تعافيت به

تعافيت به ١٤

كنت واقفه في البلكونه وبتكلم مع مروه بي استكانه شديده وبحكي ليها في مستجدات خطتي سمعته صوت الباب فتح كانت شيرين المزعجه كالعاده ف اطريت انهي المكالمه بيني وبين و مروه عشان م تشك في حاجه قعدت في السرير وبقت بتعاين لي من فوق لتحت قلته ليها خير في شنو قالت لي انا العايزه أسألك السؤال دا مالك مبسوطه وهايجه كدا م مطمناني نهاي، قلته ليها قصدك شنو م فهمت عاينت لي وقالت لي قصدي انت عارفه كويس مش المفروض انه حبيب القلب تبعك عرس وانت اتذليتي واتهنتي واتمسح بي كرامتك الأرض وبعد دا كلهه انت هاديه تماما وم عملتي حاجه للان 🤨 قلته ليها ياخ والله كل شي قسمه في النهايه وانا حسيت اني غلطته في حقهم وفي حق نفسي اما بالنسبه لاسامهه فربنا يسعدو واصلا انا شلتوا من بالي فشنو ارتاحي وم تفكري كتير مش المفروض جامعتك تفتح بعد بكرا شوفي قرايتك بي وين بكون احسن من الحاجات الانتي بتفكري فيها دي، عاينت لي للحظه وقعدت تضحك قالت لي الواقفه قدامي دي شمس ي اخواني م مصدقهه ي بت اعملي الدراما دي لأمك ابوك شروق بتاكل معاهم لكن انا م تعمليها لي لانه م بتاكل معاي والله 😏انا حافظاك اكتر من نفسك فشنو استكيني قلته ليها والله ياخي انت مكبره الموضوع وانا نسيته اساسا قالت لي يعني مصره م توريني بتخططي لشنو لالا ظابط ي زوله مصيري اعرف سكوتك دا ابدا م لخير لكن صدقيني المره الجايه لو اتكشفتي امي حتضبحك من الاضان للاضان 🐸💔قلته ليها احتفظي بي نصايحك لنفسك بالله انا م فاقداك وقلته ليك م قاعده افكر في حاجه ولا نفسي افكر زاتوا وطيري من وشي😒 قالت لي حيلك ابردي مالك فايره كدا خلاص اخر سؤال ممكن اعرف بقيتي تمشي الشركه كتير ووافقتي تشتغلي بدل بابا هناك فجأة ليهه وانت امي كانت بتحنس فيك شهور عشان تنزلي فجأة كدا طقت في راسك تمشي ليه هاا وريني 🐸قلته ليها والله م من خصوصياتك وعشان ترتاحي انا نزلت الشركه عشان زهجته من البيت دا وعايزه حاجه تشغلني عشان انسى اسامهه دي كل القصهه قالت لي اممممممم تنسي اسامهه وانت على حسب كلام ماما الفهمتو منها سكرتيرتو الخاصه عجب لكن 😏قلته ليها والله ياخي داك شغل م مكان بتاع حب وحاجات تانيه وانا م عندي نيه لي اي شي والدليل على كدا انه لو كنت عايزه اعمل حاجه كنت عملتها قبل عرسوا يتم م وقفتهه اتفرج عليهو ومشيت لحدي عرسوا وباركته ليهو بس مشكلتك انت فهمك ضيق ووسخان ودايما بتحبني تالفي قصص وتحللي المواضيع على كيفك 😒قالت لي طيب ي اختي م تزعلي نفسك كدا ع العموم انا م مطمنه نهااااي والعندي قلتوا بس سؤال اخير وطايره منك ربعته يديني وعاينته ليها بضيق قالت لي قلته ليك آخر سؤال م تكشري لي وشك دا قلته ليها اللهم طولك ي روح 🙂 قالت لي وبالنسبه لأنه ايام العرس انت وامك وابوك كل يوم ناطين عن ناس خالوا وداخلين المكتب وطالعين هايجين كان في شنو وخالوا يشوفوا متوتر كدا وسمعته قال ليكم اسامه م يعرف هو شنو الاسامهه م يعرفوا قلته ليها ي ستي كانت مشاكل في الشغل واسامه لأنه عريس خالي م كان عايز يشغل باله فهمتي قالت لي مشاكل شنو قلته ليها مشاكل أكبر من أنت تعرفيها وم حتفهمي فيها شي وبالله لو انتهيتي من التحقيق حقك دا من غرفتي عشان عايزه اغير وطالعه على الشركه والصراحه صرعتيني قالت لي على العموم انا موجوده لو حبيتي تحكي وم تفتكري انه الشريحه حقتك دي قرت فيني مصيري اعرف بتخططي لشنو وطلعت 😏بعد شيري المزعجه طلعت حسيت اني اتنفسته شويهه يعني بالجد اكتر حاجه بخاف منها شيري وتفكيرها عشان بتفهم طريقه تفكيري رغم سنها الصغير بس قادره تفهمني اكتر من اي زول في بيتنا والحاجة الخوفتني انه كلامها كله صاح وأنه هي شبهه فهمت الخطه الأنا عاملاها بس كنت مستحيل اتنازل عن أي حاجة عشان اندم اسامهه وكل عيلته على الاهانه والفضيحه العملوها لي وانا بفكر كدا تلفوني رنهه وكانت المكالمه المنتظره من مده رديت على المتصل كيفك الحمد لله قدرته تصل للحقيقه طيب نتلاقى بعد نص ساعه في الكافي الجمب الشركه اوكي مسافه السكهه فصلته الخط وجهزته نفسي نزلته لي ماما تحت وقلته ليهم حطلع الشركه انا قالت لي كأنه الزمن بدري قلته ليها لالا عندي شغل مهم عايزه اخلصوا وطلعته ركبته العربيه وانا في نفسي بقول نهايتك قربت ي اسامهه.......