تعافيت به

تعافيت به ١٦

دخلته البيت وانا مبسوطه شديد الحقيقه الأنا عرفتها مش قادره تكسر اسامهه دي كفيله بأنها تدمر حياته، اسامهه اكتر انسان انا حبيتو في حياتي واتعلقته بيهو وهو رفضني وبعدني عنه زي كأني حاجه كعبهه بس نهايتك على أيدي قربت، مشيت على غرفه امي استاذنتها ودخلته قالت لي خير ي شمس مالك وجايهه بدري كدا ليهه قلته ليها والله ي ماما عايزه اتناقش معاك في موضوع بخص الشركه وعرفتو الليله قالت لي موضوع شنو احكي قلته ليها ي ماما كلنا عارفين انه في مبالغ كبيره اختفت فجأه من الشركه ولحدي الان م اتعرفت وين وأنه الشركه قريبه الإفلاس وحتى الصفقه الكان مفروض تحسن أوضاع الشركهه خسرناها قالت لي اي والله دا كله من عماد خالك دا عامل فيها عارف اي حاجه وواثق من الناس المشغلهم معاهو وصحبه معاويهه العاملو نائب ليهو على اي اساس م بعرف قلته ليها ي ماما والله خالوا عشان طيب بس صدقيني انا زاتي بثق في عم معاويه شديد لكن ي ماما اسامهه...عاينت لي بي سرعهه وقالت لي اسامهه مالو كمان قلته ليها ي ماما هاك شوفي الملف دا انا م عارفه الكلام دا حقيقه ولا كذب بس انا عرفته بالكلام ده عن طريق الصدفة قالت لي ي بت م تلفي وتدوري انت عارفاني م بفهم في الشغل دا الملف دا فيهو شنو قلته ليها ي ماما الملف دا عباره عن التقدم الحاصل في الفرع بتاع الشركه ألفي الخليج والانت وانا عارفين انهه الفرع كله تحت تصرف اسامهه قالت لي قصدك شنو ي بت قلته ليها مش خالوا كاتب لي اسامهه الفرع بي اسمهه قالت لي خالك كاتب الفرع بي اسم اسامهه 😱😠كيف يعني كاتبه بي اسم اسامهه ومتين كتبهه اساسا انا م عندي علم بالحاجات دي ليهه وقتها عرفته انه خطتي نجحت لأنه انا كنت على علم أنه ماما م عارفه بالكلام دا ابدا وحتى لمن أحمد كلمني اتفاجئته زيها قلته ليها ي ماما انت م عارفه خالو كاتب لاسامهه الفرع دا من قبل يتخرج من الجامعه قالت لي عماد يعمل حاجه زي دي وم يكلمني ليهه اسامهه شنو كمان البكتب ليهو ورثهه من قروشوا قلته ليها ي ماما دا م مهم المهم حاليا انهه فرع الخليج فيهو نجاح كبير جدا وتقدم ملحوظ مع انه قبل فتره كان متدهور شديد م غريبه انه فجاءه كدا يصل للنجاح دا وي ماما م تقولي انه انا بحكي ليك الكلام دا عشان انا زعلانه من اسامهه وعايزه احرضك عليهو بس انا خايفه على الشركه ونصيبنا فيها النفوس م طيبه زي زمان ، سكتت فجأة وانا عرفته انه مهمتي كدا انتهت ابتسمته لمن لقيت ماما سرحت وبدت تفكر قلته ليها على العموم ي ماما انا وريتك عشان تاخدي حزرك وتكوني على بينه من البحصل في شركتك من وراك وطلعتهه خليتها.......

