تعافيت به

تعافيت به ٣٤

بعد الفرحه الدخلتني من بعد اتصال مازن وأنه مشروعنا نجح واسهمنا في السوق ارتفعت م قدرته امسك نفسي لبسته ملابسي وجريت لي عمو بشرته بالخبر وم انتظرته عشان يوصلني زاتو و اتحركت على الشركه من وصلته لقيت الموظفين كلهم مبسوطين والأجواء كانت جميله والاحتفالات يعني قدر الخوف الكنا خايفنه من المشروع دا انعكس نجاح والحمد لله❤️طلعته لي مازن في مكتبه كان معاهو مهند ورؤى سلمي ومنيب ومجموعه من الموظفين حضنته رؤى وسلمى وقلته ليهم ي شباب الف مبروك على النجاح الباهر دا مازن قال لي مبروك علينا كلنا نقدر نقول انه وشك حلو علينا وعلى الشركه قلته ليهو احم احم اصلا وش خير انا 😌قال لي بالله صدقتي انت ي بت لفي قعدنا نضحك مهند قال لي مازن دي عايزه ليها حفله ي زول مازن قال ليهو اكيد المساء حيكون في حفله واسي قدم الدعوه لكل الموظفين وأسرهم وانا اسي اخترته طاقم تنظيم ممتاز وعملته توصيات انه يبدو التجهيزات حتكون في حديقه الشركه هنا طوالي مهند قال ليهو تمام ي زول خير م عملته بعديها اي زول اتحرك على مكتبه وانا قاعده في المكتب بعمل في شويه شغل جاني اتصال من عمو معاويه رديت عليهو كان مبسوط والفرحه م سايعاهو قال لي إنه كل الديون اللي كانت على الشركه اتسددت واسهمنا بدت ترجع زي الاول وارباحنا بتزيد يعني الشركه حالا ماشي كويس واحسن من اول❤️وقال لي ي بتي ماف داعي تاني تشتغلي مع النصري تعالى راجعه لي امك وابوك وبلدك والحمد لله في الفتره البسيطه دي قدرتي تعملي حاجات كتيره وكفايه عليك انت صغيره تعالي شوفي دراستك قلته ليهو انا حنزل السودان عشان امتحاناتي احتمال كبير تكون الأسبوع الجاي ي عمو بس انا م حقدر اتخلى عن شركات النصري بعد المساعده القدموها لينا دي زي م مازن النصري وفى بي وعدو نور الحسيني قادره توفي بي وعدها وبعدين ي عمو معاويه انا لسهه م لقيت اسامهه عايزني ارجع كيف💔 انا بدون اسامه ما راجعه رغم محاولاتي في إني القاهو بس بدون فايده حتى العنوان اللي اداني ليهو ياسر زمان لقيته رحل منو وماف زول من جيرانه عارف عنه حاجه قد يكون طلع من الخليج على أروبا زي م قال ياسر إنه كانت عندو الفكره دي بس م حيأس ابدا لازم القاهو بي طريقه 💔قال لي عندك حق ي بتي انت اصيله زي ابوك وم بتتخلى عن زول ساعدك وان شاء الله حتلقي اسامه قريب والحال كله يتصلح قلته ليهو أن شاء الله بس ي عمو وريني ماما كيف وبابا وضعه كيف م اتحسن شويهه بالله طمني قال لي ي بتي والله كويسين م تشغلي بالك والدكاتره قالوا عماد ماشي يتحسن قلته ليهو م فتح أو اتحرك قال لي لسه ي بتي بس ادعي ليهو وبالنسبه لأهلك م تخافي عليهم والله عندك صحبات ي سلام عليهم ي بتي شايلين امك في رأسهم م مقصرين منها كل يوم بتجي واحده ومرات بجو مع بعض أما إياد والله الولد دا زينة الشباب كلهم م عدا يوم