تعافيت به

تعافيت به ٦

،،،،،، في جانب آخر وفي منزل بسيط وغرفهه صغيره مظلمهه تجلس على الأرض وتضع يديها الصغيرتين مخباه وجهها بين كفيها وقد تلألأت على وجنتيها قطرات الدموع واحمرت عينيها من البكاء كأنهما بركان انفجر يتدلي شعرها الطويل على جانبيها بطريقة فوضويهه تجهش بالبكاء كطفل رضيع فقد امهه تذكر م حدث قبل قليل و تغوص في تفكير عميق ثم تعود من شرودها وقد تدفق الدمع من عينيها كشلال لانهايه لهه،،، تبكي بحرقهه تستنجد بالله وتتمتم ليه انا بحصل معاي كدا ليه اي حاجه بحبها بتروح مني انا عملته شنو في الدنيا دي ربي استغفرالله العظيم ي رب استغفر الله يقطع بكائها طرق على باب غرفتها تقف في مكانها فزغهه تحاول مسح وجهها بكفيهاا في محاولة لاخفاء بركهه الدمع من عليهما منو في الباب يجيبها الطارق افتحي ي لينهه انا صفاء ي بت لينهه فتحت الباب واترمت في حضن صفاء وهي بتبكي صفاء بخلعهه بسم الله ي بت مالك في شنو وقفلت الباب عشان ماف زول يسمع قالت ليها تعالى اقعدي هنا وريني في شنو لينهه حبيبتي بتبكي مالك انا بتكلم معاك عمك ولامرتو عملو ليك حاجه تاني طيب واحد من الأولاد سألك ولا بنات عمك قالت ليها لالا طيب ي بت في شنو خوفتني عليك كدي اقعدي في السرير دا اجيب ليك مويهه تغسلي وشك وتفهميني الحاصل شنو طبعا صفاء صحبه لينه الوحيده بت طيبانهه وعلى نياتها كانت جارتها في بيتهم القديم قرت معاها الاساس والثانوي بس لما أهل لينهه اتوفو وهي جات تعيش مع عمها قل التواصل بينهم بس م انقطع نسبه لأنه عم لينهه كان برفض انها تطلع مكان فكانت دايما هي البتجيها صفاء كانت أقرب زول للينهه بعد أهلها عشان كدا كانت كل م تضايق او يحصل معاها شي بتلجأ ليها💕 صفاء جات داخله وادتها المويه شربت وغسلت وشها اهاا في شنو ي بت جبتيني جاريهه م تجننيني فهمتني الحاصل شنو لينهه قالت ليها اسامهه 😭 صفاء قالت ليها سجمي اسامهه مالو 😲قالت ليها اسامهه حيعرس بكره ي صفاء واترمت في حضنها وهي بتبكي 😭صفاء بخلعهه قالت ليها دقيقه دقيقه كيف يعني اسامهه يعرس😲 لآلا اكيد في حاجه غلط انت متأكده من كلامك دا والقال ليك منو لينهه وهي لسه بتبكي قالت ليها ماف غلط غيري انا اصلا مكتوب على اعيش في عذاب من موت اهلي وانا بتجبر على عيشهه م عايزها ضقت الذل واتهنته كتير ليهه دايما الناس الأنا بحبهم بخلوني انا عملته شنو في الدنيا دي ي صفاء 😭💔صفاء قالت ليها استغفري ي بت واهدي كدي ووريني الحصل شنو بالضبط قالت ليهاا....
