تعافيت به

تعافيت به ٢٦

عاينته ليهو بي صدمه بعدها ابتسمتهه بي استهتار وانا بمسك كاسة مويه بي ايدي وباخد منها رشفه  وقلته ليهو بالله نور الحسيني تاني البت دي م بتتوب ابدا ياخ والله انا م لقيت زول لايوق و م عندو كرامهه زيها بعد العملتو فيها الصباح ولسانها الطويل في أنها م عايزه تتعامل معاي ولغت الصفقهه بنفسها اسي عايزه تتوسط عن طريقك وتختصر عليها الموضوع عجبني تفكيرها الصراحه م باين عليها بس طلعت قادرة وعرفت تلعبها صح وطبعا إنت من يومك فريسه جاهزه وزي الاهبل أقل طرحه ممكن تلعب عليك قال لي دقيقه دقيقه افهم من كدا انهه انت.. لالا ياخ شت مازن انت المدير الطرد نور الصباح واهانها قدام الناس ؟؟ قلته ليهو مع الأسف قال لي حزينه منك اول حاجه عيب عليك تفكر فيني وفي نور بالطريقة دي انا مهما كنت حقير م بوصل مرحله إنه اكون دلدول أو زول يلعب علي تاني حاجه نور دي أنضف وأشرف بنت انا عرفتها في حياتي فرجاء خاص م تتهما إتهام تافهه زي دا وانا م قادر اتخيل انت كيف قدرته تعمل فيها كدا وبدون م تديها فرصه حتى كيف حكمته عليها بأنها غير مسؤولة ومتطفله من قبل م تقابلها اصلا قلته ليهو والله انا أديتها فرصتها وعملته العلي وهي م استقلتها وهمجيتا هي الخلتني احكم عليها بكدا قال لي م من حقك تحكم على زول قبل ما تعرف هو بمر بشنو او ظروفو شنو دايما انت بتشوف الأمور من منظورك الخاص بس مره حاول شوف الأمور من وجهة نظر الشخص الانت بتتعامل معاهو وحاول اعرف ظروفه شنو  الجبرتو يعمل كدا وحابي أوضح ليك حاجه نور ابدا م جات اتوسطت عشان اساعدها ولا هي اصلا عارفه انهه نحن اخوان ولا عارفهه انهه انا إياد النصري صاحب شركات النصري بالعكس انا الاقترحته عليها انك تساعدها وم بي توقيع عقد ولا غيرو بل بأنك تفهمها طريقه الشغل ومن قبل م تجي السودان إذا بتتذكر في اليوم الاتصلته عليك وكنت عايز اقنعك تجي السودان كان عشان الموضوع دا واتفاجاته بأنك قلته نازل عشان كدا اجلته الموضوع لحدي م انت تجي قلتهه ليهو بغض النظر عن كلامك انت عارف انا زول دغري وم بحب الناس اللي بتتصرف بي سذاجهه وم عندي وقت عشان افهم تصرفات كل زول أو اعرف ظروفو شنو تصرفي كان عادي جدا لانسانهه أقل م يقال عنها مستهتره وغير مباليهه وشافعه وانا اتعاملته معاها على حسب اسلوبها اما بالنسبة لأنها صحبتك وانا فهمته الموضوع بطريقه غلط فيا سيدي انا اسف بعتذر إني فهمتك وفهتها غلط م تزعل مني وحضنته قال لي حصل خير ي مازن قلته ليهو م تضايق مني إنت عارف إنه في الأمور دي م بعرف اتعامل وبعدين تغييرك دا زاتو خالعني والله لكن أنا عارف إنك اتغيرته من قلبك فصافيه ي صحبي قال لي خلاص ي مازن م زعلان صافيه قلته ليهو طيب بالنسبه لي نور وإنها محتاجه  مساعده وكدا فأنا م عندي مشكله  وعلى حسب وعدي ليك ابشر ي سيدي انا حتجاوز الحصل كله وكأني م اتعاملته معاها قبل كدا أو شفتها ولو هي وافقت م عندي مشكله اني افهمها طريقه الشغل بس م بغطي على انها انسانهه غير ناضجه وتصرفي معاها م كان غلط قال لي على العموم انت م حتفهم حاجه لأنك م بتعرف نور كويس ولا عارف الظروف والمصايب اللي هي واقعه فيها حاليا وهدا انت بنفسك قلتها شافعه وانا م ح اتناقش معاك كتير في النقطه دي لأنك م عارف شي 
بس انا ح اعتذر منها بالنيابه عنك وح احاول اني اتكلم معاها واقنعها وانت راجع حساباتك ي مازن ولازم تعرف انك غلطتته في حقها شديد نور غير كل البنات الممكن تعرفهم في حياتك وانا اكتر واحد عارف كدا كويس كونك تهين بني ادم وتقلل منه بدون سبب مقنع دا في حد ذاته عدم نضج منك اذا نحن بنتكلم عن النضج المهم خلينا على اتفاقنا تمام  وطلع من الغرفههه متضايق بقيت محتار في تصرف إياد شديد وزعلهه من تصرفي مع نور صحي انا زودتها عليه شويه بالكلام بس اياد بعرفني وبعرف طبعي في التعامل والمواعيد  م حصل شفتهه بدافع عن زول أو بتكلم معاي بالنبره دي قبل كدا في نظر إياد تعاملي معاها كان عدم نضج مني ؟ وكلام مهند رجعني لي ورا أو بالمعنى الاوضح فتح عيني على حاجات كتير وبقيت افكر انهه هل فعلا تصرفي معاها كان غلط؟ وليهه اتعاملته معاها بالأسلوب الحاد دا واتهجمته عليها مع انه م من عوايدي اقلل من زول أو اجيب سيرة عيلته ووضعها واحاول استفزو بس  السبب الخلاني اتعامل مع نور كدا شنو اي نعم انا زول دقيق في مواعيدي وطبعي حاد وم بحب الهمجيهه في الشغل بس م حصل عرضتهه زول للاهانه بالشكل دا هل بالجد كلام مهند صاح ويمكن عشان نور اول بت تتجرأ تقيف قدام مازن النصري وترفع صوتها عليهه وتجادله ولا يمكن احساس الانتقام الكان متملكني من آخر لقاء لينا أو في سبب تاني خلاني اتصرف كدا ولأول مرة م كنت فاهم البحصل جواي وشعوري في الوقت داك شنو بالجد شكلهه كلام إياد صح نور غير كل البنات لأنه مازن النصري م حصل فكر في بت اكتر من ساعه بس نور شغلت كل تفكيري اليوم داك وغصب عني.....