تعافيت به

تعافيت به ٩

عن جمال الشعور لما صحيت على صوت اسامهه وهو بقول لي مرتي ❤️الحنيه والأمان الحسيت بيها اللحظه ديك كانت كافيه انها تخليني انسى كل التعب والوجع الكان جواي ❤️بس كنت متلخبطه وم فاهمه حاجه وكيف حصل كدا، قلته ليهو انت بتقول في شنو مش مفروض تكون في عرسك انا م فاهمه حاجه، قال لي م ضروري تفهمي شي انت بس ارتاحي اسي وحتفهمي كل شي بعدين قلته ليهو اسامهه الله يرضى عليك احكي لي الحصل شنو ويعني بالجد نحن متزوجين 😭 ضحك وقال لي اسي انت بتبكي مالك ي هبلهه قام حاكى صوتي وقال لي اي بالجد نحن متزوجين😭😂💔قلته ليهو اسامهه ياخ وريني الحصل شنو قال لي ي ستي كل الحصل انه انا عرفته واتاكدته تماما انه انا مرتبط بيك بي روحي من جوه وم بقدر استغنى عنك لأي سبب من الأسباب وجودك في حياتي مهم زي وجود الأكسجين وبدونك حياتي بتنتهي ❤️وعشان م تنقي فيني كتير الحصل ي ستي كالاتي...... الخ بعد اسامهه خلص لقيت نفسي ببكي ودموعي م راضيه تقيف  وقتها عرفته انه اسامهه عوض ربنا لي عن كل الألم العشتهه واتحملته في حياتي حرفيا انا كنت محتاجه ليهو ولي سندو ودعمو لي اسامهه كان بالنسبه لي كل اهلي ❤️كنت بعاين ليهو وببكي وبتنهد قلته ليهو لو م كنت هنا م كنت حاعرف امشي لمنو م تبعد مني تاني فك ايدي وجاء قعد جمبي في السرير و بنظرات كلها حنيهه اخدني في حضنهه وهو بمرر ايدو على شعري قال لي هسسس انا اصلا م بقدر ابعد منك شبر م عايزك تخافي في يوم انا باقي عليك بالحيل ي بتي وخلاص كفايه دموع لحدي كدا انت بكيتي كتير وجاء الوقت اللازم تضحكي فيهو وانا جمبك وم حاتخلى عنك تاني في يوم وطول م انا عايش ماف زول حيقدر يقرب منك أو حتى يجي عليك ❤️ الأمان الحسيت بيهو وانا في حضنهه يمكن من موت ابوي م حسيت بيهو 💔بعد مسافه ونحن في الحاله دي رفعته راسي منه وقلته ليهو بس ابوك وشمس وزواجك م فكرته في الحيحصل قال لي خليها على الله ببتسهل أن شاء الله بس انت م تفكري كتير اسي قلته ليهو اسامه بس انت حتعمل شنو وحتتصرف كيف قال لي انا حتصرف ومتاكد تماما انه اي تصرف حاتصرفه حيكون عشانا نحن الاتنين اسي انت اخدي علاجك وارتاحي وانا حمشي اشوف الحاصل هناك قلته ليهو طيب خلي بالك من نفسك قال لي مفروض انت التخلى بالك من نفسك في اللحظه دي وم تفكري في حاجه اخدي علاجك واسمعي كلام الدكتور صفاء معاك وعمك ومرتو بره وانا حذرتهم الف انه ماف زول يقرب على مرتي ❤️قلته ليهو يعني انت حتمشي قال لي انا لازم امشي في اللحظه دي عشان احل المشاكل الحتكون هناك بس م حتاخر عليك أن شاء الله قلته ليهو طيب 😔 قام باسني في راسي وطلع فجأه الباب فتح افتكرته اسامهه نسى حاجه عاينته لقيتها صفاء جاتني طايره وشغاله  لي واااي ي يمهه اريتو حالي لقيتها ي بت الكلب راجل بحبك ويخاف عليك لدرجه يخلي عقدو ويجي يعقد عليك في المستشفى دي في الروايات م حصلت ي يمه واحي من اسامهه وكمان حلات م هرش عمك وقعدو في علبهه وبعليييييي بس واااي انا اريتو حالي 😭❤️ ضحكته عليها قلته ليها معليش انت حتموتي بايره وم حتلقي زي اسامهه لأنه ماف زيو 😌قالت لي السمك والله م القى زيو الا اشلبو منك قعدت اضحك وقلته ليها اطمنك م بتشلب م تحاولي قالت لي ااي واثقه ي كلبه م لقيتها انت انا ي يمهه اريتني بالسم 😭جدعتها بالمسند بتاع السرير وقلته ليها انطمي خلاص فضحتينا ضحكت وجات على حضنتي و قالت لي مبروك عليك ياخ وربي يسعدك انا م همي في الدنيا غير اشوفك مبسوطه ومتاكده كل الاتحرمتي منهه حتلقيهو مع اسامهه .... ❤️