تعافيت به

تعافيت به ٢٤

فلاش باااااا اك :
سرحته بخيالي وانا بتذكر  الاحداث قدامي وكأنها حصلت الليله بعد النقاش الحصل بيني وبين عماد بسبب اني لخبطته في الحسابات بتاعت الشركه بدون قصد وخسرتها مبالغ كبيره ومنى وعبدالرحمن  ربنا يسامحهم اتهموني بالسرقهه ووصلو لعماد الكلام بطريقه تطلعني غلطان في نظروا وكان هدفهم يخربو بينا ويبعدوني عن الشركه لأنه  كنت عائق بالنسبه ليهم وعارف العمايل البعملوها من ورا عماد والأموال البختلسوها وكنت بقيف ليهم دايما وسبحان الله م كانو بحبو يشوفوهو ناجح نهاي وكأنه م اخوهم 💔 في النهايه قدرو يحققوا مرادهم وفعلا فرقو بينا وعملو مشاكل وطلعوني نصاب وعماد عفاني من الشركه أو بالمعنى الاوضح طردني وقتها زعلته منه شديد لانه م صدق كلامي وشكك فيني ورفضته اني ابرر ليهو موقفي ابدا فضلنا على الحاله دي  شهور طويله 💔وانقطع التواصل بينا وقتها كانت امل حامل بي اسامهه وحملها فيهو صعوبه ومشاكل كتيره اما عماد فكانت حياته أصعب لأنه سوسن كان عندها مشاكل اكتر وم بتقدر تجيب اولاد وطبعا الحاجه دي بالنسبه لاسره عماد م مقبوله ابدا وكانو منتظرين الوريث بفارغ الصبر لأنه عماد تاني واحد في إخوانه اتزوج ونسبه لأنه عبد الرحمن جاب بنت فكان لازم عماد يجيب الولد سوسن كانت داخله في حرب نفسية ودايما بتتهاجم منهم فضلو لافين من دكاتره لي مستشفيات بس بدون نتايج والضغط من حاج محمد ذاد وخصوصا انه منى بنته دايما بتملا ليهو راسو فكان بضغط على عماد شديد كأنه الحاجه دي بي أيدو لحدي م عماد زهج واشترى بيت وانفصل من العيله وقعد براهو 💔 في الفتره ديك انا م كنت عارف الحاصل على عماد وتواصلي معاهو معدوم وكنت مشغول مع امل ووضعها الصحي وفي يوم صحيت على صراخها وهي بتبكي من الألم جريت بيها المستشفى وقالوا ولاده وعمليه مستعجله وقتها انا كنت براي وأهلنا كلهم في القرى  وم عندي زول في الخرطوم غير عماد  اتصلته عليهو وكالعادة م خيب ظني فيهو وكلها تلت ساعه ولقيتو قدامي هو وسوسن انتظرنا ساعات طويله بعدها الدكتور طلع وبشرني بي اسامهه بس حطمني اكتر بي حاله امل وأنها تعبت شديد ودخلت في غيبوبهه وم عرفو سببها شنو بالضبط عماد كان واقف معاي هو وسوسن م فارقني ولا لحظهه وسوسن شالت الولد وكانت بتهتم بيه وحتى انهم عملو ليهو كرامهه يوم السابعه ووزعوها على ناس المستشفى وخلتني اختار ليهو اسمهه وسميتو زي م امل كانت عايزه اسامهه ❤️💔فضلنا على الحاله دي شهرين كاملين حتى اني اطريت اعيش مع عماد وسوسن في بيتهم عشان اسامهه كنت بقعد في المستشفي من الصباح وعماد بمشي الشغل والمساء بغشاني وبنرجع البيت سوا في الفتره دي سوسن اتعلقت بي اسامهه شديد وحتى هو اتعلق بيها هي عوضتهه عن حنان الأم الفاقدو وهو عوضها عن احساس الامومه يعني اتعافت بيهو وكلنا لاحظنا اهتماما بيهو وحبها ليهو يعني م كانت بتخليهو يبكي ولا بتنزلو من يدها وبعد م كانت كئيبه وطبيعي زعلانه  بقت تضحك ورجعت ليها السعاده من تاني لحدي اليوم الاتصل علي الدكتور وقال لي انهه امل صحت وقتها م كنت قادر استوعب الخبر من الفرحه جريت المستشفى وسوسن كانت معاي واتصلته على عماد حصلنا هناك دخلنا واطمنا عليها ومن بعدها مشيت على الدكتور وم طمني ابدا على وضعها الصحي والغيبوبه الدخلت فيها وطلب مني اعمل ليها كم فحص وصوره اشعهه للراس ورنين مغنطيسي وفعلا دا الحصل عملته ليها الفحوصات وبعدها كتب لينا خروج رجعنا بيت عماد وعملنا ليها كرامهه وعزمنا الناس وكانت كويسه شديد وجاء الوقت اللي مفروض نرجع فيهو بيتنا بتذكر يومها سوسن بكت شديد لأنها كانت متعلقه بي اسامهه وحتى لما جاء الليل اسامهه م نام اليوم كلهه لأنه كان متعود على سوسن وريحتها وفضل على الحاله دي اسبوعين أو اكتر حتى اتعود ينوم في حضن امهه اما سوسن فكانت يوميا معانا في البيت وم بتفارقنا الا الليل وبتشيل اسامهه وتاكله وتهتم بيهو وتلعب معاهو الوقت كله