تعافيت به

تعافيت به ١

نور ي بت قومي فوق كفايه دا نوم شنو اصلو الساعه ماشه على ١٢ ي الله ي ماما ياخ خليني انوم يعني اصحى اعمل شنو ي بت انت النوم دا م بتفتري منو قومي فوق م صدقتي الجامعه قفلت لي نومك الكتير دا حاضر ي ماما ياخي قايمهه خلاص اصلا الزول م بنوم معاكم في البيت دا قالت لي بطلي قلة ادب وقومي على حيلك لو جيت راجعه ولقيتك راقده تاني بتصرف معاك تصرف م يعجبك ونزلت تحت فتحته عيوني وانا مدروخه دخلته الحمام أخذته دش واتوضيت صليت ونزلت تحت لقيت ماما وبابا كالعاده ملمومين وبشربو في القهوه مشيت على بابا بي ابتسامه وحضنته وقلته ليهو صباح الخير ي حجوج اشي الليله متأخر عشان تخلط المدام من الصباح ولا شنو قرصني من خدودي و ضحك قال لي حجوج في عينك انت ي بت م بتكبري نهاي وي ستي انا متأخر لانه عندي إجتماع مفروض اجهز ليهو هنا قبل م أمشي الشركه ارتحتي ضحكته وقلته عادي ي حجوج ياخ قول لي انك خالطها م فوكا حاجه انا زي بتك يعني 😂 قال لي هوي ي مجنونه بطلي قلة ادب وبعدين صباح خير شنو الضهر حيأذن ماما قالت ليهو ما دي قلت ادبها بتك تنوم للساعه ميه وتجي تقول صباح الخير بابا ضحك وقال ليها حلي مشاكلك مع بتك غايتو انا طالع اخرتوني وغمز لي بي عينه نظام حنكيها وطلع (طبعا انا وبابا أصحاب شديد) مشيت على ماما وقلته ليها انت ي سوسو مالك فايره كدا الليله تعالى اديني بوسهه حضنتها وبوستها في خدها ضحكت وقالت لي شوفتي حركاتك الزي حقت ابوك دي م تبردي بيها قلبي و يلا تعالي اشربي الشاي وافطري عشان تنضفي معاي لأنه جايننا ضيوف قلته ليها ضيوف منو ديل كمان قالت لي جايه عمتك منى وأولادها قالت جايه تتغدا معانا قلته ليها عمتي منى ودي اتذكرتنا من وين أن شاء الله قالت لي ي بت بطلي لماضهه واعملي القلتو ليك من سكات عشان نلحق نخلص قبل الأكل قلته ليها اراهنك ي ماما لو م كانت جايه عايزه تعمل حاجه او عايزه من بابا حاجه اصلا المره دي م وش خير 👌قالت لي ي بت خلاص عيب عليك دي عمتك في النهايه واي زول بي تعاملو وبعدين قالت جايه تسلم لأنها اشتاقت لينا قلته ليها والله ي ماما انت على نياتك شوق شنو البتشتاقهه لينا نحن لو علي انا م بتحب تحتكهه بي ولو على اسامهه اصلا هي م بتطيقه الا كان اشتاقت للمشاكل معاك انت ولا مع بابا شوفي لو م كانت جايبهه مصيبه وجايهه قال اشتاقت لينا قال ماما قالت لي نور وبعدين معاك خلاص قلنا و الله يرضى عليك م عايزين مشاكل معاهم اوعك تطولي لسانك مع واحده من بناتها ولو واحده قالت ليك كلام اتجاوزيها وخلي الليله دي تعدي على خير فاهمه 🙂قلته ليها شنو أتجاوز منو والله في بيتنا ويقلو ادبهم علي والله م اسكت ماما قالت لي ي بتي الله يرضى عليك انا بقول في شنو وإنتي بتقولي في شنو وبعدين بتتسبقي الحوادث مالك و في النهاية هم ضيوفنا عدوك لو جاك في بيتك تحترمو خلي لحمك ودمك قلته ليها خلاص ي ماما حاضر بس عشانك وشلته كبايه الشاي وحشيت سندوتش وطلعته في طربيزه الصفره فوق وانا زهجانه بشرب في الشاي وبنقنق الله يعدي اليوم دا على خير تقول نحن ناقصنهم اسي ااوووف بس فجاءه احس بي حاجه بتشدني من شعري بي ورا وسمعت صوت بقول لي وصلتي آخر ليفل من الجنون لمن بقيتي تتكلمي براك صرخته وأتلفت عليهو قلته ليهو اسامه الكلب جن م يفكك ياخ دا شنو الكريهه دا مية مره قلته ليك م تجر لي شعري ضحك وقال لي هو وينو الشعر الما يجرو