تعافيت به

تعافيت به ٣١

وصلت المطار بعد رحله طويله ومرهقهه أتلفت يمين شمال م لقيت زول منتظرني لا عمو عبدالله ولا حتى مازن النصري استغربته شديد وانا م كنت عارفه حاجه في المكان ولا بعرف زول وم عارفه ليهم أرقام  جريت شنطتي ومشيت وطلعت من صاله الانتظار كان في كراسي قدام باب المطار قعدته فيهم وفضلته قاعده اكتر من ساعهه وماف إثر لي عمو ولا حتى مازن بس كان في مجموعه من الأولاد أشكالهم غريبه وبعاينو لي من جيت قعدته دخلتني خوفه غريبه وبقيت أتلفت يعني مكان جديد وانا برأي وم بعرف زول هنا طلعت صورة ماما وبابا من شنطتي وحضنتها ودموعي بدت تنزل وانا م عارفه اقول ي منو ولا اسأل منو لاني م بعرف العنوان بتاع عمو حتى والذاد خوفي زياده انهم بعاينو لي وبضحكو فجأة واحد منهم اتحرك على اتجاهي هنا انا وقفته على حيلي وجسمي حسيته م شايلني جريت شنطتي وانا ماسكه صورة ماما وبابا في أيدي وشايله شنطتي الصغيره في كتفي فضلته ماشه وانا م عارفه ماشه وين اصلا فجأه سمعت صوت بنده علي نور خفته زياده واتلبشته وقلته ي نور الليله سجمك اكيد ديل الاولاد لحقوك وابيت أتلفت وزدته في سرعتي زياده والصوت لسه بنده علي وانا خلاص هبطته ودموعي م عايزه تقيف سمعته صوت بوري قوي تاني ركزته وقلته في نفسي انت غبيه ي نور كيف زول بعرفك باسمك وانت في بلد غريب اكيد دا عمك ي هبله أتلفته بلهفه لقيتو مازن النصري كان نازل من عربيه وجاء باتجاهي رميت الشنطه وجريت عليهو وقفته جمبو وبقيت اعاين ليهو وابكي اتخلع من منظري قال لي بسم الله نور مالك في شنو الحصل شنو قلته ليهو وكمان بتسأل في شنو ياخ والله حرام عليك عملته ليك شنو انا عشان تعمل فيني كدا جايبني من بلدي البعيده عشان تعزبني هنا براحتك صاح وانا اقول ليه طرحته على الشغل وقلته السبب إياد لا انا متأكده انه انت عايز تعذبني وجبتني هنا عشان تنتقم من الاهانه الأنا عملتها ليك يوم المطعم لو كان دا السبب فعلا فأنا اسفه وحقك على بس خليني ارجع بلدي بي كرامتي بدل تجيني هنا وتمرمطني انت فاكر لمن تخليني منتظره في الشارع اكتر من ساعتين في مكان انا م بعرف فيهو زول عشان ترضي غرورك بس دي رجاله منك لا والله دا اسمه عدم شهامه وبطاله م اكتر م عارفه السبب الخلاني اتكلم مع مازن كدا شنو بس حسيت اني عايزه اتفشى فيهو وخلاص حاجات كتيره كانت جواي في اللحظه ديك فراقي عن اهلي واصحابي وبلدي خوفي من المجهول الأنا جيتو بي رجولي حسيت انه دا كله السبب فيهو النصري عشان كدا اتفشيت فيهو مع اني عارفه انه البقول فيهو غلط انا حتى م اديتو فرصه يبرر تصرفهه ولا يفهمني الحاصل انا كنت بتكلم وبرفع صوتي وبقول ليهو في كلام جارح وهو واقف ومربع ايديهو وبعاين فيني بكل برود لحدي م قلته ليهو عدم شهامه وبطاله منك هنا بالجد حسيت ملامحه اتغيرت وعيونو قلبو شرار ونهرني بصوت عالي وقال لي نور كفايه لحدي هنا انا م بسمح ليك انت زودتيها زياده عن اللزوم لو انا فعلا كنت باطل وم عندي شهامه زي م انت بتقولي م كنت جيتك بي منظري دا من اول م عرفته انه مهند حصل ليهو وفاء وما وصلك مع اني م متطر اعمل كدا ابدا وعارف انه عمك مفروض يجي ينتظرك سلفا بس لا كنت عايز اتطمن انك فعلا وصلتي مع اهلك وم كنت لفيت في الشوراع اكتر من ساعه وانا بفتش عليك زي الاهبل و اوعى تفتكري انه دا اهتمام اتجاهك دا اسمه واجب وانا اتربيت في بيت بحترمو فيهو البنات وبالجد كفايه جدا طول لسان وعدم احترام تقدري تقولي لي وين عمك اللي مفروض يجي ينتظرك لحدي الان طيارتك وصلت من قبل ٣ ساعات ممكن اعرف وينو اسي؟ نازله اتهام وشتيمه صح انا في مره من المرات قسيت عليك بالكلام بس دا م معناهو اني انسان حقير لدرجه اجيبك من السودان عشان انتقم منك هنا وحركات الأفلام البتقولي فيها دي وصدقيني مازن النصري لو عايز يعمل حاجه لي زول ماف زول بوقفه بقولها ليها في وشو وبعملها في مكان م هو قاعد م بخليهو يقطع البلد والبلدين عشان سبب تافه زي دا وخصوصا لو كانت بنت لأنه عندو اخت في البيت فياريت تحاسبي على كلامك مره تانيه من دون م تنزلي في الناس اتهام واسي انت م متطره ابدا انك تقعدي ولا تشتغلي هنا إذا م عايزه وإذا حاسه انه انا جايبك عشان انتقم والسخافه وحركات الشفع البتقولي فيها دي دا المطار قدامك وجوازك في ايديك في رحله راجعه السودان بعد ساعتين ممكن ترجعي فيها تمام بعد مازن قال كلامه دا حسيت انه صبت فيني مطره وقدر شنو انا انسانه سخيفه ومتسرعه وم كان مفروض اقول ليهو كلام زي دا قلته ليهو بتردد وصوت واطي مازن عاين لي من فوق لتحت واتحرك بي اتجاه عربيته طبعا اتصدمته حرك العربيه ومشى على اتجاه المطار وخلاني واقفه ومصدومه لا بالجد الإنسان دا م طبيعي يعني مشى خلاني جادي!! ؟اقسم بالله انا غلطانه زاتي اني جيت لحدي هنا عشان اشتغل معاهو تافه حقير بقيت بشلت في شنتطتي بي رجلي وانا بنبز فيهو فجاءه سمعت صوت بوري وراي م اشتغلت بيهو ولسه بنبز في مازن تاني سمعته البوري أتلفت عايزه اردح لي سيد العربيه العمل لي صداع دا لقيتو النصري بقيت عامله كدا 😐فوق م انا غلطانه وبنبز فيهو لقيته جاء راجع عشاني عملته نفسي زعلانه وبقيت اعاين ليهو نظام م حاركب رجع ضرب بوري ربعته ايدي ولفيت منو وشي ضرب بوري تاني أتلفت عليهو لقيتو بأشر لي على حاجه اتلفته لقيت علامه ممنوع الوقوف مكان هو كان موقف عربيته لمن لقاني يعني هو م مشى خلاني هو مشى يصلح العربيه ويجي بالاتجاه الصحيح 🙂طبعا حسيت اني تافهه بالجد وقاعده أظلم ولد الناس دا طبعا م فتح خشمهه معاي نهاي مشيت وانا مدنقره راسي وساكته جريت الشنطه لمن وصلت العربيه م قدرته ارفعها نزل من العربيه وهو لسه ساكت شال الشنطه ودخلتها في بي ورا وجاء ركب وانا ركبته  قدام وم عارفه اقول ليهو شنو وخجلانه من نفسي وتصرفاتي شديد بس نور الحسيني تخلي العناد لمنو بقيت بهبش في مناديل العربيه وهو ابدا م عاين لي تاني فتحته الاغاني م اشتغل بي ولا ركز معاي رجعته قفلتها وقبلته على الشباك بعد مسافه قلته ليهو مازن انا اسفه اي عارفه نفسي غلطته في حقك المهم بعتذر طبعا ولا كلف نفسه يعاين لي ولا اشتغل بي زاتو شميته شمه حسيت اني عايزه اديهو كف وأنه يستاهل الأنا قلته ليهو كله وانا غلطانه اصلا اني