تعافيت به

تعافيت به ٧

تقريبا الليله يمكن من أسوأ الايام اللي بتمر على حياة اسامهه اخوي شايفه كل الناس مبسوطهه والسعاده مرسومه عليهم الا هو💔 كان باهت شديد وملامحهه مرهقهه بحاول يظهر الفرحهه وهو من جواهو مكسور اسامهه اكترر انسان بحب يضحك ويفرفش ويتشاقى يمكن اكتر مني انا زاتي حتى مرات بحس انه هو الأصغر م انا يمكن عشان حب ماما وبابا ودلعهم ليهه الكتير ويمكن عشان فرق السنين بيني وبينهه فهو اخد الدلع كلهه، بس الليله اسامهه باهت دخلته عليهه الغرفه كان لابس الجلابيهه وماسك العمه في ايدو ، كان في الف وجع مرسوم عليهو ناديته سجم رفع رأسه وبي ابتسامه حزينه قال لي بقرة السجم وضحك انا متأكده انه محاولته لإخفاء حزنهه عني دي كانت فاشله جدا لأنه الابتسامه الاتصنعها دي كسرت جواي الف شي بس م حبيت أبين ليهو قلته ليهو انت لسه م خلصتهه اي حاجه جاهزه بس العريس لسهه قال لي خلاص قربته هاك لفي لي العمه دي م عرفته ليها 🐸قلته ليهو انت ياتو يوم كنت بتعرف تعمل حاجه بدوني 😌ضحك وقال لي عشان كدا انت موجوده لخدمتي طبعا 🐸ضربتهه في كتفه وقلته ليهو سجمان، لفيت العمه ولفحته ليهو الشال وانا بتكلم وم وقفت كلام لكن انا متاكده انه م كان معاي ابدا لأنه ماف ردت فعل بتوحي بكده 💔لمن خلصتهه قلته ليهو اشي اشي اخوي طالع قاطع لكن قال لي افووو بسم الله من يومنا قاطعين 😌 قلته ليهو هييي انت صدقته لف كدا بالله 😒قعد يضحك وتدريجيا اختفت الضحكه من وشو نحن الاتنين كنا بننافق على نفسنا واي واحد فينا كان عارف قدر شنو هو موجوع بعدها سرح مسافه ناديته اسامهه مشيت وين قال لي معاك مسكتهه من ايدو شديد قلته ليهو انا عارفه الجواك شنو يمكن اكتر منك وعارفه احساسك شنو في اللحظه دي بس انا عايزاك تكون قوي عشاني م عشانك انت واتذكر انه الجايه من الله بتصيب اسامهه انا مستعده اقيف معاك لآخر نفس بس لو انت حكيت لي الحصل ححاول اقنع بابا انا وماما وم حخليو يضغط عليك في حاجه الله يرضى عليك م تعمل في نفسك كدا ياخ 😭 مسح لي دموعي وقال لي صدقيني ي نور لو كان ينفع تتعمل حاجه كان اتعملت كلنا بنحلم وبنخطط لحاجات كتيره بس م دايما بنحصل عليها انا ممكن اتحمل اي حاجه في الدنيا بس م بتحمل اشوف ابوي بنزل من عيون الناس بسببي ولا اني اكسر ليهو كلمهه انت م بتعرفي ابوي بالنسبه لي شنو احيانا عشان سعاده ناس بنحبهم سعادتنا م بتسوا شي اسي بطلي بكاء وامشي قولي ليهم اني شويهه ونازل حضنتهه وقلته ليهو طيب طلعت من غرفة اسامهه وانا بالجد حاسهه بي اكتر شعور سي ممكن يتحس في اللحظه ديك كرهتهه عمتي وكرهت شمس وكرهته اليوم الجينا فيهو من الخليج واستقرينا هنا 💔دايما عمتي كانت بتلعب دور الوحش في حياتنا حتى هي م حبت اسامهه في حياتها وانا م عارفه سر العداوه البينها وبينهه شنو والليله عشان بتها وغرورها عايزاهو يدمر سعادته ويتزوجها ضربتهه الاصيص بتاع الزهور ألفي المدخل بي ايدي من العصبيه فجأة سمعته