تعافيت به

تعافيت به ٢٨

وأخيراً مقابل انك تسافري معاي الخليج وتشتغلي تحت أشرافي لمده ٦ شهور بدون مرتب...... قلته ليهو افهم من كدا انك بتعترف بي انه شركات الحسيني كانت من أفضل  الشركات في السوق وحتفضل بيك أو بدونك ي النصري  وعاينته لي بي نظرة تحدي قال لي انا م نكرته الشي دا بس سابقا طبعا أما الآن م اعتقد  قلته ليهو حترجع ي أستاذ طالما في أصحابها النفس حترجع م بنكر إنه وضعها حرج بس انا عارفه إننا أقوياء وم بتعرف نستسلم زي م بابا بناها من العدم حرجع اوقفها انا تاني من العدم  ابتسم وعاين لي بي نظرة م قدرته افسرها بادلته الابتسامه وقلته ليهو طيب ممكن اعرف السبب المخليك تطلب مني اشتغل معاك شنو؟؟ قال لي روح التحدي العندك دي اول والحماس دا هم السبب الأول  وعندي أسبابي الخاصه برضو وم محتاج اشرحها ليك اخدي وقتك في التفكير بس ي ريت تديني رد قبل نهايه الأسبوع سكته وم عرفته اقول ليهو شنو قال لي عالعموم فرصهه زي دي اعتقد انك م غبيهه لدرجه تضيعها من ايدك قلته ليهو م تكون واثق للدرجه دي ي استاذ عالعموم اوك انا ح افكر واديك خبر طلعته من المكتب والأفكار بتضارب في راسي ليه فجأه تعامل النصري اختلف كدا وليهه طلب يشغلني ويساعدني هل بالجد عشان خاطر إياد ولا في سبب تاني اسئله كتيره كانت بتدور في راسي قطع تفكيري اتصال من إياد رديت عليهو قال لي اهاا بشري الحصل شنو قلته ليهو ولاشي قال لي كيف يعني م وقعتهه الصفقة؟؟ قلته ليهو انت عارف انهه اخوك دا واحد منفسن 🙂ضحك وقال لي مالو الحصل شنو تاني حكيت ليهو الحصل كلهه قال لي نور انت متأكده انه مازن هو الطلب منك كدا؟! قلته ليهو يب قال لي لالا بالجد انا م عرفتو ي بت انت غبيه مازن عمرو م عمل كدا الا مع المقربين وبغض النظر عن كل شيء فرصهه زي دي م بتتعوض قلته ليهو بس لحدي الان انا م عارفه السبب الخلاهو يطلب اني اشتغل معاهو شنو؟ قال لي م مهم المهم انه طلب واعتبريها فرصهه وجات لحدي عندك صدقيني المشروع البعمل فيهو مازن مربح شديد ونسبهه نجاحهه عاليه يعني كويس شديد لي شركتكم وتحسين أوضاعها م عايزه تفكير ي نور وافقي طوالي قلته ليهو انا عارفه انهه المشروع كويس للشركهه بس انت م فكرته فيني اخوك شرطهه الأساسي اني اشتغل معاهو وم هنا كمان في الخليج تقدر تقول لي انا حقدر اعمل كدا كيف؟ يعني اخلي الجامعه والشركه وبابا وماما براهم واسافر معاهو اكيد انت بتهظر ي إياد قال لي نور بطلي هبل كلها سته شهور م سنه وي ستي لو على الشركهه م تشيلي همها عم معاويه موجود وامك وابوك م براهم معاهم جدك وحبوبتك و اعمامك كلهم موجودين وانا باكد ليك انهه انا بذات نفسي ح اهتم بيهم واطمن عليهم يوميا واشوف كل احتياجاتهم والبنات كمان ولو على الجامعه البنات حيساعدوك ويرسلو ليك المحاضرات انت تقري هناك وتنزلي تمتحني عادي بس ي نور اوعك ترفضي العرض دا قلته ليهو إياد الموضوع م بالبساطهه الانت بتقول فيها دي قال لا بالبساطهه دي لكن انت بتحبني تعقدي المواضيع قلته ليهو على العموم انا ح ارجع