تعافيت به

تعافيت به ١٠

ابدا م اتوقعته الحصل في اللحظه ديك كان عندي تساؤلات كتيره في راسي وأنه كيف نور وصلت لي فيديو زي دا واصلا الفيديو دا أتصور كيف ومنو الصورو كلها كانت تساؤلات بتدور في راسي وكنت محتاج اسمع اجابهه منها رغم الحصل بس انا م كنت مبسوط خالص من تصرف نور ولو انهه انا عارف انها اتصرفت كدا عشان تثبت برائتي وتطلعني من الورطه دي بس بي تصرفها المتهور دا عملت الحاجه الأنا م كنت عايزه واللي هي كسرت بي خاطر عمتي وشمس ونزلت رأسهم الأرض صغرت شمس شديد قدام امها وقدام كل العيله حرفيا انا كولد ممكن اتحمل حاجه زي دي عادي جدا بس شمس حاجه زي دي ممكن تشوه سمعتها وتنزلها من عيون الناس...💔

بعد بابا شاف الفيديو أدى التلفون لي عمتي وبدون سابق إنذار وقف قدام شمس وضربها كف قوي جدا وقال ليها اخس عليك بالجد م عارف اقول ليك شنو بس انت واحده تافهه وبلا أخلاق قالت ليهو خالو وهي بتبكي قال ليها هسسس م عايز اسمع منك ولا كلمه بلا زفت معاك دي نهاية الدلع ليهه بتعملي في نفسك كدا وعشان شنو ناقصك شنو انت عشان تقللي من قيمتك كدا وهدفك شنو واتلفت على عمتي الكانت واقفه ومصدومه ولسانها الطويل داك كانهه اتبلع قال ليها أظن بعد كدا ماف اي كلام يتقال التلفون وصل جدو وبقى اي زول يشوف الفيديو ويمدو للتاني والعيله كلها شافت الحقيقه بعيونها جدو عاين لي شمس وقال ليها يخسي عليك ي بتي اسي دي عمله تعمليها عمو عبد الرحمن قال ليها واحده قليله حياء انت ابدا م اتوقعته تنزلي للمستوى دا واي زول في العيله بقى يقول ليها كلام براهو تقريبا اللحظه ديك كانت من أسوأ اللحظات وعمرها في يوم م ح تنساها ابدا فضلت تبكي وتتنهد ابدا انا م كان عندي نيهه اني اشوه سمعتها واعمل فيها كدا بس هي بي تصرفاتها الرخيصهه جبرتني اعمل معاها كدا بعد مسافه عمتي مشت عليها ووقعت فيها ضرب حجزوها منها ماما ومرت عمي  بالقوه قالت ليها دي اخر ربايتي فيك ي وسخهه تصغري مني ومن نفسك قدام الناس كدا ليه وريني ناقصك شنو عشان تعملي كدا اتكلمي والله الليله اقتلك واشرب من دمك وتاني تجي عليها وماما تمسكها اما ابوها فاكتفى بي انه قال ليها ي عيب الشوم عليك ي عيب نزلتي مني قدام الناس اريتني متهه قبل اشوف الشفتو دا وقال لي عمتي بتضربيها ليهه م انت السبب ودا آخر ربايتك 💔انا متاكده تماما انه دا كان من أسوأ كوابيس شمس المرت بيها،  بابا قال لي عمتي أظن انهه الحقيقه اتعرفت لحدي هنا وكفايه ججدا الحصل نستاذن منكم نحن جدو قال ليهم فعلا نحن لحدي هنا دورنا انتهى خلونا نشوف اشغالنا والله يهدي سركم ي أولادي طلعنا كلنا  اي زول على بيتهه وبابا طوال الطريق كان سايق وسرحان  اما ماما فكان باين شديد انها مبسوطه لدرجه م قادره تدس فرحتها انا واسامه كنا راكبين جمب بعض بس ماف واحد فينا قال حاجه وصلنا البيت ودخلنا قعدنا كلنا في الصالون وبابا كان ساكت بس اما ماما شغاله ليهو والله عمري م اتخيلته البت دي تكون قليله أدب للدرجه دي أجي ي يمهه الحمدلله الولدي م عرسها معليش يعني ي عماد لكن بت اختك طلعت كعبهه اسي في زول بسوي عمايلها دي بابا م رد عليها وقال لي نور انت الفيديو دا جبيتهو من وين وكيف؟ قلته ليهو ي بابا الفيديو دا أتصور عن طريق الصدفه والغلط بس وم انا الصورتو شادي هو الصورو وحكيت ليهو القصهه كلها🚶‍♀️بابا مشى على اسامهه و قال ليهو وانا عندي ليك سؤال برضو انت ليه سكته وم حاولته تدافع عن نفسك ليهه م كلمتني وقلته لي الحقيقه اسامهه قال ليهو انا سكوتي كان عشانك انت في الأول ي ابوي وعشان عمتي وضغطها وعشان شمس المراهقه اللي م عارفه انها بتعمل في حاجه تشوه سمعتها وسمعة كل عيلتها م كنت عايز يحصل الحصل الليله دا ابدا انا راجل وممكن اتحمل اي شي بس هي م حتتحمل النظرات اللي الحتواجها من المجتمع ابدا بعد الحقيقه تتكشف كنت عايزني اقول لي عمتي شنو بتك هي الحاولت تتقرب مني تفتكر عمتي أو كلكم كنتو حتصدقو حاجه زي دي عشان كدا انا فضلته السكوت وصدقني ي حاج انا م كان عندي علم بالفيديو دا والا بالجد م كنت سمحته انه نور توريهو العيله كلها وبالشكل دا   بابا حضنهه وقال ليهو اعفي لي ي ولدي انا ظلمتك معاي بس غصب عني وكله عشانك قال ليهو انت الاعفي لي يحاج انا عارف انك م بتعمل حاجه الا من خوفك علي بس تصرفي اني اتزوج بدون موافقتك  انا عارفه غلط لكن صدقني كان لازم اعمل كدا وضروري بابا فكاهو وقال ليهو بالمناسبه موضوع زواجك دا شنو انا ما نسيتو مهما كانت الظروف كيف تتزوج من غير علمي؟ ماما قالت ليهو اسامهه فرحني وقول لي لين ي ولدي ياها لين؟! بابا عاين ليها ورفع حاجبهه انا قعدته اضحك وقلته ليهو معليش ي بابا دي أسرار بين الولد وامهه نحن م عارفين عنها شي اسامهه عاين لي ماما وقال ليها اي لين ي امي ❤️ ماما ولا كضبت فكتها زغروووتهه طويله وجات عليهه قالت ليهو ي يمهه أريتها بت السرور والهنا مبروووكه عليك ي يمهه وتاني زغرتت قالت ليهو اها الحصل شنو وعملته شنو وعقدته كيف وسوقته معاك منو اسامهه ضحك قال ليها ي امي شيلي الصبر بحكي ليك بعدين قالت ليهو تحكي لي اسي كيف يعني بعدين بابا قال ليها ممكن تفهموني حاجه انت وولدك ومين لين دي وقصتها شنو قالت ليهو بفهمك بعدين انت بنهره كدا 😒كلنا قعدنا نضحك فيها اسامهه قال ليهم الحصل كالاتي..... بعد اسامهه خلص بابا قال ليهو خير م عملته ي ولدي انا كدا ممكن اموت وبالي مرتاح ومطمن انهه وراي راجل قادر يحافظ على امهه واختهه ويتحمل مسؤولية اسامهه قال ليهو بعد الشر عنك ي حاج أن شاء الله بعد عمر طويل وحضنهه ماما قالت ليهم لكن بت الناس دي م حنعمل ليها شي يفرحها عاد دا كلام بابا قال ليها لالا اكيد حنعمل ليهم أكبر عرس اتعمل في عيله الحسيني كلها قلته ليهم اي بالله عايزين ننبسط شويهه وعايزه احس أني اخت العريس ماما قالت ليهم بس انا من بكره ببدا تجهيزات اسامهه قال لينا والله مآف داعي ي جماعه نحن اصلا عقدنا وانتهى موضوع الشكليات دي م مهمه ماما قالت ليهو هو ي ولدي شكليات شنو اسمع كلامي دا كويس انا عندي ولد واحد وعايزه افرح واتجيهه ليهو داير النسوان يشيلو حالي ويقولو