تعافيت به

تعافيت به ١٢

فتحت عيوني على صوت زول بقول لي انت كويسه ي بت ردي افتحي عيونك دي سامعاني أنت فتحته عيوني بي صعوبهه المكان كان كله ضلام وماف غير أصوات الكلاب وعربيتي والعربيه العملته معاها الحادث عاينته لقيت نفسي راقده في الأرض وراسي مسنود بي جكت وفي ولدين واقفين جمبي واحد كان بصحي فيني وبسالني انت كويسه اما التاني فكان واقف بعيد ومكتف اياديهو وبعاين لي بي نفاذ صبر وباين عليهه متضايق، عاينته ليهم كدا قلته ليهم انا وين فجأه اتذكرته الحادث بقيت ابكي وقلته ليهم عايزه ماما جيبو لي ماما الولد الكان قاعد جمبي قال لي ي بت الناس اهدي م حصل حاجه الحمد لله جات سليمهه بس انت اغمى عليك من الخوف وريني اسمك منو أو ساكنه وين أو اديني رقم زول من ناس البيت بقيت ابكي وارجف لسه وشغاله ليهو عايزه ماما بس قلته ليكم جيبوا لي ماما الولد اللي كان واقف قال ليهو بالله ي مهند حل القصهه انا م فاضي لأمور الدلع بتاع البنات دا وراي طياره بعد نص ساعه وم عايزه افوتها رد عليهو الولد ي مازن م كدا لكن كيف حتخلي بت زي الزمن دا وهي في الحاله دي براها كدي طول بالك شويه نفهم منها هي حاجه قال ليهو م هي فوق ما انها غلطانه م عايزه تفتح خشمها بي كلمه وانا والله م عندي زمن عاينته ليهو من فوق لتحت وانا لسه ببكي وقلته ليهو على فكره دا م اسلوب ليك تتعامل بيهو مع بنت كنت حتقتلها قبل شويهه انت فاكر انه أرواح الناس لعبه ربع ايديهو وبكل برود واستفزاز قال لي ها وبعدين؟! على اساس انا الكنت سايق وبتكلم بتلفون وم بعرف اسوق اصلا؟!عايزه ارد عليهو وجهه كلامه للولد التاني قال ليهو انا حامشي لأنه م عندي وقت لحاجات فارغه زي دي وانت اتصرف قلته ليهو وانا ببكي واتنهد على فكره انت واحد مغرور وسخيف جدا قايل نفسك منو لمن بتتكلم معاي انا بأسلوب زي دا ماف حاجه فارغه هنا غيرك انت جاء علي بخطوات بطيئه كدا ونسبه لأنه كان واقف في مكان مضلم وبعيد من إضاءة العربيه م كنت شايفه ملامح وشو كويس بس كان باين انه طويل شديد وعضلات جسمهه منحوتهه لما جاء على شويه شويه ملامحه بدت توضح كان لابس فلينهه رماديه بي اكمام نص وعضلات ايدو ظاهره عيونو كانت واسعه وحواجبهه غزيره وعندو دقن رجعته منو خطوه لي ورا وانا خايفه قلته ليهو اوعك تقرب مني فاهم ولالا وانا لسه ببكي وجسمي برد عديل بس م كنت عايزه احسسو بي كدا فضلته اتكلم معاهو وقلته ليي دي اخر رجولتك عايز تتراجل على بت في نص الليل وبراها وانا كنت بتكلم وبرجع حركه ورا لي لحدي اتلصقته في العربيه وم كان في مسافهه بينه وبينه فجأه دنقر في الأرض بكل برود ورفع الجكت الأنا كنت راقده فيهو وابتسم لي ابتسامه سخيفه ومشى على العربيه قال لي صحبهه انا ح امشي لأنه اتاخرته حاول فكفك المصيبه دي ولمن اصل بديك خبر ركب العربيه واتحرك قلته ليهو مصيبه في عينك واحد متخلف يعني انا العندي ليك زمن وزدته في البكى زياده م اشتغل بي ولا رد علي خلاني مع صحبهه ومشى الولد جاء علي قال لي معليش على تصرف مازن ياخ بعتذر منك ممكن تبطلي بكاء وتفهميني انت ساكنه وين قلته ليهو هو فاكر نفسه منو فوق م هو كان عايز يقتلني يقول لي كدا قال لي معليش حقك علي انا بس انت اهدي اسي الزمن اتأخر شديد وأهلك حيكونوا قلقو عليك فجأه اتذكرته اني كنت بتكلم مع ماما قلته ليهو بالجد ماما حتكون قومت الدنيا م قعدتها دقيقه اتصل عليها مشيت