تعافيت به

تعافيت به ٢٥

مريت بي ايام صعبهه شديد وانا بجاهد نفسي عشان أتجاوز الحصل معاي شعوري بالفقد واليتم مرتين بتذكر تفاصيل حياتي مع ابوي عماد كلها والمحبه الأنا لقيتها منو هو و امي رغم اني في البدايه م كنت عارف اني يتيم ولا هم حسسوني  بكدا لحدي م عرفته بالصدفه من عمتي ولما سألته ابوي حكى لي الحقيقه وعن موت اهلي 💔 وقتها حبيت ابوي اكتر وكبر في نظري زياده لأنه طيله الايام والسنين العشتها في حضنهه م حسسني اني غريب عنهه ابدا والحب والحنان القدمو لي هو وأمي مستحيل القى زيهم في حياتي وحتى بتذكر طلب مني اكتم على الموضوع ويفضل سر بينا ونور م تعرفو لأنه سنها صغير وتقريبا نص العيله أو أحفاد العيله كلهم م عارفين الكلام دا وانا اتاقلمتهه مع الوضع عادي لاني سلفا م بعرف اب وأم غير ابوي عماد وامي سوسن ❤️ انا اشتقته ليهم شديد ي لينهه اشتقت لي امي وريحتها اشتقته لي نور وشقاوتها واشتقت لي ابوي اكتر واشتقت للبيت وتفاصيلهه كلها وللعيله ولجدو  وحبوبهه انا م زعلان منه بس انا م قادر اعيش بدونه حاسي اني بتخنق كل يوم ي ريت لو ابوي عاقبني عقاب غير حرماني منهم كان أهون علي بي كتير 💔انا بقيت غريب لدرجه م قادر اتواصل مع زول فيهم حتى ياسر الكان بجيب لي أخبارهم سافر أمريكا من تلاته شهور عندو عقد عمل هناك ولسهه م جاء راجع نفسي اسمع خبر عنهم أو اشوفهم انا م زعلان اني اتظلمتهه بس عقابي كان قاسي شديد ي لينهه قاسي 💔مشيت عليهو وانا ببكي وحضنتهه وقلته ليهو حبيبي الله يرضى عليك كفايه هون على نفسك من البتعمل فيهو دا انا وانت عارفين انهه ربنا م بنسى المظلوم ابدا وعارفين انهه بابا عماد عمرك م كنت هين عليهو ولا حتهون في يوم وحيجي اليوم اليفتشك فيهو ويرجعكك البيت بي نفسهه بس انت بطل وخليك قوي شويهه لو ما عشانك عشاني انا وعشان ولدك اللسهه م جاء في الدنيا دي ختهه أيدو في بطني وقال لي عارفهه ي لين كنت فاكر انهه اول زول حيسمع بالخبر دا ابوي وكنت بشوف ردت فعلو وفرحتهه قدامي حلمتهه احلام كتيره باليوم دا واتخيلته ردت فعل كل واحد منهم بس م اتحقق حلمي 💔قلتهه ليهو اسامهه هون عليك وامسح دموعك دي انا والله م بحب اشوفك  كدا الله يرضى عليك كفايه حضني وقال لي خلاص حبيبي م تبكي انا اسف مسح دموعو ومسح دموعي وقال لي يلا عشان نعمل اكل لي حبيب البابا لانهه حيكون جعان قلتهه ليهو انا م عايزه اكل لكن قال لي هو على كيفك عماد ولدي عايز ياكل قلته ليهو عماد! ؟قال لي ايواا انا مقرر سلفا انهه ربنا إذا رزقني ولد عماد إذا جبنا بنت سوسن بس عشان انت م تزعلي سميها على راحتك قلته ليهو طيب رايك شنو انو دا كان عندي نفس الفكره ابتسمته وقلته ليها عشان كدا انا كل م اشوفك بعرف اني اخترته صح ❤️ قلتهه ليهو ي اسامهه بالنسبه لموضوع الشغل عملتو شنو؟ قال لي والله شركات النصري وافقت توقع العقد مع الشركه الأنا شغال فيها يعني تقدري تقولي حيضمو شركتنا لي مجموعه شركاتهم ومن بكرا انا حاداوم هناك والليله ح الاقي نائب المدير لقطاع الأعمال لأنه المدير العام نزل السودان شغل قلتهه ليهو طيب الحمد لله ربنا يسهل عليك أن شاء الله....الايام مرت بسرعه ووجود لينه في حياتي كان بخفف على كتير نزلته شغل بي منصب رئيس قسم في شركات النصري وكنت مبسوط بيهو شديد ولينهه كانت مثال حي للزوجه الصالحه لقيت فيها ام وأخت وصحبه وأهل خلتني أحمد ربنا على نعمه وجودها في حياتي ومبسوط اكتر وانا شايف ولدي بكبر في بطنها قدامي وقريب ح اسمع كلمهه "بابا "منو...❤️❤️..