وصلته الجامعه اتصلته على البنات وكالعاده قاعدين في الكافتيريا مشيت سلمته عليهم بعد نقاش وشكل وجوطهه في تاخيري قعدته وقلته ليهم انتو طبيعي هنا ماف مكان تاني تقعدوا فيهو شهد قالت لي ونقعد وين في القاعه مثلا ولبعتني في ضهري وقالت لي بعدين دا شنو اللابسه دا ميهه مره قلته ليك البسي حاجه ساتره اسي شوفي الاولاد ديل بعاينوا ليك كيف قلته ليها سوو وط ي بيبي م عندي ليهم حاجهه ولاء قالت لي نوور نحن بنقول كدا عشان مصلحتك ريم قالت ليهم ي جماعه انا م شايفه لبسها شاذ كدا روقوا قلته ليهم بنات م ناقصه محاضراتكم من الصباح ابوس ايدكم م معقوله منكم لي بابا انا بلبس البريحني بس شهد قالت لي وانت ي اختي البريحك دا م بريحني انا تاني لو جيتي لابسه فيني حاجاتك دي بكفتك قايله نفسك ضعيفه ي اختي فوقي انت بقره ومنظرك ملفت كنت شايله كرستاله مويهه في أيدي ضربتها بيها وقلته ليها بقره في عينك ي كلبهه وطرحه م بلبس واستايلي م بغيروا وبلبس العايزاهو موتي قالت لي سمح نشوف قله أدبك دي حدها وين بعدها غيرنا الموضوع وقعدنا نضحك ونتونس اليوم كان مليان ومعطونا محاضرات الساعه خمسهه مساء كدا طلعنا من الجامعه واي زول على بيتهه وصلته البيت وانا على أخري طلعته غرفتي من دون م الاقي اي زول صحيت على صوت ضرب على باب غرفتي فتحته عيوني لقيت لينهه جايهه على قالت لي انت ي نور جيتي متين قلته ليها قبيل كدا وجيت تعبانه عشان كدا نمته طوالي قالت لي انا افتكرتك لسه م جيتي بس سالتهه خالتي قالت شافتك داخله غرفتك قبيل قلته ليها اي جيت بدري بس انت عارفه جسمي اتعود على الراحهه عشان كدا ضحكت قالت لي خلاص انزلي اتعشي لأنه اسامهه وعمي زاتهم جوا قلتهه ليها طيب اسبقيني نزلت وانا قمته غيرته ملابسي ولفيت شعري كعكتين ولبسته لي بجامه نص ونزلته تحت لقيت ماما ولينهه بس مجهزين العشاء وقاعدين في الصفره سلمته على ماما وقلته ليهم وين بابا واسامه قالت لي دخلوا يغيروا شويهه اسامهه جاء وبعدو بابا سلموا علي بابا قال لي اها كيف اليوم الليله قلته ليهو تعب ياخ نزلونا محاضرات ومعط من اول يوم اسامهه قال لي تستاهلوا معطلين شهر كفاكم قلته ليهو هههه زريف 😒ضحك علي المهم بقينا نتونس كدا أثناء م نحن بناكل بابا قال لي اسامهه اها علمته شنو في الموضوع الوكلتك بيهو اسامهه قال ليهو والله شغال فيهو لسهه وان شاء الله المره دي الصفقه حتكون من نصيبنا اما بالنسبه للفروقات الحاصله انا ح احاول اعرف القروش دي مشت وين قلته ليهم فروقات شنو ي بابا اسامهه رد لي قال لي والله ي نور فروقات حاصله في الحسابات كميه مبالغ ضخمه اتسحبت وم معروف مشت وين وانا الكلام دا م عندي بيهو علم الا الليله بالصدفه ابوك كان داسي عني عشان م يشغل بالي، قلته ليهو فروقات كيف يعني وانتو م عرفتو القروش دي مشت وين بابا قال لي لسهه لكن اسامهه حيحاول قلته ليهم دي مشكلة كبيره  مفروض تاخدو ليها وقفه عديل اسامه قال لي ودا الحيحصل إن شاء الله اسي انا بحاول اشوف الخلل وين