خيالك الواسع (مكتمله)

بارت ١٤

اسعدووني بتعليقاتكم 👏🏻😭♥️♥️♥️♥️ نفس البارت اللي قبل وعادي لو تشاركوني توقعاتكم والاحداث

بدر ابتسم ولوح بيدينه : هذا اللي بنعرف عنه بعدين البنت هذي فيها كثييير مفاجئات
راشد التفت بنطره لاخوه : وناوي تتركها
بدر مسك يد اخوه وسكر باب الشرفه : تعال بتكلم معك عن هالموضوع
راشد مشى معه للصاله وجلسو اما عند ريم
كانت حاطه راسها على كتفه وبسوال وهي سرحانه  : فهد انت شبح ؟!
سامي سكت شوي وبعدها بدا يضحك
ريم ابتسمت : ادري سوال غبي بس انك دخلت هنا وكل مره احتاجك احصلك معي
سامي مسك وجهها : انا مو شبح فيك تقولين ملاك حارس لك
ريم : كيف يعني شخص يحميني
سامي : تقدرين تقولين كذا
ريم ابتسمت : اتمنى اني بقدر اشوفك اذا رجعت لبيت ابوي
سامي : متى رح تروحين لهم ؟!
ريم بتفكير : مدري للحين اخاف اخواني مايتقبلوني خصوصا انهم قالو لي عن شخصيه اخوي الكبير انه صعب التقبل
سامي : ريم انتي لاتفكرين بشي اكيد الوقت بيصلح كل شي
ريم بدت الدموع تتجمع بعيونها : كيف بعيش من دون امي الحين كيف بصبر بدونها كيف رح اتحمل الحياه بدونها
سامي مسكها وضمها : لاتخافين انا هنا معاك ورح اظل معك
ريم بعدت عنه وعيونها مليانه دموع وخدينها حمرا : وعد ؟!
سامي : وعد
وقف وهو ماسك يدها : انا لازم اروح الحين بس بكرا رح اجي اشوفك تمام
ريم ابتسمت : بنتظرك
راح وهي ماشالت عيونها عنه شالت كتبها ومشت بتجاه الفيلا دخلت وانتبهت انهم جالسين ابتسمت لهم وراحت لغرفتها رمت نفسها على السرير مبسوطه
رعد : مبسوطه ؟!
ريم اصدمت من وجوده : متى جيت هنا ؟!
رعد ضحك على ردت فعلها : من دخلتي كنت جالس هنا بس واضح الدروس ماخذه قلبك
ريم باحراج : اي فهمت المسئله ماتبغى انبسط ؟!
رعد : لا لا بالعكس انبسطي
ريم : شفيك بالغرفه ؟!
رعد : كنت ابي اسالك ونسيت عن ايش رح اسئلك
ريم : تمام
نروح لبيت فهد
دخل للبيت مبتسم
طارق صفر : اوه اوه وش هالابتسامه هذي ؟!الله يرزقنا
سامي : اكيد ببتسم من زمانن ماشفتها وتبغاني ما ابتسم ؟!
طارق : تحمست اتعرف عليها اكثر
سامي : بكرا انا اللي بجيبها للبيت
طارق وقف وبصرامه : لا لا لا انا اللي بجيبها ابي اعرف وش هالسر اللي بينكم لدرجه متعلقين ببعض
سامي طلع لسانه : يغااار
طارق : ااكيد بغار اجل تروح تشوفها كل شهر من ٧ سنوات
سامي : طيب بكرا قبل لاتروح قول لي تمام
طارق : من عيوني
سامي مارد وكمل طريقه بس وقفه سوال طارق
طارق : سامي مارح ترجع تسافر ؟!
سامي التفت لطارق : هاه مدري بشوف اذا اقدر اكمل هنا او لا
طارق : تمام بس عطني خبر
سامي : لييه ؟!
طارق : ابوي ناقصه واحد بنفس مجال تخصصك بالفرع الرئيسي ومافكرت الا فيك
سامي : اوه تمام
مر اليوم سريع وجاء اليوم اللي بعده اليوم المنتظر كانو على طاوله الفطور
راشد ياكل بصمت ويرفع نظره لها ويرجع يشوف صحنه
بدر بتوتر من رده الفعل : اليوم اتصل علي طارق بيجي ياخذك لبيتكم
ريم: تمام
راشد وقف متوجه لغرفته : الحمدلله شبعت
ريم بعد دقايق وقفت : الحمدلله
