تعافيت به

تعافيت به ٣٨ والاخيره

الفرحه كانت ماليه البيت والأجواء حلوه جدا رغم الإرهاق العندنا من عدم النوم الا انه شعور الفرحه غطى عليهو❤️🔥 كنا مبسوطين شديد ماما طالعه ونازله مع الطباخين واسامهه كان مشرف على الضيوف ويستقبل في الرجال اما لينهه فكانت مع النسوان جهزو الاكل والبيت اتملأ ضيوف وعم لينه واولادو ومعاهم صفاء جو وشويهه جاء عمو معاويه وناس الشركه وعمتي واولادها  لينه استقبلتهم وضيفتهم وطبعا في الجوطه دي كلها انا كنت قاعده في غرفتي وزعلانه وبسرح في شعري وبنبز في مازن واياد الجزم ماف واحد رد على اتصالاتي ولا حتى رسايلي ولا رجعو لي فجأه جوني البنات في الغرفه شهد قالت لي العروس قبضناك بتتكلمي مع منو ي اختي ولا جنيتي لمن بورتك اتفكت م صدقتي صاح ريم قالت ليها خليها بتكون الفرحه فوتت بيها ي يمه مازن النصري بي حالهه عايز يعرسها احي بس ولويه قالت ليهم يخسي عليكم النصري دا شنو كمان نور زاتها كتيره عليهو وتلقى هو الما مصدق قلته ليهم تصدقو وتامنو بالله انكم رمم شهد قالت لي وم نصدق ليه 💅قلته ليها شهد 😒ضحكت قالت لي خلاص معليش قلته ليها اسي بدل تقولو لي حمد الله على سلامه بابا تستلموني كدا قالت لي ي اختي نقول ليك انت لشنو كفايه قلنا للتحت انت م ضروري ولو عايزه يقولو ليك كان تنزلي تحت مع الناس بدل انت قاعده تتكلمي مع نفسك هنا جنيتي خلاص ريم قالت لي ركزي معاي ي اختي مالك ماده بوزك مترين وبتتكلمي براك دا قبل تعرسي لمن تعرسي حيحصل فيك شنو 😹ولاء قالت لي نور مالك انت الزعلك منو شهد قالت ليها أمنا الحنون كدي زحي لي كدا عشان م الطشك كف انت وهي وقالت لي هوي ي بت هاا انا م بنضم معاك في شنو مالك في زول ابوهو قام من مرض والليله خطوبته  بصر صرتك دي قلته ليها لا خطوبتي لا زفت م دايره خطوبه انا قالت لي انا كدا عرفته😹 مالو النصري معاك ي اختي فضفضي قلته ليها تخيلي المعفن من امس م برد علي ورسلته ليهو انه بابا صحى م رد علي ولا قال لي حمد الله على سلامته ولا شي وم براهو حتى الكلب الاسمه إياد معاهو قالت لي دا السبب المخليك قالبه خلقتك فينا احب ابشرك ي اختي انا زاتي كنت عايزه أسألك من إياد لأنه برضو م برد علي وحتى على تلفون البيت ماف زول رد فشنو استكيني قلته ليها طيب ي شهد اكيد في حاجه حاصله معاهم دي م عوايدهم على فكره قالت لي ي بت اتفائلي بالخير يعني حيكون حاصل شنو اديهم صنهه اسي برجعو لينا أو بتلقيهم في خلقتك فشنو اهدي والبسي ملابسك دي خلينا ننزل نشوف ناس امك عايزين شنو بدل م انت مخليه الشغل كله في راس لينه البنت دي عندها طفل على فكره م معقول أمور الحموات البتعملي فيها دي 😒انجري البسي قلته ليها حمى تمسكك جيبي الملابس دي شلته منها ملابسي ودخلته جهزته بعدها نزلت مع البنات تحت وكانوا بدو يوزعو في الفطور وتقريبا نص الناس فطرت بابا كان