تعافيت به

تعافيت به ١١

بعد مرور اسبوعين على الحصل دا وبدت التجهيزات لعرس اسامهه ولينهه صحيت من النوم على صوت ماما كالعادة وهي بتقول لي انت ي بت النايمهه ليها شنو ونحن عندنا الف شغله في راسنا ناسيهه انو نحن ماشين نودي للبت دي الشيله الليله ويحددو العرس غطيت وشي بالمخده وقبلته بالجهه التانيه وقلته ليها ي ماما ياخ هو العايز يعرس انا ذنبي شنو خليني انوم ياخ قالت لي ي بت قومي فوق م عايزه معاك قله ادب كتيره شوفي الساعه دي ماشه على كم قلته ليها ي الله ياخ اصلا الزول م بنوم في بيتكم دا بي راحتههه ده شنو دا قالت لي انت ياتو يوم م كنت عايزه تنومي انا نازله تحت اشوف الحاجات الجابها ابوك واسامه والله اطلع تاني القاك م صحيتي بتصرف معاك تصرف م يعجبك وطلعت صحيت وانا كسلانه ومدروخهه وقلته ياخ حتى في الاجازه م عايزين يريحونا استغفر الله بس دخلته الحمام اخدتهه دش اتوضيت وصليت كنت لابسه بجامه نص وعامله شعري كعكتين نزلته تحت شايفه ماما معاها نسوان وبابا واسامه قاعدين في الصالون مشيت عليهم وقعدته لي بابا في رجولو قلته ليهم صباح الخير اسامهه قال لي قولي مساء الخير الضهر إذن قلته ليهو م يأذن ياخ هو انا الإمام بابا قعد يضحك قال لي اصلا الرد ما بتتلفتي ليهو يلا جهزي نفسك عشان حنمشي نودي الحاجات لأهل العروس قلته ليهو طيب بس بالنسبه لجدو وحبوبهه واعمامي وكدا بابا قال لي انا اتصلته كلمتهم أمس وان شاء الله بكونوا على وصول اسي قلته ليهو طيب وعمتو قال لي كلمتها برضو يعني حافرزها ويلا بالله بطلي كلام كتير وقومي من رجولي وجعتيها لي كأنك سمنانه زياده وقعد يضحك اسامهه ضحك معاهو قال ليهو لما اقول ليكم بقره ابقو صدقوني 😂عاينته ليهو كدا😒وقلته ليهو حتى انت ي بابا ظابط شديد بس وصريت ليهو وشي وطلعته خليتهم بابا قعد يضحك على قال لي تعالي خلاص معليش م اشتغلته بيهو طلعته زعلانه مشيت المطبخ قعدته في الصفره كبيت لي شاي وحشيت لي سندويتش وقعدته اكل ماماا جات داخله قالت لي انت لسه م جهزتي ي بت نحن اتاخرنا على الناس ديل قلته ليها ماما ياخ اتاخرنا شنو يعني م اكل قالت لي انا قلته ليك استعجلي وبعدين وين صحباتك م ماشين ولا شنو قلته ليها واااي ي ماما انا م كلمتهم قالت لي عاد دا كلام دا ي بتي قلته ليها نسيت والله ي ماما لكن دقيقه اسي بتصل عليهم جريت جبته تلفوني واتصلت كلمتهم وبعد نبز وشكل وتحانيس وحب حتى وافقو وقالوا جايين جريت غرفتي طوالي وبديت اجهز في ملابسي اتجهزتهه ونزلته لقيت البنات جو وهاك ي سلام وكواريك وزغاريد حتينا حت م خلينا شي الا شهد تشيل وتعمل في دراما وشغاله لي م قادره أصدق انه راجلي حيعرس فيني وااااي ي غلبي. م قادره اتحمل 😔💔 قلته ليها و راجلك دا أن شاء الله اخوي ي بت م تلفي كدا 😂 ريم قالت لي ي اخواني دي البوره طارت ليها في رأسها خلوها 😂 ولاء قالت لينا اي أتجاوزها البوره بتعمل اكتر من كدا😂 قالت لينا بالمناسبه انتو رمم شديد وانا غلطانه البحكي ليكم عن مشاعري الموضوع حساس م تضحكو 😔💔 قلته ليها خلاص ي حساس ارح خلونا نهجج شويهه قبل الناس تصل كلها ونطلع بيتنا اتملا ضيوف والأجواء كانت أجواء عرس بالجد المره دي الناس كانت مبسوطه شديد وبترقص وماما دي داخله تزغرد ومارقه تزغرد جدو وحبوبهه واعمامي وأولادهم كلهم جو الفرحه كانت م سايعه الكل عكس أجواء عرس اسامه وشمس أما عمتي م جات لا هي ولا شمس لكن جات شروق وشيرين ومعاهم شادي وشازلي حسيت بفرحه لمن شفتهم مشيت ناديتهم عشان يقعدو معانا انا والبنات بدل م يقعدو مع النسوان الكبار كدا بابا