بالضبط بابا قال ليهو وإن شاء الله حاجه زي دي م حتتكرر مستقبلاً وغيرنا الموضوع فضلنا ناخد وندي في الكلام فجأه اسامه قال لي ي بقره انت نزلته المعلقه من أيدي وعاينته ليهو كدا 😒كلهم ضحكوا فيني قلته ليهو مالك قال لي م عايزه تعرفي الهديه حقتك 😏 قلته ليهو بالجد جبتها لي قال لي انا حصل وعدتك بي حاجه م عملتها قلته ليهو طيب وريني ليها عايزه اشوفها بليييييز قال لي طيب اهدي مشى فوق وجاء راجع كنا وقتها خلصنا اكل ولينهه عملت لينا شاي وقاعدين نشرب اسامه جاء شايل علبه كبيره شديد في أيدو قلته ليهو واااي ي اسامهه دي كلها لي انا واااي متحمسه شديد قال لي لا طبعا م ليك انت عاينته ليهو كدا 😒 ضحك وقال لي م تستعجلي على رزقك فتح العلبه كان فيها اربعه هدايا مدا لي ماما علبه ماما قالت ليهو ي ولدي م كان تتعب نفسك قال ليها تعب شنو ي امي كمان دي حاجه بسيطه عليك قلته ليها ماما افتحي خلينا نشوف زوق ولدك عامل كيف ضحكت وفتحتها كانت عباره عن غويشتين دهب منقوشات بي طريقه حلوه قلته ليهو واااي ي اسامهه طلع عندك زوق لكن قال لي بسم الله كمان 😌 ماما قالت ليهو حلوين شديد ي ولدي تسلم لي قال ليها ولو ياخ العفو ي امي الله يقدرني واجيب ليك كمان وكمان❤️بعدها مدا لي بابا هديتوا قال ليهو ي حاج حاجه بسيطه وكانت عباره عن جلابيه وعمه وشال ومعاهم خاتم فضهه وعطر بابا قال ليهو الله يديك العافيه ي ولدي م كان تتعب نفسك انت عريس انا اجيب ليك ولا انت تجيب لي اسامهه قال ليهو م طول عمرك جبته جاء دوري انا خلاص انت كفاك❤️قلته ليهم ممكن تبطلوا درامة الابوا وولدو دي وتدوني هديتي لاني متحمسه قعدوا يضحكو اسامهه دخل أيدو طلع عليهه مداها لي لينهه قلته ليهو اشي اشي انا بس اموت واعرف العلبه دي خصوصا فيها شنو لينهه ضحكت وقالت لي تصدقي انا متفاجئه بالهدايا زي زيكم والله وم عارفه اشتراهم متين ولا جابهم كيف م شفتهم والله اسامهه ضحك وقال ليها سر المهنه وبس اوعك تخلي نور تشوفها قلته ليها لينهه انا مش صحبتك افتحي العلبه بليييييز خليني اشوف ضحكت وقالت لي حاضر فتحتها وكانت عباره عن طقم دهب رهيب سلسله رفيعه ومنقوش فيهو اسمها هي واسامهه جوا قلب كدا ومعاها خاتم واسوره رهيبات قلته ليها واااي ياخ خورافي عديل وطلعته عندك زوق ي ولد الحسيني ضحك وقال لي بس شوفتي لسانك الطويل دا هو الخارب عليك قلته ليهو م عندك معاهو شغله المهم وريني هديتي ياخ طلعته عيني قام شال العلبه في أيدوا ووقف على حيلو ورفع أيدو فوق وقال لي تعالي حصليها حاولته ارفع رجولي واحصلها بس اسامهه طويل شديد َ و كانوا بضحكوا فينا وانا شغاله ليهو اسامهه ياخ بطل سغاله ياخ اديني حاجاتي قال لي حصليها ي زوله قلته ليهو بابا عاين ولدك دا ياخ 😭بابا ضحك وقال ليهو اسامهه بطل عواره  قلته ليهو مش هديتك دي زاتها خليتها م عايزاها صريت وشي وقعدته في الكنبه ضحك و قال لي خلاص معليش هاك قلته ليهو م عايزه بس جراني من شعري وقال لي قلنا معليش ي زوله قلته ليهو طيب، مداها لي رفعته