تعافيت به

تعافيت به ٣٦

اسامهه كان مصمم شديد انه ننزل السودان وبكره فورا على قدر م انا كنت مبسوطه اني لقيته وحنرجع نعيش سوا تاني على قدر م هو كان متضايق وزعلان من نفسهه وحاسي انه السبب في أي حاجه حصلت معانا💔 م كنت مستعده لسفر ابدا رغم اني مأقلمه نفسي اني حسافر عشان الامتحانات وكلها اسبوعين واجي راجعه بس قرار اسامهه المفاجئ بأنه اخلي الشغل مع مازن وانزل السودان بدون رجعه كان صادم بالنسبه لي وم مستعده ليهو ابدا وخصوصا اني اتعودته على الشغل وعلى الأجواء هنا واصحابي وعلى مازن طيب كيف انا فجأة اخلي دا كله وراي وامشي م كان عندي طاقه لي دا واكتر حاجه حاسهه اني حافقدها النصري خططنا لي حاجات كتيره عايزين نعملها بعد أجي راجعه من امتحاناتي وكنا  حنطلع رحله ومشواير وخصوصا انه مازن كان ضاغطني في موضوع القرايه شديد وكان مرات براجع معاي وبحاول يشرح لي حاجات هو فاهمه ❤️ كنت حاسهه بضيق شديد بس م حبيت أبين لي اسامهه كدا عشان هو م ناقص بعد اسامه طلع الفندق عشان يجيب لي حاجاتي ويحجز لينا التذاكر دخلت الغرفه وشلته تلفوني لقيت مازن متصل علي كتير عرفته انه حيكون خايف ومقلق علي لاني طلعته من الحفله حتى من غير ما اقول ليهو رجعته اتصلته عليهو وطلبته منو يجيني اسي وضروري وما عارفه السبب الخلاني اعمل كدا شنو بس كنت حاسهه اني عايزه احكي معاهو عايزه اشوفو لأنه احتمال تكون اخر مره اشوفو فيها 💔وفعلا م عدت نص ساعة اتصل وطلب مني اللوكيشن بتاع البيت بالضبط رسلتو ليهو وفضلته منتظره مكالمته اتصل علي اول م وصل وقال لي انه واقف تحت العماره خليته ينتظرني تحت وطلعته من الغرفه كلمته لينه اني نازله اشوفهه بس رفضت وقالت انهه الوقت اتأخر واسامه لو جاء ولقاني بره  حيزعل قلته ليها بس انا لازم اشوف مازن ضروري وم ح اتأخر اصلا هو تحت البيت وم ح نمشي مكان  بس لازم يعرف مني انه حسافر م ظريفه يعرف من اسامهه بوعدك م حتاخر ونزلته رغم محاولاتها في أنها تمنعني .....