في الصالون ومعاهو عم معاويه واسامهه ماسك ولدو وخالد راجل عمتي و باقي الرجال وماما كانت مع النسوان ولينهه مع الطباخين دخلته انا والبنات وبقينا نساعد في لينه ونوزع معاها في الأكل للناس الما فطرت والبارد وبعدها عملنا الشاي والجبنه ونص الناس طلعت والضهر أذن وماف لاحس ولا خبر عن مازن ولا أهله💔 بعد الضيوف طلعوا والبيت بقى شبهه فاضي بس معانا صحباتي وعمو معاويهه بابا ناداني مشيت عليهو وانا اصلا زعلانه وعايزه اليسالني قال لي ي بتي انت م كلمتي الناس ديل ولا شنو مالهم م وصلو واتلفت على اسامهه قال ليهو الحكايه شنو انت م اتصلته عليهم اسامهه قال ليهو والله ي حاج اتصلته كتير بس ماف زول رد للأسف 💔قلته ليهو حتى انا ي بابا اتصلته عليهم بس ماف زول رد 💔بابا أتلفت على اسامهه وكأنه بحاول يعرف هل مازن زول جادي في كلامه ولالا وقال ليهو في شنو بالضبط اسامهه قال ليهو لالا ي حاج ماف حاجه أن شاء الله المانع خير اطمن اكيد في سبب قوي منعهم م يوصلو للان شويهه ونفهم الحاصل انا طبعا فهمته قصد بابا طلعته طوالي صوره وشي ودموعي عايزه تنزل سمعته صوت كبابي بتقع وماما بتقول بصوت عالي كمال املعلى صوت الكبابي اسامهه وعمو معاويه وبابا كلهم طلعوا وكلنا قبلنا على اتجاه ماما وحصلت لحظة صمت غريبه لما شفنا تالين واياد ومازن بس قدامهم كان في أوجه م غريبه علي ابدا وبعد صرخة ماما وهي لسه بتعاين باتجاه الباب وبتردد امل،كمال اتأكدته تماما انه القدامي ديل م هم إلا أهل اسامهه اخوي بس السؤال ليهه جايين مع مازن واياد؟ وكيف اصلا طلعو عايشين؟. اسئله كتيره كانت بتدور في راس الموجودين وبابا وماما عيونهم كانت مليانه دموع وحتى عمو كمال وخالتو امل كان عندهم نفس الشعور اما البقيه ومن ضمنهم انا كنا واقفين مصدومين بابا حاول يمشي بالعكاز سريع على اتجاه عمو كمال ودموعو خايناهو وكأنه م مصدق وم كان قادر ينطق ولا حرف بس م قدر فوقع على الأرض صرخته وعايزه أجرى عليه جاء عليهو عمو كمال وسبقنا وقعد معاهو في الأرض وقال ليهو عماد اخوي  وحضنو والدموع كانت وليدة اللحظه 💔وماما مشت  على خالتو امل وبقت تبكي معاها وتقول ليها انتو عايشين ي امل كنتو وين السنين دي كلها كنتو وين وهي بتبكي خالتو امل م نطقت بي حاجه بس كانت حاضنه ماما وبتبكي بي حرقه بعد مسافه قالت ليها ولدي وين ي سوسن عايزه اشوفو ماما أشرت ليها على اسامهه  ولينه الكانو واقفين وكلكم عارفين شعور اسامهه في اللحظه دي كان كيف وتقريبا ماف زول من الموجودين م اتاثر من المنظر دا خالتو امل مشت على اسامهه ومسكتو من وشو وكأنها بتتفحص ملامحه الاتحرمت منها سنين طويله بعدها حضنته وهي بتقول ليهو احيييي ي ولدي احييي ي جنى حشاي اخيرا شفتك قبل م اموت اخيرا قدرته اللمسك اسامهه حضنها عليهو وقال ليها امي ودموعو نزلت معاها  صحيح اسامهه م بعرف امه وابوهو لكن بابا حكى ليهو كتير عنهم 💜بعد مسافه عمو معاويه جاء باتجاه عمو كمال والدموع في عيونه سلم عليهو وحضنهه عمو كمال سلم على عمو معاويه بي لهفه وشوق بعدها فكاهو ورفع بابا من الأرض ومسكو عكازو بابا قال ليهو انت عايش ي كمال كنت وين السنين دي كلها ليهه م اتصلت علي ولا حاولته تتواصل معاي؟ عمو معاويه قال ليهو ي عماد استهدا بالله وخليهم يدخلو يتفضلو عشان نقدر نفهم حاجه وقال لي ناس مازن الكانوا واقفين في الباب اتفضلو ي أولادي تعالو اسامه قال لي امهه تعالي جوه اما البنات حسو انه الوضع اتكركب فاستاذنو وطلعوا بقينا قاعدين بابا سلم على خالتو امل واستغفر ربنا وقال لي عمو كمال كنت وين ي كمال ممكن اعرف كنت عايش السنين دي كلها وم كلمتني ولا حاولته تتواصل معاي ليهه؟ انت عارف انا فتشته عليك قدر شنو؟ انا م خليت مكان م سألته عنكم فيهو عمو كمال قال ليهو عماد اهدا الله يرضى عليك كله حتعرفو في وقته اسي خليني اعرفك على أولادك وقبل على مازن قال ليهو دا مازن كمال النصري❤️ ودا إياد كمال النصري❤️ ودي تالين كمال النصري❤️ أولادي وقبل على اسامهه ومشى باتجاه وقال ليهو دا اسامهه كمال النصر م غيرو صاح ❤️🔥وحضنهه مسافهه ودموعو نزلت وقال ليهو بقيت راجل وطول ابوك وانا متأكد انه عماد عمرو م قصر معاك في حاجه بس اعفي لي ي ولدي تقصيري انا اتمنيت اعيش واشوف اللحظه دي كتير 😔اسامهه قال ليهو العفو ي حاج وزي م قلته ابوي عماد ما قصر معاي في حاجه ربت على كتفه وفاكهو بابا قال ليهو يعني شركات النصري الأنا افتكرتها اسم على اسم م كانت الا حقتك انت زاتك شوف الدنيا دي ضيقه كيف كنا قريبين من بعض المده دي كلها وم قدرته اشوفك الا اسي عمو كمال قال ليهو القدر ي صحبي قال ليهو طيب انا عايز تفسير للحصل كلهه قال ليهو اااخ ي صحبي الحصل هو.......الخ
وحكى لي بابا الحصل كلهه وكيف انه ضحى عشانه بابا حضنه تاني واي واحد فيهم طلب السماح من التاني اسامهه عرف أمه وابوهو على لينه وولدو ومشى سلم على إياد وتالين ومازن بشوق ومحبه وانا كنت واقفه بعيد وبراقب في البحصل دا مصدومه من غير م انطق كلمه بس دموعي كانت بتنزل بابا أشر لي انهه اجيهو مشيت باتجاهو مسكني من أيدي وقال ليهو دي عمو كمال قال ليهو م ممكن غير أنها تكون نور بتي ومرت ولدي ❤️وسلم على في راسي وحضني بابا قال ليهو يعني طلعنا في الاخر حنرجع نبقى أهل وأصحاب زي زمان عمو كمال قال ليهو يعني انت موافق على زواج نور ومازن قاليهو وانا ح القى زي ولدك انت وين عشان م اديهو بتي وانا مطمن 💜عمو كمال قال ليهو بس انا عندي شرط بابا قال ليهو خير؟؟! عمو كمال طلع ورقه من جيبو ومداها لي بابا وقال ليهو اتفضل بابا ملامحه اتغيرت لما فتح الورقه وقال ليهو كمال دا شنو؟ عمو كمال مسك ايد بابا وقال ليهو دا حق ي صحبي ولازم يرجع لي أصحابه انت في يوم بعته املاكك عشان خاطر امل  وخسرته خساره كبيره بي سببي وانا عالجته امل وباقي القروش عملته بيها شغل وأول ما بدا ينجح كتبته النص بي اسمك وفي وصيتي كتبته لي أولادي الكلام دا بس لما المرض غلبني اتمنيت شوفتك عشان كدا حكيت لي مازن وطلبته منه يفتش عنك 💔 طبعا مازن دا أكبر أولادي وانا اسي عايز ارجع الحق لأصحابه وم تعترض ي عماد انت عمرك م قصرته معاي في شي وكل الأنا بملكه حاليا دا من خيرك انت فاسمع كلامي وشيلو وريح بالي بابا قال ليهو انا مقدر كل القلته لكن كيف تقول خيري وانت نسيت خيرك علي كمال تخليك عن ولدك عشان سعادتي انا دا براهو بكنوز الدنيا وماف زول بعملو قروش شنو كمان الأنا بشيلها منك حرم قرش يدخل علي ماف عمو كمال قال ليهو عماد م تعاند ياخ وخلي قوة الراس دي الشركه حقتي عندك فيها زي م انا عندي واكتر كمان بابا قال ليهو وانا م عايز حاجه قلته ليك ودا آخر كلام عندي اسامه قال ليهم ي حاج الاتنين اتلفتو عليهو ضحك وقال ليهم انا اكتر زول محظوظ في الدنيا دي يعني انا عندي حاجين وحاجتين كمان 😹 المهم انتو اسي صلو على الرسول قالو ليهو عليه الصلاة والسلام اسامهه قال ليهم انتو زعلانين عشان الموضوع  البسيط دا طيب انا عندي ليكم حل ظريف ومرضي للطرفين وجاء باتجاهي انا ومازن ومسكنا من أيدينا وقال ليهم رايكم شنو انه تخلو الأملاك دي للعرسان ديل هديهه بمناسبه زواجهم القريب وبكده ماف زول حيزعل🔥 مازن قال ليهو لكن ي اسامهه، اسامهه قال ليهو هي ي ولد انا اخوك الكبير  انت حاليا م مديري في الشغل لما اقول حاجه تتسمع فاهم مازن سكت ودنقر راسهه اسامه ضربه في كتفه وضحك وقال لي بابا اها قلته شنو عمو كمال قال ليهو خير م قلته ي ولدي بابا قال ليهو على بركه الله لو كدا💜 بعدها فضلو يحكو ويتونسو وخالتو امل ماسكه في اسامهه ولينهه وبتتونس معاهم اما عمو معاويه وبابا وعمو كمال كأنه بسترجعو في الذكريات والايام المرت عليهم وعمو كمال حكى لي بابا عن قصته مع الكانسر وأنه كيف قدر يتغلب عليهو عشان كانت عندو الرغبه وتمسكهه بالحياه عشان يرجع يشوف اسامهه وبابا من تاني اما اياد وتالين ماسكين عماد الصغير وبلعبو فيهو وبضحكو ومازن كان بحاول يتكلم معاي بس انا كنت زعلانه منو وم اديته وش واستاذنته اني عايزه اشرب وطلعته مشيت المطبخ فتحت التلاجه فجأه حسيت بحركه زول وراي اتلفته لقيته مازن لزاني على باب التلاجه حاوطني بي ايديهو وقال لي ممكن اعرف حبيبي الحلو زعلان مني في شنو قلته ليهو م زعلانه انا  زح مني لو سمحت قال لي ولو أبيت  قلته ليهو ح اصرخ والم عليك الناس قال لي صرخي ماف زول حيشتغل بيك واحد بتفاهم مع مرته عايزين مننا شنو قلته ليهو م مرتك وم عايزه اكون مرتك زاتو غيرته رأي ضحك  و وهو برفع حاجبه وقال لي والله قلته ليهو اي لما تكون بتهتم بي اول بعدين تعال قول حبيبي ومرتي 🙂يعني