سالهم من عمتي شروق قالت ليهو تعبانه شويهه قال ليها خير بعدها بابا جاهو اتصال ودخل المكتب كان باين عليهو قلقان ومتوتر ماما لحقتو وقالت ليهو عماد خير مالك قال ليها لالا ماف حاجه اطمني قالت ليهو ماف حاجه كيف يعني م شايف عيونك دي واقعه ووشك دا مخطوف كدا في شنو من متين وانت بتدس مني حاجه قال ليها والله مافي حاجه بس ياهو التعب والإرهاق ومشاكل في الشغل قالت ليهو مشاكل شنو خير قال ليها والله الحسابات فيها لخبطته شديده في جزء من مبالغ كان بتسحب من مده وبي أرقام ضخمه شديد وم معروف بمشي وين كل الجهات المفروض اتسحبت المبالغ دي عشانها اتضح انه م وصلهم اي شي ومعظمها كانت جهات زايفهه وم عندها وجود اصلا قالت ليهو سجمي كيف يعني الكلام دا منو المسؤول عن الشؤون المالية في الشركه مش اسامهه ولدك قال ليها اي الشي الغريب انه اسامهه هو المسؤول عن الحاجات دي بالاضافه للراجل الموكلاهو منى اختي قالت ليهو طيب م تسألهم قال ليها م وقته اسي خلينا نطلع على ضيوفنا ديل ونتحرك على الناس شينه في حقنا وبعدين نشوف البحصل شنو، فعلا طلعنا واتحركنا كلنا على بيت لينهه والسيره والزغاريد والبهجه ههجنا تمام وصلنا م شاء الله كانت التجهيزات حلوه شديد لاستقبالنا وعمها ومرتو يتكبكبو فينا شويهه كدا جات لينهه ومعاها صاحبتها سلمو علينا وم شاء الله عليها كانت جميله شديد اكتر من جمالا في الصور وملامحها بريئه وباين عليها بت بسيطه وطيبانهه صحباتي قالو لي م شاء الله مرت اخوك قاطعه لكن شهد قالت لي وااي ليهو حق اسامهه ي يمه عندو زي دي يعاين لي انا 😔💔قعدنا نضحك عليها 😂اما ماما دي عاد قعدتها جمبها وكل دقيقه تشيل وتبوس فيها وعاد م شاء الله مرت ولدي حلاتها اما اسامهه وبابا وياسر وجدو قعدو مع عمها وخالها الجاء من السفر شرحو ليهم الأوضاع الحاصله واتفقوا معاهم انه العرس يكون الجمعه الجايه يعني بعد يومين في الأول جاطوا وقالو الزمن ضيق عليهم وكدا لكن اسامهه وبابا اقنعوهم بعديها لبسو الدبل واتحركنا على البيت كنا تعبانين شديد ولسه راجينا تعب اكتر البنات باتو معاي في البيت نسبه لأنه الوقت اتأخر عليهم، أصبح الصباح وبدينا تجهيزات العرس من جري سوق لي نضافهه وترتيبات كانوا معاي بنات عمي وصحباتي م قصروا نهاي واعمامي كلهم قاعدين الا عمتي وبناتها المساء كدا كنا عاملين حنه لاسامهه جات شروق وشازلي بس سألتهم من البقيه قالوا م حيقدرو يجو، طلعنا فوق انا والبنات عشان نجهز اما ماما ونسوان اعمامي كانو بحضرو في حاجات الحنه وملخومين واسامه زعلان قال م عايز يتحنن ماما جبرتو عليها وانا شمتانه فيهو شويهه كدا سمعنا صوت الحفله اشتغلت طبعا عملوها في الحديقه حقتنا قدام البيت نزلنا كلنا كنا قاشرين قشره صاح والمكياج دا م يديك الدرب وفاكين الشعر دا اما اسامه فكان لابس جلابيه وياسر برضو اما البقيه معظهمم لابسين عادي وبسيط لابسين جلاليب شهد شافتهم بقت شغاله لي واااي لكن من اسامهه وأصحاب اسامهه انا كدا مشاعري حتتلخبط 😍ضحكته عليها قلته ليها اثبتي على واحد ي اختي ريم قالت لينا واااي شوفوا الجلاليب يحردوها ليهم الاولاد انضف من ضميري ولاء قالت ليها عاينني الواقف جمب اسامهه تقول شارد من الجنه احي من الدقن بس 🤤قعدته اضحك عليهم قلته ليهم فضحتونا ياخ م تعاينوا للأولاد كدا اسي يقولو علينا شنو، شهد قالت لي شوفي ي بت والله م امرق من هنا بدون عريس 😭 قلته ليهم خلاص ادخلوا بدل ما نحن واقفين هنا وبنعاين للناس زي الهبل دخلنا الحفله ورقصنا قدرتنا وهججنا هجيج وعاد البنات م قصروا نهاي أثناء الحفله