تعافيت به

تعافيت به ٢٣

قلتهه ليهو  الطياره حرقت 💔💔قال لي للأسف ي بتي انا وابوك بعد سمعنا الخبر جرينا على المطار واعصابنا تلفانهه ونسبه لأنه الحادث مأساوي شديد راحهه فيهو ضحايا كتير وكان في كميه بتاعت ناس عايزه تعرف عن أهلها حاجه وحصلت حاله بتاعت فوضى ورعب في المطار بعدها فضلنا تلاته يوم منتظرين زول يفيد بأسماء الناس الكانت في الطياره بس اتضح انه في سجلات اتفقدت نسبهه للفوضى الحصلت في المطار بسبب الحادث وأسماء امل وكمال م كانو من ضمنهم وحتى الجثث الطلعوها من البحر م كانت لي واحد فيهم ابوك كان مصر جدا انهه يواصل بحث وابدا م اقتنع بي موت كمال وفضلنا على الحاله دي كم شهر في النهايه استسلم وعملنا ليهم عزاء 💔بعد سمعته الحقيقه دي من عم معاويه قلبي وجعني على بابا واسامه شديد رجعته البيت ودخلته غرفتي طوالي غيرته ملابسي وانا لسه جواي الف سؤال ليهه ماف زول قال لي الكلام دا قبل اليوم؟ وهل خالو كمال عايش ولا ميت؟ وطيب ليهه عمتو بتقول عنهه حرامي؟ وسبب المشكله الكانت بينهه وبين بابا شنو؟ حسيت راسي حيطق من التفكير كان لازم أواجه بابا بالكلام دا عشان اشيل الاستفهامات دي نزلته تحت لقيت حبوبهه وماما راقدين في الصالون بتونسوا سلمته عليهم وقعدته معاهم شويهه سألتهم من جدو قالوا انهه طلع عندو شغل سألته من بابا قالوا في غرفتهه حسيتها فرصهه مناسبه لي دخلته المطبخ عملته شاي وكان في باقي كيك في التلاجه ختيتو في صحن وشلته الصينيه وكبايتين شاي وكبيت الشاي في البراد وطلعته لي بابا في غرفتهه دقيت الباب قال لي اتفضل دخلته ولقيتو راقد في السرير وجمبو صندوق كبير وباين عليهو قديم قلته ليهو ي حجوج شنو لكن مشتاقين نحن والله ختيت الصينيه في التربيزه ومشيت عليهو حضنته قال لي اهلا بي ست البنات الرايقه الليله وجايهه تشرب شاي مع ابوها قلتهه ليهو شفتهه كيف دي اسمها غنجه ي حاج عايزه استغل عدم وجود مدام سوسو هنا واخلطك بي مزاج لأنه طولنا ضحك وقال لي م بتعقلي نهاي انت قلته ليهو لازم لازم 😂وبديت اكب في الشاي مديت ليهو كبايته وقلته ليهو اها طمني حاسي نفسك كيف الليله؟ اخدتهه ادويتك قال لي الحمد لله قلته ليهو اعمل حسابك الأسبوع الجاي حيبدا معاك المعالج الفيزيائي قال لي اي معاويهه كلمني قلته ليهو ياخ عمو معاوية دا طيب شديد ي بابا مستحيل انسى وقفته معانا في الأوقات دي بس انت ليهه م قلته لي انكم أصحاب من بدري؟ قال لي معاويه دا عشرة عمري ي نور طفولتي كلها معاهو م فرقتني عنهه الا سنين القرايه وسفروا الكتير بدايه مشوارو لكن اول م جاء السودان بعد مشاكل الشركه حقتي شغلته معاي طوالي ووقفنا الشركه على حيلها من جديد بس انت عرفتي كيف اني بعرف معاويه من بدري قلته ليهو اممممم م هو حكى لي عاين لي مسافهه ورفع حاجبهه وكأنه عارف انا عايزه اصل لشنو من تلميحاتي شلته كباية الشاي وقطعته حته من