أمس اتصل عليك دا كله وم بترد علي ولا تفكر ترجع لي كمان زح مني كدا ولزيته مسك ايديني الاتنين بي ايد واحده وحضني بي ايدو التانيه من ورا وقال لي نور ياخ ممكن تهدي وتسمعيني انت م عارفه حاجه والله امس نحن عرفنا انه اسامهه طلع اخوي وابوي كان بحكي لينا عن الحصل دا كلهه عشان كدا الجو اتكركب وم قدرته ارد عليك واسي بقول ليك حقك علي ي ستي وانا اسف بس م تبوزي لي كدا لزيتو وقلته ليهو ولو برضو م بشفع ليك لو بهمك كان رديت على فجأه مسكني من نصي ورفعني في المسطبه بتاعت المطبخ قال لي يعني الحصهه نكد ماف مجال قلته ليهو قصدك انا نكديهه🙂 ضحك وقال لي لا طبعا انت احلى نكديه في حياتي  قلته ليهو بالله م تحنكني مسكني من وشي وقرب أنفي من انفه وهو بعاين في عيوني وقال لي والله وعشان انا م بحب اشوفك زعلانه انا اسف ي ستي وبوعدك تكون اخر مره هاا سماح المره دي ولا لسهه زعلانه رفعته ايديني في اكتافه وقلته ليهو اممم افكر ضربني في راسي على خفيف وقال لي حيوانه ضحكته وانا بعاين ليهو وقلته ليهو حيوانه بتحبك تعمل شنو  قال لي تعمل شاي بلبن  قلته ليهو انعل ابو تفاهتك قال لي علمتيني انت والله ربنا يحلني بس القاها منك ولا من اولاد النصري  قلته ليهو انت لاقي تتعلم من نور الحسيني السخافه ي سيد مُمل 😌 قال لي بالله وسيد ممل دا اسم جديد ولا شنو اضيفو لي قائمه متوحش مغرور ومنفسن  قلته ليهو اعي  جراني من خدودي وقال لي اعي في عينك قلته ليهو مازن ياخ بطل ضحك وقال لي أبيت ي زوله م ببطل خدودك زي المارشملو مغريه ياخ ❤️ قلته ليهو دا لحم ودم على فكره مارشملو في عينك 😹 سمعنا صوت بقول احم احم كان إياد قال لينا سيدي ي سيدي على الحُبكانيات والرومانتيكيات😌 مازن فكاني قال ليهو اتلم ي ولد قال ليهو انا برضو الأتلم لو خلصتو المارشملو بتاعكم اقصد  الحب بتاعكم دا الحاج بناديكم ضحكته وقلته ليهو غياظ دا قال لي اي عارف قطعته ليكم اللحظه بس معليش انا اصلا بحب اخرب اللحظات الظابطه وبعدين عايزين يحددو عرسكم عشان تقلو ادبكم بي راحتكم تاني ضربته في كتفه وقلته ليهو م تبطل تفاهه  مازن قال ليهو اطلع قدامي ي ولد بلاش قله ادب معاك داقي صيوانك معانا مالك أنت انجر قدامي  ضحكنا ورجعنا الصالون بابا قال ليهم اها العرسان جو يلا بشروهم خالتو امل جات علي وقالت لي مبروك نحن حددنا عرسكم الأسبوع البعد  الجاي قلته ليها بس قالت لي لالا م عايزين بس انت حلاتك اصلا وم محتاجه حبس ولاشي كتير وانا مستعجله دايره يكون عندي مرت ولد تانيه واسوقهم الاتنين معاي البيت ❤️ماما الكلام وقع عليها زي الصاقعه وم ماما بس كلنا زي الصبت فينا مطره بعد كلام خالتو أمل عمو كمال قال ليها امل قالت ليهو كمال لو سمحته انا اتحملت كتير بعيد عن ولدي وسوسن الحمد لله ربنا رزقها ببنت زي القمر خلوني اعيش باقي عمري مع ولدي الاتحرمته منو