ياخ أنا حقي لو ربيتو ببقى أطول منو قلته ليهو مالك ومالو يازول متخلف دا كدي ابقى راجل جرني تاني قال لي افوو سيد الرجال انا الأسد النتر وجراني شديد وقام جاري جريت وراهو وانابكورك وقلته ليهو والله الليله م بخليك ي كلب ي متخلف بقى يضحك وجاري وشغال لي كلب انا ي بقره ي سمينه قاعده للأكل والنوم داخله منافسه كيف تصبح فيل في يومين قلته ليهو فيل يطلع فيك ي متخلف ي كريهه مالك ومالي اكلته في بطنك انا والله م اخليك الليله ماما طلعت من المطبخ على أصواتنا ونحن جارين حوليها زي الشفع قالت لينا وهي بتضحك انتو ي اولاد م بتعقلو حتكبرو متين بس قلته ليها ي ماما دا ولدك الثقيل الكلب الحيوان دا جراني من شعري وقال انا بقره اسامه وقف ورا ماما وقال لي اي بقره وسمينه جبته حاجه من عندي انا قلته ليها ماما سامعه تاني قال لي بقره ماما وهي لسه بتضحك قالت لي عندو حق والله اسامهه وهو بضحك بزياده على كلام ماما قال لي شوفتي حتى امك عارفاك بقره وسمينهه حنك القرد في عين امهه غزال دا م بنجح معانا هنا 😂قلته ليها حتى انت ي ماما اي عشان لاقين بابا ماف بتتفقي علي انت وولدك اصبرو بابا يجي بس والله م اخليكم ماما ضحكت وقالت لي خلاص بطل ي اسامه خلي البقره في حالا اقصد اختك في حالا قعدته في الكرسي وغطيت وشي بي ايدي نظام ببكي واسامه وماما كانوا لسه بضحكو قلته ليهم الليله اصبرو لي بابا والله م اخليكم😭 ماما جات على تضحك وقالت لي خلاص معليش وضربت اسامه في كتفه وقالت ليهو اوعك تقول لي بتي بقره فاهم ولالا بتي ست البنات لي حدهن يولد اسامهه قال ليها لالا دسيس ي حاجه بتبيعني بالرخيص وسريع كدا عشان جات سيره الحكومه لالا ظابط ضحكت وقالت ليهو ي ولد الا الكوتش دي بتجيب ليها خراب بيوت عديل 😂 قعدنا نضحك عليها قالت لينا يلا م تعملو لي وجع راس انت واختك برأي راسي دايش الليله واكبرو شويه وبطلو عواره اسامهه قال ليها انت ي امي في شنو الليله انت وبتك متوترين كدا خير طوالي نطيت انا( وقلته دي فرصتي اعكر مزاجه واتسدا حقي عشان اسامهه م بطيقهم اكتر مني ) قلته ليهو تعال اوريك ي ولدي الليله جايه حبيبة قلبك وامها وكل العائله الكريمه جايه عمتك وبناتها شد حيلك وكان الله في عونك اخي المسلم اسامه قال لي ويحك ي فتاه اتقولين الحقيقه قلته ليهو أجل ي فتى والله على م اقول شهيدا قال لي بي ضيق أعوذ بالله ياخ وديل عايزين شنو كمان معناها الليله طارت لي موضوع الراحه ألفي بالي وطالع الشغل اسي م جاي البيت ببيت هناك م جاييكم عديل ضحكته وقلته لي تبيت في الشغل ي كبير ابوك قال لازم كلنا نكون موجودين واصبر الليله لو م دبستك مع حبيبه القلب م اكون اسمي نور عشان تاني تعرف البقره منو طبعا اتخلع و قال لي لا ي نور الله يرضى عليك م ناقص انا والله البت دي لايوقه ودمها بقري م تلصقيها فيني انا م اخوك قلته ليهو أبيت اخوي منو اسي بقيت اختك ي تافهه الليله مش قبل شويه قلته بقره اصبر بس شوف البقره دي حتعمل فيك شنو قال لي نور الله يرضى عليك والله توبه خلاص م بقول ليك بقره ولا بجر ليك شعرك وعد بس م تدبسيني في البت دي قلته ليهو افكر واديك خبر ولا اقول ليك هاك بوس ايدي 💅عاين لي كدا وقال لي بالله قلته ليهو والله ع راحتك ي مان انت اعمل البريحك وانا ح اعمل البريحني قال لي نور ياخ بطلي ثقاله م ناقص انا والله انا البت دي لو جات اتلصقت فيني ماف شي بحلها قراده