البيت وافكر كويس لأنه راسي شطب حاليا قال لي تمام بس احسبيها صح وشوفي من كل النواحي قلته ليهو أن شاء الله وقفلته منو م بنكر انه العرض القدمو مازن النصري كان مفاجئ وغير متوقع بالنسبة لي بس زي م قال إياد هو الوحيد القادر يرجع شركه الحسيني زي الاول اتحركت على الشركه من بعد ما قفلته من إياد اتصلته على عم معاويه عشان اشوف رايو في الموضوع شنو وفعلا لاقيته ورحب بالفكره والعرض جدا وأكد لي انهه لازم اوافق بيهو بس المشكله الكبيره كانت بابا وكيف اقدر اقنعوا بي كدا وخصوصاً موضوع دراستي والجامعه وأنه لسه م خلصته وامتحاناتي على الأبواب فكان من المستحيل انه يخليني اسافر اي مكان عم معاويه أكد لي انه هو حيتكلم مع بابا وحيحاول يشرح ليهو الوضع يعني انا حاليا بقيت شبهه مقتنعه بي فكره السفر والشغل مع مازن النصري الايام كانت بتمر بي سرعهه ونفس الروتين اليومي من الجامعه للشركهه للبيت وعم معاويه لسه م جاء وفاتح بابا في الموضوع ولا انا جبته سيرة السفر لي زول إياد كان دايما بزن في راسي وبحاول يعرف انا بفكر في شنو وقراري شنو لحدي م يوم اتصل علي إياد وقال لي لازم اشوفك وضروري قلته ليهو في شنو قال لي تعالي لي في كافي... في أسرع وقت طلعته وانا مخلوعه وصلت الكافي وقلته ليهو في شنو ي حيوان جبتني كدا وخوفتني قال لي اهدي اول ما تتوتري كدا ماف حاجهه بس عندي ليك خبر حيخليك مبسوطه شديد قلته ليهو انت خليت فيها م تتوتري خلعتني ياخ ودا خبر شنو الحيبسطني دا خير احكي طلع لي فلاش ووصلو في تلفونه واداني ليهو كان مشغل فيديو كدا وفيهو نقاش حاد بين شمس و احمد وأحمد بهدد شمس بأنه حيفضحها لو م وافقت انها تتزوجه وبعترف فيهو انه هم الخلى اسامه يوقع الأوراق وأنه هم الاستغلو عدم معرفه اسامهه بي توقيع الصفقه وكيف أحمد لعب بي عقل صحبهه وخلاهو يوقع مع اسامهه بدل م يوقع مع بابا بعد شوفته الفيديو دخلته في حاله بتاعت صدمهه قلته ليهو إياد انت سامع بقولو في شنو يعني اسامهه برئ وهم ورا الموضوع دا كلهه انت جبته الفيديو دا كيف ومن وين قال لي ي ستي ماف شي بصعب على إياد النصري افوو كمان 😌قلته ليهو لا انا جاده معاك قال لي ي ستي لقيتك مشغوله بين للشركهه والتفكير في السفر والقرايه وم اتفرغتي للموضوع دا فقلته استخدم ذكائي الخارق واتابعه انا وعملته كل الاتفقنا عليهو وعينته زول يراقب بت عمتك وأحمد ويسجل لي كل تحركاتهم ودا الحصل فعلا وقعوا في الفخ قلته ليهو إياد اقسم بالله انا بحبك ياخ انت افضل صاحب 😭❤️قال لي عارف اصلا أحمدي ربنا إني في حياتك قلته ليهو ههههه زريف 👊ضحك وقال لي المهم انت كدا عرفتي الحقيقه وحليتي جزء كبير وتقدري تختي شمس في فتيل قلته ليهو على قدر م انا فرحانه على قدر م خايفه من ردت فعل بابا لما يعرف انهه اسامه مظلوم متأكده م حيقدر يتحمل قال لي بس لازم ابوك يعرف وكل العيله كمان وشمس تتعاقب على عمايلا واحساس ابوك بي انه م عرف يربي يبعد منهه عشان يرتاح قلته ليهو بالجد دا الحيحصل نهايتها على أيدي الكلبهه ياخ البت دي شر ماشي على الأرض م عارفه جايبه سواد القلب دا من وين حسبي الله ونعم الوكيل فيها لكن انا ح اخت نهايه قصتها قال لي ودا المفروض يحصل اسي وريني عملتي شنو في موضوع السفر؟ والعرض بتاع مازن على فكره مازن وتالين حيرجعو بعد بكره يعني م فضل كتير على الموضوع دا قلته ليهو م عارفه ي إياد بالجد عم معاويه قال انهه حيفاتح بابا في الموضوع دا الليله واسي حيكون بتكلم معاهو لأنه خليتو جاي على بيتنا قال لي طيب حلو ان شاء الله يقدر يقنعو وانا اتكلمته مع مازن في موضوع قرايتك وامتحاناتك وقال انه م عندو مشكله انك تقري هناك وتجي تمتحني وترجعي تاني وزي م قلته ليك اي حاجه تحتاجيها انا والبنات حنوفرها ليك بس اهم شي استفيدي من الفتره دي على قدر م تقدري لأنه الخبره الحتكسبيها من مازن حتقدر تساعدك مستقبليا قلته ليهو أن شاء الله يلا انا حرجع لازم احكي لي بابا حقيقه شمس وأنه اسامهه اتظلم بس ي إياد اكتر حاجه واجعاني انه م عارفه اسامهه وين ولا حقدر اصل ليهو قال لي مش قلتي انه على تواصل مع صحبهه قلته ليهو ايوا بس ياسر زاتو مسافر واخبارو مقطوعه عني 💔قال لي اخر مره عرفتي عنهه حاجه كان وين؟ قلته ليهو آخر حاجهه عرفتها انه في الخليج بس قال إنه حيسافر قدام لكن قدام دي وين م عارفه قال لي بسسس زيت الزيت ودي فرصهه جات لحدي عندك بما انه الحقيقه اتكشفت واسامه إحتمال كبير يكون في الخليج وم اتحرك منها يبقى ماف مانع انك تسافري بس لازم تصلي لي ياسر اول وتتاكدي إنه أسامه هناك وكدا بكون ضربني عصفورين بي حجر تلقي اخوك وتوفي بي وعدك القطعتيهو لابوك ومنها فرصهه شغلك وتدريبك مع مازن يعني فتره السته شهور مستحيل م تكون كافيه في انك تلاقي اسامهه قلته ليهو بالجد كلامك في محلهه وفيهو وجهة نظر اقسم بالله انت مخك دا م فاضي بقى يشتغل مع الناس ضحك وقال لي عام التافهه دي  ضحكته و قلته ليهو خلاص خلاص اتلهي المهم انا لازم امشي حاليا عشان عندي حاجه عايزه اعملها قال لي شنو قلته ليهو خليها بس مشوار خفيف كدا قال لي تمام ي ستي وخلي بالك على حالك وحاولي م تتاخري على مازن في الرد عشان م يغير رايو قلته ليهو اخوك المنفسن دا الله يعيني عليهو ضحك وقال لي م كان متوحش قلب منفسن متين قلته ليهو متوحش ومنفسن وحيوان واي شي ضحك قال لي طيب ي ستي ابلعها ليك وم حكلمو عشان انت صحبتي بس المره الجايه ح افضحك معاهو قلته ليهو يبلعك تمساح إياد من وشي عليك الله انت واخوك في السماء خليني اشوف شغلي خليته واقف بضحك وطلعته دورته العربيه واتحركته على الشركهه اول حاجه عملتها دخلته المكتب بتاع أحمد كان قاعد في مكتبه وباين عليهو زهجان اول ما شافني وقف على حيله وقال لي انسه نور اتفضلي أتجاوزته كلامهه وفتحت الفيديو ورفعته ليهو التلفون وقلته ليهو ممكن تفسير واضح ولا اخلي الشرطه هي التحقق معاك في كدا 🙂قال لي انا قلته ليهو ولا كلمه حتقول لي الحصل ولا حتنتظر لما الشرطه تجي سكت وبلع ريقه وقال لي انا م عندي ذنب في الموضوع دا كلهه تخطيط شمس قلته ليهو يعني معترف انه