غاب فيهو عننا  من الشركه للمستشفى للبيت رغم إنه اعمامك م عاجبهم الوضع بس هو م شغال بيهم كتير قلته ليهو فعلا والله صدقته ي عمو معاويه انا  م حقدر اجازيهم ابدا بالعملو معاي دا لو انا عندي في الدنيا دي كان حلو فجاء على هيئة أصحابي ديل المهم انت خلي بالك من الشركه وانا برجع احكي معاك  وقت تاني قال لي ان شاء الله ي بتي بعد قفلته من عم معاويه رجعته لشغلي وانا صراحه عبرته شديد في مجال الإدارة وكله بفضل مازن يعني الخبره العندو كلها انا اخدتها في فتره الأربعة شهور واسبوعين دي  لحدي الان م مستوعبه كيف الايام دي مرت بالسرعه دي وكيف قدرت تتحول العداوة البيني وبين مازن لي صداقه كبيرة شديد مازن قدر يحولني من نور اللي م فاهمه حاجه في عالم الاداره لي نور البزنس وومن مستحيل اقدر انسى العملو معاي بالجد وم عارفه اجازيهو كيف وقفته معاي من بدايتي في الشغل لي تعليمي كل أسس الإدارة وصبروا علي وطولة باله حتى عصبيته وقت الغلط واكتر شي م حقدر اجازيهو ليه مساعدته لي عم معاويه ودراسته عن الخلل الفي شركتنا ومحاولاته البذلها قصاد إنه شركة الحسيني تقيف على رجلها من تاني غفرت ليهو كل شي سئ عمله معاي قبل كدا❤️ وانا بشتغل ومندمجه جاني مازن ومهند داخلين المكتب مازن قال لي أم لسان رفعته راسي وقلته ليهم خير عايزين شنو م فاضيه ليكم والله 😌مهند قال لي شوف الزفتهه كمان بقيتي تفتري علينا مازن قال ليهو تخيل بس والله عشنا وشفنا الناس اللي امس كانت بتجي مكتبنا ٢٦ ساعه في اليوم اسي بتطردنا من مكتبها دنيا قعدته اضحك قلته ليهم بالله بطلو دراما واحكو عايزين مني شنو ياخ  قال لي عان الكلبه ي بت اتكلمي بي ادب نحن مدرائك احترمي عمر جدك دا شافعه م تامه شبرين تتلائم معانا ضحكته وقلته ليهو بركه العارف نفسك جدو ي شايب ي عجوز قال نور بديك كف انا قومي نفطر ولا م نفسك تفطري معانا الليله قلته ليهم والله نفسي لكن مديري في الشغل انسان متوحش وثقيل وطالب مني الملفات دي كلها لو م سلمتها ليهو بقتلنيمهند ضحك وقال لي شكله انسان سخيف جدا قلته ليهو اييييق لدرجه بعيده مازن عاين لينا الاتنين كدا 😒وقال لينا بالله ضحكنا عليهو مهند قال لي يلا الفطور ي نور ياخ انا جعان قلته ليهو خلاص طالعه من يومكم غياظين لكن كدي واحد فيكم يسألني من تأخير الملف بعدين عشان اقلته مازن قال لي والله مشكلتك ياخ وقت الشغل شغل ووقت الصحاب صحاب قلته ليهو ي سلام افهم من كدا بعدين حتشاكلني قال لي لو الملف م جاني اكيد قلته ليهو تصدق انك واحد تافهه قال لي وم أصدق ليهه 😎عاينته ليهو كدا😒قلته ليهو سخيف غياظ قعدو يضحكو مهند قال لي ياخ اطلعي بطلي رغي رؤى ومنيب وسلمى منتظرننا في العربيه نزلته معاهم مشينا فطرنا واتونسنا خلصت استراحه الفطور مازن عاين في الساعه قال لينا هي خلاص الوقت انتهى لو مشيت ووصلت الشركه