كنت قاعد شارد وانا بفكر في نور ونفسي اعرف الحاصل عليها شنو قطع شرودي صوت التلفون وكانت هي صوتها م كان مطمني ابدا وكأنها بتبكي أو خايفه حاولته اعرف منها الحاصل بس م قالت حاجه طلبت مني أجي بيت اخوها عشان اشوفها استغربته من طلبها وخصوصاً انه الوقت متأخر والساعه ماشه على واحده صباحاً بس انا برضو كنت محتاج اشوفها واتكلم معاها وفعلا اتحركته علي بيت اسامه وأول م وصلته اتصلته عليها وم كانت الا دقايق بسيطه وشفتها نازله وجايه على العربيه عايز انزل من العربيه  أشرت لي انه م انزل وجات ركبت معاي وهي ساكته وعيونها ورمانه من البكاء قلته ليها نور خير في شنو مالك؟ وممكن اعرف ليهه جايباني في الوقت دا وحصل شنو مع اخوك فهميني حاجه طيب قلقتيني عليك بتبكي ليه اهدي قالت لي انا حسافر السودان بكرا قلته ليها بكرا؟؟؟ مش انا حجزته ليك التذاكر للأسبوع الجاي  كيف حتنزلي فجأة كدا؟ والسبب شنو فهميني طيب  سكتت وم ردت علي قلته ليها نور بتكلم معاك انا انت جايباني هنا عشان تسكتي طيب احكي لي الحاصل شنو مش دا اخوك الانت بتفتشي عليهو ومفروض تكوني مبسوطه انك لقيتهو بس ليه انا شايف الزعل في عيونك والسفر المفاجئ دا سببه شنو! ؟فجأه غطتت وشها بي كفت ايديها وفضلت تبكي وتشهق زي الشفع وقالت لي ايوا دا اسامهه اخوي الكنت بفتش عليهو وايوا انه انا مبسوطه اني لقيته بس انت عارف اسامه قال شنو قال حيسوقنيي السودان وتاني م حرجع هنا يعني م اشتغل هنا ولا حتى حشوف سلمى ولا رؤى ولا مهند ولا حشوفك انت 💔 للحظه حسيت انه قلبي اتقبض من كلامها ودي الحاجه الكانت مخوفاني سكته مسافه وانا سرحان في ملامحها وهي بتبكي كان نفسي اخدها في حضني اللحظة ديك واهديها اول مره اشوفها بتبكي قدامي واحس اني عاجز أعمل حاجه مع كل دمعه كانت بتنزل منها كانت بتنزل على قلبي زي السكين وانا م قادر حتى اخليها توقف بكى ولا عندي الشجاعه اقول ليها بالفي قلبي تجاها لاني لسه م متأكد من مشاعرها ولا حتى مشاعري وم قادر احدد هي شنو بالنسبه لي بس الأنا واثق منه انه نور عظيمه ومميزه في حياتي ❤️حصلت لحظه صمت طويله بعد مسافه قلته ليها احم اا يعني انت م موافقه انك تسافري وتخلي الشغل!؟ قالت لي ماف حل غير كدا م بقدر اقول لي اسامه لا وخصوصاً انه لسه في حاله صدمه من الحصل مع بابا ومصر انه لازم ارجع معاهو عشان اكمل دراستي حاولته اتماسك قدر الإمكان وأبين انه الموضوع عادي بالنسبه لي مع انه كان عكس كدا تماما بس حسيت انه كلام اسامه فيهو نوع من المنطق سكته وبعد مسافه قلته ليها طيب انت زعلانه ليهه انا شايف انه قرار اسامه صاح انت لازم ترجعي لي جامعتك وبلدك وخصوصا انك اتحملتي حاجات كتيره وانت لسه صغيره العمر قدامك طويل للشغل والسفر واللذي منه بس اسي ارجعي كملي قرايتك اتفاجاته لمن لقيتها بترد. بي زعل وهي بتعاين لي بي نظرات عتاب وبتقول يعني انت عايزني اسافر وم فارقه معاك عادي؟💔 قلته ليها كيف!!! ؟؟ اتوترت وقالت لي قصدي الوعد الأنا اديتك ليهو اني افضل معاك ٦ شهور في حين انت تساعد شركتنا قلته ليها عفكره انا اصلا عملته كدا عشان اساعدك انت ونسبه لسوء التفاهم الكان بينا انا وصلته ليك الموضوع بالطريقه دي لأنه كنت عارف انك حتعاندي لو قلته ليك عايز ادربك وم حتوافقي وحسب كلام إياد عنك انه م كان عندك خبره في الاداره وشغل الشركات وأنه الشركه كلها بقت مسؤوليتك عشان كدا ختيت تدريبك شرط أساسي وجيتك لي هنا عشان تكوني جاهزه انك تديري الشركه وانا حاليا بتفق مع قرار اخوك جدا سافري معاهو واعتبري انه خلصت فتره تدريبك قالت لي  وهي لسه بتبكي يعني م ح تشتاق لي؟؟ سؤالها الوجع قلبي ذياده وهي م كانت عارفه انها بتاذيني بيهو كيف م ح اشتاق ليك ي نور وانا م عارف حياتي حتمشي كيف من بعد تغيبي عني ويغيب جنونك وضحكتك ليه بتخليني انهار مع اني بحاول اكون قوي واتماسك وكله عشانك 💔ضحكته وقلته ليها  لاطبعا انا م حصدق اخلص منك وبعدين انا عايز اصيع كفايه شغل وتدريب وبتاع عايز اجكس على قول إياد قالت لي بالله ضحكته وقلته ليها اي طبعا م شفتي قبيل البنات بعاينو لي كيف  عاينت لي كدا🙂 وقالت لي اي تمام طيب تتهنى ينفعوك وعايزه تنزل من العربيه مسكتها من ايدها وانا بضحك وقلته ليها  استني ي هبله بهظر معاك واكيد طبعا حشتاق ليك وكلنا حنفقدك بس ي نور دا مستقبلك انت وصلتي مرحله بعيده في البزنس والحمد لله كملي جامعتك ونحن موجودين حتى إذا حبيتي ترجعي تشتغلي معانا انا م عندي مشكله اما بالنسبه لأنه م ح نتلاقى فيا ستي كل م انزل السودان العزومه عليك وحعمل ليك وجع وش وحخلص التعب التعبتيني ليهو هنا كله 😹بس يرضى عليك اهدي وبطلي بكى انا م بحب اشوفك كدا خليك نور القويه العرفتك دايما❤️ ومسكته وشها بين كفهة ايدي وقلته ليها ارفعي راسك وعايني في عيوني دي انا مازن ألقدامك دا وقت م احتجتي لي بس ارفعي تلفون وبتلقيني جمبك زي م اتعودتي ودا كلام رجال ووعد مني ليك إنتي بس قولي مازن وبتلقيني حاضر ي ستهم ❤️بس اسي عايزك تمسحي دموعك دي وتنبسطي بي رجعة اخوك وترجعي معاهو لأهلك الطولتي منهم وتعيشي اللحظات الاتحرمتي منها وحاولي تعوضي الايام الكان غايبها عنك ركزي في امتحاناتك وانا حكون متابع معاك وعايزك توعديني انك تتفوقي في مجال دراستك زي م اتفوقتي في البزنس وانا حوصل سلامك للشباب كلهم اسي ارجعي البيت الساعه عملت واحده  ونص وم ظريفه تكوني برا البيت لي وقت متأخر زي دا وحتى اخوك إذا جاء حيزعل من التصرف دا ويلا تعالي مسكتها من ايدها وصلتها تحت باب العماره وفضلته واقف ومنتظرا تطلع مع كل خطوه كانت بتخطيها كنت بحس اني عايز اقول ليها م تمشي خليك م كان نفسي تبعد عني انا قويتها وصبرتها على الفراق بس انا منو حيصبرني على غيابها 💔بس كنت حكون اناني لو عملته كدا وخصوصا بعد العرفته الليله من إياد لما كنت بحاول اتصل عليها وفجأه دخل لي إياد مكالمه فحكيت ليهو انه نور لقت اخوها وكان عندي فضول اعرف قصتها سألته عن الحصل معاهو وعن عيلتها وحكى لي بالتفصيل حجم المعاناه والظروف المرت بيها نور كبرت في نظري اكتر كيف بنت في عمر صغير زيها اتحملت دا كله براها وقدرت تكون قويهه وواجهت الحياه دي براها؟ ❤️مع آخر سلمه طلعتها اتلفتت علي وعيونها مليانه دموع ابتسمته ليها وأشرت ليها انه م تبكي ابتسمت ومسحت دموعها قلته ليها لا إله إلا الله قالت لي محمد رسول الله وطلعت وقلبي طلع معاها....، 💔