عرست لي ولدها كتاامي قلة أدب الجيل دا م بنفع معاي حتعمل عرس يعني حتعمل سامع ولا لا ضحكته عليهو وقلته ليهو وقعته وماف زول سمى عليك ي صحبي 😂 قال لي أمري لله التشوفيهو ي امي بس ي ريت م يكون مهرجان ويكون مختصر شويهه عشان وضع لين الصحي قالت ليهو خلاص اتفقنا قلته ليهم م كفايهه رغي انتو عايزين نأكل ياخ انا جوعتهه اسامهه قال لي وانت ياتو يوم م كنت جعانهه ي بقره قلته ليهو انت بالذات انا م فاقداك في اللحظه نهاي بالله اتجاوزني احسن ليك 😒 قعدو يضحكو علي بابا قال ليهم هي خلو بتي في حالا مالكم معاها ماما قالت لي خلاص ادخلو غيرو ملابسكم وتعالو اكون جهزتهه الاكل طلعتهه غرفتي وانا حاسهه بكميه راحهه نفسيه يعني بعد أيام من الصراع والاكتئاب والنفسنه واخيرا بيتنا رجعت ليهو الضحكه والأجواء الحلوه دخلته اخدتهه دش وجيت طالعه قعدته قدام المرايه وبسرح شعري فجأة اشوف انعكاس زول لابس اسود ووشو ابيض واسنانه طويله ونازل منها دم كدا اتخلعته قبلته وراي م شوفته اي حاجه بقيت اعاين في الغرفه كلها بخوف بس الغرفه كانت فاضيه استغفرته ربنا واستعذته من الشيطان الرجيم ورجعته عاينته في المرايه فجأة اشوفو ليك بقرب مني بي خطوات سريعهه وبمسكني من رقبتي بقيت اصرخ واكورك وااي ي ماما شبح وااااي وقمته جاريه حاولته افتح الباب ابى يفتح معاي وانا لسه بصرخ وبنطط ودموعي عشره عشره بس اسمع صوت اسامهه اخوي يضحك وراقد في السرير وبفرفر اتلفته لقيتو ليك قلع القناع وشغال يضحك ويقول لي وااي ي ماما شبح الله منظرك رهيب يسألك الله الشبح اسي بتخافي منو ولا بخاف منك وبعدين شبح يجيك الشمس فوق عبيطهه انت 😹 مشيت عليهو وفضلته اضرب فيهو بكل قوتي وانا لسهه ببكي قلته ليهو كريهه غياظ ثقيل اقتلني عشان ترتاح مني حضنته وانا جسمي كله برجف عاين لي مسافه حسى انه انا خفته بالجد فضل حاضني وقال لي نور قولي بسم الله ي بت انا اسف والله م افتكرته انك تخافي كدا معليش والله اهدي كدي لمن حسيت انه اسامه صدق اني خفتهه بالجد قلته ي نور لازم تستغلي النقطه دي وتاخدي منه حقك الكلب عملته نفسي شفتهه شيطان جد وبقيت ابكي وارجف عاد انا في الدراما م عنديش يمه ارحميني 😌👌 اسامهه صوته اتغير وشغال لي نور اهدي قولي بسم الله قعدني في السرير وجاب لي مويه وشغال لي انت كويسه دا انا ي بت م تخافي ماف حاجه صراحه منظرو وهو بترجى فيني كان زباله شديد وم قدرته اكتم الضحكه عاينته ليهو وفكيتها ليك ضحكه هو للحظه فكر اني دخلته في حاله هستيريا قلته ليهو منظرك بيييييش ي مان لكن عاين لي كدا باستغراب ضحكته قمتهه على حيلي وبقيت احاكي فيهو نور قولي بسم الله هاك اشربي احييييي انا تخاف ي كبير 😂😂 حمر لي وجدعني بالمخده وقال لي اقسم بالله انت واحده دراميهه ياخ حقيره دي ضحكته قلته ليهو افوو كمان دراما ده حقناا 😌جراني من شعري قال لي بقره حيوانه قلته ليهو زيك طبعا عشان تحرم تعمل فيني مقالب تاني رجع ضربني بالمخده وضحك قال لي دراميه تافهه ياخ ضحكته وقلته ليهو آها خير ان شاء الله الجابك غرفتي شنو كمان