العربيه لقيت مكالمات كتيره من ماما وبابا واسامهه وحتى لينهه وأرقام كتيره اتصلته على ماما اول ردت صوتها م كان بتفسر شكلها كانت بتبكي وانا زاتي قعدته ابكي م فهمته منها حاجه أدت التلفون لي بابا قال لي انت وين وانت كويسه حصل شنو امك قالت كانت بتتكلم معاك وسمعت صوت خبطه قوية بعدها الخط قطع قلته ليهو خبطته عربيه اي بس بسيطه و انا كويسه ي بابا اطمن قال لي وين انت اسي قلته في شارع... قال لي طيب انا حكلم اسامهه لأنه طلع يفتش عليك م تتحركي من مكانك لحدي يصلوك وم تخافي  قلته ليهو طيب قال لي معاك منو قلته ليهو معاي الولد الضربته عربيته قال لي كدي اديني ليهو مديت للولد التلفون قلته ليهو بابا عايزك الولد شال التلفون وبقى يتكلم قال ليهو لالا ي عمي بسيطه أن شاء الله اي هي م كانت مركزه لالا كويسه حاليا اي انا معاها لالا حانتظر لحدي يجو اصلا كنت حاجيبها خير ي عمي لالا العفو ياخ واداني التلفون بابا قال لي اوعك تتحركي من مكانك اسامه قرب يصل قلته ليهو تمام وقفل الخط بقيت واقفه مع الولد في الشارع والمكان كان فاضي ومخيف ماف غير صوت الكلاب وشعري اتفك وفستاني اتملا تراب وحالتي كانت صعبه من البكاء والجو كان بارد شديد الولد قال لي ممكن تبطلي بكاء اسي خلاص م حصل حاجه إنت كويسه الحمدلله واخوك في السكه هدي شويهه و اذا بردانه انتظري جوا العربيه وانا حاقيف هنا لمن اخوك يجي قلته ليهو طيب عايزه امشي على العربيه كدا سمعته صوت الكلب نبح جيت جاريه مسكت فيهو بخوف كدا وبكيت تاني ضحك علي قال لي م تخافي ش شافعه م حيجيك هنا فكيته وقلته ليهو انا م بخاف على فكره قال لي واضح واضح وهو بضحك عاينته ليهو كدا بتكشيره ضحك و قال لي خلاص معليش يااااااا، ي منو؟ قلته ليهو نور قال لي معليش ي نور و اسمك حلو عفكره قلته ليهو شكرا فجأة تلفونه ضرب قال لي دقيقه عن اذنك رد قال ليهو اي ي مازن لالا اي اتحلت أن شاء الله اي اخوها حيجي يسوقها وانا حانتظرو طيب خلاص تصل بالسلامه ابقى طمني عليهو خلاص تمام وقفل الخط جاء راجع قلته ليهو ممكن اقول ليك حاجه قال لي اتفضلي قلتهه ليهو انت كإنسان آدمي ظريف ومحترم كدا بتصاحب  الكائن المتوحش والمغرور دا كيف ضحك قال لي قصدك مازن ياخ والله مازن دا زول كويس حرام عليك بس المشكله انه كان مستعجل وعندو شغل ضروري قلته ليهو لا بس قول بتطبل ليهو عشان صحبك عموما نصيحتي ليك صاحب ليك زول زيك مالك ومال العولاق دا ضحك وقال لي الله يسامحك شويه كدا شفنا نور عربيه جايه علينا اتلفتنا لقيتها عربيه اسامه  اسامهه نزل ومعاهو ياسر صحبهه اول ما شفته جاي علينا جريت عليهو حضنتهه وي دوب بكيت زي الناس  قال لي نور انت كويسه طمنيني حاسه بي  حاجه قلته لالا انا كويسه ماف شي بس وديني لي ماما  قال لي خلاص اهدي م تخافي م حصل شي، ياسر مشى على مهند قال سلم عليهو قال لي ان شاء الله خير ي أبو الشباب الحصل شنو قال ليهو لالا خير بس الزوله دي كانت سايقه بسرعه وبتتكلم بالتلفون فدخلت في عربيتنا في البدايه افتكرناها اتاذت أو كدا لكن الحمد لله ربك ستر وجات سليمهه بس فقدت الوعي اسامهه قال ليهو الحمد لله بس م شايف عربيتك قال ليهو والله العربيه حقت صحبي اصلا ساقها لأنه مستعجل طيارته الساعه واحده فأطر انه يمشي وانا فضلته مع نور اسامهه قال ليهو ايوا طيب بالنسبه للإضرار وكدا قال ليهو لالا ياخ م يحتاج العربيه م اضررت