انت وشمس اللفقتو التهم دي كلها على اسامهه شوف واحد من اتنين ي تحكي الحقيقة كلها وتخفف على نفسك العقاب ي تتحمل مسؤولية الحصل كلهه وتدخل السجن وتتعفن هناك وعندك حرية الاختيار نططت عيونه وبقى واقف وبعاين لي قلته ليهو ها اخترته شنو قال لي ح احكي الحقيقه كلها قلته ليهو كويس طلعته عاقل وبتفكر حكى لي الحقيقه كلها من اول يوم شمس طلبت مساعدته لحدي م وقعوا اسامهه في فخهم قلته ليهو م قادره اتخيل انك بالحقاره دي كلها م قادره أصدق انت ولد عم معاويهه من ياتو ناحيهه انا عايزه اعرف ليه م شلته من صفاته ولا شويهه ياخ حسبي الله ونعم الوكيل فيك انت حتمشي معاي اسي وتقول الكلام دا كلهه والا قسما ارميك في السجن رميهه الكلاب ولا حتى عم معاويه م يقدر يشفع ليك قال لي استاذه نور انا قلته ليهو اخرص ولا كلمه واطلع قدامي نزل راسو من سكات وانا مشيت على كاميرات المراقبة وسلفا كنت طالبه يجهزو لي تسجيلات  زي م اتفقته مع إياد وفعلا دا الحصل كانت في تسجيلات لي شمس وأحمد وهم بخططو وتسجيلات أحمد وهو بفتش في مكتب عم معاويه وتسجيلات لي شمس وهي بتدخل الأوراق بتاعت تحويل المبالغ في أوراق الشحنات الطالعه عشان اسامهه يوقع عليها ضمن أوراق الشحن بدون م ينتبهه يعني الحقيقه كامله حقيقي قلبي وجعني على اسامهه اخوي شديد كيف اتحمل دا كلهه براهو لعنت شمس وأحمد ودعيت عليهم من قلبي بسبب الحقد العند كل واحد فيهم فرقو عيلهه كامله وشتتوها قلته لي أحمد اتحرك قدامي سريع طلعته معاهو واتصلته على ماما وقلته ليها لازم تسوقي بابا وجدو وحبوبهه وتطلعو ناس عمتي وم فهمتها حاجه قالت لي في شنو خير قلته ليها م حقدر اقول ليك حاجه بس اتحركو على بيت ناس عمتي سريع قالت لي بس ابوك معاهو معاويهه قلته ليها عارفه وخلي عم معاويهه زاتو يمشي معاكم قالت لي ي بتي في شنو م تلعبي بي اعصابي قلته ليها ماما بفهمك بعدين المهم انت اتحركي وقفلته منها فضلته سايقه وأحمد راكب جمبي ومنزل راسهه وانا دموعي م راضيه تقيف وبتذكر الطريقه الاترمى بيها اسامهه برا البيت واتصلت على عمو عبدالرحمن وعيلته وطلبته منهم يجو ضروري بعدها وصلت بيت ناس شمس قلته لي أحمد خليك في العربيه وم تنزل الا لما اناديك وعشان اضمن انهه م يطلع أمنته عليهو العربيه بالريمود من برا دقيت الجرس فتحت لي شروق سلمت علي بحراره كدا وقالت لي اتفضلي كانو قاعدين كلهم في الصفره وبتغدو عمتي لما شافتني قالت لي نور اهلين الذكرك بينا شنو الليله 😏قلته ليها والله كان لازم اتذكركم في زول بنسى أهله برضو شمس قالت لي ونحن طلعنا اهلك الليله قلته ليها للأسف انتو اهلي و انا بخجل اقول عنكم اهلي عمتي قالت لي انت جايهه بيتنا عشان تسمعينا كلامك دا اصلا انا بعرفك ي بت عماد دخلتك علي دي م دخلت خير قلته ليها طالما في ناس زي بنتك دي في الدنيا ماف خير اصلا شمس قالت لي احترمي نفسك م تنسي انك في بيتنا قلته ليها انت اخر واحده تتكلم عن الاحترام ي استاذه وعلى العموم انا م بالحيل عليكم ولا فاقداكم انا جايهه اخت النقط على