اتمصلح وانا واقفه قدام المرايه وبلف في شعري قعد في السرير ومسك المسند بي ايدو جدعني بيهو قال لي ي بت م تحتررمي نفسك دي جملتي انا عفكره م تسرقي كلام الناس قلته ليهو المهم ي حبيبنا أنجز قال لي انت عارفه نفسي يوم احس انه عندي اخت م اخو دي شنو اللغه البتكلمي بيها دي قلته ليهو م شغلتك في لغتي وم تصدعني كتير عايز شنو عشان انا ماشه اكل قال لي وانت ياتو يوم م كنت عايزه تاكلي بطنك دي بتقتلك قلته م شغلتك ماكله في بطنك قال لي بقره🐸 قلته ليهو اسامهه ياااخي 😒 ضحك و قال لي خلاص خلاص بس انا جيت هنا عشان اقول ليك حاجه قبلته عليهو وقلته ليهو خير قال لي بالجد ي نور شكرا على العملتهو معاي انا م عارف بدونك كنت حعمل شنو وقفتك معاي وثقتك فيني ودفاعك عني لأحد آخر لحظهه قطعته كلامه وقلته ليهو انت أهبل ي ولد انت اخوي عارف يعني شنو يعني لو م وقفته معاك حقيف مع منو مسكني من أيدي وقعدني جمبو وطلع علبه صغيره من جيبو قلته ليه دي لي انا قال لي لا طبعا لي لين 🐸عاينته ليهو كدا 😒قلته ليهو اها بدينا حركات الناس المعرسين صاح 😒ضربني في رقبتي بي ورا و ضحك قال لي انت هبله اكيد ليك انت قلته ليهو بالجد شلته منه العلبه كان فيها خاتم بتاع فضهه رهيب منقوش عليهو حرفي قلته ليهو اسامهه وااااي حلووو شديد حبيتو 😭❤️شكرا ليك ياخ وحضنته قال لي حاجه بسيطه بس م تتعودي 😌قلته ليهو بالله 😒 ضحك و قال لي بصوت جادي كده انت عارفه خايف من حاجه واحده في اللحظه دي قلته خير ليهو شنو قال لي الخاتم الرقيق دا حيتحمل اصبعك السمين دا كيف وفكاها ضحكهه وقام جاري قلته ليهو والله م اخليك الليله و جريت وراهو وبنبز فيهو ي كلب ي حيوان بقره لمن ترفسك نزلنا تحت ماما وبابا كانو قاعدين في الصفره اسامهه جرى وقف ورا كرسي ماما وهو بقول لي بقرههه برضو بابا قال لي مالكم في شنو قلته ليهو بابا دا ولدك الحيوان دا قال لي بقره بابا ضحك وقال ليهو عيب عليك ي ولد انت بقيت راجل متزوج أكبر شويهه قلته ليهو ي بابا هو دا بكبر ولا عندو عقل واحد تافهه وحيوان ساي قال ليهو والله ي ابوي الحقيقه اصلا حاره وانا راضي اني واحد تافهه بس هل انت راضيه بأنك بقره 😂 قلته ليهو بابااااااا 😭 وتاني جريت وراهو بابا وماما قعدو يضحكه بابا قال لينا ي اولاد خلاص بطلو عواره ماما قالت ليهو خليهم ياها حركاتهم من شفع وللان م خلوها م كبروا وحيكبرو ولا بعقلو نهاي ❤️😂

وفي جانب آخر وقفت على شباك غرفتها الواسعه وغد غرقت عيناها بالدمع واشتعلتا بالغضب كبركان هائج تنظر إلى الحناء المنوقشهه على يديها ويحتقن قلبها بالغيره والحقد معاً تتذكر م حدث وكيف أن أحلامها انهارت في لحظهه تمسك بقبضه يدها وبقوه ترمي بالكأس الذي بجانبها ليسقط هشيماً تتسع مقلتيها بطريقه جنونيهه وترسل ضحكات هستيريه تم تتبدل ملامحها إلى الجنون تماما تصرخ بقوه وتتمتم في نفسها م حاخليكم تعيشوا بسلام انا حاندمكم ..

وعلى سبيل الطمأنينه قوله تعالى :(واصبر لحكم ربك فإنك بأعيننا) انت بعين الله فلم الخوف ❤️

#تعافيت - به
#هويدا عبدالله