض طارق ابتسم بشر بس تفاجئو ب فهد ماسك طارق ورعد ماسك سامي
طارق التفت لبوه : يبه خلاص مارح اسوي شي اتركونا
ريم بنفعال : طارق لييه تسوي كذا
طارق ابتسم ومشى بتجاه البيت سامي راح يركض وراه
فهد التفت لريم بضحكه : لاتحاتين هم كذا سوا كل ماجاء سامي من السفر
ريم كانت بتمشي تذكرت الم رجلها رعد لف عليها كان بيشيلها
سامي وقفه بصوته : رعد اتركها
قرب منها وشالها فهد بستغراب : شفيك ؟!
ريم : يبه التوت رجلي وانا بالمطار
فهد ابتسم : تمام خلي سامي يوديك الغرفه ورعد تعال ابيك بمكتبي
رعد يتنقل بعيونه بينهم وبينه : ابشر
مشو لداخل فهد توجه للمطبخ واخذ الصحن اللي فيه اكل في الصينيه ومعاه كوب عصير وهو ماشي لغرفه المكتب
طارق قاطعه : يبه وين ؟!
فهد التفت لطارق : بودي الاكل لرعد خبرك فيه ما اكل وقول لسامي يودي اكل لاخته
طارق بزعل : وانا طيب ؟!
فهد ضحك : انت مابقيت لهم شي ياكلونه
طارق شهق : يبه انا ؟!
فهد نزل اللي معاه على الطاوله ولعب بشعر طارق : اسف حبيبي عليك بالعافيه بس لازم بعد نهتم بالرجال مايصلح نخليه كذا
طارق بتفكير : صدق صدق ماعليك يبه روح وانا باخذ الاكل لطيور الحب
فهد بعتب :عيب ياولد هذول اخوانك
طارق اول ماقال كلامه ركض بتجاه المطبخ يضحك وسمع كلام ابوه دخل للمطبخ بعدها فهد اخذ الاكل وفتح باب المكتب اول ماشافه رعد وقف واخذ للصحن
فهد بجديه : هذا الاكل لك ويويلك يرجع شي منه
رعد يبي يرد : بس
فهد قاطعه : لابس ولاشي يلا  كله اكل ترا
رعد بدا ياكل : مشكور ياعم
فهد جلس قدامه ويلاحظ ملامحه وطريقته اللي هاديه واسلوبه الهادي الثقيل الي ماعرف للحين كيف يخترق هالشخصيه
نروح بعيد شوي عن بيتهم لبيت راشد قبل ٤ ساعات
بدر كان يقراء المجله وانتبه لدخول اخوه
بدر بفضول : وين كنت
راشد التفت له بخوف : شفيك جالس بالظلام
بدر ضحك على رده فعل اخوه : كذا احاول استرخي
راشد توجه له وشغل النور الخفيف : على الاقل شغل شي يدل على انك هنا
بدر رجع لفضوله : وييين كنت ماتقول لي ولا اسرار
راشد ببتسامه  : اتوقع مايخصك
بدر صفر وعدل جلسته : لااااا كذا في السالفه شي قول قول انا اخوك الكبير
راشد بنص نظره : واذا اخوي الكبير شالمطلوب
بدر تنهد وابتسم :والله وكبرت ياراشد
راشد ضحك : اجل تبيني اجلس صغير
بدر لعب بشعر اخوه : لا بس احيان تكبر بعيد عن عيني
راشد وقف وباس خد اخوه : بروح ابدل واخليهم يجهزون العشاء
بدر بتفكير : خلهم يطلعونه برا خلنا نسبح
راشد بتفكير : فكره والله تمام رح والحقك