ايدي عشان اشيلها تاني جراها قلته ليهو والل... قاطعني قال لي دقيقه دقيقه م تخافي عايز اديك ليها بس عاايز اقول ليك حاجه قبل تفتحيها قلته ليهو اها  قال لي طبعا انت عارفه انا جايب ليك الهديه دي لي اي مناسبه وبما انك اخت اسامهه الحسيني اوسم وارقى ولد في الدنيا والجكس الطبي كله مكسر فيهو فعايزاك تكوني زيو عشان تليقي بي انك تكوني اختو عاينته ليهو كدا 😒 قلته ليهو ممكن افهم الهديه فيها شنو اصلا وبعدين انت بتتكلم عن اسامهه القدامي دا وين الحاجات البتقول فيها اسي دي ليهه انا م شايفه جكس شنو مكسر فيك كمان فوق لنفسك ي ولدي عاينته للينه وقلته ليها م سامعه راجلك دا انت ماما وبابا ولينهه بس بعاينوا لينا ويضحكو اسامهه قال لي  انت حقوده بس وخليني اكمل باقي الخطاب حقي لو سمحتي م تقاطعي احم احم كنا وين اها زي م قلته ليك لازم تكوني جميله وجذابه زي اخوك وتحسيسيني انه عندي اخت بت مره واحده في حياتك عاينته ليهو كدا 😒ضحك وقال لي خلاص بعيدا عن الهظار انت عارفه مكانتك عندي قدر شنو مهمها حاولته اشرح ليك م حتعرفي ولا كنوز الدنيا كلها م بتوفيك وانا م لقيت انسب من الهديه دي عشان انت تستاهليها وان شاء الله تعجبك وتقدري تكوني قدر المسؤوليه الح اسلمها ليك دي ومدا لي الهديه وبقى واقف صراحه بعد الخطاب العملو كلنا بقى عندنا فضول نشوف الهديه شنو فتحت العلبه كانت مغلفه بي طريقه حلوه شديد فتحته الكيس كان جواهو علبه مربعه كدا ومنقوش عليها بطريقه رهيبه فتحت العلبه وكانت الصدمه هنا لقيتو جايب لي كرتونه بتاعت شاي احضر وورقه مكتوب فيها عشان كرشك ي بقره😂 رفعته راسي وقلته ليهو اسامهه الكلب😑 وجدعتوا بي العلبه وقمته جاريهه وهو بقى يضحك وجرا وماما ولينهه وبابا ماتوا من الضحك قلته ليهو ي كلب ي حيوان والله م اخليك وجاريه وراهو وقف ورا الكرسي بتاع ماما ويضحك وانا ببكي وبحدع فيهو بالمساند وهو وشغال لي عشان تليقي انك تكوني اخت اسامهه الشاب الرياضي م معقوله الكرش دي كلها الشاي الأخضر زاتوا محتار يشفط شنو ولاشنو قاعده للأكل والنوم خسي شويهه وحسسيني انك بت مع البنات قلته ليهو م بخليك والله م اخليك الليله بقره تنطحك ي حيوان ي سجم ي كلب بابا عاين ولدك دا مشيت قعدته في الكنبه وغطيت وشي بي ايدي نظام ببكي بابا قال ليهو اسامهه عيب عليك ياخ منو القال ليك بتي م بتشبهه البنات دي ست البنات كلهن 😂 ماما قالت ليهو عاد النصيحه م قال شي غلط قاعده للأكل والنوم قلته ليهو شوف بتدافع عن ولدها كيف لينهه قالت ليه يخسي عليك ي اسامهه والله نور م سمينه للدرجه دي وبعدين قمر وجسمها حلو اوعك تقول ليها بقره فاهم ولالا  قعد يضحك وجاء قعد جمبي حضني عليهو قال لي خلاص معليش قلته ليهو م معليش بس زح مني ي زول ضحك وقال لي انت براك استعجلتي رزقك اسي شفتي العلبه دي فيها شنو كدي افتحها اول عاينته ليهو كدا 😒 قال لي افتحيها م حتندمي قلته ليك رفعها واداني ليها مسكت العلبه وانا بحمر ليها وكانت بالجد المفاجأة فيها مفتاح بتاع