وانا لاحظته انه امل بقت تتضايق من تصرفاتها وم انا برأي حتى عماد كان بحاول يلمح لي بي كدا ويبرر لي تصرفاتها بس انا كنت متفهم وضعها كويس وبطمنهه وبقول ليهو م يشيل هم، مرت الايام والشهور على الحاله دي وأمل صحتها في النازل وبقت تتعب كتير ومرات بتجيها دوخهه وبتقع مع انه كانت متابعه مع الدكتور وكل مره بغير ليها الادويه والعلاجات بس بدون نتيجهه وحالتها ماشهه للأسوأ بتذكر يوم طلعنا رحله بي مناسبه انه معاويه جاء السودان اجازه براهو من غير مرته وأولاده من بعد غياب اسامهه كان عندو ٧شهور في الوقت داك عملنا رحله سفاري ومشينا بيت المزرعه التابعه لأهل عماد وشلنا الاكل وعملنا المشاوي واتصورنا وكانت الأجواء حلوه شديد وقضينا يوم حلو جدا ومعاويه كان مبسوط بي رجعتنا انا وعماد من جديد قعدنا تحت ضوء القمر بعد ما امل وسوسن دخلو جوا ونامو اتونسنا واسترجعنا الذكريات وكنا بنضحك ونتذكر لما كنا صغار واي واحد حلمهه كان شنو بعدها لاحظته لي عماد الكان شارد وسرحان بعيد قلته ليهو مالك قال لي متذكرين حلمي الوحيد في الحياة كان شنو؟؟ كان نفسي اجيب اولاد كتار من سوسن م مهم نوعهم شنو بس كنت متمني ربنا يرزقني اي حاجه منها تملأ حياتي وحياتها بالفرح لكن الحمد لله على كل حال 💔قلته ليهو ونعم بالله وانا متأكد ربنا حيرزقك بالذريه الصالحه ويحقق ليك البتتمناهو ابتسم وقال لي أن شاء الله وكمل حديثنا معاويه وغير الموضوع في محاوله منو لي تلطيف الجو الاتكركب م بنكر وقتها انه قلبي وجعني على عماد شديد واتمنيت لو اقدر اساعدو بي حاجهه فجاءه قطع حديثنا صوت سوسن وهي بتصرخ جرينا عليها ملهوفين لقينا امل واقعه في الأرض والدم بنزل من انفها وسوسن شايله اسامهه ببكي وهي بتبكي معاهو سألتها الحصل شنو قالت م عارفه فجأة كانت بتغير لي أسامه ووقعت ساعتها م عرفته اعمل شنو رفعتها وعماد دور العربيه وجرينا بيها أقرب مستشفى اما معاويه  ساق عربيته وجاب سوسن واسامهه ولحقونا وصلنا المستشفى وانا م شايف قدامي دخلوها الطوارئ وطلبو مننا ننتظر برا بعد شويهه الدكتور طلع وابدا م بشرني بالخير وقال انه امل وضعها الصحي في خطر وفي عداد الموت وانها محتاجه عمليه للراس فورا لأنه في شريان مسدود ولازم تسافر برا ويتعمل ليها عمليتين تاني في أقرب وقت ممكن، الكلام دا نزل على زي الصاقعه وحسيت حواسي اتخدرت والدنيا ضلمت في وشي عماد كان بحاول يطمني وانا اصلا م كنت حاسي بالبحصل حوليني وم مستوعب اما عماد عمل الإجراءات كلها ودفع التكاليف وطلب منهم يعملو العمليه الأولى واتعملت العمليه الأولى ونجحت بعدها معاويه سافر لأنه إجازته خلصت وكان لازم يمشي يجدد الاقامهه وفضلنا على الحاله دي اسبوع او اكتر وأمل م فتحت عيونها نهاي ورجعنا للروتين الأول قبل شهور يعني رجعنا عشنا انا واسامهه في بيت عماد من تاني وفضلنا اسبوعين بالحال دا بعدها امل صحت من الغيبوبه بس م كانو بخلونا ندخل ليها لأنه العمليه كانت صعبهه والدكتور كان بضغط علي في موضوع السفر وانا كنت في وضع م يسمح لي بي سفر ولا حتى عماد م عندو إللي يكفي العمليات والتكاليف دي كنت شايل هم الدنيا كله واتصلته بي الأهل والمعارف وكله بس الحال كان واقف في البلد لأنه الموسم بدري عليهه والناس في البلد ناس زراعة بدون الموسم ببقو عاجزين تماماً ماف زول عندو اللي يكفي للتكاليف دي كلها كنت قاعد شايف امل بتموت قدامي وم قادر اعمل حاجه💔 كرهته وضعي المادي لأول مره في حياتي عماد كان بحاول يساعدني على قدر م يقدر بس هو زاتوا م كان طالع في أيدو شي لحدي م جاء عماد يوم وعرض علي صفقه وكانت حاجه صادمهه شديد بالنسبه لي طلب اني اديهو اسامهه يعيش معاهو مقابل انه يبيع نص الشركه بتاعته ويساعدني اعالج امل وقتها م عارف الحصل لي شنو ولقيت نفسي بضربهه بي كل قوتي وطردتو من المستشفى وحسيت نفسي بكرهو شديد كيف يطلب مني حاجه زي دي اصلا عايزني ابيع ولدي عشان القروش!! ؟؟؟