بابا جاء على اسامهه قال ليهو حاجه في اضانهه ومشى شويهه كدا اسامهه لحقه ودخلوا جوه استغربته من تصرفهم بس م ركزته بعد الحفله انتهت البنات قالوا م حيقدرو يبيتو معاي والايرجعو كلمته السواق عشان يوصلهم ودخلته غرفتي نومه واحده صحيت لقيت الساعه ٣ عصر نزلته تحت لقيت ماما وجاراتها شغالين تجهيزات كنت حاسه بصداع شديد مشيت عملته لي شاي وحشيت لي ساندويتش وطلعته الجنينه برا قعدته في الطوطحانيه وبقيت اهز في رجولي واشرب في الشاي فجأة اشوف عمتي وراجلها وشمس جايين داخلين طبعا استغربته جات سلمت علي وقالت لي ابوك وين قلته ليها بابا جوه طوالي دخلت تووش ووشها م بتفسر دخلته جوه اشوف الحاصل شنو بس لقيتهم دخلو المكتب كلهم وقفلو عليهم بعد مسافهه عمتي طلعت وطلعت وراها شمس وراجلها ماما جات على بابا واسامه قالت ليهم في شنو خير بابا قال ليها بعدين بعدين وطلع هو واسامه ورا عمتي قلته لي ماما ليها ديل مالهم قالت لي بري م عارفه كدي خليني امشي على النسوان ديل م يقولو خليناهم براهم مشيت مسكته تلفوني لقيت رسايل من البنات قلته ليهم انتو وين ي رمم دي خوتكم مش مفروض تكونو هنا اي واحده طلعت لي بي حجه وأنها بكره جايهه وبتاع المهم شاكلتهم كدا المغرب إذن صليت ونزلته لي امي ساعدتها شويهه كدا في الشغل اتصلت علي لينهه قالت عاملين لي قعده بتاعت حنه وأنه لازم تجي وجيبي معاك البنات قلته ليها تعبانهه والله قالت لي يخسي عليك بزعل منك والله وبقت تحنس فيني قلته ليها خلاص تمام مشيت طلعته لي فستان اسود ساده أكمامه طويله ومع الجسم عملته شعري كعكه فوضويهه ولبسته معاهو جزمه كعب بالاحمر وعملته مكياج خفيف نزلته قلته لي ماما حمشي احضر حنه لينهه قالت لي لكن الماشي معاك قلته ليها برأي قالت ليه وين البنات قلته ليه قالو م حيقدرو قالت لي طيب البوصلك منو السواق انا رسلته قلته ليها طيب وين اسامهه وبابا ليهه م جو بتكلم معاها كدا لقيت بابا جاي داخل سلم علينا وقال لي على وين قلته ليهو حامشي احضر حنه لينهه قال لي معاك منو قلته ليهو برأي والسواق ماف اديني مفتاح العربيه حسوق انا قال لي لالا خلي اسامه يجي ويوصلك قلته ليهو بس حتاخر ي بابا وبعدين اسامهه العريس حيمشي حنه العروس كيف بس والله بسوق براحهه بقيت احنس فيهو وبعد حب ودراما ووصايا اداني المفتاح دورته العربيه واتحركته على بيت لينهه وصلته لقيت الحفله شغاله ولينهه كانت طالعه حلوه شديد لابسه فستان سندريلا باللعنابي وفاكهه شعرها ولابسه معاهو تاج كانت طالعه زي الاميرات رغم أنه الحفله كانت بسيطه شديد رقصنا كدا وهججته معاها واتصورنا رسلته الصور للبنات عشان اغيظهم ورسلتها لي اسامهه برضو، الساعه عملت ١١ والحفله خلصت قالت لي اقعدي بيتي وامشي الصباح قلته ليها ماف طريقه والله ماما براها والشغل كتير عليها قالت لي بس حتقدري تمشي براك الوقت اتأخر صفاء صاحبتها قالت لي اقعدي معانا عليك الله قلته ليهم والله م بقدر ي جماعه قالت لي خلاص خلينا نمشي معاك قلته ليها ي بت تمشي وين انت عروس انا بمشي واصلا جيت بالعربيه فمتخافوا على طلعته منهم واتحركته على البيت اتصلت على امي قالت لي وين انت ي بت الزمن دا اتأخر كدا قلته ليها في السكه جايه على البيت بتكلم معاها كدا بس اشوف نور عربيه جايهه علي بسرعههه حاولته اضغط فرامل بس العربيه علقت وم حسيت الا وانا دخلته في العربيه القدامي بقوه واخر حاجه سمعتها كان صوت امي وهي بتصرخ نورر وبعدها غبتهه عن الوعي......

ويخال لك انها النهايه بينما هي بدايهه جديده....! ❤️

#تعافيت- به
#هويدا عبدالله