كتير بس عربيتها هي الاضررت شويه من قدام اسامهه قال ليهو شكرا ليك ي ابو الشباب ياخ م قصرته مهند قال ليهو العفو ياخ ولايههمك م عملته الا الواجب وقبل علي وقال لي حمد الله على سلامتك ي ست نور والمره الجايهه خليك منتبهه اكتر قلته ليهو الله يسلمك وان شاء الله اسامه قال ليهو ماشي وين انت خلينا نوصلك قال ليهو لاالا م يحتاج والله اصلا البيت قريب من هنا سلم علينا وطلعنا ركبته في العربيه وياسر معانا اتحركنا واسامهه م خلى لي جمبه انوم عليها يشيل ويزل فيني ويشاكل وصلنا البيت لقيت ماما وبابا واعمامي وجدو وحبوبهه والناس دي كلها ملمومه ماما من شافتني جات جاريهه على تبكي وقالت لي م قلته ليك م تمشي براك اصلا م بتسمعي كلامي قلته ليها ماما انا كويسه. اسامه قال ليها الحمد لله جات سليمهه وحكى ليهم الحصل بابا قال ليهو عنادها دا الا يقتلها ميه مره قلته ليها م تسوق العربيه بس م بتسمع الكلام عموما حمد الله الجات على قدر كدا اها وبالنسبه للولد الضربت عربيته اسامهه قال ليهو والله ولد كويس بس م لقيته لقيت صحبه وقالوا إنه عندو طياره عشان كدا م قدر ينتظر بابا قال ليهو الحمد لله الوقعت في اولاد حلال اسي لو كان ديل اولاد حرام كان عملوا ليها قضيه وقومه وقعده أتلفت على وقال لي يلا اطلعي ارتاحي قلته ليهو طيب طلعته غرفتي غيرت ملابسي وسرحته شعري ورقدته كنت حاسه بصداع شديد حاولته انوم غمضته عيوني فجأه اتذكرته الحصل وتحديدا اتذكرته الولد السخيف داك وم عارفه السبب شنو حسيت اني بعرفه أو شوفتو في مكان قبل كدا بالذات عيونه وابتسامته شويه كدا طلعته من شرودي وقلته في نفسي اسي انا بتذكر في الحيوان دا لشنو كمان احي بس لو القاهو في وشي تاني اوريهو غرورو دا حده وين  متخلف غمضته عيوني ونمته، صحيت الصباح على أصوات الزغاريد والناس والجوطه لبسته ملابسي ونزلته تحت الأجواء كانت حلوه شديد ومشغلين السماعات والناس بترقص ومبتهجه مشيت على ماما وبابا سلمته عليهم كانوا واقفين وباين بتناقشه في موضوع مهم لأنه ملامحهم كانت بتوحي بي كدا لمن وصلته سكتوا فجأه قلته ليهم صباح الخير ماما قالت صباح النور بقيتي كيف حاسه نفسك احسن قلته ليها انا تمام م فيني شي بس انتو مالكم في حاجه بابا قال لي لالا ماف شي ياها لخمت العرس بس قلته ليهو بالجد قال لي اي بالجد قلته ليهم طيب اسامه وين م شايفه قال لي اسامهه عندو مشوار صغير مشى يقضيهو ويجي قلته ليهو تمام ومشيت منهم لقيت بنات اعمامي ومعاهم شروق وقفته معاهم شويهه كدا فجأة كدا اسمع صوت زغاريد قبلته على الباب لقيت صحباتي جايات داخلات سيره عديل تقول عرس اخو واحده فيهو  ضحكته ومشيت عليهم قلته ليهم هايجات شديد لكن ريم قالت لي دا كلامك عاد أهم شي البهجه قلته ليهم اتاخرتو مالكم ي جزم شهد قالت لي المهم جينا ي زوله ومالك انت عامله كدا وليهه م رسمتي لحدي الان كانوا الليله م عرس اخوك ولا حاجهه ولاء قالت لي اي ي نور مش قلتي حترسمي بعد الحفله بتاعت لين وصحي أمس رجعتي متين ريم ضربتني قال لي حضرتي الحفله بدونا ي كلبهه والله الصور كانت شغاله ولينه طالعه مزه عديل م شاء الله قلته ليهم حيلكم حيلكم خلوني اعرف ارد اول حاجة أمس كنت حموت ي كلاب ماف واحده فيكم بتفقدني ساي شهد قالت لي كيف يعني قلته ليهم وانا راجعه من الحفله عملت حادث و..... حكيت ليهم الحصل كله أتلفته لقيت ولاء دموعها عشره