اعتذرت ليهو قلته ليهو مدام م عايز تتكلم معاي نزلني وزي م قلته انت م متطر انك تهتم بي فضل ساكت كأني م بتكلم معاهو قلته ليهو طيب ممكن اعرف ماشين وين نحن م رد علي قلته ليهو بتكلم معاك افتكر م ممكن تطنشني كدا عاين لي بنظرات كلها بردو ورجع كمل سواقه قلته ليهو خلاص نزلني ي زول هنا بس نزلني يعني خلاص عشان ساعدتني وعرفته نفسي غلطانه حتزلني مش اعتذرت منك ولا عايزني اركع ليك في رجولك وقعدته ابكي اخد نفس طويل واستغفر ربنا ووقف العربيه قال لي اسي انت بتبكي مالك ممكن اعرف عايزه شنو انت ي نور اتكلم معاك م بعجبك اسكت م بعجبك زدته في البكى زياده قلته ليهو م مجبور انك تتعامل معاي ولا اكون حمل تقيل عليك خلاص نزلني هنا وامشي قال لي انا اسي قلته ليك انت حمل تقيل علي قلته ليهو تصرفاتك بتقول كدا قال لي صدقيني انا لو كنت بفكر كدا م كنت سقتك من مكانك فبالله عليك بطلي أمور الشفع حقتك دي وامسحي دموعك وخلينا نمشي البيت قلته ليهو قصدك انا شافعه🙂 قال لي صبرنا ي رب لالا م شافعه شافع انا ممكن نمشي اسي  م  تعبتي انت عندك كم ساعه  في الشارع دا قلته ليهو طيب حنمشي وين نحن قال لي بيتنا طبعا قلته ليهو لا مستحيل قال لي شنو المستحيل اها عايزانا نمشي وين بعدين م حناكلك نحن وتالي حتموت عليك قلته ليهو لا ي مازن انا اسفه م حقدر امشي معاك بيتكم انا حمشي فندق في النهايه انت غريب قال لي انا غريب عنك طيب حتى إياد وتالي غريبين عنك تمام ي ستي على راحتك وحرك العربيه قلته ليهو مازن بالجد م عايزه اتقل عليكم والله قال لي نور خلاص ولا يهمك عادي انا بحترم قرارك فضلنا ساكتين لحدي م وصلنا فندق كدا كان مكتوب عليهو مجموعات النصري السياحيه الفندق أقل م يقال عنه أنه حاجه فخمه شديد وقمه الرهابهه دخلنا جوا الناس كانوا بسلمو على مازن بمعرفه واحترام شديد قال لي انتظري هنا مشى على اتجاه الاستقبال اتكلم معاهم مسافه فجأه جاء معاهو راجل كدا م كبير شديد بكون ثلاثيني سلم على وقال لي انا مستر عثمان مدير الفندق نورتي الفندق انسه نور قلته ليهو ي اهلين منور بيك قال لي تحبي غرفتك تكون فوق ولا تحت عاينته لي مازن بعدم فهم  قال لي دا الفندق تبع الشركه وانت حتقعدي هنا وكل عملائنا البجو من برا بنزلو هنا عشان فيهو ترحيل بطلع الصباح بجيب الناس للشركه وممكن تلقي فيهو راحتك قلته ليهو بس قال لي بس دي بتناقش فيها بعدين اسي عايزه غرفتك في أي اتجاه قلته ليهو عايزه اتكلم معاك شويهه مشيت مسافه من الراجل ومازن جاء وراي قال لي ايوا خير ي نور مالك قلته ليهو بالنسبه للتكاليف انا مستحيل اقعد فيهو مجان قال لي كنت عارف انك حتقولي كدا واتطمني ي ستي التكاليف بتتخصم من المرتب من الشركه طوالي فهمتي ممكن تخلى الكلام الكتير ونرجع للراجل الواقف دا ومشى على اتجاه مستر عثمان قال ليهو بتمنى يكون ماف مشكله مستر مازن قال ليهو لالا ماف مشكله وضيفتنا حتقعد في الغرفه الفوق شال منو المفاتيح وقال ليهو الشنطه في العربيه خلي زول يطلعها اداني المفتاح وقال لي دي مفاتيح غرفتك ودقيقه طلع من جيبو تلفون قال لي خلي دا معاك لحدي