الحروف بس شويهه سمعنا أصوات العربات وقفت وجو داخلين ماما وبابا وعمو معاويه وجدو وحبوبهه وعيله عم عبدالرحمن يعني العيله كلها باستثناء عمو عبدالله وعيلته لأنهم استقروا في الخليج من زمان جو داخلين كلهم عمتي وراجلا وشمس اتفاجئو عمتي قالت ليهم خير ي جماعه في شنو بابا وجهه كلامهه لي وقال لي نور ممكن نعرف ليهه طلبتي من العيله كلها تجي هنا ماما قالت لي ي بتي وجعتي قلبي مالك م تفتحي خشمك دا قلته ليهم ي جماعه اهدو حتفهمو كل حاجهه براحهه جدو قال لي نفهم شنو ي بتي كدي احكي لينا لأنه والله بوظتي اعصابنا عديل قلته ليهو ي جدو عايزه احكي ليكم قدر شنو انتو ظلمتو اسامهه اخوي بسبب البنت الواقفه دي وحقدها وأشرته ليهم على شمس عمتي قالت لي اها خلاص تاني عايزين نرجع للاسطوانه القديمه دي انت م بتفتري من توجيهه التهم لي بتي هوي ي بت عماد انا سكته ليك كتير وانت زودتيها قله أدبك دي م بتخليها انت قلته ليها ايوا طالما انت دايما بتقيفي مع بتك في الغلط قبل الصح فأنا متوقعه ردت فعلك دي جدا بابا قال لي نور قولي العندك من سكات عايزه تصلي لي شنو انت قلته ليهو عايزه اوريكم الحقيقه وافتح ليكم عيونكم القفلتوها من سنه وزيادة عايزه اوريكم الحقد بتاع شمس الوصل عيلتنا للحاله دي واريك ي بابا انه اسامهه اتظلم وكل الحصل دا كان كذب وتلفيق من شمس قاطعت كلامي شمس وقالت لي لو سمحتي م بسمح ليك تتهميني بي حاجه زي دي كلكم شفتو الحقيقه بي عيونكم واسامه بذاته اعترف بيها ممكن اعرف انا غلطته في شنو إذا كان اخوك حرامي ونصاب دي م مشكلتي وبعدين هو اصلا م طلع اخوك ولا عندو صله بالعيله دي متلصقه فيهو ليهه ولا يكون اللي في بالي بس😏 بعد كلمتها دي م حسيت غير اني بمشي عليها وبرفع ايدي وبضربها كف في وشها بكل قوتي عمتي جات على ومسكتني قالت لي بتضربي بتي في بيتي ي قليله الأدب والله م اخليك وجات علي عايزه تضربني جدو مسك عمتي وعمي عبدالرحمن بقى ينهر فيني عمتي قالت لي ابوي عماد لااله الا الله شوف سوق بتك دي من وشي والا وقسما اتصل بالشرطهه واسجنها ليك اسي دي قلته ليها م تستعجلي ي عمتي الشرطه زمنها على وصول لكن م حتجيني انا لا حتجي تسوق بتك دي من قدامك وانت بتتفرجي بابا قال لي بنهره نور ممكن تفهميني البحصل هنا قلته ليهو البحصل انهه كل حاجه حصلت مع اسامهه كانت غلط وتزوير ومخطط قذر من مخطاطات شمس البتشبها اسامهه اتظلم ي بابا ومع الأسف م شمس براها المسؤوله عن الحصل معاها يد مساعده تانيه قال لي وانت بنيتي كلامك دا على اي اساس وكيف عرفتي انهه شمس هي المسؤولة ومنو اليد التانيه البتتكلمي عنها  نطت عمتي وقالت لي ايوا ممكن تديني دليلك البثبت انهه بتي عملت كدا شمس بعد سمعت كلامي بقت تبلع في ريقها ومنططه عيونها ومخلوعه والخوف باين في ملامحها قلته لي عمتي  جدا اديك دليل طوالي وم دليل اديك ادله كتيره لو عايزه تعرفي خساسه بتك وقدر شنو هي انسانهه حقيره ووسخانه من جواها شلته الفلاشهه ودخلتها في الشاشه وفتحت ليهم التسجيلات كلها من اول تسجيل بخططو فيهو لحدي آخر تسجيل جابو لي إياد والصدمه كانت ظاهره في عيون الكل وحتى عم معاويهه كان واقف ومصدوم شديد قلته ليهم بسبب حقد أحمد وشمس اسامهه طلع نصاب في نظركم وإذا م مصدقين الكلام دا انا ح اثبتهه ليكم تاني وطلعته برا ناديت أحمد وجيت شمس لمن شافت أحمد معاي كانت حتقع من الخوف عم معاويهه جاء على أحمد ومسكو من قميصو وقال ليهو الشفتهه بي عيوني دا صاح؟ انت العملته كدا انطق افتح خشمك دا بس احمد فضل ساكت ومنزل راسو قلته ليهم انا من البدايه كنت شاكهه في شمس بس م كان عندي دليل ضدها لحدي م لقيت أحمد بفتش في مكتب عم معاويهه بالصدفه وحكيت ليهم الحصل كلهه وأنه إياد ساعدني عم معاويه بعد سمع الكلام دا دا بقى يضرب في أحمد بي كل قوتهه  وبقول ليهو دي اخر تربيتي ليك قصرته منك في شنو ولا عشان دلعتك زياده وقلته يتيم عملته كدا ليهه قول الحقيقه  ليه ي كلب انطق قال ليهو اي انا العملته كدا وانا الخطتته مع شمس وانا الوقعته اسامهه وكنت مبسوط وعايز تعرف السبب بي سببك انت ي ابوي انت الكنت بتقول لي ابقى زي اسامهه اقتدي بي اسامهه اسامهه لوكان في مكانك كان عمل انت الكرهتني في اسامهه بي كترت م كنت بتقارني فيهو والسبب التاني حبي لي شمس عم معاويهه قال ليهو وبتقولها في وشي بدون خجله صحي انا م عرفته اربيك والله غلطته عشان كنت عايزك تبقى راجل انت قايل نفسك حتشبهو والله اسامهه بي ضفرك م بجي كل غلطي الوحيد اني كنت عايزك تخليهو قدوه لكن ي خساره انت لطخته سمعتي وبدل م ترفع راسي نزلته لي في الأرض انت م ولدي م ولدي 💔ماما دي قعدت في الأرض وبقت تتحسبن وتبكي وبتقول لي بابا مش قلته ليك ولدي مظلوم م سمعته كلامي انا ربيتو بي أيدي وبعرفو ضيعته مني ولدي وقعدته اريتك لو فتحت عيونك من زمان جيبو لي ولدي حبوبهه كانت بتبكي وتهدي فيها اما عمتي ختت ايدها الاتنين في رأسها ولسانها الطويل داك اتبلع وعمو عبدالرحمن وجهه كلامه لي شمس وقال ليها م اتوقعتك تصلي للحقاره دي كلها أخص عليك وعلى تربيتك ي وسخهه قلته ليهم أظن كلكم عرفتو الحقيقه وماف داعي تاني اقول حاجهه غير اتحسبن عليكم شمس نيتها كانت تنتقم من اسامهه عشان اتزوج وخلاها بس هي م عارفه بتصرفها دا انتقمت مننا كلنا ولو ما نحن في الاصل والواقع بقول انه نحن أهل وبينا صله قرابهه انا كنت رميتك في السجن بس انا م بصل لي مستواك وح اخليك لي الأقوى مني ومن السجن وبما انه انا المسؤوله عن مجلس الاداره في الوقت الراهن انا بعفيكم كلكم من الشركه ودا العقد بتاع فض الشراكهه البينا والقروش نزلت في حسابكم الخاص وقلته لي ماما يلا ارح م عندنا قعده هنا تاني عمتي مشت على شمس وبقت تضرب فيها وتقول ليها عملتي كدا ليه تصغيريني قدام الناس وتقللي مني كدا ليهه انا م عرفته اربيك ي كلبهه وخنقتها لمن م قدرت تتنفس وشغاله ليها بقتلك انا بنتهي منك الليله جدو مسكها منها وقال ي بت انت جنيتي دايره تموتي البت قالت ليهو خليها تموت وارتاح منها ي ابوي عملت لي شنو في حياتي غير الاذيهه اريتني م ولدتها