تعافيت به

تعافيت به ٨

فتحت عيوني بي صعوبهه كبيره وحاسهه جسمي تقيل كأني مشلوله م قادره احرك ايدي حاولته ارفع راسي بس م قدرته من الصداع عاينته حولي لقيت نفسي في غرفه في المشفى ومركبين لي درب حاولته اتذكر انا جابني هنا شنو فجأة اشوف اسامهه قدامي حسيت اني بتخيل أو بحلم رجعته غمضتهه عيوني تاني جاء علي وهو متلهف مسكني من أيدي قال لي لين انت كويسه فتحته عيوني عرفته اني م بتخيل قلته ليهو اسامهه انت الجابك هنا شنو لو عمي شافك م حيحصل خير رد علي قال لي جيت لي مرتي وأظن دا حق من حقوقي❤️ فتحت عيوني بخلعه وقلته ليهو مرتك؟؟!!!

تقريبا أسوأ حاله انا مريت بيها لما جاني اتصال من رقم لين وانا طالع على العقد رديت عليها بصعوبهه بس الصدمه انه م كانت لين كانت صفاء صوت صفاء وهي بتبكي وبتقول لي اللحق لين ي اسامهه لين عملت حادث واسي نحن في المستشفى لحظتها انا حسيت قلبي حيطلع من مكانهه وجسمي م شالني بقيت م شايف القدامى وراسي شطب للحظه حسيت انهه الدنيا ضيقه شديد مره علي شريط ذكرياتنا من اول يوم عرفنا بعض رميت نفسي في السرير وبقيت على الحاله دي اكتر من ١٠ دقايق بعدها صحيت من حاله الشرود الأنا فيها اتصلته على ياسر وطلبته منه يجيني بالعربيه تحت نزلته ملهوف حتى م فكرته في الناس ولا الحاصل تحت وأنه المفروض دي حفله زواجي وانا العريس العقدو بعد أقل من ساعه خوفي على لين في اللحظه دي كان أكبر من الحاجات دي كلها حتى م فكرته اكلم زول انا طالع وين وصلته لي ياسر وحكيت ليهو الحاصل واتحركنا رجعته اتصلته على صفاء عشان تفهمني الحاصل بس كانت بتبكي وم قدرته افهمم منها شي قلته ليها طيب انتو في ياتو مستشفى وصفت لي المستشفى وقفلت على كدا....