م تجيبي ليك شريحه جديده عشان اذا احتجتي حاجه فيهو رقمي ورقم إياد ومهند قلته ليهو بس قال لي نور م تنقي قلته ليهو طيب ي مازن اسي احتمال عمو وصل المطار وم لقاني اكيد حيكون خايف وبفتش علي قال لي نور انا م غبي عشان م انتبه لي حاجه زي دي اكيد انا ححاول اوصل لي عمك بباقي اليوم دا واكلمو انك بخير ومعاي بس خليني ارجع البيت انت م شايفه انه الليله الكاريزما الاداريه بتاعتي كلها راحت بسببك شوفي انا لابس شنو وانا وين عاينته ليهو وي داب انتبهت انه لابس ترينك وفنليه وشبسب بتاع بيت عاينته ليهو وقعدت اضحك قلته ليهو شتتت منظرك قاسي 😹ابتسم قال لي شكرا برضو وكتر خيري كان اخليك تتبهدلي في الشارع شويهه ضحكته بعدها قال لي يلا ي زوله استأذنك وانت اطلعي ارتاحي الليله ح اعفيك من الشغل بس من بكره حتحول انت عارفه مازن بتاع الشغل غير مازن الشايفاهو دا قلته ليهو قصدك المتوحش قعد يضحك وأول مره اشوفو بيضحك سرحته في ملامحه لأول مره ضحكته حلوه شديد مع اللحيه والغمازه الواحده كانت مبالغه حسيت انه ملامحه دي م غريبه علي ابدا بس م عارفه شفتها في منو كمل ضحك وقال لي انا متوحش ي بت الحسيني والله كتر خيرك ياخ 😹ضحكته وقلته ليهو اصلا م عايزه نقاش دي قال لي طيب ي ام لسان طويل امشي ارتاحي وزي م كلمتك إذا احتجتي حاجه اتصلي على قلته ليهو تمام اول م اتحرك خطوه من قدامي قلته ليهو مازن أتلفت على قلته ليهو شكرا ابتسم وغمض عيونو ومشى بعدها طلعته غرفتي واخدته دش غيرته ملابسي وانجدعت نمته من التعب.....

وصلت البيت بعد ما اتاكدته انه نور بخير واطمنته انها حتكون بأمان ووصيت عليها مستر عثمان حقيقي نور أثرت فيني بشكل كبير من غير احس حتى لهفتي عليها اول م صحيت ولقيت كميه الرسايل والمكالمات من مهند وأنه حصلت ليهو حاله وفاه واتطر يسافر 💔وم مشى لي نور حسيت قلبي قبضني وطلعت من دون وعي وفضلته لافي في الشوراع لحدي م لقيتها بس طبعا كانت دايما بتفهمني غلط ونزلت فيني اتهام كعادتها كنت عارف انها خايفه وتصرفها مبرر بس م اتوقعته انه توصل بيها لدرجه تقول عني باطل هنا م قدرته امسك نفسي ورديت عليها بقسوه وعرفت غلطتها واعتذرت م بنكر انه نور ببين عليها قويهه وعاقله بس هي بالجد طفله واتحملت حاجات أكبر من سنها ومن وقتها حسيت انه كلام إياد صح وأنه نور م البت البتستاهل انه بتعاملو معاها بالأسلوب الجاف دا وقررته اغير تعاملي معاها واكتر حاجه عجبتني فيها صراحتها وطفولتها يعني بعين قويه وقدامي قالت مسمياني متوحش ومغرور 😹🤦‍♀️وصلته وعملت اتصالاتي وقدرته اوصل لي عمها وفهمتو انها معاي وبخير كان خايف عليها جدا ومتوتر بعد م كان في طريقه ليها عربيته خسرت وعلى بالم م قدر يصل ليها م لقاها وفضل لافي الشوارع وم قدر يتواصل معاي ولا مع إياد  طمنته عنها وأنها في الفندق بتاع الشركه وبعدها لقيت اتصالات كتيره من إياد رجعته وحكيت ليهو الحصل كله وطمنته على نور وقفلته بعدها اتحركته على الشركه عشان اجهز لاجتماع بكره .....

ويحدث أن تظن بأحدهم شرا فيثبت لك انه الخير الوحيد.... ❤️

#تعافيت _به
#هويدا _عبدالله