تعافيت به

تعافيت به ٣٥

بقيت واقفه متنحنه وحصلت لحظه بتاعت صمت عيوني اتملت دموع وحسيت حركتي اتشلت وم قدرته انطق بي حرف ونفس الشي كان حاصل مع اسامهه بس احسن هو جاء على بخطوات بطيئه ومسك وشي بين ايديهو وكان بعاين لي بي لهفه وشوق وعيونه بتلمع من الدموع ماف واحد فينا كان قادر يقول حاجه الا مازن الكان واقف ومستغرب من البحصل قال لي احم انتو بتعرفو بعض ولا حاجه نور دا منو؟ بعد مسافه ومحاولات مني انه اقول حاجه اترميت في حضن اسامهه وقلته ليهو دا اسامهه ي مازن دا اسامهه اخوي فضلته حاضنه اسامه وببكي بي حرقهه وبقول ليهو انت مشيت وين وخليتني م شفته انا فتشته عليك كيف ليه مشيت وخليتنا م عارف الحصل لينا من بعدك ليه ي اسامه ليهه بس اسامه كان ساكت وحاضني وعيونه شرار اما مازن فضل ساكت وبعاين لينا مهند ورؤى جو باتجاهنا وهم مستغربين مهند قال لي مازن خير في شنو ودا منو أتلفت علينا وقال اسامهه!! ؟ مازن قال ليهو انت بتعرفه قال ليهو ايوا دا اخو نور مازن قال ليهو والمدير التنفيذي للشركة مهند قال ليهو بخلعه بالجد!! ؟ مازن هز ليهو راسو بمعنى اي وفضلو ساكتين وبعاينو لينا بعدها اسامه رفع راسي وهو بمسح الدموع من وشي وقال لي هييي هششش ي بقره كفايه بكى خليني اشوفك انا اشتقت لي وشك الشين دا قلته ليهو كذاب م اشتقت لي لو اشتقته لي م بتخليني المده دي كلها سنتين الا كم شهر حرام عليك ياخ حرام عليك ورجعته ختيت راسي في حضنه وانا ببكي مازن قال لي نور اهدي الناس بدت تعاين لينا ودا م المكان المناسب للعتاب تعالو معاي ي جماعه هنا في صحافه وحيترجمو البحصل دا على كيفهم وانتو عارفين اسامهه قال ليهو فعلا مستر مازن انا اسف وخليها انا حتصرف وقال لي نور هششش كفايه مسح لي دموعي و مسكني من أيدي وقال لي تعالي معاي طلعنا بره الحفله مهند ورؤى جو ورانا مازن قال ليهم لا تعالو خلوهم براهم اكيد عندهم كلام كتير عايزين يقولو وانت ي مهند كنت عارف انه دا اخو نور! ؟ طيب ليه م كلمتها انت م عارف انها تعبت وهي بتفتش عنه قال ليهو ايوا انا بعرف اسامه لقيته زمان لمن نور عملت معانا الحادث بس م كنت عارف انه نفس اسامه الشغال معانا هنا قال ليهو طيب م مشكله خلينا نمشي قبل الصحافه م تستلمنا تشغيلات اما بالنسبه لي انا فطلعته مع اسامه برا وكان في كراسي قعدنا فيهم وانا لسهه ببكي وم مصدقه اني شايفه اسامه قدامي بعدها قال لي نور هشش كفايه الله يرضى عليك كفايه بكى قلته ليهو ليه ي اسامهه هُنا عليك للدرجه دي طيب انت زعلته من بابا انا وماما ذنبنا شنو طيب قول انا هُنت عليك ماما برضو هانت عليك انت م عارف هي بقت كيف من بعدك ماما بهتت شديد وكبرت فوق عمرها ١٠ سنوات م كانت بتنوم من دون سبحتها وصورتك اللفي ايدها انت عارف انك روح ماما لكن انت شلته روحها ومشيت قال لي نور كفايه الله يرضى عليك انا والله م متحمل اكتر عمركم م هُنتو علي ولا بتهونو انت فاكره انه الايام دي كانت بتمر علي بي سهوله والله انا كنت بتقطع عليكم وكل يوم