دا ومشت مسكت ماما من ايدها وقالت ليها انا غلطانه ي سوسن كلامي فيهو حاجه غلط اتحرمته من ولدي سنين م ح تخليني اقعد معاهو شويهه😔 وبعدين نحن بقينا قريبين من بعض وأهل يعني في أي وقت ممكن يجي يزوركم ولا م كدا ماما العبره مسكتها بس م حبت تحسس زول مسكت ايد خالتو امل وقالت ليها اكيد ي امل دا ولدك ومن حقه يعيش معاك وزي م قلتي دا بيته وداك بيته ممكن يجي يزورنا في أي وقت قلته ليها ماما بس قالت لي نور م عايزين نقاش الموضوع دا اتحسم خلاص اسامهه كان واقف وساكت وتقريبا م حبه يكسر بخاطر امهه أو يحرجها قالت ليهو يلا ي اسامهه عشان تمشي معانا قال ليها حاضر ي امي مش عايزاني امشي اعيش معاكم انا م عندي مانع ابدا بس ممكن تخليني اكمل واجبي كاخ لآخر مره بعد عرس نور ومازن انا حجي اعيش معاكم قالت ليهو طيب ي ولدي على راحتك بس انت وعدتني قال ليها أن شاء الله بعدها استأذنو وطلعوا ماما م حبت تبين لي اسامهه انها متضايقه أو كدا بس انا كنت عارفه اسامه حاسي بي شعور ماما ودا السبب الخلاهو يقعد لحدي بعد العرس واكيد عندو حاجه في راسهه عايز يعملها عشان كدا م اتناقشته معاهو بعدها بدينا في موال التجهيزات لأنه م عندنا وقت كافي وكان عندنا حاجات كتيره لازم تتعمل البنات جو قعدو معاي رسمي وبقينا في موال الحبسه والشيله وجرى السوق الكتير ماما كنت أوقات كتيره بشوفها بتبكي بالدس وكأنها م عايزه العرس ينتهي عشان انا و اسامهه م نبعد💔 بس م كانت بتظهر كدا طبعا عمو عبدالله واولادو جو وعمو الرحمن واولادو برضو وجدو وحبوبه ورؤى وسلمى ومنيب ومهند كلهم نزلو السودان عشان العرس❤️ البنات نزلو معاي والأولاد مع مازن اما حبوبه زعلانه شديد وداخله ومارقه تهرج في ماما وتقول ليها من ياتو يوم عندنا بت بحبسوها اسبوع واحد دي قلة أدب جديده والله غايتهه عملت لي موضوع وكانت بتقعدني في الدخان ٣ مرات في اليوم شوتني شيهه عدت الايام سريعه ويوم الأربعاء كانت حنتي طلعته رهيبه هججنا قدرتنا وحتيناهو حت م خلينا شي وشهد كانت بتصور وترسل لي إياد واياد بوريها لي مازن غايته فضحتني فضيحه معاهم واظنهم بقولو العروس خفيفه وم مصدقهه من كترت م حتيتو يوم الخميس كانت حنة مازن ورسل لي صورو بالجلابيه والحنه يحردوها ليهو مع لونه القمحي نااار بس🔥يوم الجمعه كان العرس ومن الصباح  في الكوفير ومعاي رؤى بس اما شهد والبنات كانو مع ماما ولينه في البيت عشان يساعدوهم وم جوني الا المساء وجات معاهم لينه  وصفاء صاحبتها وخلت عماد لي ماما بعدها جهزو واتمكيجو طبعا البنات قصو فساتين مع بعض وكانت باللون الكحلي وكلهم محجبات حتى ريم مع اختلاف اللفات وأشكال التوربان❤️ولينه لبست معاهم توب بالكحلي مع انه حنسناها تلبس فستان بس قالت اسامهه م برضى وانا سلفا عارفه انه اسامهه ابجيقه فقري وعولاق ومدام قال لا معناها لا عشان كدا م