فلاش بااااااك
إنت هي ي زفته ي الأسمك لينهه الفطور دا لسهه م جهز قرب يجهز ي عمتي خلاص ساعهه بتعملي في الفطور اصلو شنو هو انت م بتفهمي ولا ناسيهه انه الليله يوم الغسيل قلته ليها لالا ي عمتي م ناسيهه بس انا تعبانه شديد من الالتهاب خلي بغسل بكره ولما تجي إسراء تساعدني شويهه قالت لي تعب ام العروس ي اختي المتعبك شنو م نايمه في البيت دا ليل نهار وماسكه تلفونك في ايديك الراحه اللاقياها انت نحن م لاقينها وبعدين إسراء فاضيه ليك البت عندها قرايه ولا قايلاها فاضيه شغله زيك م كفايه نحن متحملين وجودك وماكلنك ومشربنك ولميناك من الشوراع بعد موت ابوك عمك الفقر بلانا بيك وقعد طبعا دموعي بعد كلامها نزلت بس انا اصلا اتعودته على المعامله الزفت دي منها هي وعمي حتى أولادهم الصغار والكبار م بحترموني عملته الفطور وختيتو ليها هي وأولادها دخلت غرفتي وانا ببكي قالت لي انتي م عايزه تتسممي قلته ليها م عايزه قالت لي احسن برضو وفرتي مسحت دموعي واستغفرته ربي شلته التلفون لقيت مكالمتين من اسامهه رجعته اتصلت عليهو م رد لما الخط فصل رجع لي رديت عليهو قال لي صباح الخير قلته ليهو صباح النور بس مالو صوتك تعبان كدا خير ان شاء الله قال لي لين عايز اشوفك اسي قلته ليهو اسامهه انت جنيت انا مرت عمي م ح تخليني اطلع ولا مكان قال لي لينهه اتصرفي ياخ وانا منتظرك ورا شارع بيتكم وقفل الخط استغربت منه لانه م عوايدو شلته توبي وقلته لي مرت عمي انا ماشه الدكان وجايهه قالت لي عندك شنو في الدكان قلته ليها عايزه أحول رصيد قالت لي جبتي القروش من وين، قلته ليها دي من القروش الرسلا لي خالي لوت خشمها وقالت لي ماف دكان والقروش الرسلها ليك خالك دي تصلني انا تاني انت قايله نفسك في فندق ماكله شاربه مجاني ولا نحن قادرين على مصاريف أولادنا لمن نصرف عليك طبعا في اللحظه ديك م كان عندي اي حيل اتناقش بيهو معاها بس الكان شاغل بالي اسامهه وكنت عايزه اشوف مالو قلته ليها حاضر ي عمتي حاقول لي خالو يرسل ليك القروش انت تاني وفعلا انت بتحتاجي ليها اكتر مني بس عليك الله خليني امش اجيب لي رصيد اسي والله م بتاخر قالت لي ومدام خالك بالحيل عليك وبرسل ليك في القروش م يسوقك تعيشي معاهو هناك ويريحنا منك قلته ليها ي عمتي كم مره هو طلب من عمي اني امش اقعد معاهو وعمي رفض وقال ليهو ابوي موصيهو علي قالت لي عمك زاتو بحب التعب والشقاوه لي نفسهه عايز بي قعدتك شنو اتخرجتي من الجامعه وم خلاك تشتغلي كان على الأقل تجيبي قروش بدل قعدتك في وشنا الزي عدمها دي قلته ليها عمتي خلاص المواضيع دي خليها بعدين اسي امشي الدكان ولا لا حمودي ولدها الصغير قال لي لينهه جيبي لي حلاوه قلته ليهو حاضر قال ليها ماما خليها تمش عشان تجيب لي حلاوه قالت لي خلاص طيري لكن م