تعافيت به

تعافيت به ١٩

عارف ي مهند لحدي الان م قادر استوعب الكلام دا من يوم ابوي صحى وحكى لي بالكلام دا وانا رجعته البيت واتاكدته من صحته ولقيت الحاجات القدامك دي كلها وانا لحدي الان م فاهم شي وحاسي اني بحلم مهند قال لي ي مازن فهمني بالهداوه لأنه الصراحه راسي لف وم قادر افهم انت بتقول في شنو اسي الصور والملفات والذكريات القديمه دي فيها شنو يخليك انت تتوتر كدا قلته ليهو ي مهند دي المصيبه رفعته صوره وقلته ليهو شايف الصوره دي" كانت نفس الصوره الموجوده في مكتبة عماد السريه" قال لي دي صوره منو؟ قلته ليهو دا ابوي وعارف الراجل المعاهو دا منو عاين لي بي استفهام وهزا راسو بالنفي قلته ليهو داا الراجل اللي كل أملاك وشركات النصري الانت شايفه دي مكتوبه بي اسمو والأوراق القدامك دي بتثبت كدا وعليها توقيع ابوي قال لي كيف كيف؟؟!!! مكتوبه بي اسمو كيف يعني وهو منو اصلا انت بتعرفو وكيف ابوك يكتب املاكهه بي اسم زول تاني والسبب شنو في كدا؟؟؟ قلته ليهو زي م قلته ليك ودي الحقيقه وانا اتفاجئته زييي زيك كدا وبرضو بسأل في نفسي نفس الاسئله العندك دي ي مهند السبب شنو؟ بس م لقيت جواب قال لي طيب وريني عمي قال ليك شنو بخصوص الموضوع دا وقالوا ليك كيف اصلا؟  قلته ليهو اول م فتح من الغيبوبه امي قالت لي ابوك بسال عنك فلما جيتهه قال لي عايزاك في موضوع وبدأ يحكي وقال :( انا عملته ذنب كبير في حياتي وكسرته ثقة صحبي م عايزك تقاطعني واسمعني للنهايه كل أموالنا وشركاتنا دي م من حقنا ونحن م عندنا فيها أي شي قلته ليهو كيف ي حاج انا م فاهم قال لي زي م بقول ليك القروش الأنا عملته بيها الشركه دي واسستها م حقتي وانا الذنب دا بطاردني لليوم وحاسي المرض الأنا فيهو دا انتقام لي عماد صحبي م عارف العملتهه كان صح ولا غلط قلته ليهو ي حاج انا م فاهمك والله قال لي مازن م تقاطعني انا ايامي قربت في الدنيا وعايز اموت وضميري مرتاح بس عايزك تجيب لي عماد ي ولدي عماد عندو امانه من روحي معاهو قلته ليهو امانه شنو؟؟ قال لي حتفهم كل حاجه في الوقت المناسب اسي اوعدني انك تفتش عماد وتجيبو لي اعافيهو امشي درج المكتب ألفي البيت حتلقى فيهو صندوق فيهو صور ومستندات حتساعدك تلقى عماد...) دا مختصر الحديث الدار بيني وبين ابوي ي مهند ودي الأوراق والمستندات الاتكلم عنها بس باين انها قديمه شديد حتى هنا الاسم م ظاهر كامل مكتوب عماد الدين محمد أحمد والاسم الأخير ممسوح ودي صوره قديمه ليهو ودي صوره فيها امي وابوي وفيها عماد وراجل تاني ومعاهم مره بس دا منو الطفل اللي امي شايلاهو دا ؟؟ مهند قال لي والله ي مازن موضوع يحير وانت عماد دا حتجيوا من وين قلته ليهو م عارف والله بس انا فتشته على الاسم وبحثته كتير بس بدون فايده قال لي طيب م حاولته تسأل امك عنه قلته ليهو م المصيبه انه ابوي خلاني اوعدوا انه الكلام يكون بينا وماف زول يعرف وخصوصا امي وانا م عارف السبب شنو في كدا ؟ قال لي والله دي مشكله قلته ليهو ودا السبب الكان شاغلني وبعدني عن الشركه الأسبوع الفات كلهه قال لي صحي بالمناسبه انت ضربته بي شركات الحسيني الأرض بي سبب عدم توقيعك للصفقه وحاليا هم بحاولو يتواصلو معاك قلته ليهو اعمل ليهم شنو نصيبهم كدا اسي انا م راجع السودان واياد دا م عليهو ضمان ابدا وم قدر المسؤوليه في انهه يمسك الفرع الجديد هناك وخصوصا انه الفرع متعلق بي جامعه.. وتمويلها وضمها لمشروعنا السكني قال لي انت إياد دا لازم تخت ليهو حد لاستهتارو وتعلمه يتحمل مسؤولية شويهه احسن من الفارغه البعمل فيها دي قلته ليهو كأنك م بتعرف إياد ياخ دا م منو رجى ابدا اديهو اللف والبنات والصياعه انا غلبته معاهو صراحه اسي إنساني منو المهم انك تنزل السودان لأنه انا م عندي طريقه نزله ولسه م اطمنته على وضع الحاج وم بقدر اخلي امي وتالي هنا براهم شوف المشاريع هناك وتابع الصفقات الجديدة وحاول اعرف لي حاجه عن عماد الدين دا لو قدرته وانا حتابع الشغل  من هنا وبالله إياد دا خلي لي عينك عليهو كويس م عايزو يعمل لينا فوضهه هناك قال لي ابشر ي صحبي بس انت م تشيل هم وكله بتتسهل قلته ليهو أن شاء الله مهند طلع وانا بقيت افكر في منو هو عماد الدين؟ وشنو السر الخطير اللي ابوي مخبيهو عننا السنين دي كلها؟ وابوي قاصد شنو بي امانه من روحه مع عماد؟ واسئله كتيره م كنت لاقي ليها جواب؟؟ ....