بدر كان بيلحقهم تفاجئ من يد رعد يمسكه
رعد : اتركهم يتكلمون مع بعض
بدر يتلفت : بس
رعد : لابس ولا شي قوم يلا للدوام
عند راشد كان يبدل للدوام سمع الباب
راشد : ادخل
ريم دخلت وسكرت الباب راشد كان يسكر ازرار ثوبه وتفاجئ انها هي اللي جايه
ريم بتردد وخوف : راشد انت ماتبغاني اروح
راشد ابتسم وقرب منها : لا بالعكس هذول اهلك بس * ذبلت عيونه وصوته صار اهدئ* بس بشتاق لك بالبيت
ريم مسكت يده وبتحفيز : اكيد بتجون تزوروني وازوركم انا بعد ليه تفكر كذا وبعدين عرفت ان اخوي طارق اعداء شخص لك
راشد ضحك : بس بنجبر اتقبله علشان اخته
قرص خدها
ريم ابتسمت : ايوه كذا ابتسم ماتعودت عليك تكون متضايق
راشد ابتسم : تمام بس بشرط الجوال اللي عطيتك اياه ماتتركينه هنا وتراسليني دايم
ريم : تمام
راشد : يلا روحي جهزي اشيائك علشان طارق شوي ويجي ياخذك
اما تحت عندهم
طارق وصل ودخل الفيلا
بدر بنظره : شدعوه بهالسرعه تبون تاخذونها
طارق نفخ صدره وبنفعال  : اختييي مايحق لي اخذها بعد ؟!
بدر ضحك : اووف يا طارق من زمان ماشفتك منفعل كذا
قرب منه وهمس باذنه : انتبه لها
طارق رجف من الحركه وبقرف : وجع لاتعيدها مقرف
رعد كان واقف وراه رجع شوي ولما صدم برعد طارق : انت من متى هنا ؟!
رعد ببرود  : من دخلت
طارق التفت لبدر : متاكد هذا شخص حي ؟!
بدر بدا يضحك وجلس بالارض مسح دموعه : مو من جدك طارق شفيك كل هالتوتر علشان بتقابل اختك ؟!
طارق لعب بشعره: اي والله اسكت ليتني خليت سامي يجي بدالي
بدر بتذكر : صدددددددق سامي جاين
طارق ماترك بدر يكمل كلامه : اشش ترا مالي دخل بتصرفاته ووش سوا لاتسالني
بدر : انت زين تدري وينك فيه او وش تسوي
طارق : اشش بس اخر من يتكلم انت
بدر : تمام بسكت يلا رعد خل نطلع
طارق مسك يده : تعال تعال وين دقيقه خل اطلع معها على الاقل بعدين رح
ريم كانت ماسكه شنطتها راشد طلع من غرفته كاشخ
ريم بصدمه : وين بتروح
راشد ناظر نفسه : بروح الدوام ليه ؟!
ريم عضت شفايفها كانت لابسه عبايه بس طالعه حلوه مع الروج الخفيف والمسكرا الشفافه وشعرها اللي مطلعه بدايته : ايه
راشد قرب منها مسك الشنطه ونزل قبلها نزلت وراه وطارق كان تحت اول ماشافها رفع راسه اول مره يدقق بملامحها حللوه
بدر بهمس : ترا اختك
طارق عطاه نظره : ادري مايحتاج تقول
بدر ضحك وبعدها سكت من نظرات رعد له
ريم وقفت بجنب راشد 
بدر بمزح : شفيكم كانها زوجتك وجاي تاخذها من بيت اهلها
رعد ضربه بجنبه  بدر رفع راسه له : خيير تضرب
طارق مشى بتجاهها مد يده : اخبارك
ريم ابتسمت : تمام وانت
طارق : بخير * سكت فتره يناظرها * يعني انتي من جدك اختي ؟!
ريم انصدمت بدر ورعد وراشد يناظرون بعض وماتو ضحك
طارق انحرج : وش فيكم شوي خلني استوعب طيب مع الوقت
ريم ضحكت : رح تتعود علي وتطفش
طارق : ماتوقع اطفش نروح ييلا ابوي وسامي ينتظرون
ريم : يلا
اخذ الشنطه من راشد: الله يصبرني بصير اشوفك كل يوم
راشد : يحصل لك عاد
طارق عطاه نظره وطلع لسنه : ليتك تسكت