مر بدونكم كان سنه بس انا م كنت عايز اكسر وعد انا اديتو لي ابوي نور انا انكسرته يوم خليت دموع ابوي تنزل انا متهه في اللحظة اللي طلعت من ابوي كلمه انت م ولدي💔 حسيت اني عايز ابعد بس حبيت ابعد عن الحقيقه المره دي واهرب منها عشان م احس اني فعلا يتيم لوميني وشاكليني قدر م تقدري بس م تقولي انكم هُنتو علي قلته ليهو برضو م بشفع ليك ي اسامهه م بشفع ليك غيابك انت م عارف الحصل لينا من بعدك انت م عارف حاجه بابا.. فجأه قطع كلامي صوت بقول نور 😭اتلفته وراي لقيتها هي م غيرها لين قلته ليها لينهه كانت شايله شافع في ايدها حسيت اني مصدومه عاينته ليها وللشافع ولي اسامهه وانا بحاول استوعب فعلا انه القدامى دا ولدهم وانا عمتو رجعته اتلفته على اسامه وانا مبتسمه والدموع في عيوني كأني بحاول اتأكد هزا لي راسهه وقال لي دا عماد وقتها بالجد كنت ضحيه الصدفه م عارفه ابكي ولا افرح ولا اضحك احضن الولد ولا احضن لينهه مشيت باتجاهم خطوات بطيئه اسامه جاء شال الولد وانا فضلته حاضنه لينه وببكي وهي بتبكي معاي بعدها شلته الولد من اسامهه وقعدت في الأرض حضنته وانا ببكي وبسلم عليهو قلته ليهو عماد الصغير ي ريت لو عماد الكبير كان قادر يشوفك ي ريت لو قادر يسمع صوتك ويلعب ويجري معاك كان حينبسط شديد انا متأكده كان حيحبك حتى اكتر مني ي ريت 😭اسامهه جاء علي بي خوف ومسكني من اكتافي وهزاني قال لي نور انت بتقولي في شنو ابوي مالو فضلته ببكي وانا حاضنه الولد اسامه رفع راسي وقال لي نور بتكلم معاك انا ابوي مالو وليه بتقولي الكلام الفارغ دا ابوي كويس صح ما حاصله معاهو حاجه ي نور وانت كيف مسكتي اداره الحسيني وقال لي بصرخه ابوي مالو انا بتكلم معاك ابوي مالو وانت وصلتي هنا كيف اصلا انطقي بكيت بحرقهه وقلته ليهو بصوت عالي بابا اتشلى ي اسامهه بابا في غيبوبه اكتر من ثلاته شهور بابا م بتحرك ولا بتكلم ي اسامهه 😭اسامه فك ايدي ومشى مني خطوتين بعدها وقع بي ركبهه على الأرض بي عدم استيعاب  اما لينه فكانت واقفه ودموعها م وقفت قالت لي لااله الا الله محمد رسول لاحول ولا قوة الا بالله كيف الكلام دا ي نور م رديت عليها وقلته لي اسامهه نحن انهرنا من بعدك  نحن تعبنا من بعدك ليه خليتنا ومشيت 💔قال لي والدموع في عيونو نور كيف حصل مع ابوي كدا! ؟بسببي صاح حصل معاهو كدا بسببي صاح انا السبب في كدا صاح  انا الوصلته ابوي مرحله زي دي زدته في البكاء زياده وم رديت عليهو قام على حيله وهو بخت ايديهو الاتنين على راسه ومسح وشو وقال بصوت عالي ي الله ودموعو ملت وشو تاني لينه قالت ليهو اسامه اهدا عليك الله ي جماعه كفايه نحن في الشارع خلونا نمشي البيت وكملو كلامكم هناك الله يرضى عليكم شالت المفتاح من ايد اسامهه وجابت العربيه قومتني من الأرض وشالت مني الولد ركبته العربيه ومسكتني عماد في رجولي اما اسامهه فما كان قادر يقول حاجه غير عيونه القلبت دم ودموعو الما راضيه تقيف لينه مسكتو من أيدو وركبته جمبي وساقت العربيه واتحركنا على بيتهم.....