الكيكه وعملته نفسي بشرب قال لي معاويه حكى ليك شنو بالضبط قلته ليهو اااا اممم هو حكى لي عنك انت وعن طفولتك وعن عمو كمال أبو اسامهه !! لمن قلته كدا بابا سكت وملامحه اتغيرت ورجع بي جسمهه لي ورا واتكل على السرير قلته ليهو بابا الله يرضى عليك م تزعل مني انا والله م قاصده اضايقك أو اجيب ليك سيره اسامهه ولا موضوع انت م عايزو بس انت كمان فكر فيني شويهه من يوم اسامهه مشى من البيت وانا عندي الف سؤال بدور في راسي بس م لاقيه ليهم جواب عقلي حيتشل من التفكير الكتير اسامهه هو منو؟ وماضيهو شنو؟ والأسباب الخلتهه يعمل حاجه زي دي؟ يعني انا عمري ١٨  وشويه وادخل ال١٩ سنهه عشته الايام دي كلها على أساس اسامهه اخوي أجي اتفاجأ بين يوم وليله انه م اخوي طيب ليهه ماف زول فيكم جاب لي سيره الموضوع دي ليهه دسيتو عني الوقت دا كلهه؟ وحتى اسامهه انا م عارفه عنه حاجه حاليا وداخله في ضغوطات من كل الجهات فضل ساكت ومقبل عني في الاتجاه التاني وم قال لي اي حاجه حسيت بضيق ويئسته في انهه يتكلم قلته ليهو طيب ي بابا معليش م تزعل نفسك انا حقفل الموضوع دا وم حفتحو ليك تاني وعايزه اطلع قال لي انت فاكره انهه اسامهه هاين علي اسامهه انا الربيتو بي ايدي دي من كان عمرو شهور بسيطه وعلمتهه وكبرتو اسامهه انا استندته بيهو في الدنيا دي وعملته ضهري بس هو خان ثقتي فيهو وكسرني💔 قلته ليهو بس ي بابا انت م اديتو فرصهه يبرر أو يشرح ليك حاجه انت عاقبته من دون تديهو فرصهه عشان يوريك الحقيقه مش احتمال تكون ظالمو قال لي الحقيقه كلنا شفناها ي نور وسمعناها أظن تاني ماف حقيقه اكتر من كدا قال لي اديني الصندوق الوراك دا اتلفته كان صندوق خشبي من الطراز القديم ومنحوت فيهو بي طريقه حلوه مديتو ليهو فتحو وطلع منو صوره قديمه ومداها لي شلته منو الصوره وشفتها كانت فيها ماما ومعاها واحده قاعدين في كراسي وبابا وجمبو واحد بشبهه اسامهه شبهه شديد واقفين وراهم قال لي دا كمال صحبي والجمبو تحت دي امل زوجته يعني ام اسامهه وابوهو وطلع صور كتيره وبدأ يوريني ليهم كان واضح انهم أصحاب شديد يعني صور من هم صغار لحدي م كبروا وصورهم بعد الزواج وصورهم مع عمو معاويه فجأه وقعت في أيدي صوره وكانت الصدمه "ودي نفس الصوره اللي لقاها مازن في الصندوق" الصوره بظهر فيها بابا وماما ومعاهم عمو معاويه وخالو كمال وخالتو امل والصدمهه شنو انها شايله طفل صغير في ايدها!؟؟ يعني الطفل دا منو؟؟ اسامهه!!!! قلته ليهو بابا دا اسامهه قال لي ايوا دا اسامهه هنا عمرو ٣شهور أو اربعه م متذكر قلته ليهو طيب على حسب الكلام السمعتو من عم معاويه انه خالتو امل دخلت في غيبوبهه من بعد الولاده وكانت تعبانه  طيب كيف هي حاليا موجوده في الصوره وشايله اسامهه في ايدها؟ انا م فاهمه حاجه؟؟ والطلعه دي م جاب لي عنها سيره ! سكت وزفر بي ضيق وقال لي في حقايق كتير ي نور ماف زول عارف عنها شي غيري انا وكمال ولاحتى عمك معاويه  وبالنسبة الموضوع دا فامعاويه بتكون اختلطتت عليه الأحداث لانه م كان متواجد طوالي قلته ليهو طيب حقايق زي شنو ي بابا قال لي...فجأه سمعنا صوت الباب دق سكت وقال اتفضل كان جدو دخل علينا سلم وقال م اكون قطعته كلام الاب وبنته بس بابا قال ليهو العفو ي حاج اتفضل قلته ليهو لالا ي جدو معقوله انتهبت انه بابا جرا الملايهه وغطى الصور والصندوق الكان جمبهه فهمته انه بابا م عايز يفتح الموضوع دا قدام جدو بعدها جدو بقى يسأل بابا عن صحتهه ويحكي ليهه عن الحاصل في البلد والمواضيع جرت وعرفتهه انه بابا م حيكمل لي تاني لقيت ماف حل غير استاذنتهم وطلعته وانا راسي بودي وبجيب دخلته غرفتي لقيت مكالمات كتيره من إياد ومكالمه من شهد رجعته لي شهد واتذكرته اني واعداها امشي معاها السوق الليله ومع الشغل نسيت زلتني وكوركت وجاطتت وعملت موضوع بعد حب وتحنيس حتى رضت وقفلت في وشي بعدها رجعته لي إياد اول م رد قال لي دب الباندا كنت نايمه صح اصلا غير تنومي اليوم كلهه م عندك شغله قلته ليهو دب يطلع فيك يهرسك ي سجمان والله م نايمه ولا حاجه بس كنت في الشغل ومن بعدها جيت اتونسته مع بابا قال لي اهاا حنك البت مشغوله ومساكهه شركات وم فاضيه وبتاع صاح قلته ليهو إياد م فاقداك والله اخلص عايز شنو قال لي شنو العايز شنو مش اتكلمته معاك الصباح وقلته ليك تمشي معاي المطار بكرا عشان استقبل اخواني وقلتي لي بديك خبر وبي وشك تاني 👊قلته ليهو ششششت والله نسيت عديل وم أظن حقدر امشي معاك بكرا ماخده مواعيد مع صاحب الصفقه الاتلغت ولازم امشي مع عم معاوية ونتكلم معاهو 💔قال لي حزينه منك والله كيف يعني نسيتي انت حيوانه ولا شنو لالا ظابط ي بت الحسيني تديني ماسوره انا على فكره المواسير دي تخصصي انا ماف زول بموسرني 👊قلتهه ليهو إياد بطل دراما م فاقداك انا وربي تعبانه ويومي كان زي الزفت خليني اتخمد عشان اعرف اشوف شغلي بكرا قال لي خلاص طيري نومي نوم الظالم عباده قلتهه ليهو تطير م ترك أن شاء الله😹 المهم سلم لي على اخوانك لحدي م القى وقت فاضي والاقيهم قال لي شوف بت الحسيني عامله فيها مهمه رايك شنو انهه انت الحتستني وقت وتتمرمطي لمن زيتك يطلع عشان تشوفي اخوي 😂قلتهه ليهو كيف م فهمته؟! قال لي انت قايله السان داك  بشبهه العبد لله المسكين القدامك دا، انسي دا اكتر كائن مشغول وم فاضي وعصبي ومستفز ممكن يلاقيك في حياتك قلته ليهو بالله يلا مع نفسك انت واخوك ولو م عايز يلاقيني زاتو يتلهي م عايزه منو حاجهه ضحك قال لي ي غبيه م ح يتعامل معاك كدا انت طبعا لانهه انا بجلاله قدري الحعرفك عليهو 😌قلتهه ليهو م عايزه اعرفك ولا اعرفو ومن وشي ي إياد لأنه عيني طلعت بالنعاس قال لي كدا تكسر بي خاطري عشان بحبك 😔💔قلته ليهو دراما نص الليل لالا كدا كتير وطق قفلته فيهو الخط ورقدته نمتهه...