صوت حاجه وقعت منهه دنقرت تحت لقيتهه تلفوني رفعته وقلته دا الجابو هنا شنو كمان ماما ندهت علي نزلته تحت لقيت البنات جوا سلمتهه عليهم وبقينا واقفين بنتكلم الناس كانت كتيره بس م كتيره شديد ياهو الاهل والجيران الحيمشو معانا العقد شهد قالت لي اها ي نور عملتي شنو اسامهه حكى ليك حاجه قلته ليها لا 💔اسامهه كأنه حالف م يقول حاجهه عن الموضوع دا الولد دا غبي وبقتلني يوم بي غباؤ م عارف انه بدمر في حياته بي ايدو 🚶‍♀️💔ريم قالت لي يعني خلاص اسي حيتزوج الكريههه ديك ويعيش معاها ولاء قالت لي واااي ي جماعه م قادره اتخيل طبعا ياخ البت الحقيره دي م بتستاهل ضفرو والله 😣 شهد قالت لي انت ي نور حاولتي تتكلمي مع ابوك انت عارفه انه بحبك وم برفض ليك طلب قلته ليها بس بابا رافض انه اي زول يتكلم معاهو في الموضوع دا سلفا محذرنا انه لا انا ولا ماما م نتكلم ولا نناقشهه في الموضوع ابدا 💔 ريم قالت لي انت ي زفته تلفونك دا مالو عامل كدا ومليان تراب 😕قلته ليها م عارفه أصلا كان ضايع واسي لقيته في الاصيص بتاع المدخل قالت لي ضايع كيف يعني قلته ليها اي والله ليهو تلاته ايام ضايعع فتشتهه لمن فترته م لقيتهه الا الليله وبالصدفهه قالت لي أجي دا كلام غريب في منو بشيل تلفونك في البيت 🤔 قلته ليها ماف زول قالت لي كدي جيبي اديتو ليها بس كان نازل شحن قالت لي قافل قلته ليها ادخلي غرفتي وصلي في الشاحن قبل ما نطلع قالت لي تمام شالت التلفون ومشت فضلنا واقفين انا وشهد وولاء الأجواء أجواء عرس بس ماف زول مبسوط ماما بتحاول تتصنع الفرحهه عشان الناس اما اسامهه فما نزل من غرفتهه لحدي الان وفي نص الجوطهه دي كلها في زول م ليهو إثر نهاي اللي هو بابا مشيت لي ماما وقلته ليها بابا وين قالت لي ابوك اسي كان مع الرجال ديل الا لو طلع غرفتهه قلته ليها طيب حامشي اشوفو وفعلا مشيت على غرفة بابا ودقيت الباب بس ماف زول فتح فتحت الباب بس الغرفه كانت فاضيه ندهت عليهو بس م جاني رد طلعتت من الغرفه ومشيت على المكتب لقيت الباب شبهه فاتح وبابا كان واقف وماسك في ايدو صوره باين عليها قديمه كان بتكلم مع الصوره بي صوت مسموع وفي دموع في عيونو بس م سمعته بقول في شنو كل السمعتهه انه قال غصب عني ودا كله عشانه وملامحهه كانت حزينه دقيت الباب وقلته ليهو بابا نزل الصوره من ايدو مسح دموعهه بسرعه وخلعه في نفس الوقت وقال لي نور!!! من متين وانت هنا قلته ليهو جيت اسي وين انت الضيوف بسالو عنك ودي صورة منو ألفي ايدك دي ومالك بتبكي قال لي لالا عيوني دي قايمه علىي الايام دي اها قلتي منو ناداني قلته ليهو بابا في شنو مالك متوتر كدا انت كويس قال لي لالا ماف حاجه ي بابا كويس انا يمكن التعب بس ويلا ننزل على الناس ديل عيب نخلي ضيوفنا تحت كدا ودخل الصوره في درج المكتب قلته ليهو بس دي صوره منو قال لي دي صوره كدا قديمه ارح يلا نزلنا تحت وانا مستغربه من تصرف بابا وليهه اتوتر كدا لما دخلت عليهه بس م ركزته كتير ونحن نازلين بابا ندهه لاسامهه من فوق وقال ليهو انزل الساعه ماشه على ١٢ ونص ونحن اتاخرنا على الناس ديل اسامهه قال ليهو حاضر ي حاج نازل خلاص.... 💔