قبلكم عارفين بحصل فيكم شنو قلته لي مهند شوف دا بالله كأنه هو م معانا😒 بقى يضحك والصراحه مازن كان ممشينا على الصراط المستقيم يعني لكل حاجه وقت وبقدر وبقيم الوقت جدا وماشي بي مبدأ لكل مقام مقال ويمكن دا من أهم أسباب نجاحه في شغله وحياته وبحسب اي حاجه بالدقيقة والثانيه ومن خلال تواجدي الكتير معاهو  وقربي منو عرفته انه انسان متواضع لأبعد الحدود وحنين وشهم حتى مع موظفينه الأنا كنت بشوف انه قاسي عليهم رغم إنه علاقاته محدوده وصداقاته. م كتيره بس يحترم كل الحولينه ويمكن الظروف الاتلاقينا فيها هي الكانت غلط وعكست لي شخصيته بطريقه سيئه كدا  ممكن أجزم إنه الطف واطيب شخص مع كل الناس الحولينه شفته اهتمامه بي أهله ومحبته ليهم من خلال كلامه عنهم وانشغاله الدائم ليهم صح لحدي الان م لاقيت أهله نسبة لظرزف الشغل والضغط الكان علينا من المشروع بس كم مره اتكلمته معاهم بالتلفون واتعرفته عليهم ووعدتهم بي زيارة قريبه قبل م أرجع السودان   وتعامل مازن مع تالين دائما بذكرني تعامل اسامه معاي بحسه بشبه اسامه في الملامح وحتى الصفات والحنيه وحنيته معاي انا غير ❤️بتذكر مره جاني لحدي الفندق والساعه كانت واحده صباحا عشان كنت ببكي وحكيت ليهو اني اشتقت لي ماما وبابا فضل معاي لحدي الصباح لحدي م اتاكد إني بخير ورجعته طبيعيه ومره تانيه كنت زهجانه وم أكلته اليوم كله بسبب ضغط الشغل ورجعته الفندق وكنت بتكلم معاهو فيديو وقلته ليهو اني زهجانه وهو كان مسافر مدينه قريبه عندو إجتماع بعد قفلته منو الخط بشويهه لقيت باب غرفتي بخبط وفي بتاع دلفري جايب لي شاورما من محل انا متعوده اكل منه وبحبه وشوكلاتات وببسي وشبس من نوعي المفضل ❤️قلته ليهو دي من منو قال لي م عارف بس هو اداني العنوان وحاسب وقال انك حتفهمي بعدها جاتني منو مكالمه وقال لي اها الزهجه راحت انا عارف الزهجه دي جوع ونفسنه عشان انا بعيد وإنتي مشتاقه لي  وبعد تاكلي الحاجات دي حتبقي تمام❤️😹ضحكته وقلته ليهو ي ولد افصل نفسك انا م صدقته ارتحته منك أصلا فضلته اكل وتتكلم معاهو ونضحك والمود كله اتغير ♥️مازن بخاف علي اكتر من نفسهه حقيقه بتذكر مره كنت في المكتب بنتهابل انا ومهند في كاسه مويه هو عايز يشرب وانا عايزه اشرب فبقينا نتقالع فيها لحدي انكسرت  وايدي اتجرحت مازن قوم الحته وم قعدها وجاط في مهند بطريقه انا زاتي اتخلعته فيها وافتكرته الموضوع حيكبر بس مهند مشاهو وشاكلني كأني شافعه صغيره وحلف الانمشي الدكتور وعقمها لي لا وكمان اداني اجازه تلاته يوم من الشغل 😹 ومهند ورؤى استلمونا تشغيلات في الموضوع دا لمن قلنا شكراً وكل يوم اجازة بجيني  يطلعني وبغير لي جو بشتري لي بوظة وبقضي اليوم كله معاي عشان م احس بالوحده والملل وكل م أقول ليهو بتعمل كدا ليه بقول لي عشان اياد ي زولة م عشانك 😹❤️مازن اثبت لي انه م كل بدايه