ولا جبتها الدنيا دي جدو قال ليها المشاكل م بحلوها كدا وبعدين كلهه منك ومن دلعك انت الوصلتي البت للحاله دي لو كنت بتمسكيها وتوعيها بعد كل مشكله أو حاجهه غلط تعملها م كان وصلت مراحل زي لكن انت كنت بتقيفي معاها في الغلط عشان كدا اوعك تلوميها الغلط منك انت قبل م يكون منها سامعه كلامي دا وعاين لي شمس وقال ليها غلطتي في حق عيله كامله وشتتيها وظلمتي ولد ناس وربنا م بضيع حق المظلوم استغفري ربك وارجعي توبي ي بتي والله يهديك ويسامحك عم معاويهه جاء على بابا وقعد ليهو تحت رجلينو وقال ليهو اعفي لي ي عماد اعفي لي ي صحبي انا م عارف أودي وشي منك وين اعفي لي عليك الله انا م عرفته اربي وبي سبب طيش ولدي هديت سعادتك بابا ربت على كتف عم معاويهه وم قال اي حاجهه اكفتى بي انهه قال لي نور يلا البيت وحرك كرسيهو تجاه الباب ماما عاينت لي شمس وقالت ليها حسبي الله ونعم الوكيل فيك ياخ اشوف فيك يوم ي شمس وطلعت ورانا اما حبوبهه قالت ليها الله يجازيك ي الفقره المغضوبهه ويلعنك ااا الملعونه قليله الأدب اسي عاجبك البحصل دا ي الفاجره تففف عليك وعلى ربايتك وطلعت ورانا بعدها طلع عم معاويهه ومعاهو أحمد وهو مكسور وخجلان واتحركو على بيتهم وصلنا البيت انا وجدو وماما وحبوبهه وبابا وماما دي م سكتت نهاي طول الطريق تبكي وتلعن في شمس اما بابا كان هادي تماما ودي الحاجه الخوفتني عليهو جدو وحبوبهه كانوا بحاولو يسكتو ماما ويهدوها اما بابا فلز كرسيهو تجاه المكتب وقفلو عليه فضلته قاعده مع ماما وهديتها شويهه وجدو قال لي والله اخر حاجه اتوقعتها من شمس البت دي طايشهه ياخ وم فيها عقل الله يهديها من البتسوي فيهو دا حبوبهه قالت ليهو منعوله ياخ الله يلعنها. ماما قالت ليهم انا م عارفهه ي عمي بس انا دايره ولدي كلهه من عماد انا قلته ليهو ولدي م بعمل حاجه زي دي بس م صدقني قلته لييها ماما الله يرضى عليك كفايه ياخ والله صحتك م بتتحمل البتعملي فيهو دا وبابا الفيهو مكفيهو م تزيديها عليهو قالت لي شوفي لي اخوك وين ي نور حيبيهو لي ي نور قلته ليها طيب حاضر ي ماما انا حرجع اسامهه بس انت اهدي الله يرضى عليك وحضنتها وانا ببكي فجأة سمعنا صوت حاجه بتقع على اتجاه مكتب بابا قمنا جارين عليهو حاولنا نفتح الباب بس كان مقفول من برا دقينا على الباب ونحن بننده على بابا بس م رد جدو قال لينا دقيقه اكسر الباب فضل يدفر فيهو بكل قوتهه لحدي م فتح وكانت الصدمهه بابا واقع من كرسيهو والزبد طالع من خشمو واختفى سواد عيونه وظاهر اللون الأبيض بس للحظهه حسيت نفسي اتشليت وم قادره اتحرك أو أبدي اي ردت فعل اداخلت علي أصوات ماما وحبوبهه وجدو وهم بجرو بي اتجاهو وبصرخو وقفت في مكاني م قادره احرك ساكن وبعد مسافهه حتى قدرته انطق بي كلمهه لقيت نفسي جاريهه بي اتجاهو وبصرخ بي طول صوتي باباااااا.... 💔

حتى وإن جار بك الزمان وظلمك العباد سيأتي يوما ينصفك الله فيه ويقف بجانبك فقط ثق بالله وتوكل وتذكر قولهه تعالى (وما ربك بظلام للعبيد) ❤️

#تعافيت - به
#هويدا عبدالله