تتاخري طلعته سرعهه مشيت على الشارع القالو لي اسامهه وفعلا لقيت عربيتهه واقفه فتحت الباب سلمته عليهو وقلته ليهو اسامهه في شنو خير مالك خوفتني عليك سكت م رد على بس كان سرحان وخاتي ايدو في راسهه وباين علييهو التعب والإرهاق قلته ليهو اسامهه حبيبي فيك شنو م تخوفني عليك قال لي لينهه انا اتختيت في موقف أبشع مما أنت تتصوري قلته ليهو موقف شنو دا احكي لي قال لي لينه انا بكره عقدي على شمس بت عمتي منى 💔طبعا انا للحظهه حسيت الدنيا لفت بي وراسي شطب بقيت م شايفه حاجه وحسيت بي قبضهه في معدتي قلته ليهو كيف كيف! ؟؟! حكى لي القصهه كلها ولحدي وصل انه ابوهو حيعقد ليهو بكره على بت عمتهه 💔طبعا دموعي نزلت وم قدرته اقول حاجه فضلت ساكتهه مسافه وسرحانهه بين واعيه وم واعيهه دا اسامهه حب عمري وحياتي بكرا حيعرس وم حيكون لي بعد مسافه استجمعت قوتي ورفعته عيني عاينته ليهو كان باين عليهو الضيق اكتر مني بي مراحل منهار شديد وضايع ملامحه باهته وعيونو قايده جمر قال لي لينهه انت عارفه انا بحبك قدر شنو وانهه الموت أهون علي من انهه اخسرك أو اكون لغيرك في يوم 💔بس م عارف اتصرف كيف ولا اعمل شنو لين انت عارفه انك دوا روحي عشان كدا لمن احس الدنيا ضاقت بي بجيك انت💔 انا واقع في نار بتحرق فيني وما عارف اطفيها كيف انا حاسي اني بتخنق ي لين انا في النص بين اكتر اتنين بحبوني في الدنيا الراجل القدم لي كل أنواع السعاده والمحبه من قمته صغير ولحدي الان كبرني وعلمني ورباني ووصلني للأنا فيهو دا والبت الأنا م حبيت بت ولا حاحب في حياتي غيرها وخت راسهه على الدريكسون نبرت صوت اسامهه والكسر والوجع الكان باين عليهو وهو بتكلم اداني قوه من ماف وم حسيت الأ وانا بمسح دموعي وبمسك ايدو قلته ليهو ممكن تعاين لي في عيوني دي رفع راسهه وعاين فيني قلته ليهو شايف فيهم شنو سكت قلته ليهو رد علي فضل ساكت قلته ليهو الحب والثقه والقوه الموجوده فيهم دي عارف سببها منو سببها انت ❤️ لأنه الوقت الكنت فيهو انا في أضعف حالاتي م لقيت غيرك ساندني تفتكر انا اسي م حاسندك!! مش انت ي اسامهه الطول عمرك كنت بتقول لي قوي إيمانك والكاتبهه الله بحصل مش انت القلته لي لو الدنيا كلها اجتمعت عشان تاذيك وربنا م عايز يصيبك ضر ماف حاجه بتجيك مش انت القلته لي انهه اي حاجه بتحصل في حياتنا بتكون مكتوبه ومسطره من يوم اتولدنا ونحن لازم نتقبل ونصبر واي شر بحصل فيهو خير كبير ربنا بس العارفهه وين راح كلامك دا اسي انا م اتعودته اشوفك بالضعف دا ولا عايزه اشوفك بالضعف دا قال لي لين انت م فاهماني دي انت ودا ابوي أصعب خيارين في الدنيا قلته ليهو وانت قلتها بي خشمك ابوي ❤️عارف يعني شنو الكلمه دي ي اسامهه يعني السند والضهر والعكاز يعني الحب والسعادة والأمان يعني الحنيهه والطيبه