بس وبعدين ترضيها لي اخوك قلته ليه اي اي اتمسكن لسه حيوان طيب خلاص لكن بشرط تجيب لي معاك حاجه ظابطه وتديني العربيه حقتك لمده اسبوع في البدايه جاط لأنه م برضى في عربيته نهاي لكن تاني وافق عاد كله الا اللصقه ديك شماني شمه ونبزني كدا بعدين نادى ماما وقال ليها انا طالع قالت ليهو اجي ي ولدي م قلته م ماشي الليله قال ليها والله الحاج اتصل قال في ملف نساهو في المكتب اجيبو ليهو وانا مفروض أحضر الاجتماع دا عشان مهم قالت ليهو خلاص ي ولدي ودعتك الله وسوق بي مهلتك ي ولدي انا قلته ليهو وبالله م تنسى اتفاقنا باس ماما في راسها وقال ليها حاضر ي امي وانا طالع وبتك دي لو قعدته معاها اكتر من كدا بقتلها ليك هنا دا وانا اضحك عليهو ومبسوطه كمان قلته ليهو طير زاتو كريهه حيوان قال لي برضو بقره وطلع بعد اسامه طلع رجعته غرفتي فوق وشلته تلفوني دخلته الواتس لقيت صحباتي متصلين وشغالين معط في القروب طبعا جامعتنا اجزت بعد خلصنا سمستر ون ومنتظرين النتايج رسلته ليهم صباحكم نووووور 😏❤️ردت شهد وقالت لي صباح شنو قولو مساكم نور ي اختي عاينني الساعه كم ردت ليها ولويه و قالت ليها ديل الناس الدايما متأخره وجنها نوم ريم قالت ليهم اصلا البقر بحب النوم الكتير قعدوا يضحكو قلته ليهم تصدقوا بالله انكم رمم وتافهات غلطانه انا البصبح عليكم اصلا ي شويه زباله بقو يضحكوا علي المهم اتونستا معاهم شويه وقفلته الشبكه نزلته تحت مع ماما نضفنا البيت وفرشناهو ووجهزنا الاكل لاستقبال المصيبه الجاية
#فلاش بااااااك
تعالو اعرفكم علي انا نور عمري ١٨ سنه لوني قمحي وعندي طابع الحسن في دقني جسمي مقسم رغم اني سمينه حبتين بس م باين علي ماما اسمها سوسن أخوي واحد اسمهه اسامه وعمرو ٢٦ سنه درس اداره أعمال نحن الاتنين على قول ماما مالين عليها حياتها من طبقة برجوازيه طبعا هههه امزح والله من اسره متوسطة الدخل ابوي اسمهه عماد احن ابو في الدنيا بس على عكس أهله تماما هم تلاته اولاد وبت عندي عمي اسمو عبدالرحمن ودا أكبر من ابوي زول صارم وطبعه حاد جدا متزوج وعنده تلاته بنات وولدين زول مقتدر وعندو القروش زي التراب شغال في صك العمله بس سبحان الله طماع طمع غريب والقرش م بطلعه بالساهل وعبدالله دا تاني واحد م أقل من عمي عبدالرحمن في حاجه بس مختلف عنه أنه زول طيب شديد وفي حاله متزوج وعندو تلاته اولاد وتلاته بنات. وراهو طوالي جاي ابوي حتى عمتي منى وأعوذ بالله منها مره حاقده شديد وجافيه لدرجه بعيده وم بتحبنا نهاي ومشاكلها دايما كتيره معانا عندها تلاته بنات وولدين ونسبة لأنها البت الوحيده فهي مدلعه شديد من بينهم وطلباتها دايما أوامر من قامت صغيره جدو مدلعه واسي بي أولادها ماف زول برفض ليها طلب نهاي في نص الزحمه دي كلها انا عندي أطيب جدو وحبوبه في الدنيا حنيه الدنيا كلها فيهم وبحبونا شديد وم برضو فينا نهاي اما بابا فهو صحبي شديد وزي م بقول انا ست البنات عندو ❤️بابا عندو شركه استيراد وتصدير واسامه اتخرج قبل سنتين وشغال معاهو اما انا برلومه لسه ودي اول لي سنه في الجامعة بدرس تغنيه معلومات انا واسامه دايما في حاله شكل ونقاش ناقر ونقير زي م شفتو بس م بنقدر نستغني عن بعض ولا بنرضى في بعض 😂كنا أسره أقل م يقال عنها مثاليه مترابطه بالحب والتفاهم والاحترام لحدي م حصلت الفاجعه الغيرت مسار حياتنا ولخبطتها🚶‍♀️💔

#تعافيت - به
#هويدا - عبدالله