عارفهه ي امل نفسي في شنو اسي؟ نفسي الاقي عماد واشوف ولدي بقى كيف؟ م قادر اتخيل شكلهه حتى ي ربي بشبهني ولا بشبهك ملامحه عامله كيف الوعد الانا قطعتوا على نفسي وعلى صحبي من زمن خلاني ضعيف شديد وعاجز حتى اسأل عنهه نزلت دمعه من عينها ومسحتها و قالت لي ممكن تقفل سيرة الموضوع دا وم توجع قلبي اكتر من كدا مش كفايه الوجع الوجعتني ليهو من ٢٦ سنه انت وصحبك الله يسامحكم قلته ليها انت عارفه غصب عني ي امل ماف زول بقدر يجدع حته من روحهه ساي ولا في زول قادر يرجع الماضي وبعدين انا متأكد انهه عماد ربى ولدنا احسن تربيه وعلمو احسن تعليم قالت لي برضو م بنكر الذنب الانت عملته وانك دخلته ولدي في خلافات وساومتهه بيهو وحرمتني منو بسبب حبك لي صحبك طيب مدام اصلا انت عملته كدا وانت راضي عن نفسك ليهه اختفيت وهربته وعملته انك متهه ليهه جبتني هنا وقطعته كل التواصل بينك وبينه واستغليت سقوط حادث التفجير وزورته موتك وم خليتني اشوف ولدي تاني ليه حرمتني من قطعه حشاي 💔م قادره انسى الانت عملتو فيني ابدا ي كمال ولا حنسى، اتنهدته بي ضيق و قلته ليها انت عارفه عماد وبتعرفيهو اكتر مني كان لازم اختفي من حياته عشان انا عارف قلبه حيحن عليك وعلي وم حيقبل يبعدك عن ولدك حتى لو كان على حسابه م حيعرف يعيش حياته سعيد قلته ليهو وبنيت سعادة صحبك على تعاستي انا 💔ودا برضو م ببرر ليك انك دخلته ولدي في صفقه بينك وبين صحبك حتى بدون م تاخد رأيي في حاجه ولا تستشيرني ولدي زاتوا الأنا ضحيت بي صحتي عشانه وكنت حموت بي سببه واتحملته الألم والوجع ورقدته شهرين في المستشفى عشان اجيبو في الدنيا دي فرحتي الأولى واحساس الامومه الأول وانت ببساطه عشان القروش وعشان صحبك حرمتني منو قلته ليها بس انا كان لازم اساعدك وانقذك من الموت وم كان عندي حل غير كدا قالت لي اريتني متهه واندفنته في التراب دا ولو عرفته وقتها انك عملته كدا عشاني وبعته ولدي لي صحبك عشان تنقذني كنت انتحرته وخليت ليك الدنيا دي انت وصحبك م بنسى انك خدعتني وغشيتني و قلته لي حيقعد فترة علاجك وبعدها حنجي نسوقو بس م كنت قايلاك بتكذب علي وحتحرمني من ولدي حتمشي من الله وين ي كمال انت وصحبك قطعتهه قلب أم وحرقتو حشاها على ولدها عشان ترضو بعض الله يسامحكم بس ولو سمحته م تجيب لي سيرة الموضوع دا تاني انا م ناقصه وجع قلب والله ومدت لي الحبوب وطلعت💔بعد امل طلعت من الغرفه سألته نفسي اسئله كتيره ومفروض كان اسألها زمان هل تصرفي كان غلط؟ ولاهل انا الغلطته في حق امل وحرمتها من طفلها وهو صغير ؟ ولا عماد الغلط في حقي وساوم معاي عشان سعادته ؟ ولا الزمن والوقت هم الكانو غلط؟💔سرحتهه في الذكريات وبديت استرجع الحصل من زمان شديد .......

ذكريات من الماضي.. قتلت الحاضر.. وشوهت ملامح المستقبل..... 💔
#تعافيت - به
#هويدا عبدالله