سيئه معناها نهايه سيئه وأثبت لي انه الكان بتقال عنه من الناس كله غلط وم صحيح ابدا والما بعرفك بجهلك وأنه انا مستحيل ح القى شخص يحن علي قدرو ابدا❤️المهم رجعنا الشركه واي زول على مكتبه بعد الدوام خلص مازن جاني عشان نطلع ونحن اتعودنا على أنه نجي سوا ونطلع سوا ونحن طالعين جنب الباب لقينا مهند في وشنا ومعاهو رؤى وطبعا ديل ملوك التشغيله م راحمين الشركه كلها اي اتنين بلقوهم مع بعض بستلموهم تشغيلات مهند رفع لي مازن حاجبه وقال ليهو على وين ي شاب مازن قال ليهو ح اوصل نور وماشي البيت في شنو مثلا قال ليهو انا قلته احتمال في غنجه من وراي ولا حاجه قال ليهو غنجه بي عدم فهم كدا ! ؟؟ضحكته 😹وقلته ليهو غنجه يعني مشوار سري بيني وبينك فهمته أتلفت على مهند وقال ليهو انت لما مشيت السودان قعدته مع إياد النصري كتير؟؟ الولد دا م تبارو ي اخوانا اقسم بالله خربكم كلكم كفايه علي تالين ألفي البيت بحس اني محتاج مترجم عشان افهم كلامها ضحكنا عليهو قلته ليهو هييي ي النصري م بسمح ليك تقول عن ايادو كدا دا صديقي الصدوق قال لي بالله اتلهي ي شافته و اختيني انت وصديقك قلته ليهو شافعه في عينك ميه مره قلته ليك انا م شافعه قال لي خلاص ي حبوبه اسفين نمشي ولا كيف وانت ي مهند  بلا غنجه بلا بتاع معاك سوق معاك الاخت دي واتخارجو يلا وارحمو الناس من لسانكم دا  يوم واحد رؤى ضحكت وقالت ليهو اسي انا مالي ي مستر مازن قال ليها هوي م تتمسكني  لي عارف عمايلك انا بقينا نضحك كلنا مهند قال ليهو قدام ي صحبي سماح المره دي بس مصيري اعرف المستخبي والسر الدفين ضحكته و قلته ليهو الله يحلنا من فهمك دا مازن قال ليهم يلا خلو أموركم دي وبعدين بدري عشان نجهز جوائز التكريم انا حمشي البيت خمسه كدا وجرجع بدري مهند قال ليهو تمام ي صحبي انا زاتي بحاول اجي راجع بدري يلا سلام  وطلعنا ركبته مع مازن العربية ولفيت المرايه علي عشان اصلح شعري رجع صلحها وقال لي ي بت انا سايق بتخلينا نعمل حادث اسي قلته ليهو خليني أصلح شعري ياخ مالك وتاني رجعتها قال لي نور بطلي أمور شفع قلته ليهو خليتها ياخ دا شنو الغياظ دا بعدين شفع في عينك قعد يضحك قال لي مجنونه دي حكايته وقلته ليه  نننننننننننن مجنونه دي بقى يضحك وعاين لي لقاني صاره ليهو وشي ابتسم لي قال لي بعدين انتي جميله في كل الأوقات م محتاجه مرايه اديك عيوني تشوفي بيها نفسك ؟ ابسمته غصب عني وجسمي تلج زي الصبت فيني مطره عاينته ليهو بادلني الابتسامه وقبل على الطريق وبقى يصفر ومركز في الشارع وانا لسه بعاين ليهو قال لي وهو لسه مركز في السواقه ي زولة م تعايني لي كدا بي عيونك البتخوف دي وقعد يضحك  صريت وشي وقلته ليهو عينك بالشنو أقول ليك كريهه بقى يضحك علي بس سكتنا مسافه وانا مندمجه مع الاغنيه بتاعت سمحه الصدف حلوه الظروف الكانت شغاله  وبغني معاها فجأه مازن قال لي نور قلته ليهو ي عيونها ❤️قال لي م نفسك تتحجبي! ؟