لحدي الان م قادره أصدق الحصل وكيف حصل كنت بايته مع لين  في البيت ونسبه لأنها كانت متضايقه ومحتاجه اني اكون معاها خصوصا انهه الليله عرس اسامه كانت منهاره تماما رغم محاولاتي انهه أهديها كانت خاته رأسها في رجولي وسرحانهه وماف واحده فينا قادره تقول حاجهه  فجاءه عمها بدخل علينا ووشو م جايب خير جاء على لين وبكل قسوه ضربها كف لمن وقعت في الأرض انا صرخته وحاولته افكو منها بس من دون فايده جراها من شعرها وبقى يقول ليها بتستغبيني انا ي تافهه ي عديمه الربايهه انت اصلا طالعه فأجره زي امك بتطلعي وتنزلي من العربات مع الاولاد وقايلاني م بجيب ليك خبر اتاريك ترفضي في العرسان عشان تمشي على كيفك صاح تاني ضربها كف لين كانت بتصرخ وبتستنجد بي وانا كنت بحنس في عمها عشان يفكها بس من دون فايده اما مرت عمها فكانت بتذيد في النار حطب واقفه ومربعه يدينها وبتتفرج قالت ليهو م مخليها على كيفها جاك العريس الهدي االبمرقنا من الفقر دا قلته لي الراجل كبير والبت صغيره اها اسي كدي كويس أمس لمن جات من الدكان وشها م ورتني ليهو بعديها جاتني نفيسه جارتي وقالت لقتها راكبه مع ولد عربيتهه و قعدت معاهو مسافهه حتى طلعت الله عالم كانت بتعمل في شنو قليله الحياء داير تجيب لينا الكلام الشين شوف ي راجل هوي انا البت عديمه الربايهه دي م بتقعد في بيتي ولا ثانيه تعلم لي بناتي الفارغه قلته ليها حرام عليكم ياخ البت دي ارحموها ربنا يرحمكم ياخ دي بت يتيمهه وربنا وصى باليتيم مشيت على لين وجريتها من ايد عمها بالقوه وبقيت حاضناها وببكي وهي بتبكي عمها قال ليها دايره تجيبي لي السمعه ي بت الرشيد اخوي لكن سمح والله الا اقتلك واشرب من دمك انت الظاهر امك م عرفت ربتك قبل م تموت ولا ربتك زي ربايتها صحي المثل المصري اقلب القدره على فمها تطلع البنت لأمها فجأة لين فكتني ومشت عليهو قالت ليهو كفاااااايه انا امي انضف منك ومن البعرفوك امي ذنبها الوحيد في الدنيا انها حبت ابوي وقاطعت أهلها عشانه وقبلت عيشتكم الزي الزفت وتعاملكم ودا كله ليه عشان م جابت الولد واتحملت عشاني المر معاكم اقتلوني وارموني في البحر لو عايزين قطعوني بس ارحموني من لسانك انت ومرتك وارحمو اهلي في تربتهم كفايه زل وعذاب واهانهه انا من جيت بيتكم دا وانا بموت في اليوم والدقيقه والثانيه الف مره ضقتهه العذاب أصناف ورضيت بي العيشه الزفت عشان خاطر انتو اهلي وم عندي غيركم بس ارحموني حرام عليكم عمها قال ليها كمان عندك لسان تتكلمي بيهو والله صحي الحسنه في المنعول دا آخر جزاي اني قلته بت اخوي م تقعد في بيتها براها وجبتك بعد أهل امك هملوك وجدعوك زي م جدعو امك قبلك قلته ليهو أهل امي م هملوني انت الرفضته اانه خالي يسوقني معاهو طبعا عشان لو مشيت خالو حيحول أوراق البيت باسمي وحقي حيصلني وانت م حتقدر تشيل حاجه من قروشي عمها جاء عليها تاني وضربها كف وقال ليها قصدك انا طماع وبتاع قروش دي اخر جزاي صح والله الليله اقتلك ي قليله الأدب لين قامت وهي حيلها ميت وانا بقيت واقفه في النص بينها هي وعمها وبحنس فيهو عشان يبعد قلته ليهو ي عمو معليش لينهه اسي م في وعيها سامحها عشان خاطري اعتبرها صغيره وجاهله قالت لي لا ي صفاء انا م صغيره انا واعيه لي كلمه بقولها ومش قلته انا قليله أدب اي انا قليله أدب واي انا كنت مع الولد في عربيتهه والولد عايزني وبحبني عمها المره دي غضب شديد ووقع فيها ضرب بي وحشيه وهي بقت تصرخ لمن الجيران جو داخلين وحجزوها منو انا مسكتها فجأه فكت يدها مني وقامت جاريهه فتحت باب الشارع وجرت طلعت بي وراها وبقيت انادي فيها بس أبت تقيف سمعته صوت بوري قوي وسمعته صوت صرختها اتجمدت في مكاني مسافه بعدين اتحركت على اتجاها جيت عليها وجسمي تلج لقيت وشها مليان دم بقيت ببكي واصرخ طلبته منها تفتح عيونها وتعاين لي فتحت عيونها بي صعوبهه وقالت لي كلمه واحده عايزه اسامهه ي صفاء وغابت عن الوعي الجيران اتلمو والناس والشرطه جابو الإسعاف وشالوها جريت غرفتها قبل نطلع شلت تلفونها واتصلت على اسامهه م عارفه تصرفي كان صاح ولا غلط لأنه انا سلفا عارفه انه اسامهه الليله عرسو بس المنظر الشفتهه بيهو لين م خلاني افكر في زول غيرها كلمته اسامهه وجريت ركبته مع الإسعاف واتحركنا وصلنا المستشفى ودخلو لينا الطوارئ انا كنت في حاله سيئه شديد فجأه تلفون لينه رنه وكان اسامهه سألني من الحاصل بس م كنت قادره اقول حاجه طلب مني اوصف ليهو المستشفى وصفته ليهو وقفل الخط على كدا ... 💔