عربيه بقيت بعاين ليهو والدهشهه في وشي وم بين م مصدقهه عاينته ليهو رفع حاجبهه وابتسم ماما قالت ليهو اجشش ي يمهه مفتاح عربيه عديل قلته ليهو اسامهه انت جادي ضحك وقال لي اطلعي برا شوفي جريت وانا م مستوعبهه وكلهم جو وراي لقيت عربيه لونها اسود مزينهه بي طريقه رهيبه في شكل فيونكه ومكتوب فيها نور كميه الفرحه الحسيت بيها اللحظه ديك م كانت عاديه جريت عليهو وعيوني مليانه دموع وحضنته قلته ليهو اسامهه انا بحبك شديد ياخ وانا بنطط وبضحك وببكي في نفس الوقت بابا قال ليهو جبته ليها عربيه تاني الله يحلنا من المشاكل الكتيره ماما قالت ليهو م بتعرف تسوق لكن بتجيب لينا مصيبة تاني اسامهه قال ليهم لالا هي م حتسوقها اسي الا لما تطلع رخصهه وتتعلم تسوق كويس بابا قال لي مبروك عليك عشان تاني م تصدعي بي قلته ليهم ي جماعه م مصدقه واخيرا عربيتي 😭❤️عاينته لي اسامهه قلته ليهو اول مره تعمل حاجه مفيده في حياتك جراني من شعري قال لي اشيل مفتاحي حضنته وقلته ليهو لالا خلاص معليش قعدو بضحكوا فيني طوالي طلعته تلفوني وصورتها واتصورته فيها ورفعته الصور استوري ورسلته الصور للبنات عاد فرحانه اكذب دخلنا جوا والساعه كانت ١١ قلته لي بابا انا بكرا حمشي بي عربيتي اسامهه قال لي نحن قلنا شنو م حتسوقيها الا بعد تتطلعي رخصهه والا حارجعها والله قلته ليهم طيب 😔بابا قال لي اسامهه تعال المكتب عايزك دخلوا المكتب وانا لينهه وماما اتونسنا شويهه واي زول على غرفته اما في المكتب بابا قال لي اسامهه انا م بنكر انه الهدايا حلوه شديد بس برضوو انت عارف الوضع الحالي في الشركة م بتحمل تكاليف وصرف زي دا اسامهه قال ليهو فعلا ي حاج لكن انا م شلته قروش من الشركه ولا لمسته منها شي بابا قال ليهو كيف؟ اسامه قال ليهو اي ي حاج القروش دي كلها انا كنت مصمدها للضروره ومن مرتبي الخاص وانا عارف انه الشركه م بتتحمل تكاليف زي دي وانا م مستهتر عشان العب بي مستقبل الشركه كدا فمتخاف ي حاج الأوضاع كويسه للان وبتتسهل أن شاء الله بابا قال ليهو لو كدا خلاص ي ولدي اصلك انت عاقل بس انا خفته تكون اتهورته شويهه اسي أمشي نوم عشان بكرا عندنا شغل كتير انت ناسي بكره حنعمل عقد مع شركات النصري اسامهه قال ليهو لالا م نسيت وبكرا أن شاء الله حنوقع الصفقه دي معاهم واوضاعنا تتحسن ......

كنت قاعده في غرفتي وماسكه تلفوني فجأة جاتني مكالمه من أحمد سفهته وقلته اللصقه دا عايز مني شنو كمان ياخ دا شنو تانى اتصل علي كنسلته المكالمه رسل لي رساله محتواها كان" عايزك في موضوع ضروري" قلته في نفسي اكيد موضوع بتعلق بي اسامهه طوالي رجعته ليهو قال لي يعني لو م قلته ليك موضوع ضروري م كنتي رديتي علي قلته ليهو والله م كدا ي أحمد بس مشغوله شويه وكنت قاعده مع ماما قال لي م علينا المهم عايز اقول ليك انه العمليه تمت والخطه اتنفذت وكله جاهز انت م عليك إلا تتفرجي في الحيحصل في اسامهه بكرا واتاكدي تماما انه نهايته قربت شديد.......💔

#تعافيت_ به
#هويدا عبدالله