حبيت البنات يضغطو عليها وخليناها على راحتها اما انا اخترت البس فستان زفاف بحجاب مفاجأه لي مازن🔥 مع اني قلته ليهو حعمل تسريحه والبس الفستان الملكي اللي هو فستان أحلامي من زمان واتناقشته معاهو في الموضوع دا وطلع حلو شديد علي الحاجه الكنا متفقين عليها انه يجيبني اسامه من الكوفير وفعلا اسامهه جاء ومعاهو إياد ومنيب وياسر ومهند واتحركنا على الصاله انتظرنا في العربيه بره واياد واسامهه دخلو عشان العقد واياد م قصر معاي نهاي اتصل على شهد فيديو وخلاني اشوف تفاصيل العقد كلها❤️ بعدها البنات دخلوا اصلا كنا عاملين دخله معينه اللي هي البنات وقفوا بي جهه والأولاد بي جهه ومازن كان واقف آخر واحد في صف الاولاد❤️ وكل واحد كان ماسك في أيدو ورده وقصادو بنت فأنا بجي داخله اول بقيف قصاد مهند بمد لي الورده ببتسم ليهو وبمشي بخليهو بعدها بمد الورده للبنت القصادو اللي هي رؤى بتشيلها منو وبتماسكو وبقبلو على اتجاهنا وانا بتحرك على ياسر وبحصل نفس الحصل مع مهند لحدي م اصل لي مازن البكون شايل البوكيه بتاع الورد اول م مشيت عليهو نزل بي رجل واحده على الأرض ومدا لي البوكيه 🔥هناالزغاريدوالصفافير م تديك الدرب ابتسمته وشلته منو الورد ورفعته من الأرض بعدها ماما امل وماما جو شايلين سله مزينه بالورود وفيها الدبل اتبادلنا الدبل وسط الزغاريد وفرحه الاهل اشتغل الأسلو والشباب عملو دايره حولينا وبقينا في النص ❤️اللهفه والدموع الشفتها في عيون مازن لما شافني بالحجاب براها كانت حكايهه أثناء م نحن بنرقص مازن باسني في راسي وقال لي م اتخيلته انه تتخلي عن الفستان عشاني قلته ليهو انا بعمل اي حاجه عشان م ازعلك وعلى فكره انا اصلا كنت بجاكر فيك ومن البدايه اخترته الحجاب عشان اشوف الفرحه اللي على وشك دي ابتسم وقال لي انا فرحتي كملت بيك وحياتي اتلونت من يوم انتي دخلتيها❤️قلته ليهو عارف ي مازن انك عوض ربنا الحلو بالنسبه لي وجبر الخاطر لكل الايام السيئه الأنا عشتها دخلت حياتي في وقت انا بالجد كنت محتاجه فيهو لسند وكنت انت سندي وقفته معاي في أصعب ايامي وعلمتني كتير في الوقت الأنا احتجته فيهو العافيه كنت عافيتي اتعافيت بيك من وجع الايام المره  مش كان نفسك تسمعها مني طيب انا بقولها ليك اسي انا بحبك شديد ياخ وبحبك اكتر من اي حاجه في الدنيا دي ابتسم ورجع باسني تاني وقال لي وانا بموت عليك ي احلا شافعه في حياتي واوعدك انه طول م انا عايش حاكون معاك وساندك وايدي م حتفك ايديك وم انت الاتعافيتي بس ي نور حياتي لا انا الاتعافيت بيك وحولتيني من شخصيه بارده وعصيبه لي شخصيه مرحهه كل الناس بتحبها كنتي نوري وسط ظلمة الايام و علمتيني كيف اكسب حب الناس م خوفهم واكون قوي انا استقويت لما شفته قوتك وكيف بت في عمرك كانت قادره تحارب الظروف دي براها فربنا يديمك لي قوه وعمر واعمار حبيبي... ❤️