والحضن القادر يحتوينا في كل الأوقات ، اسامهه انا اتحرمته من ابوي من ٦ سنوات بس للان م قادره اعيش حياتي طبيعيه و م لقيت زول قدر يعوضني ولو جزء صغير من حنانه حتى اقرب الناس لي 💔واوعك أنت تفكر تحرم نفسك منه بي ارادتك لانه صدقني ولا حتى انا حاقدر اعوضك عنه ولو جزء بسيط من فضله عليك اسامهه عاين لي بنظرات كلها حب ووداع ووجع وشوق في نفس الوقت قلته ليهو انا فاهمه عايز تقول شنو والكلام كله واصلني بس اي ي اسامهه انت حتعمل القالو ليك ابوك وبدون نقاش وانا في اللحظه دي بحررك من الارتباط ومن العلاقه دي وعايزاك تعرف اني م حبيت ولا حاحب في يوم غيرك بس صدقني لو الله كاتب لينا نصيب مع بعض ماف حاجه بتمنعه اسامهه قال لي بس ي لين قلته ليهو م بس انا م عايزه اشوفك في يوم ضعيف ولا مكسور كدا وانا حكون معاك بقلبي ودعواتي حترافقك طول م انا عايشه وعايزاك توعدني انك م تتخلى عن إيمانك وصبرك وقوتك دي ابدا واوعك في يوم تضعف للدنيا دي وخليك قوي زي م عرفتك قلته ليهو حتوعدني ي اسامهه قال لي لين وهو بضغط على أيدي قلته ليهو توعدني قال لي بوعدك ❤️ 💔قلته ليهو يلا في رعايه الله و انا حامشي بعد كدا خلي بالك من نفسك وم تفكر فيني كتير انا حكون تمام طول م انت بخير 💔فكيت ايدو ونزلته من العربيه وانا بجري ودموعي م كانت حتقيف دخلته البيت من بابنا الورا عشان عمتي م تشوفني بالحاله دي اترميت في السرير وحسيت انه القوه الكانت جواي كلها أديتها لي اسامهه بحيث م فضلت قوه أقوى بيها نفسي بكيت زي الشافع الضيع امهه في نص الزحمه شلته التلفون واتصلت لصفاء طلبت منها تجي وجدعت التلفون بكيت بكاء يمكن من وفاة اهلي م بكيتهه حتى اهانه عمي ومرت عمي لي دايما م كانت بتبكيني وتوجعني بالطريقه دي من بعد موت اهلي انا م كان عندي أهل غير اسامهه وفقد اسامهه بالنسبه لي كأني بفقد اهلي للمره التانيه اسامهه كان الملجأ الوحيد لي وانا حاليا بقيت بدون ملجأ 💔....
بااااااك
رفعته راسي من حضن صفاء لقيتها بتبكي معاي يمكن قعدنا بالحاله دي اكتر من نص ساعهه بعد شويهه رفعت راسي وقالت لي كفايه بعد كدا خلاص هاك غسلي وشك دا وقومي نصلي ركعتين لله انا م اتعودته اشوفك مكسوره ومهزومه كدا وانا عارفه انه البت الاتحملت فراق أهلها وهي في اكتر وقت محتاجه ليهم فيهو والبت الاتحملت قسوة عمها ومرته وعاشت معاهم لليله قادره تماما انها تتحمل فراق حبيبها وبعده عنها قلته ليها صفاء انا بموت بدون اسامهه ورجعته حضنتها رفعت راسي وقالت لي لا م حتموتي انت قدرها ولو ربنا م عارفك بتتحملي م كان ختاك في موقف زي دا وزي م قلتي لاسامهه فوضي أمرك لربنا والكاتبهه ليك بحصل ويلا نصلي قلته ليها صفاء م تمشي تخليني قالت لي اصلا امشي اخليك وين حفضل معاك الليله وحتصل لي امي اكلمها .....

