تعافيت به

تعافيت به ٣٢

كان احلا خبر سمعته في الدنيا انا خلاص بقيت اب وجبته عماد الصغير الفرحه م كانت سايعاني نقلو لينه الغرفه ومشيت اطمنته عليها ولأول مرة احس بالاحساس دا شلته ولدي في أيدي كان صغير شديد وملامحه بريئه اذنت ليهو واديتو لي لينه في الوقت دا اتذكرته امي وابوي ونور حسيت انه فرحتي ناقصه بدونهم اتمنيت لو كانوا موجودين قلته لي لينه صدقيني لو ابوي كان هنا كان حيطير من الفرح قالت لي معليش ي اسامهه وصدقني من حقهم يعرفو انه جبته عماد قلته ليها لينه ممكن نقفل الموضوع دا قالت لي فكر في كلامي كويس هم حيكونو فاقدنك زي م انت فاقدهم الله يرضى عليك بطل عناد قلته ليها لين سكتت وقالت لي طيب ع راحتك اتضايقته منها وطلعته بره الغرفه نزلت الحديقه بتاعت المستشفى تحت وقعدته في الكنبه الهناك وبديت استرجع أحلامي باليوم دا ورغم  اني بقيت  اب  انا م فرحان  اوفرحتي ناقصه اتذكرته نور سنه وكم من الشهور م شفتها ولا سمعته صوتها اول م شلته ولدي اتذكرته اول مره شلتها في أيدي نفس الاحساس الحسيت بيهو زمان لما ابوي خاتاها بين أيدي احساس الابوه الأول انا عشتو مع نور و حبيتها وربيتها كأنها بتي م اختي من دون م أشعر لقيت دموعي بتنزل استغفرت ربي وشلته التلفون ولاول مره من طلوعي من البيت اتصلت على نور حسيت أني ظلمتها معاي شديد دائما كانت بتحاول تتواصل معاي عن طريق ياسر وانا برضو بطمن عليهم عن طريقه بس من يوم سفرو وانا م عارف عنهم حاجه ومشتاق ليهم شديد وبالرغم من محاولات نور انها تصل لي بس انا م حصل حاولته اتكلم معاها ابدا م كان جفاء ولا عدم شوق مني بس كنت خايف أوجع قلبها وتكون واقعه بيني وبين ابوي وانا عارف نور كويس اتمنيت وانا ماسك التلفون انها ترد وكنت منتظر كيف ح اسمع صوتها بعد الغياب دا كلهه بس للأسف رقمها جاني مغلق 💔حاولته كذا مره بس بدون فايده في النهايه اتصلت على الشركه اخدته اجازه عشان اقدر اساعد لينه المساء طلعنا البييت شويه كدا جاني اتصال من الشركه تاني انه اجتماع بكره مهم ولازم اكون موجود نسبه للمنصب الجديد الاستلمته في شركات النصري وهو مدير تنفيذي للشركه حاولته اعتذر كتير بس رفضو وطلبه مني اتواصل مع مازن النصري شخصيا في الموضوع ده وخصوصاً انه انا جديد في الشغل قفلت على كدا واتصلت بالنصري بس م رد على وم عرفته اعمل شنو....

كنت خايف على نور شديد لأنها من وصلت م اتصلت علي ولا طمنتي والزاد قلقي زياده انه مازن برضو م كان برد علي كنت مع امها في المستشفى شويه كدا جات شهد وقالت لي اها ماف خبر عن نور قلته ليها لسهه والله قالت لي انا بديت اخاف ي إياد حاولته اطمنها مع اني كنت خايف على نور اكتر منها فضلنا قاعدين على اعصابنا وحاولنا نتواصل مع عمها عبدالله بس بدون فايده رقمه م دخل معانا حتى اني اتصلت على ابوي وسألته عن مازن وعرفته منه انه مازن طلع بس م عارف وين فضلنا اكتر من ٣ ساعات مقلقين لحدي ما مازن اتصل على وطمني وحكي لي الحصل كله وانهه نور بخير ونزلت في الفندق بتاع الشركه بعدها بالنا ارتاح شويهه بعد اطمنته على نور دخلته اتكلمته مع الدكاتره عن وضع عمو عماد بس للأسف الحال في حاله وأنه في تحسن بس م كتير  بعدها طلبته من شهد تفضل مع خالتو سوسن و اتحركته على الشركه قابلته عمو معاويه اتناقشته معاهو في موضوع الشركهه وهل محتاج مساعده في حاجه او كدا قال لي كتر خيرك ي ولدي الشغل ماشي كويس والحمد لله وإذا احتجته لي حاجه بكلمك قلته ليهو خير ي عمي وطلعته من الشركه على بيت نور مباشرة اطمنته على جدو وحبوبه في البيت لقيت معاهم شروق اللي هي اخت شمس على م اعتقد وقالت إنها حتفضل معاهم في البيت سألتهم إذا محتاجين حاجه وطمنتهم على نور وعمو عماد كنت بحاول قدر المستطاع انه أوفي بي وعدي لي نور رغم ضيق اعمامها وعمتها اللي واضح من وجودي بس م كنت خاتي ليهم بال كل الشاغل بالي كان نور واهلها واكون قدر كلمتي الاديتها ليها وحاولت اعوضها غياب اسامهه في انه اخلي بالي من أهلها وشركتها لأنه نور تستاهل كل خير والبنات كانو بساعدوني على كدا ودا بقى روتيني الثابت .....