اما عن ناس عمتي هناك فكانت الأجواء غير عمتي طبعا زوله بوباره وبتحب تظهر جايبه طاقم بتاع تنظيم كامل شغال في البيت من ضيافهه لي زينهه لي تجهيزات كلهه وهي وبناتها لابسات ومتجدعات كانهه العرس دا مرتب ليهو من بدري م من يومين داخله ومارقهه تكشكش بي دهبها وماخده دور ام العروس واي زول يسالها تقول ليهو والله العرس جاء فجأة وم لحقت اجهز والزمن ضايقني وكنت ح اعمل واسوي ووو..... الخ اما شمس فهي فعلا الما كانت مصدقهه نهاي انها حتبقى مرت اسامهه قاعده في الغرفه ومعاها مروه صاحبتها وشيرين قالت لي مروه لا بالجد انا م مصدقهه يعني خلاص الليله حيعقدو لي عليهو لا انا بحلم صح اقرصيني ي مروه وااااي 😣💕 مروه قالت ليها لا ي اختي صدقي خلاص حيبقى ليك حبيب القلب دا ونرتاح من نقتك ومشاكلك الكتيره،😂 شيرين قالت ليها غايته البشوفك مبسوطهه كداا بقول انه هو بحبك مش العرس دا مجبور عليهو ولا انا بتخيل 🐸قالت ليها انت لو نقطينا بي سكاتك بكون احسن 😒 قالت ليها هه اصلا م فاضيه ليك ي اختي انبسطي ساي نازله اشوف لي حاجه أكلها وطلعت 🐸قالت ليها طيري اصلك بتحبي تخربي لي مزاجي 😒 مروه قالت ليها م تشتغلي بيها ي بت دي لسهه عقلها صغير وم بتعرف حاجه المهم انت انبسطي الليله يومك، فجأة سمعو أصوات العربات والجوطه والزغاريت اشتغلت عرفو ديل أهل العريس وصلو قالت ليها مروه عايزه امشي اشوف مروه قالت ليها ي بت تشوفي شنو انت مجنونه يقولو عليك شنو اترزعي هنا دا شمس قالت ليها عايزه اشوف اسامهه ياخ مروه قالت ليها خلاص اقعدي انا بنزل تحت بصورو ليك وبجي بس اوعك تتحركي خلي الخفه اسامهه حتشوفي العمر كله تاني ضحكت وطلعت منها....
اما نحن اول م دخلنا عمتي تتراشق وتتكبكب قدام الضيوف ولا الأول مره تشوفنا فيها م قلته ليكم بتحب البوبار كلهم كانو موجودين جدو وحبوبهه واعمامي وأولادهم مشغلين السماعات والناس بترقص وابوي يبشر في اعمامي وقفنا انا وصحباتي طبعا بطني كانت طامهه حرفيا من أي حاجهه ونفسي بس الأجواء دي تخلص بسرعه مشيت قعدتهه في الصالة التانيه ومعاي صحباتي شهد قالت لي ي نور م تتصرفي كدا الناس حتلاحظ ياخ قلته ليها م قادره ياخ اكذب يعني ولاء قالت لي حاولي تخلي اليوم دا يعدي على خير قلته ليهم خلاص م تنقو فيني بتكلم كدا جات شروق داخله وقالت لي نوووور منورانا ياخ 😍سلمت علي ببشاشه كدا وسلمت على البنات وقالت لينا اريتو عقبالنا كلنا ياخ،😂❤️البنات ردو ليها بصوت واحد اميييييين كبيره 😍 قعدت تضحك قالت ليهم البوره كعبه ي بناتي 😂قلته ليها مستعجلات قاالت لي شديد 😂 وليه قاعدين هنا براكم قلته ليها ماف حاجه بس م بحب الجوطهه انت عارفه قالت لي اها طيب اخدو راحتكم وندهت على واحد من المنظمين قالت ليهو شوف طلبات ضيوفنا شنو