تقريبا أسوأ لحظهه مرت علي في حياتي لمن قابلته لين وحكيت ليها بالحاصل لحظه دموعها بتنزل وهي بتحاول تقويني وتبين أنها متماسكهه لحظه اتكلمت عن فقد الاهل وسندتني وهي الكانت محتاجه للسند في الوقت دا و٠لحظة ورتني انه انا بالجد خسرته أكبر خساره في حياتي بي فراقي عنها ويا لها من خساره!! وقت ورتني انه الحب م امتلاك بس الحب تضحيه في سبيل سعاده الطرف التاني وراحتهه تضحي بحبك عشان تسعد غيرك رغم سنها الصغير والضعف الكان جواها والمشاكل الواجهتها في حياتها بس كانت بتتماسك عشاني انا كنت عارف انها حتنهار اول م تصل البيت نزلت من العربيه وانا قلبي مشى معاها فضلت اعاين ليها بالمرايهه وهي بتجري زي الطفله وتبعد لحدي م اختفى خيالا وكأنه عيوني م عايزه تشوف غيرها للحظه حسيت اني عايز أجرى وراها واقول ليها م تسيبني انا م بقدر اعيش بدونك بقيت لافي بالعربيه بدون اي وجههه لساعات طويلة 💔 بعدها انت اتصلت علي عشان نودي الحاجه المستشفى ياسر انا من بعدها متأكد م حاقدر اعيش حياتي طبيعي انا عرفته اني اخترته صح من اول يوم حبيتها فيهو من اول مره شوفتها في الجامعة وسط صحباتها بتضحك وشالت قلبي بي ضحكتها حسيت اني م محتاج في حياتي غير وجودها هي بس للأسف م دام لي وجودها واتحرمت منها حتى قبل اصل ليها💔 ياسر ربت على كتفي و قال ليي استغفر ي اخوي وقول الحمد لله على كل حال والجايه من الله بتصيب ولو عندك نصيب في لين بتلقاهو انت بس خليك قوي وبتهون واسي قوم ارجع البيت الحاجه دي خلاص اطمنته عليها وانت عارف امك بتكون قلقت لأنه تلفونك قافل والزمن اتأخر زاتو....

سرح في المرايه شديد بعد استحضارو لي كل الحصل ليله امبارح ولحدي جاء البيت وقال لي ابو انه موافق والليله خلاص عرسهه على واحده أقل م يقال عنه أنه م بطيقها عاين للساعه ألفي يدو ولقاها ماشهه على ١٢ شايف نفسه بالجلابيه والشال والعمه وشايل عصايتهه دي نفس الأحلام الكان بتمناها مع لين نفس الأحلام النسجوها سوا وحلمو بيها سنين بس م قدرو يحققوها والقدر كان أكبر منهم اتذكر لما قال ليها حاطلع احلا منك بالجلابيه والليله هو طالع حلو بس م ليها طبعا 💔 انتهت أحلامه بين يوم وليلة وحيبقي لزوله غيرها سامع أصوات الناس والجوطه التحت نفس الأحلام بس م نفس السعاده اتنهد بضيق اكتر واستغفر ربنا ورجع لي واقعهه سمع صوت ابوهو وهو بنده عليهو من تحت ي ولد اسامهه انزل عشان نحن اتاخرنا على الناس ديل حاضر ي ابوي خلاص نازل قطع صوت كلامه رنة جرس تلفونه رفعه وبقى يعاين بي دهشهه وملامح وشو بتتغير ياها النغمهه المابتغباهو وياهو الاسم ألفي قلبه دواا الروووح غمض عيونه في محاوله منهه لانكار الشايفه بي لسه النغمهه ونفس الاسم فتح الخط بي صعوبهه ورد الوووو وفجأة ملامح وشو اتغيرت بس م بنفس الطريقه اترسمت ملامح خوف وفزع على وشو برمي التلفون من أيدو بدون م يحس وعلامات الصدمهه باينهه عليهو ضربات قلبهه بتزيد لدرجه لو كنت جمبهه حتسمعها حيلهه مات وركبهه م قادره تشيلو قعد في السرير بصعوبهه ومع محاولة منو لي تصديق الحاصل بتمتم بحاول يقول كلام كتير في نفس الوقت بس م قادر حاسي انه م عندو طاقهه يتكلم والدنيا كلها لافه حولو وكأنه اتشل بعد مسافهه ومحاولات منه يقول حاجه بطلع منو اسم بصعوبهه ووجع لييييييين 💔💔💔

وعلى سبيل الهزائم هزمت انا بك... 💔💔

#تعافيت-به
#هويدا عبدالله