عشره وحضنتي طوالي طبعا دي احن زول في الشله لو شافت واحده مننا مصدعه ساي بتبكي قلته ليها ي بت انا كويسه م شايفاني قدامك زي الحصان ريم قالت لي كرر علي ي نور الحمد لله م جاتك حاجهه شهد قالت لي قلتي لي الولد اسمهه منو اها سمح ملامحه كيف كدي وصفي لي كلنا عاينه ليها كدا 😒 ريم قالت ليهاا عليك الله شوف جنس دي  قعدت تضحك قالت لينا ي جماعه مالكم انا جاده يعني م هدي نور واقفه زي الشحط سليمه م فيها ولا شخته حتعملوها دراما قلته ليها تصدقي انك واحده رمهه شديد قعدت تضحك فجأه ريم لفتتني وقالت لي عاينني منو الجاي دا أتلفته لقيت شمس وعمتي داخلات قلته ليها غريبه ديل الجابهم شنو شهد قالت لي البت دي عينها قويه شديد بعد العملتو دا عندها عين تجي لحدي هنا قلته ليها صحي الاختشوا ماتوا م علينا بيهم بس طوالي شمس جات علينا سلمت علينا وقالت لي مبروك على اسامهه وعقبالك كدا يتهنى ابتستمه ليها بس وم رديت طوالي شالت رجولها ومشت على شيرين وقعدت جمبها اما عمتي فمعظم الوقت كنت بشوفها واقفه مع بابا وبتناقشوا بي شكل جاد وم كنت فاهمه بس م ركزته بعد الساعه واحده جات قلته للبنات نمشي الكوفير نحن بعد كدا عشان لينهه م تزعل لاني وعدتها انيي اكون اشبينتها قالو لي تمام بس انت عارفه هي في ياتواا كوفير قلته ليهم لالا بس دقيقه اتصل عليها اسالها فعلا اتصلته على لين وردت على صفاء سألتها من الكوفير ووصفتو لي وقفلت بعدها شلنا فساتينا انا والبنات وحاجاتنا كلها كلمته ماما والمره دي طبعا مستحيل يخلوني اسوق عشان كدا باحترام قلته ليها حنمشي مع عم عبدو السواق قالت لي تمام وصفته لي عم عبدو الكوفير واتحركنا وصلنا لقيت لينهه ومعاها صفاء صاحبتها سلمنا عليهم ولينهه لمن شافتني جات على بي لهفه وسألتني من امس ومن حالتي وبقيت كيف وكدا قلته ليها انا بخير وحكيت ليها الحصل المهم بعد موال طويل جات ست الكوفير وبدينا تجهيزاتنا بدينا بالرسم وبعدين المكوه واخيرا المكياج بعدها لبسنا فساتينا اصلا كلنا كنا قاصين فساتين بي نفس الألوان بس التشكيله مختلفه واللون الاخترناهو كان البترولي وعكسناهو بالبيج انا وريم قصتنا كانت سوا عباره عن فستان ضيق من الخصر وواسع من تحت اياديهو نص وشفافه فيهو شريط في شكل سلسله نازل من الخصر ومعقود في شكل فيونكه بالبيجي وجزم كعب بالبيجي اما صفاء وشهد و ولاء قصتهم كانت سندريلا منفوش وفيهو فيونكه بالبيجي و الطرح والحزم بالبيج ريم عملت شعرها كريلي اما انا فاكتفيت بي انه صبغته أطرافه بالبنيي وبرمته الجزء القدام بي جمبه واحده والباقي فكيتوا طلعنا مزز بشكل خورافي اما لينهه فكانت قمه الرهابهه والزاد جمالا اكتر الحجاب كان طالع عليها حلو شديد ومكياجها كان بسيط ورايق شويه كدا قعدنا نتصور ونتعولق فجاءه اسامه جاء ومعاهو أصحابو كان طالع م شاء الله اصلا اسامهه طويل شديد وملامحه حلوه كان مظبط الدقن وحالق الشعر ولابس بدله بالكحلي ومع سمارو كانت في قمه الرهابهه جيت عليهو وقلته ليهو عاد م اتعرفنا عديل الليله مالك سمح كدا قعد يضحك قال لي من يومي سمح لكن انت الليله جديده عليك السماحه دي وديتي الكرش وين وقعد يضحك قلته ليهو تصدق انك واحد زباله الليله م بخليك تشوف لينه لو تموت قال لي خلاص خلاص والله معليش غلطان قلته ليهو ناس م بتجي الا بالعين الحمرا ناديت ليهو لينهه اول م شاف لين قدامهه عيونه براها قالت الف