واستاذنت شهد قالت لي اسي البت العسل دي بقولو اخت شمس الملعونه دي ريم قالت ليها اي والله ماف اي علاقه اريتو لو عرسها هي بدل الفقر ديك ولاء قالت ليهم هي خلاص م ناقصين مشاكل اي واحده تلم لسانها عليها، أثناء م نحن قاعدين جاء ماري بي جمبنا شادي وهو جاري وشازلي جاري وراهو وبقول ليهو والله م اخليك ي حيوان لزا باب الصاله النحن فيها وجاء جاري طلع وراي في الكرسي شازلي جاء وراهو لما لقانا قاعدين خجل وسكت قال لينا السلام عليكم ودخل سلم علي وعلى البنات قلته ليهو وعليكم السلام وين مختفي ي زول قال لي امتحانات بس كيف انت قلته ليهو ربنا يعينك ياخ انا بخير الحمد لله قال لي امين ي رب قلته ليهو مالك مع الزول دا قال لي ياخ والله كلب خلاص ميهه مره قلته ليهو م يشيل تلفوني بس م بسمع الكلام اسي كسر لي شاشتهه وانا صلحتها الأسبوع الفات ضحكت قلته ليهو خلاص معليش طوالي اتذكرته انه اخر مره تلفوني كان مع شادي لمن جونا قبلته عليهو قلته ليهو يعني انت ي سي شادي الختيت تلفوني في الاصيص صاح سكت وبقى يعاين لي شازلي قال لي ياخ حيوان كيف اوعك تغلطي وتديهو تلفونك المهم انا طالع اسي لكن م بخليك بيها سامع وطلع خلاهو واقف معاي قلته ليهو خلاص انزل من وراي وتاني م تشيل تلفونات الناس وتكسرها اسي انت ليهه ختيت تلفوني في الاصيص وم رجعتو لي قال لي اااااا لكن انا حتيته عشان شمس م تدقني قلته ليهو شمس؟؟؟! وشمس تدقك ليهه سكت وبقى يعاين لي ويعاين للبنات،قلته ليهو خلاص كلمني في اضاني دنقرته ليهو راسي قال لي كلام م اتوقعته اني اسمعه في يوم عاينته للبنات لقيتهم منتظرني قلته لي ريم تلفوني وين قالت لي هدا في شنطتي قلته ليها اديني تلفوني سريع قالت لي في شنو قلته ليها ماف وقت اديني التلفون ادتني ليهو فتحتهه جبتهه الفيديوهات فتحنا آخر فيديو وكانت الصدمه بالنسبه لينا كل الحصل بين شمس واسامه في الغرفه الحقيقه الماف زول عارفه غيرهم الاتنين شهد قالت لي واااي م اتوقعته البت دي تكون حقيره للدرجه دي ريم قالت لي عرفتي كيف والصور الفيديو دا منو قلته ليها شادي صور الفيديو يوم جونا في البيت قال عايز تلفوني يلعب واديته ليهو قال لي انهه كان بتصور وزيو زي اي شافع شليق لقى شمس واسامه في الغرفه وبقى يصورهم وصور الحقيقه كلها في لحظه براءه منهه وشمس لمن كانت نازله ادسى منها ورى الاصيص ألفي المدخل والتلفون وقع منه جوه وكان خايف انه شمس تكون شافتهه و خايف اني اسأل من تلفوني عشان كدا كان بتجنبنا الاتنين، قلته ليهم نحن لازم ننزل ونوري الفيديو دا لي بابا وعمتي ونفضح شمس الكلبه وعمايلا لازم ننقذ اسامهه اخوي من العلاقهه دي بسرعههه......

فجاءه دوى صوت السلاح وعم المكان ، وارتفع صوت النساء مرسلا زغاريد الفرح، ربت ياسر على كتف صديقه الذي بدا الحزن يكسو ملامحه الف مبروك ي اسامهه العقد تم .... 💔

وتظن انك قد نجوت لكنك بالكاد قد غرقت تماماً... 💔

#تعافيت به
#هويدا عبدالله