طبعا للحظه بقيت ساكته ومتنحه فيهو كأني م فاهمه قاصد شنو قام قال لي احم م قصدي ادخل في خصوصياتك وعارف انه م عندي الحق بعدين دي حياتك وانت حره فيها بس انت بنت كبيره وواعيه وعارفه اي حاجه في الدنيا دي عارفه انه الحجاب فرض من فروض ربنا وأنه التخلى عنه عندو عقوبات والرسول صلى الله عليه وسلم ذكر في الإسلام نوع اللبس اللي مفروض على المرأه المسلمه البالغه وكان مختصر الحديث "لا يصف ولا يشف" انت بتتحاسبي على لبسك الضيق والقصير💔 على شعرك البرا وعدم التزامك بالحجاب ومش انت بتحبي امك وابوك طيب رايك شنو لو قلته ليك انهم حيتحاسبو على كل حاجه كعبه انت بتعمليها 💔لأنه الرسول صلى الله عليه وسلم قال كل راعي مسؤول عن رعيته نور انت غاليه عندي شديد وغلاوتك ومعزتك عندي هي الخلتني افاتحك في الموضوع دا مع انه ذي م قلته ليك م عندي الحق في كدا بس دا الحسيته حبيت اوصلو ليك واسف لو كلامي ضايقك أو اتعديت حدودي معاك بدون قصد وانت طبعا م ملزمه ولا مجبره انك تنفذي كلامي أو تمشي بي رأي وإذا كلامي ضايقك فأنا بعتذر تاني بس دي نقطه وجانب مهم كان لازم ألفت انتباهك ليهو فضلته ساكته وم قلته اي حرف كميه الضيق الحسيت بيها في اللحظه دي خلتني كرهته اي حاجه أبشع شعور ممكن الزول يمر بيهو انه يكون عارف نفسه غلطان وبعمل في حاجه غلط وم قادر يبعد عنه 💔ومجرد م زول يفاتحو فيها بزعل وبتضايق زياده والضيق دا بكون بس عايز يقنع بيهو نفسهه انه الحاجه دي صح وعادي مع انه عارف ومتاكد من جواهو انها غلط 💔سكته من مازن وم قلته ليهو كلمه بس حسيت اني مخنوقه مع انه كلامه صح وصلته الفندق عايزه انزل من العربيه أمنها و قال لي نور انت كويسه قلته ليهو كويسه الحمد لله خليني انزل قال لي وهو متردد طيب المساء حجي راجع عشان اسوقك الحفله  قلته ليهو تمام عاين لي في عيوني وقال لي نور قلته ليهو ايوا ي مازن سكت م قال حاجه بس فضل يعاين لي مسافه بعدين فتح لي الباب وانا بدوري نزلته من العربيه وطلعته غرفتي سريع حتى من غير م أودعه أو اتغالظ عليهو زي م اتعودته اعمل 💔حسيت أني مخنوقه رقدته في السرير وانا ببكي قلبي وجعني زياده انا عمري ماف زول اتكلم معاي بالطريقه دي ماما وبابا من حبهم فيني م كانوا بسالوني من طريقه لبسي وم حصل ضغطو على في إني لازم التزم بالحجاب صح مرات كتيره كنت بلبس لبس شاذ شديد وبابا بتضايق ومرات برجعني اغيرو بس م حصل جبرني على حاجه انا م عايزاها خوفا من زعلي والحاجه القهرتني اكتر انه نفس الكلام اللي قالو مازن قالو لي اسامه في يوم من الايام 💔فضلته ابكي مسافه بعدها استغفرته ربنا واتوضيت صليت ركعتين لله وبكيت قدرتي في المصلايه ودعيت ربنا يخفف عني الضيق الأنا حاسه بيهو دا ويهديني لي طريقه الصاح ونمته في مصلايتي💔 .....