حكايهه عاينته ليهو وابتسمته وأشرت للبنات بأنه نطلع طلعنا برا وخليناهم جوا اسامه كان جايب معاهو أصحابو عاد شهد من شافت أصحابوا عيونها بقت كدا 😍ذوفضحتينا فضيحه شغاله لي واااي لكن عاينني الاولاد ديل تقول شاربين من مويه الجنه واااي من السماحه ريم قالت لي لا كدا كتير الصراحه انت اخوك دا بعزل الاولاد السمحين ديل من وين ولاء قالت ليهم وااي ي جماعه صراحه م بستحمل اشوف الدقون دي كلها صفاء قالت ليها انت شوفي النضافه والشياكهه دي الاولاد تقول واقعين من مجله قعدته اضحك عليهم قلته ليها حتى انت ي صفاء قالت لي عاد م بتحمل جمال زي دا اكضب قلته ليهم يلا بطلوا رشاقه حتفضحونا واظبط حاجه انه كانوا لابسين بدل بالبيج ومن جوا اقمصهه بالاسود وكرفتات بالاسود وكانت صدفه انه لون بدلهم بشبهه اللون النحن عاملنو حركه في فساتينا رغم أننا م اتفقنا ولا حاجه لأنه كل حاجه جات بسرعه شويه كدا اسامهه ولينه جوا واتحركنا على الصاله انا وشهد وريم مع ياسر وصحبه في عربيه والعرسان وصفاء وولاء مع بعض وصلنا الصاله ودخلوا بي اغنيه كملت بيك نص ديني كانوا حلوين شديد والحب باين في عيون اي واحد فيهم اما شمس فنظراتها كانت مليانه حقد وضيق كان باين عليها دخلنا كدا والحفله ربت هججنا تمام ورقصنا بعد الحفله خلصت عملوا الجرتق اسامهه لبس جلابيه واصحابو غيروا معاهو بالجلاليب اما لينه فلبست توب احمر ونحن غيرنا معاها بي فساتين سرتي لونها بالأبيض وفيها تطريز بالأحمر جابو فنانه غنت بالدلوكه وعملوا الجرتق وهججنا قدرتنا بعدها الحفله خلصت وجات لحظات الوداع عشان العرسان مسافرين طوالي لينهه دي بكت بكى مع مرت عمها وبناتها كانهه م كانوا بعملو ليها العمايل ديك كلها اما عمها فكان باين انه متضايق جاء عليها وقال ليها اعفي لي ي بتي وسلم عليها وهي تشيل وتبكي غايتو كان موقف صعب شديد بعدها جيت انا م عارفه الحصل لي شنو بس لقيت نفسي حاضنه اسامهه وببكي قدرتي كلها هو زاتو بقى حاضني وبحنس فيني قال لي عارفاك حتشتاقي لي ي بقره بس كلها اسبوع م حطول ضربته في ضهرو وقلته ليهو كريهه قعد يضحك وزاحني مسح لي دموعي وقال لي خلي بالك على حالك وخلي بالك من امك وابوك م أوصيك عليهم فاهمه قلته ليهو طيب 😢💔 بعدها جاء على ماما وبابا ودعهم وماما دي تشيل وتبكي كأنه اسامهه م جاي تاني بابا قال ليها انت وبتك العواره شنو اسامهه ماشي الجهاد م تبطلو الحركات البتعملو فيها دي غايته اسامهه دا قطعنا قلبه عديل انا حسيته شويهه ويخلي السفر زاتوا بعدين مشى على بابا وحضنه واتكلم معاهوا كدا بعدها على المطار طوالي اما نحن وصلته البيت وانا مرهقه شديد وحاسه بضيق اكتر م عارفه الشعور دا بس دي اول مره احس اني م بقدر على بعد اسامهه السجمان وأني بحبه كدا دخلته غرفتي وفضلته ابكي لحدي م شالتني نومه...........

وفي جانب آخر وعلى بعد الآلاف الكيلومترات وقف ب قامته الشامخهه وملامحه الصارمه شارد الذهن هائم الفكر يحمل بين يديه سيجاره يدخن بشراهه وينفث الدخان ليحلق بعيدا هاربا من حدتهه ونظراته التي تكاد تخرق زجاج النافذه أمامه يفيق من شروده بوقع أقدام خلفه يرمي بعود السجائر من يديهه ثم يذهب في خطوات سريعهه باتجاه وقع الأقدام ، ي دكتور طمني أن شاء الله خير والله للاسف ي مستر مازن زي م اتوقعنا كانسر ..... 💔

ولكن الأجمل من الحب حُب توج بالزواج ❤️

#تعافيت - به
#هويدا عبدالله